კეზერაშვილ

„ნაციონალური მოძრაობის“ ხელისუფლებაში არსებობდა დღის მთავრობა, მშვიდობისმყოფელების მთავრობა ზურაბ ჟვანიას ხელმძღვანელობით და ღამის მთავრობა, ე.წ. ქორები, მილიტარისტულად განწყობილი ადამიანები, ადეიშვილი, მერაბიშვილი და კეზერაშვილი“ - თეა წულუკიანი

"როგორც გოგა ხაინდრავამ განაცხადა, მაშინდელ მთავრობაში არსებობდა დღის მთავრობა, მშვიდობისმყოფელების მთავრობა ზურაბ ჟვანიას ხელმძღვანელობით და ღამის მთავრობა, ე.წ. ქორები, მილიტარისტულად განწყობილი ადამიანები, ადეიშვილი, მერაბიშვილი და კეზერაშვილი, რომლებიც მიხეილ სააკაშვილთან რეზიდენციაში ღამით იკრიბებოდნენ", - ამის შესახებ პარლამენტის დროებითი საგამოძიებო კომისიის ხელმძღვანელმა, თეა წულუკიანმა, აგვისტოს ომზე და კომისიის დასკვნაზე საუბრიას, "რუსთავი 2"-ის ეთერში, გადაცემაში "ისტორია დეტალებში" განაცხადა.მისი თქმით, კომისიაზე გამოკითხული პირები მიუთითებდნენ, რომ "ნაციონალური მოძრაობის" მმართველობის პერიოდში ხელისუფლებაში არსებობდა, როგორც მშვიდობისმყოფელთა, ასევე, მილიტარისტულად განწყობილი ჯგუფი."ზურაბ ჟვანიას როლი, ბევრმა პირმა - გოგა ხაინდრავამ, მისმა მაშინდელმა მოადგილემ გიორგი ვოლსკიმ და სხვა პირებმა გამოყვეს, როგორც პოზიტიური და მშვიდობისმყოფელი. შესაბამისად, როდესაც გოგა ხაინდრავა და მისი მოადგილე, გიორგი ვოლსკი ხელშესახებ წარმატებებს აღწევდნენ, როგორც ცხინვალის რეგიონში, ასევე, ოკუპირებულ აფხაზეთში, იყო მოკრძალებული შედეგები იმისა, რომ გარკვეული წლების შემდეგ ნდობა აღდგენილიყო. ეს მშვიდობისმყოფელთა ჯგუფი, რომელშიც არ უნდა გამოგვრჩეს მაშინდელი აფხაზეთის ავტონომიური რესპუბლიკის მთავრობის მეთაური ირაკლი ალასანიაც, პატარა, მაგრამ მნიშვნელოვანი ჯგუფი, გარკვეულად სწორედ ზურაბ ჟვანიას მფარველობის ქვეშ იყო.როგორც გოგა ხაინდრავამ განაცხადა, მაშინდელ მთავრობაში არსებობდა დღის მთავრობა, მშვიდობისმყოფელების მთავრობა ზურაბ ჟვანიას ხელმძღვანელობით და ღამის მთავრობა, ე.წ. ქორები, მილიტარისტულად განწყობილი ადამიანები, ადეიშვილი, მერაბიშვილი და კეზერაშვილი, რომლებიც მიხეილ სააკაშვილთან რეზიდენციაში ღამით იკრიბებოდნენ. მათი გეგმები გასაგებია, რომ არ უკავშირდებოდა მშვიდობას და არც დღეს არ უკავშირდება მშვიდობას. ეს არის ძალა, რომელიც ზუსტად ისეთივეა, როგორიც იყო ხელისუფლების დროს. ის არავითარ შემთხვევაში არ შეცვლილა და მას აქვს იგივე ხედვები და მიზნები საქართველოს მომავალთან დაკავშირებით. ეს გეგმები არის დესტაბილიზაცია, მშვიდობიანობის მორღვევა და კონსტიტუციური წყობილების მორყევა", - განაცხადა თეა წულუკიანმა.ცნობისთვის, 2003-2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე, საქმიანობის შემსწავლელმა საქართველოს პარლამენტის დროებითმა საგამოძიებო კომისიამ 460-გვერდიანი დასკვნა გამოაქვეყნა, სადაც 2008 წლის აგვისტოს ომზეც არის საუბარი.

პოლიტიკა • 1757098605

სამი გენერალი აცხადებდა, რომ მერაბიშვილის და კეზერაშვილის ხელმძღვანელობით, სამხედროების წლების განმავლობაში ჩამოყალიბებული გეგმა დაიწუნეს, გადაწყვიტეს პასუხისმგებელი არა თავდაცვის ძალები, არამედ შს სამინისტრო ყოფილიყო - თეა წულუკიანი აგვისტოს ომზე

პარლამენტის დროებითი საგამოძიებო კომისიის ხელმძღვანელის, თეა წულუკიანის განცხადებით, კომისიაზე მყოფმა გენერლებმა დაადასტურეს, რომ 2008 წლის აგვისტოში, ქართული ჯარი სამხედრო საქმისგან შორს მყოფი პოლიტიკოსების მიერ მართულ ომში აღმოჩნდა.წულუკიანის თქმით, იმდროინდელმა ხელისუფლების წარმომადგენლებმა გადაწყვიტეს, რომ სამხედრო პირების მიერ შეთავაზებული და ცხინვალში ქართული ჯარის მსვლელობაზე პასუხისმგებელი არა თავდაცვის შეიარაღებული ძალები, არამედ შინაგან საქმეთა სამინისტრო ყოფილიყო. ამის შესახებ თეა წულუკიანმა "რუსთავი 2"-ის ეთერში, რეზო ჭიჭინაძის საავტორო გადაცემაში - "ისტორია დეტალებში" ისაუბრა."სამი გენერალი, რომელიც ჩვენ გამოვკითხეთ, საქმე ეხება ზაზა გოგავას, მამუკა ყურაშვილსა და მამია ბალახაძეს, ეს უკანასკნელი გახლდათ და მიიჩნევა, რომ არის ამ სამ გენერალს შორის ყველაზე მეტად გამოცდილი და კომპეტენტური (სახმელეთო ჯარების სარდალი გახლდათ მაშინ), ისიც და დანარჩენი ორი პირიც, კომისიის წინაშე ფაქტებით აცხადებდა, რომ თათბირზე, რომელიც შედგა ვანო მერაბიშვილის(ის ამ დროს, შინაგან საქმეთა მინისტრი იყო) და კეზერაშვილის (რომელიც ამ დროს, თავდაცვის მინისტრი იყო) ხელმძღვანელობით, სამხედრო პირების მიერ შეთავაზებული და მრავალი წლის განმავლობაში შემუშავებული, გადაკეთებული, ჩამოყალიბებული, გაუმჯობესებული გეგმა იქნა დაწუნებული. მასში იქნა ცვლილებები შეტანილი სწორედ ორი მინისტრის მიერ, მიხეილ სააკაშვილთან შეთანხმებით და სწორედ პოლიტიკოსებმა გადაწყვიტეს, რომ გეგმა შეცვლილიყო და ძირითად მიმართულებაზე, როგორც სამხედროები უწოდებენ ამას, ცხინვალში ქართული ჯარის მსვლელობაზე, პასუხისმგებელი არა თავდაცვის შეიარაღებული ძალები, არამედ შინაგან საქმეთა სამინისტრო და კერძოდ, ვანო მერაბიშვილის მოადგილე, შალვა ჯანაშვილი ყოფილიყო. ეს სრულიად გაუგებარი, გაუგონარი რამ არის და ეს დაადასტურეს სამხედროებმაც", - აღნიშნა თეა წულუკიანმა გადაცემაში სტუმრობისას.ცნობისთვის, 2003-2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე, საქმიანობის შემსწავლელმა საქართველოს პარლამენტის დროებითმა საგამოძიებო კომისიამ 460-გვერდიანი დასკვნა გამოაქვეყნა, სადაც 2008 წლის აგვისტოს ომზეც არის საუბარი.

სამართალი • 1755356911

ომის დაწყებიდან დღემდე უკრაინაში დავით კეზერაშვილთან დაკავშირებული ონლაინ-კაზინო ათობით მილიონის მოგებას იღებს

შპს „NAITIVE APPS“ უკრაინის აზარტულ ბიზნესში 2022 წლიდან, Super Gra-ს ბრენდის ქვეშ ოპერირებს. კომპანიის დამფუძნებელი მიხეილ სააკაშვილის ადმინისტრაციის ყოფილი უფროსი, რუსეთში საქართველოს ყოფილი ელჩი ირაკლი ჩუბინიშვილია, თუმცა ამჟამად ბენეფიციარ მესაკუთრედ დავით კეზერაშვილის ბიზნეს პარტნიორი, ბექა პაატაშვილია მითითებული.ოფიციალური დოკუმენტებით ირკვევა, რომ ამავე კომპანიის ხელმძღვანელი და მეწილე იყო ნატალია ივანოვნა პანჩენკოც. იგივე პიროვნება 2019 წელს მართავდა შპს PROJECT PARTNERS-ს, რომლის ბენეფიციარი მესაკუთრე დავით კეზერაშვილია. 2025 წლის მხოლოდ პირველი ორი კვარტლის ფინანსური ანგარიშის მიხედვით, დავით კეზერაშვილთან დაკავშირებული კომპანიის შემოსავალი 2 483 819 800 უკრაინული გრივნაა, წმინდა მოგება - 127 637 300 გრივნა. 2024 წელს შემოსავალი 4 685 749 900 გრივნა, 2023 წელს კი 604 794 200 გრივნა იყო.

პოლიტიკა • 1753958734

ვოლსკი: ხაბეიშვილი ხედავს, რომ ჩამორჩა მათ ვინც პოლიტიკური ბრძოლის წინა ხაზზე არიან. აღარც კეზერაშვილს ახსოვს. გადაწყვიტა, რომ თავი გამოიჩინოს. უბედურება იმაშია, რომ ხაბეიშვილის წყალი გადაესხა ყველაფერს ოპოზიციურ სპექტრში

თვითმმართველობის არჩევნების მოახლოებასთან ერთად ოპოზიციაში დაძაბულობის ტემპერატურა იმატებს.ოპოზიციონერი პოლიტიკოსები ერთმანეთს უკვე ღიად უპირისპირდებიან და საჯაროდ გაკეთებული განცხადებების გამო აკრიტიკებენ.„ნაციონალური მოძრაობაში“ კი ამავე პარტიის წევრები ლევან ხაბეიშვილს ბრძოლის სტრატეგიას უწუნებენ.პარლამენტის ვიცე-სპიკერი გიორგი ვოლსკი აცხადებს, რომ ოპონენტები ირჩევენ არა დემოკრატიას, არამედ სურთ ხალხის მიერ არჩეული ხელისუფლების ძალადობრივი გზით შეცვლა.„ხაბეიშვილი ხედავს, რომ ჩამორჩა ამ გოგონებსაც და ბიჭებსაც, რომლებიც აი, ამ პოლიტიკური ბრძოლის წინა ხაზზე არიან. აღარც კეზერაშვილს ახსოვს და გადაწყვიტა, რომ თავი გამოიჩინოს გარკვეული მიმართულებით საკუთარი პოზიციის, საკუთარი ნიშის მოძებნით. ეს აშკარაა. ამას არ სჭირდება დიდი საზრიანობა, რომ დავინახოთ, სად არის ლევან ხაბეიშვილი და საერთოდ რას წარმოადგენს. მაგრამ უბედურება იმაშია, რომ ლევან ხაბეიშვილის წყალი გადაესხა ყველაფერს ოპოზიციურ სპექტრში და ჩამოყალიბდა ასეთი დიდი „კოლექტიური ნაცმოძრაობა“, სადაც ექსტრემიზმი არის წახალისებული“, - განაცხადა გიორგი ვოლსკიმ.

პოლიტიკა • 1753871880

რატი იონათამიშვილი „ნაცმოძრაობის“ პოლიტსაბჭოს წევრის დაკავებაზე: „ნაციონალური მოძრაობა“ არის კრიმინალური სინდიკატი, შესაბამისად ამ პარტიის წევრების მხრიდან კრიმინალური საქმიანობა საზოგადოებას ნამდვილად არ უკვირს

ნაციონალური მოძრაობა არის კრიმინალური სინდიკატი, შესაბამისად ამ პარტიის წევრების, მით უმეტეს პოლიტსაბჭოს წევრების მხრიდან კრიმინალური საქმიანობა საზოგადოებას ნამდვილად არ უკვირს, - განაცხადა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, რატი იონათამიშვილმა.დეპუტატი გამოეხმაურა „ერთიანი ნაციონალური მოძრაობის“ პოლიტიკური საბჭოს წევრის, ლაშა ცანავას დაკავებას.„აქ საინტერესო არის ასევე, რომ ეს ბატონი ბრძანდება ნაციონალური მოძრაობის მსხვილი შემომწირველი და როგორც ჩანს, კრიმინალური გზით ნაშოვნი ფულით და ესეც არ გვიკვირს; საზოგადოებას შევახსენებ, რომ ნაციონალური მოძრაობა და რადიკალური ოპოზიცია არის ზუსტად ის კრიმინალური სინდიკატი, რომელიც იკვებება კეზერაშვილის თანხებიდან, რომელიც ძარცვავდა ქართულ ჯარსა და ევროპელ პენსიონერებს. ეს არის მთლიანად სახე ნაციონალური მოძრაობის, რადიკალური ოპოზიციისა და იმ ადამიანების, ვინც დღეს ებრძვიან და მტრობენ ჩვენს ქვეყანას“, - აცხადებს იონათამიშვილი.ანტიკორუფციული სააგენტოს თანამშრომლებმა თაღლითობის ბრალდებით „ნაცმოძრაობის“ პოლიტსაბჭოს წევრი დააკავეს.

პოლიტიკა • 1753869120

რატი იონათამიშვილი: „ნაციონალური მოძრაობა“ კრიმინალური სინდიკატია, ლაშა ცანავა ამ პარტიის მსხვილი შემომწირველია, როგორც ჩანს, კრიმინალური გზით ნაშოვნი ფულით

„ნაციონალური მოძრაობა“ კრიმინალური სინდიკატია, ლაშა ცანავა ამ პარტიის მსხვილი შემომწირველია, როგორც ჩანს, კრიმინალური გზით ნაშოვნი ფულით, – ამის შესახებ საპარლამენტო უმრავლესობის წევრმა, რატი იონათამიშვილმა განაცხადა.მისივე თქმით, საზოგადოებისთვის გასაკვირი არ არის „ნაციონალური მოძრაობის“ წევრების კრიმინალური ქმედებები.„ნაციონალური მოძრაობა“ კრიმინალური სინდიკატია, შესაბამისად კრიმინალური საქმიანობა ამ პარტიის წევრების, მით უმეტეს პოლიტსაბჭოს წევრების მხრიდან ჩვენს საზოგადოებას ნამდვილად არ უკვირს. აქ საინტერესოა, რომ ეს ბატონი „ნაციონალური მოძრაობის“ მსხვილი შემომწირველი ბრძანდება და როგორც ჩანს, კრიმინალური გზით ნაშოვნი ფულით. ესეც არ გვიკვირს, საზოგადოებას გავახსენებ, რომ „ნაციონალური მოძრაობა“ და რადიკალური ოპოზიცია ზუსტად ის კრიმინალური სინდიკატია, რომელიც იკვებება კეზერაშვილის თანხებით, რომელიც ძარცვავდა ქართულ ჯარსა და ევროპელ პენსიონერებს. ეს არის მთლიანად სახე „ნაციონალური მოძრაობის“, რადიკალური ოპოზიციის და იმ ადამიანების, ვინც დღეს ჩვენს ქვეყანას ებრძვიან და მტრობენ“, – განაცხადა იონათამიშვილმა.ცნობისთვის, სუს-მა ბინადრობის ნებართვის სანაცვლოდ უცხო ქვეყნის მოქალაქის ფულადი თანხის მოტყუებით დაუფლების ფაქტზე „ნაციონალური მოძრაობის“ პოლიტიკური საბჭოს წევრი, ლაშა ცანავა დააკავა.

პოლიტიკა • 1753439563

არჩილ გორდულაძე: საინტერესოა, ლევან ხაბეიშვილი კორუფციას რომ „ებრძვის“, 200 ათასი საიდან იშოვა, ალბათ ქონებები აქვს მიღებული, როცა კეზერაშვილის ხელდასმით „ნაცმოძრაობის“ ე.წ. თავმჯდომარე იყო

საინტერესოა, კორუფციას რომ „ებრძვის“ ლევან ხაბეიშვილი, 200 ათასი საიდან იშოვა, – ამის შესახებ პარლამენტის იურიდიულ საკითხთა კომიტეტის თავმჯდომარე არჩილ გორდულაძემ განაცხადა.გორდულაძის შეფასებით, ხაბეიშვილი რაც უფრო მეტ განცხადებას გააკეთებს, კიდე უფრო სასაცილო გამოჩნდება.„საინტერესოა, ლევან ხაბეიშვილი კორუფციას რომ „ებრძვის“, 200 ათასი საიდან იშოვა?! როგორ აპირებს ამ ყველაფრის მოძიებას? ეს ნახევრად ხუმრობით. ალბათ მიღებული აქვს რაიმე ქონებები მაშინ, როდესაც კეზერაშვილის ხელდასმით კოლექტიური „ნაცმოძრაობის“ ე.წ. თავმჯდომარე იყო. კომიკური ადამიანია. ამ ადამიანზე განცხადების სერიოზულად გაკეთება შეუძლებელია. ბატონმა ანიტამ, უკაცრავად, ბატონმა ლევან ხაბეიშვილმა თავის თავს მიხედოს. რაც უფრო მეტ განცხადებას გააკეთებს, საზოგადოების თვალში კიდე უფრო მეტად სასაცილო გამოჩნდება“, – განაცხადა გორდულაძემ.„ნაციონალური მოძრაობის“ წევრმა, ლევან ხაბეიშვილმა განაცხადა: „მივმართავ ძალოვან უწყებებს, განსაკუთრებით განსაკუთრებულ დავალებათა დეპარტამენტის თანამშრომლებს, ვინც არ მიიღებთ მონაწილეობას დარბევაში, 200 ათას დოლარს მიიღებთ, სხვა თანამშრომლებსაც, ვინც სისტემას ამხელს, უნდა მივცეთ ეს თანხა“.

პოლიტიკა • 1752133993

ირაკლი ზარქუა: ევროპარლამენტი დაცლილია ღირებულებებისგან, მათ ლიდერებს კორუფციაში აქვთ საქმე, მეორე ნაწილი ბრალს სდებს ევროკომისიის პრეზიდენტს და იცლიან, რომ ჩვენი ქვეყანა გააშავონ

ევროპარლამენტი დაცლილია ღირებულებებისგან, მათ ლიდერებს კორუფციაში აქვთ საქმე, მეორე ნაწილი ბრალს სდებს ევროკომისიის პრეზიდენტს და იცლიან, რომ ჩვენი ქვეყანა გააშავონ, – ამის შესახებ საპარლამენტო უმრავლესობის წევრმა, ირაკლი ზარქუამ განაცხადა.ზარქუას თქმით, ევროპარლამენტის მიერ გუშინ მიღებულ რეზოლუციაში სიგიჟეები წერია.„რაისა კომუნისტკა დავარქვი, რადგან საბჭოთა კავშირი როცა დაინგრა, რაისა გორბაჩოვთან ერთად ახალ პოლიტიკურ სისტემას გვთავაზობდა და თანამშრომლობდა, დღეს დემოკრატიის შუქურად, მორალის წამკითხველად გვევლინება. სინამდვილეში, ყველამ იცის ეს, მათ შორის ლიეტუვაში, თავის ქვეყანაში. ჩვეულებრივი კომუნისტი ქალი იყო, აქტიური, მამალი კომუნისტკა და ახლა დემოკრატიის ღირებულებებს ქადაგებს. რაც შეეხება მის გიჟობებს, ეტყობა, ლობისტურმა ორგანიზაციებმა რაისათი ჩაანაცვლეს კუბილიუსი, რომელიც ჩვენს ქვეყანას აშავებდა, „ნაცების“ მეგობარი იყო. ყველაფერზე აწერს ხელს – რა სიგიჟეები წერია. ჯერ რეზოლუციაში ჩაგვიწერა, თურმე სააკაშვილი პოლიტპატიმარია, წინა რეზოლუციებში ამას დაამატეს, რომ კეზერაშვილი მედიამენეჯერი იყო და დევნაში იმყოფებოდა. ახლა რეალობის გაყალბების ახალი მცდელობაა, თურმე ჟურნალისტს, რომელმაც სილა გაულაწუნა პოლიციელს, შეურაცხყოფა მიაყენეს, გალახეს და იძულებული გახდა, თავი დაეცვა. შეატრიალეს, თითქოს პირიქით იყო. ასე ცდილობენ, ამ ფორმულირებით გაიტანონ, ერთმანეთს ატყუებენ. ჯერ ცარიელ კაბინეტში ჰქონდათ დებატები საქართველოზე და რაღაც სისულელეები ილაპარაკეს, შემდეგ გაიტანეს. 700-მდე ევროდეპუტატია, ყველა ხომ არ არის სიღრმისეულად ჩახედული თემებში და იქ როცა გააჟღერებ, რომ ჟურნალისტი იცემა, დააკავეს, ეს უკვე ყურს ჭრის. სინამდვილეში, არის ჟურნალისტი, რომელიც ძალადობდა პოლიციელზე და ამაზე მიმდინარეობს გამოძიება. ევროპარლამენტი დაცლილია ევროპული ღირებულებებისგან, სიმართლისგან, ჭეშმარიტი მიდგომისგან, რომელიც ადამიანის უფლებებს იცავს. მათ ლიდერებს კორუფციაში აქვთ საქმე და სასამართლო იძიებს. ევროპარლამენტის მეორე ნაწილი ბრალს სდებს ევროპარლამენტის ხელმძღვანელობას და ევროკომისიის პრეზიდენტს, მის მოადგილეებს, რომ ადამიანის უფლებებს არღვევენ. თუ არ ვცდები, დღეს საერთოდ იმპიჩმენტი აქვთ ურსულა ფონ დერ ლაიენის. ამ მოცემულობაში იცლიან, რომ ჩვენი ქვეყანა გააშავონ, შიდა საქმეებში ჩაერიონ, რატომ? ერთადერთი მიზანი და მახასიათებელია, რომ გარკვეული ჯგუფები, ლობისტური ორგანიზაციები აფინანსებენ ამ ტექსტებს, უსამშობლო კომუნისტებს და ბოლშევიკებს, რომლებიც იქ არიან მოკალათებული, რათა ჩვენი ქვეყანა გააშავონ“, – განაცხადა ირაკლი ზარქუამ.

პოლიტიკა • 1751985960

რამაზ საყვარელიძე: ხალხში მძაფრი სურვილია იმის, რომ საქართველოში არეულობა არ იყოს და არ მოხდეს რევოლუცია

ხალხში მძაფრი სურვილია იმის, რომ საქართველოში არეულობა არ იყოს და არ მოხდეს რევოლუცია, - განაცხადა პოლიტოლოგმა რამაზ საყვარელიძემ „დღის ქრონიკაში“ ლონდონში კეზერაშვილისა და ოპოზიციის წარმომადგენლების შეხვედრის შესახებ საუბრისას.წამყვანმა მას ჰკითხა რა არის საჭირო რევოლუციისთვის და მხოლოდ სანქციები და ფული საკმარისია თუ არა.„ხალხში მძაფრი სურვილია იმის, რომ საქართველოში არეულობა არ იყოს და არ მოხდეს რევოლუცია. ბევრი არეულობა ვიგემეთ. ახალი არეულობის მიმართ რამდენად ცოტაც არ უნდა დარჩეს სიმშვიდის მხარდამჭერი, სიმშვიდის მხარდაჭერა თავგანწირული იქნება. ეს უნდა იცოდნენ მათ, ვისაც არეულობა უნდა“, - აღნიშნა საყვარელიძემ.არსებული ინფორმაციით, „ნაციონალური მოძრაობის“ თავმჯდომარე თინა ბოკუჩავა დავით კეზერაშვილთან გაემგზავრა.

პოლიტიკა • 1751985060

დავით მათიკაშვილი კეზერაშვილთან ოპოზიციის შეხვედრაზე: გაზომავენ, გამოზომავენ საზოგადოების ნდობას და კოლექტიური „ნაცმოძრაობის" ყულაბად ქცეული კეზერაშვილი ადგება და ვიღაცებს დააფინანსებს

გაზომავენ, გამოზომავენ საზოგადოების ნდობას და კოლექტიური „ნაცმოძრაობის" ყულაბად ქცეული და იქამდეც მყოფი კეზერაშვილი ადგება და ვიღაცებს დააფინანსებს,- განაცხადა საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა „დღის ქრონიკაში" ლონდონში კეზერაშვილისა და ოპოზიციის წარმომადგენლების შეხვედრის შესახებ საუბრისას.მისივე თქმით, ბუნებრივია, რომ არჩევნების მოახლოება ფინანსურ-მატერიალური თვალსაზრისით ყველასთვის ჯიბეში ორი კაპიკის ჩაჩხრიალების გზა და შესაძლებლობაა.„სირცხვილი ამ ერთ დროს დემოკრატიის წიაღად მყოფ ქვეყანას, დიდ ბრიტანეთს, სადაც კრიმინალ კეზერაშვილს აქვს შესაძლებლობა, რომ თავისუფლად იაროს, იყოს და თავიდან თმა არ ჩამოუვარდეს. მერე ეს ქვეყანა დემოკრატიას გვასწავლის, რაღაცებს გვეუბნება, გვითითებს ისეთ საკითხებს, რომელიც მართლა გასულია ყოველგვარი დემოკრატიის საზღვრებიდან.რაც შეეხება რადიკალებს, მოახლოვდა არჩევნები და ბუნებრივია, რომ არჩევნების მოახლოება ფინანსურ-მატერიალური თვალსაზრისით ყველასთვის, მატერიალურად, ჯიბეში ორი კაპიკის ჩაჩხრიალების გზა და შესაძლებლობაა. ჩვენ ისიც ვნახეთ „ნაცებს" და „ლელოს" შორის რომ ყოფილა ვაჭრობა აღებ-მიცემობის შესახებ, რომ აგერ ჩვენ ამდენს მოგცემთ და თქვენ ცოტა „ლაითად“ გაგვაკრიტიკეთო. ახლა რა ხდება ლონდონში, შეხვდებიან, რა თქმა უნდა, რადიკალებს, გაზომავენ, გამოზომავენ საზოგადოების ნდობას და კოლექტიური „ნაცმოძრაობის" ყულაბად ქცეული და იქამდეც მყოფი კეზერაშვილი ადგება და ვიღაცებს დააფინანსებს, არ დააფინანსებს, ვიღაცას რაღაცას მოსთხოვს, ვიღაცას ისე მისცემს ამ თანხებს, ვიღაცას ხელწერილს დააწერინებს და ა.შ. ფაქტია, რომ ამისთვის მიდიან, აბა რა უნდათ დავით კეზერაშვილთან მოახლოებული თვითმმართველობის არჩევნების ფონზე?!“,- აღნიშნა მათიკაშვილმა.

პოლიტიკა • 1751961949

გია ბარამიძე: „ნაციონალურ მოძრაობას“ ან სხვა პატრიოტულ პარტიას ვინც არ უნდა დაეხმაროს, დავით კეზერაშვილი იქნება თუ ნებისმიერი სხვა, ამას მხოლოდ მივესალმებით

თინა ბოკუჩავა, პეტრე ცისკარიშვილი და ლევან სანიკიძე იმყოფებიან ლონდონში, სადაც სერიოზული მოლაპარაკებები ექნებათ, – ამის შესახებ „ნაციონალური მოძრაობის“ წევრმა, გია ბარამიძემ განაცხადა.ბარამიძეს კითხვა დაუსვეს გავრცელებულ ინფორმაციაზე, რომლის მიხედვითაც, თინა ბოკუჩავა, პეტრე ცისკარიშვილი და ლევან სანიკიძე დიდ ბრიტანეთში დავით კეზერაშვილს შეხვდებიან.„ჩვენი ბრძოლის გზა არის საერთაშორისო ასპარეზზე ბრძოლის გაგრძელება, რათა ამ რეჟიმს დაედოს სანქციები. მაგალითად, ამ წუთებში ჩვენი ხელმძღვანელები, ლიდერები იმყოფებიან დიდ ბრიტანეთში. მათ სერიოზული მოლაპარაკებები ექნებათ, რომ დიდმა ბრიტანეთმა სანქციები დაუწესოს პირადად ბიძინა ივანიშვილსა და მის ბანდას. დიდი ბრიტანეთის როლი და მნიშვნელობა ყველას კარგად ესმის. თინა ბოკუჩავა, პეტრე ცისკარიშვილი და ლევან სანიკიძე იმყოფებიან ლონდონში“, – განაცხადა გია ბარამიძემ.კითხვაზე, იგეგმება თუ არა კეზერაშვილთან შეხვედრა და დონაციის თხოვნა პარტიული ფინანსებისთვის, ბარამიძემ აღნიშნა:„რა ინფორმაცია მაქვს, ეს არის, რისთვისაც არიან. მაგალითად, პეტრე ცისკარიშვილს მეგობრული ურთიერთობა აქვს დავით კეზერაშვილთან, განურჩევლად იმისა, დავით კეზერაშვილი ჩვენ პარტიას ეხმარებოდა თუ – არა. სამწუხაროდ, მან შეწყვიტა „ნაციონალური მოძრაობის“ მხარდაჭერა. ჩვენ მივესალმებით დავით კეზერაშვილი თუ ნებისმიერი სხვა დაეხმარება „ნაციონალურ მოძრაობას“, რომელსაც რესურსების უქონლობის გამო ცენტრალური ოფისის გაყიდვა მოუწია და იმიტომ ვართ ახლა ამ ოფისში. ბუნებრივია, არაერთხელ გვითქვამს, მხოლოდ მივესალმებით, თუ ნებისმიერი ადამიანი, ვინც არ უნდა იყოს, დაეხმარება „ნაციონალურ მოძრაობას“, დაეხმარება პატრიოტულ პარტიებს, ქართველ ხალხს, რომ მშვიდობიანად, არაძალადობრივი მეთოდებით, მაგრამ პრინციპულად ბოლომდე ებრძოლოს რუსეთის მე-5 კოლონას საქართველოში, მოღალატეობრივ, კრიმინალურ ბანდას, რომელიც მოკალათებულია საქართველოს ხელისუფლებაში. გითხარით, რატომაც არიან ჩვენი ლიდერები ლონდონში. არა მარტო ჩვენი ლიდერები მუშაობენ ამ მიმართულებით. ფიზიკურად სხვები არიან თუ არა, არ ვიცი, არ მგონია. ლიდერთა უმრავლესობა, პარტიების ხელმძღვანელები ციხეში სხედან, მიხეილ სააკაშვილთან ერთად. ჩვენი დელეგაციის მიზანია შეხვედრა ბრიტანეთის პოლიტიკურ ძალებთან, რომლებსაც დიდი ხანია, ვთხოვთ და ახლა უშუალო შეხვედრები შედგება, რომ ამ მოღალატეობრივ, კრიმინალურ ბანდას სანქციები დაუწესონ. რაიმე სხვა შეხვედრებიც თუ იქნება ნებისმიერ ადამიანთან, ვინც არ უნდა იყოს, რომელიც დაეხმარება „ნაციონალურ მოძრაობას“ საქართველოს გადასარჩენად კრიმინალური, მოღალატური რეჟიმის, რუსული რეჟიმის წინააღმდეგ ბრძოლაში, მხოლოდ მადლობელი ვიქნებით. ვინც არ უნდა იყოს, ვინც არ უნდა დაგვეხმაროს, ეს იქნება საქართველოს დახმარება. ვინც არ უნდა დაეხმაროს „ნაციონალურ მოძრაობას“ ან სხვა პატრიოტულ პარტიას, ჩვენ ამას მხოლოდ მივესალმებით“.

პოლიტიკა • 1751918627

VIDEO: „თავისუფალ სივრცეში“ ვახო ხუზმიაშვილის კითხვებს სევდია უგრეხელიძე პასუხობს

„- თუ ვინმემ დააშავა არ უნდა დააკავონ?- ერთ ღამეში დაანგრიეს რიყეზე რა რესტორნებიც იყო, თაბუკაშვილზე რომ კორპუსი დაანგრიეს და ეს ნორმალური იყო? კანონის სახელით ხდებოდა უკანონობები- კეზერაშვილი როგორ გამდიდრდა? მძღოლი იყო და მილიონერი მინისტრი გახდა- გიული ალასანიამ ტექნიკური უნივერსიტეტის შენობა კანონიერად შეიძინა?- 2004 წელს ტელევიზიაში შემოგვივარდნენ და რა ხდებოდა? უკანონობები როგორ ახდებოდა?!“, - ამ და სხვა საინტერესო კითხვებს „ერთიანი ნაციონალური მოძრაობის“ პოლიტიკური საბჭოს წევრი სევდია უგრეხელიძე გადაცემა „ვახო ხუზმიაშვილის თავისუფალ სივრცეში“ პასუხობს.