კახა კალაძე

კახა კალაძე უფასო სასადილოებზე: ჩვენთვის მნიშვნელოვანია, რომ მოქალაქეებს კვების პრობლემა არ შეექმნათ, ხალხს მშიერს ვერ დავტოვებთ

თბილისის მერის კახა კალაძის განმარტებით, მუნიციპალიტეტისთვის მნიშვნელოვანია, რომ უფასო სასადილოების ბენეფიციარებს კვების თვალსაზრისით პრობლემა არ შეექმნათ და საკვებით მომარაგების პროცესი უწყვეტად მიმდინარეობდეს.როგორც მერმა ჟურნალისტებს შესაბამისი კითხვის პასუხად განუცხადა, ამ ეტაპზე გამოცხადებულია ბაზრის კვლევა და პოტენციური მომწოდებლის გამოვლენისთანავე, შეწყდება მოქმედი ხელშეკრულება არსებულ კომპანიასთან და იგი ჩანაცვლდება ალტერნატიული მომწოდებლით.„ჩვენ ვმოქმედებთ კანონის შესაბამისად. როგორც კი გვეყოლება ახალი კომპანია, მაშინვე შეუწყდება ხელშეკრულება აღნიშნულ კომპანიას. ჩვენთვის მნიშვნელოვანია, რომ პროცესი შეუწყვეტლად მიმდინარეობდეს ანუ მოქალაქეებს კვების თვალსაზრისით პრობლემა არ შეექმნათ, რადგან საუბარია ყველაზე გაჭირვეულ ფენაზე, სოციალურად დაუცველ ადამიანებზე. შესაბამისად, გამოცხადებული გვაქვს ინტერესთა გამოხატვა, ბაზრის კვლევა და როგორც კი გვეყოლება ახალი კომპანია, ძველს მაშინვე შეუწყდება ხელშეკრულება“, - განაცხადა კახა კალაძემ.

დედაქალაქი • 1776339897

მდინარე დიღმურაზე არსებული საავტომობილო ხიდის დემონტაჟი დაიწყო

სოფელ დიღომში, მდინარე დიღმურაზე არსებული საავტომობილო ხიდის დემონტაჟი დაიწყო.ადგილზე დედაქალაქის მერი მოადგილესთან ირაკლი ბენდელიანთან ერთად იმყოფებოდა.„არსებული ხიდი ავარიულ მდგომარეობაშია. პირველ რიგში, მოხდება მისი დემონტაჟი. პროექტის მიხედვით, გაკეთდება ტროტუარები, რაც აქამდე არ არსებობდა. დაახლოებით, ხუთი თვე დასჭირდება სამუშაოებს. ამ დროში შეიქმნება გადაადგილებასთან, ხმაურთან დაკავშირებული დისკომფორტი, მაგრამ ამ ხიდით მოსარგებლე ავტომობილების უსაფრთხოებიდან გამომდინარე, პროექტის განხორციელება აუცილებელი იყო“, -განაცხადა კახა კალაძემ.არსებული ლითონის საავტომობილო ხიდის სიგრძე 64 მეტრია, რომლის ნაცვლად ახალი, უსაფრთხო რკინაბეტონის საავტომობილო ხიდი აშენდება. სამუშაოებს ინფრასტრუქტურის განვითარების საქალაქო სამსახური ახორციელებს, რომლის ღირებულება 4 მილიონ ლარს შეადგენს.დედაქალაქის მერთან ერთად თბილისის მერიის ინფრასტრუქტურის განვითარების საქალაქო სამსახურის უფროსი გიორგი აბუთიძე და საბურთალოს რაიონის გამგებელი გიზო ვასაძე იმყოფებოდნენ.

პოლიტიკა • 1776339572

უფრო მეტი კომუნიკაციაა საჭირო იმისთვის, რომ „ნამახვანჰესის“ ტიპის პროექტები მომავალში განხორციელდეს - კახა კალაძე

თბილისის მერი კახა კალაძე მიიჩნევს, რომ „ნამახვანჰესის“ მსგავსი პროექტების განხორციელება ქვეყნის ენერგოდამოუკიდებლობისთვის ძალიან მნიშვნელოვანია.როგორც მან შესაბამისი შეკითხვის პასუხად განაცხადა, ქვეყანას გააჩნია იმის რესურსი, რომ ამ მხრივ არცერთ სხვა ქვეყანაზე არ იყოს დამოკიდებული - პიქირით, საქართველოს შეუძლია, იყოს ერთ-ერთი მთავარი ექსპორტიორი ქვეყანა.„ძალიან მნიშვნელოვანია ჰიდროელექტროსადგურების პროექტების განხორციელება ისევ და ისევ ჩვენი ქვეყნისთვის, რათა საქართველო ენერგეტიკული თვალსაზრისით დამოუკიდებელი იყოს. ოთხი წლის განმავლობაში ვიყავი ენერგეტიკის მინისტრი და მეამაყება, რომ გორში, ქარის ერთი ელექტროსადგურის და 23 ჰიდროელექტროსადგურის მშენებლობის პროექტი განვახორციელეთ, მიუხედავად იმისა, რომ იყო ძალიან დიდი ზეწოლა, ხელის შეშლა, შეურაცხყოფა და ცილისწამება. ქვეყანას აქვს უდიდესი რესურსი, რომელიც, რა თქმა უნდა, რაციონალურად უნდა გამოვიყენოთ. ამის არგამოყენება დანაშაული იქნება. გვაქვს საშუალება, რომ ელექტროენერგიის თვალსაზრისით, არ ვიყოთ დამოკიდებული არც აზერბაიჯანზე, არც რუსეთზე. პირიქით, ვიყოთ თვითკმარი ქვეყანა და მეტიც, შეგვიძლია, ჩვენი რესურსების სწორად გამოყენებით, განვახორციელოთ ელექტროენერგიის ექსპორტი თუნდაც ევროპულ ქვყნებში. ეს ძალიან მნიშვნელოვანია. რა თქმა უნდა, დიდი პროექტების - „ხუდონჰესის“, „ნამახვანჰესის“ მშენებლობა აუცილებელია, რადგან ეს კეთდება ჩვენი ქვეყნის ენერგოდამოუკიდებლობისთვის“, - აღნიშნა თბილისის მერმა.მისივე შეფასებით, „ნამახვანჰესის“ პროექტთან დაკავშირებით, საზოგადოებას უფრო მეტი, დეტალური ინფორმაცია უნდა მიეღო.„ვფიქრობ, უფრო სწორი მიდგომა უნდა ყოფილიყო. კიდევ ერთხელ უნდა აეხსნათ მოქალაქეებისთვის, თუ რამდენად მნიშვნელოვანია მსგავსი პროექტების განხორციელება. ეს ჩვენი, ყველას პრობლემა იყო. ამიტომ უფრო მეტი კომუნიკაციაა საჭირო იმისთვის, რომ ამ ტიპის პროექტები მომავალში განხორციელდეს. ვიღაცას რაღაც პროტესტი შეიძლება ჰქონდეს, ეს ჩვეულებრივი მომენტია. როდესაც ამ ტიპის, ამ მასშტაბის პროექტები ხორციელდება, არსებობენ მოქალაქეები, რომლებიც შეიძლება შეეწინააღმდეგონ სამუშაოებს, თუმცა ჩვენი ვალია, ავუხსნათ, უფრო მეტი ვისაუბროთ. ვიღაცას შეიძლება რაღაც სხვა ინტერესები ჰქონდა, ვიღაცას შეიძლება სხვა სახელმწიფო უხდიდა იმაში, რომ პროტესტი გამოეთქვა. ბევრი ფაქტორია, რაც ვნახეთ და პრობლემას წარმოადგენდა. მთავარი პრობლემაა ისაა, რომ პროექტი ვერ განხორციელდა, რაც, რა თქმა უნდა, დამაზიანებელია. მომავალში აღნიშნული პროქტის განხორციელება მნიშვნელოვანია ჩვენი ქვეყნის ენერგოდამოუკიდებლობისთვის“, - განმარტა თბილისის მერმა.

პოლიტიკა • 1776339271

კახა კალაძე პეტერ მადიარის განცხადებაზე საქართველოსთან ურთიერთობის შესახებ: ძალიან მნიშვნელოვანი განცხადებაა - არავის აქვს უფლება ჩაერიოს ქვეყნის შიდა პოლიტიკურ საქმეებში, როგორც ამას ზოგიერთი ევროპული სახელმწიფო ცდილობს

დედაქალაქის მერი კახა კალაძე მიიჩნევს, რომ უნგრეთის საპარლამენტო არჩევნებში გამარჯვების შემდეგ, პეტერ მადიარმა მნიშვნელოვანი განცხადება გააკეთა იმის შესახებ, რომ არ აპირებს სხვა ქვეყნის შიდა საქმეეში ჩარევას.როგორც კახა კალაძემ დღეს ჟურნალისტებს განუცხადა, არავის აქვს უფლება ჩაერიოს ქვეყნის შიდა პოლიტიკურ საქმეებში.„ძალიან მნიშვნელოვანი განცხადება არის. არავის აქვს უფლება ჩაერიოს ქვეყნის შიდა პოლიტიკურ საქმეებში, როგორც ამას ზოგიერთი სხვა ევროპული სახელმწიფო ცდილობს. ეს კატეგორიულად მიუღებელია, და ჩვენ არავის მივცემთ შესაძლებლობას, ვინც არ უნდა იყოს და რაც არ უნდა დიდი სახელმწიფო იყოს, ჩაერიოს ქვეყნის შიდა პოლიტიკურ საქმეებში.რაც შეეხება ვიქტორ ორბანს, ის „ქართული ოცნების“ კი არა, ქართველი ხალხისა და ქართული სახელმწიფოს მეგობარი იყო, რაც ძალიან მნიშვნელოვანია.უნგრეთი ხმალამოღებული იბრძოდა, რომ არასამართლიანი და მტრული დამოკიდებულება საქართველოსთან და ქართველ ხალხთან მიმართებით არ განხორციელებულიყო.უნგრეთი და სლოვაკეთი იყო ძირითადად, ვინც აპროტესტებდა და ეწინააღმდეგებოდა იმ არასამართლიან დამოკიდებულებას, რომელიც საქართველოსთან მიმართებით ვლინდებოდა. დაველოდოთ, მოვლენები როგორ განვითარდება“, - განაცხადა კახა კალაძემ.მან არჩევნების მნიშვნელობაზე ისაუბრა და აღნიშნა, რომ საქართველოში ყოველთვის ქართველი ხალხი გადაწყვეტს, თუ ვინ იქნება ქვეყნის სათავეში.„უნგრელი ხალხის არჩევანი გამოიხატა არჩევნებით. ერთი რამ მინდა იცოდეთ, რომ არჩევნები არის ძალიან მნიშვნელოვანი და საქართველოში ყოველთვის ქართველი ხალხი გადაწყვეტს, ვინ უნდა იყოს ქვეყნის ხელისუფლებაში. ნუ გექნებათ იმის ილუზია, რომ ვიღაცა გარედან რაღაცას დაგეგმავს, დავალებებს გასცემს და ასე იქნება გადაწყვეტილება მიღებული ხელისუფლების ცვლილებასთან დაკავშირებით. ეს ვერ და არ მოხდება“, - აღნიშნა კახა კალაძემ.

პოლიტიკა • 1776337482

რატომ გინდათ ყველაფერში ცუდი ეძიოთ? მეცნიერთა ჯგუფმა მიმართა მთავრობას, რომ აბასთუმანში დაკვირვების პროცესში თვითმფრინავების გამონაბოლქვი პრობლემას ქმნიდა - კახა კალაძე

დედაქალაქის მერის, კახა კალაძის განცხადებით, აბასთუმნის ცის გარკვეული მონაკვეთის დაკორექტირება რომ მოხდა, ამაში პრობლემა არაფერია. ამის შესახებ მან მედიასთან ისაუბრა.როგორც თბილისის მერმა აღნიშნა, საქართველოს მთავრობას მეცნიერთა ჯგუფმა მიმართა, რომ დაკვირვების პროცესში თვითმფრინავების გამონაბოლქვი პრობლემას ქმნიდა და პრემიერ-მინისტრმაც შესაბამისი გადაწყვეტილება მიიღო.“ქვეყანაში რაც კი კარგი კეთდება, ყველაფერს ეწინააღმდეგებით. მე არ მახსოვს, რამე კარგი პროექტი განხორციელებულიყო ან მნიშვნელოვანი გადაწყვეტილება მიღებულიყო და თქვენ პოზიტიური კომენტარი გაგეკეთებინათ.რაც შეეხება აღნიშნულ გადაწყვეტილებას, მეცნიერთა ჯგუფმა მიმართა მთავრობას, რომ დაკვირვების პროცესში თვითმფრინავების გამონაბოლქვი პრობლემას ქმნიდა. შესაბამისად, თვითმფრინავების სამოძრაო ხაზი დაკორექტირდა. რა არის ამაში პრობლემა? აბასთუმანი იყო განადგურებული და ერთმა ადამიანმა, ბიძინა ივანიშვილმა თავისი პირადი სახსრებით აღადგინა და განავითარა, რატომ გინდათ ყველაფერში ცუდი ეძიოთ?”, - განაცხადა კახა კალაძემ.

პოლიტიკა • 1776337287

ქართველმა ხალხმა ძალიან კარგად იცის, სალომე ზურაბიშვილი ვინ არის, ვის ემსახურება, ვისი გავლენის ქვეშაა - კახა კალაძე

„ქვეყანაში ვინ უნდა იყოს ხელისუფალი, რა თქმა უნდა, ამას წყვეტს მოსახლეობა“, - ამის შესახებ თბილისის მერმა კახა კალაძემ საქართველოს ყოფილი პრეზიდენტის სალომე ზურაბიშვილის მიერ არჩევნებთან დაკავშირებით გაკეთებული განცხადების შეფასებისას აღნიშნა.მისი თქმით, ქართველმა ხალხმა ბოლო წლებში ძალიან კარგად დაინახა, თუ ვინ ვინ არის და ვის ემსახურება.„ახლა მიხვდნენ ხომ, რომ არჩევნები მნიშვნელოვანია? ქვეყანაში ვინ უნდა იყოს ხელისუფალი, რა თქმა უნდა, ამას წყვეტს მოსახლეობა. ის ილუზია, რაც სალომე ზურაბიშვილს აქვს, რომ ვიღაცა გარედან ბრძანებებს გასცემს, ვიღაცა ვიღაცას დაავალებს ან მანიპულაციებს განახორციელებს საზოგადოებაზე, ქართველ ხალხზე, არ გამოგივათ. ქართველმა ხალხმა ყველაფერი ძალიან კარგად იცის - ვინ ვინ არის და ვის ემსახურება; სალომე ზურაბიშვილი ვინ არის, ვის ემსახურება, ვისი გავლენის ქვეშაა. თქვენ, გინდ ინდივიდუალურად, გინდ პოლიტიკური პარტიებით, თუნდაც დღეს ახალი პარტიები შექმნათ, ახალი სახელები დაირქვათ, არაფერი გეშველებათ. თქვენ გაქვთ ერთი მთავარი სახელი - ხართ მოღალატეები. ეს არის რეალობა, მოცემულობა იმ გარემოებებიდან გამომდინარე, რასაც აკეთებდით და დღესაც აკეთებთ - მოღალატეობრივი ქმედებები ქართველი ხალხის და ქვეყნის წინააღმდეგ“, - განაცხადა კახა კალაძემ.

პოლიტიკა • 1776337195

კახა კალაძე საერთაშორისო სავალუტო ფონდის პროგნოზზე: ქვეყნის ეკონომიკური განვითარება მშვიდობას მოაქვს

თბილისის მერის კახა კალაძის განცხადებით, ქვეყნის ეკონომიკური განვითარება და წინსვლა მშვიდობას მოაქვს, რომლის დასაცავად ხელისუფლება კვლავ მზადაა.ამის შესახებ მან საერთაშორისო სავალუტო ფონდის მიერ გამოქვეყნებული მსოფლიო ეკონომიკის განვითარების გრძელვადიან პროგნოზთან დაკავშირებით დასმული კითხვის პასუხად განაცხადა.„რაც პროგნოზებიც არის საქართველოსთან მიმართებით, ეს შემთხვევითი არ არის. ამას აქვს თავისი ახსნა. როდესაც საუბარია ქვეყნის ეკონომიკურ განვითარებაზე, წინსვლაზე, ეს ყველაფერი მოაქვს მშვიდობას. რა ფასად დაუჯდა საქართველოს მშვიდობის შენარჩუნება, საზოგადოების დიდი ნაწილი კარგად ხედავს და აფასებს. მიუხედავად იმ ყველაფრისა, ჩვენ გვქონდა და გვაქვს ძალიან მტკიცე, პრინციპული პოზიცია, რომ საქართველოს, ქართველი ხალხის ინტერესები უნდა იყოს დაცული და ვერავინ მოგვხვევს თავს, ვერ გვიბრძანებს, რომ ქვეყანაში მეორე ფრონტი გაიხსნას, სანქციებს შევუერთდეთ, რომელიც დამაზიანებელი და დამღუპველი იქნება ჩვენი ქვეყნისთვის, ქართული ეკონომიკისთვის. შესაბამისად, მშვიდობის შენარჩუნებით სახეზეა ის, რომ ქვეყანა ეკონომიკურად იზრდება, წინ მიდის, უფრო მეტი შესაძლებლობები ჩნდება. ეს მოგცვემს შესაძლებლობას, რომ გრძელვადიან პერსპექტივაში, ის ადამიანები, ის ოჯახები, რომელთაც დღეს ჯერ კიდევ უჭირთ, მიიღებს ის ბენეფიტი, რაც ეკონომიკურ განვითარებას მოაქვს“, - განაცხადა კახა კალაძემ.

პოლიტიკა • 1776336600

არ უნდა გაგვიკვირდეს, რადგან წლებია გარედან ფინანსდება სახელმწიფო გადატრიალების მოწყობის მცდელობები - კახა კალაძე ოპოზიციის რევოლუციურ სცენარზე

დედაქალაქის მერის, კახა კალაძის განცხადებით, სიახლე არ არის ტელეკომპანია “იმედის” მიერ გავრცელებული ინფორმაცია, რომ ოპოზიციას რევოლუციურ სცენარს „პრაღის სამოქალაქო საზოგადოების ცენტრის” ერთ-ერთი ლიდერი, იგორ ბლაჟევიჩი უწერს.როგორც თბილისის მერმა მედიასთან აღნიშნული თემის კომენტირებისას განაცხადა, წლებია გარე ძალები საქართველოში სახელმწიფო გადატრიალების მოწყობას სხვადასხვა მეთოდით ცდილობენ. მთავარია, რომ ქვეყნის მოსახლეობა სწორ ანალიზს აკეთებს.“არ უნდა გაგვიკვირდეს. ვიცით, საქართველოსთან დაკავშირებით რა დამოკიდებულება არსებობს - წლების განმავლობაში უამრავი თანხა იხარჯებოდა, რომ გარედან ჩარევებით სახელმწიფო გადატრიალება მოეწყოთ, საზოგადოება დაეპირისპირებინათ, პოლარიზაცია გაეღრმავებინათ. ისინი დღესაც არ ჩერდებიან. ჯერ ჰაკერმანის წიგნს და გარე მითითებებს მიყვებოდნენ.ვიხილეთ რევოლუციის არაერთი მცდელობა, თუმცა ჩვენი ქვეყნის მოსახლეობის უმრავლესობა კარგად აანალიზებს, თუ რა პროცესები მიდის, ვინ არის ჩვენი ქვეყნის რეალური მტერი. ვის რა ინტერესი აქვს საქართველოსთან მიმართებაში. შესაბამისად, ძალიან მნიშვნელოვანია, რომ ქვეყნის მოსახლეობა ყურადღებით აკვირდება პროცესებს და აქვს სწორი ინფორმაცია”, - აღნიშნა კახა კალაძემ.

დედაქალაქი • 1776239643

„მიკრო და მცირე ბიზნესის ხელშეწყობის“ საპილოტე პროგრამა სრულმასშტაბიან პროექტად ჩამოყალიბდება და მეწარმეთა დაფინანსების ლიმიტი გაიზრდება

დედაქალაქის მთავრობის გადაწყვეტილებით, „მიკრო და მცირე ბიზნესის ხელშეწყობის“ საპილოტე პროგრამა სრულმასშტაბიან პროექტად ჩამოყალიბდება და გაფართოვდება, - ამის შესახებ მუნიციპალიტეტის მთავრობის სხდომაზე დედაქალაქის მერმა კახა კალაძემ განაცხადა.მისი თქმით, ცვლილების შედეგად, თითოეული მეწარმის დაფინანსების ლიმიტი 20 000 ლარიდან 50 000 ლარამდე გაიზრდება.„გასულ წელს დავიწყეთ „მიკრო და მცირე ბიზნესის ხელშეწყობის“ საპილოტე პროგრამა, რომელმაც მაღალი ინტერესი და მნიშვნელოვანი წარმატება მოიპოვა. ეკონომიკის განვითარების საქალაქო სამსახური პროგრამის ფარგლებში თანადაფინანსებული მეწარმეების საქმიანობის მონიტორინგს ახორციელებს, რამაც აჩვენა, რომ საკმაოდ დადებითია პროგრამის ეფექტიანობა და შედეგები. აქედან გამომდინარე, მივიღეთ გადაწყვეტილება, საპილოტე პროგრამა სრულმასშტაბიან პროექტად ჩამოვაყალიბოთ და გავაფართოვოთ, ასევე, გავაფართოვოთ დაფინანსება. გასულ წელს თითოეული მეწარმის დაფინანსების ლიმიტი 20 000 ლარამდე იყო, წელს კი თანადაფინანსება 50 000 ლარამდე გაიზრდება“, - აღნიშნა თბილისის მერმა.მისი თქმით, შარშან, პროგრამის ფარგლებში, 50-მდე მიკრო და მცირე მეწარმე შეირჩა და დაფინანსდა.„მეწარმეებმა შეიძინეს საჭირო დანადგარები და აღჭურვილობა. ბენეფიციართა შერჩევა-შეფასებისას უპირატესობა მიენიჭება იმ კანდიდატებს, რომელთაც აქტიური საწარმო გააჩნიათ და წარმოადგენენ რეალურ კონსტრუქციულ გეგმასა და ხედვას მათი ბიზნესის განვითარებისთვის. თანადაფინანსების პროპორციულობა შემდეგნაირად გადანაწილდა: 5 000 ლარამდე მოთხოვნილი თანხის 90% დაფინანსდება; 5 000-დან 20 000 ლარის ჩათვლით 85%; 20 000-დან 30 000 ლარის ჩათვლით ჩვენი მხრიდან დაფინანსება 80%-მდე იქნება, ხოლო 30 000-დან 50 000 ლარის ჩათვლით მუნიციპალიტეტის მხრიდან 70%-იანი დაფინანსება განხორციელდება“, - განაცხადა კახა კალაძემ.მისივე განმარტებით, აღნიშნული პროგრამა მომავალშიც გაგრძელდება, რადგან იგი ხელს უწყობს ბიზნესის განვითარებას და ახალი სამუშაო ადგილების შექმნას.„პროგრამის ფარგლებში მიღებული მხარდაჭერა ხელს უწყობს მოქმედი ბიზნესების კიდევ უფრო ზრდას, მათი კონკურენტუნარიანობის ამაღლებას და ერთობლივი ძალისხმევით ადგილობრივი წარმოების გაძლიერებას. დარწმუნებული ვარ, ბევრი ადამიანი ისარგებლებს აღნიშნული პროგრამით. პროგრამაში მონაწილეებისთვის საბუთების მიღება უახლოეს პერიოდში გამოცხადდება და საზოგადოებას მივაწვდით ინფორმაციას თარიღებთან დაკავშირებით“, - განაცხადა დედაქალაქის მერმა.

დედაქალაქი • 1776239061

ნაძალადევის რაიონს კიდევ ერთი რეკრეაციული სივრცე შეემატება

ნაძალადევში, სკვერის სარეაბილიტაციო სამუშაოები ზღვისუბნის დასახლების მე-3 მიკრორაიონში, მე-5 კვარტლის N22 კორპუსის მიმდებარედ ხორციელდება, - ამის შესახებ თბილისის მერმა კახა კალაძემ მუნიციპალიტეტის მთავრობის დღევანდელ სხდომაზე განაცხადა.მისივე თქმით, ამ ეტაპზე, მიმდინარეობს ამორტიზებული ინფრასტრუქტურის სადემონტაჟო სამუშაოები.„პროექტის მიხედვით, ტერიტორიაზე გამწვანების სამუშაოები შესრულდება. მოეწყობა ე.წ. სტრიტ ბოლის მოედანი, დამონტაჟდება საბავშვო-გასართობი ატრაქციონები, საფეხმავლო ბილიკები, მოსასვენებელი სივრცეები, ტრენაჟორები და ვიდეომონიტორინგის კამერები. დაირგვება სხვადასხვა სახეობის ხე-მცენარე“, - განაცხადა კახა კალაძემ.თბილისის მერის განმარტებით, აღნიშნული მიწის ნაკვეთი, ადგილმონაცვლეობის გზით, მუნიციპალიტეტს დაუბრუნდა.„აღსანიშნავია, რომ ტერიტორია წინა ხელისუფლების დროს გასხვისდა, იყო კერძო საკუთრებაში, თუმცა ჩვენ, მესაკუთრესთან მოლაპარაკებითა და ადგილმონაცვლეობის გზით, მიწის ნაკვეთი მოსახლეობას დავუბრუნეთ. ზღვისუბნის დასახლების ამ კვარტალში მსგავსი ფართობის სხვა რეკრეაციული სივრცე არ არსებობს. შესაბამისად, ტერიტორიის მოწესრიგება ადგილობრივებისთვის ძალიან მნიშვნელოვანია“, - აღნიშნა კახა კალაძემ.

დედაქალაქი • 1776238828

სულხან-საბასა და პავლე ინგოროყვას ქუჩებზე მდებარე ისტორიულ შენობებს რეაბილიტაცია ჩაუტარდება

„თბილისის განვითარების ფონდი“ სულხან-საბა ორბელიანისა და პავლე ინგოროყვას ქუჩებზე მდებარე ისტორიული შენობების რეაბილიტაციას იწყებს.როგორც დედაქალაქის მერმა კახა კალაძემ თბილისის მუნიციპალიტეტის მთავრობის სხდომაზე აღნიშნა, სამუშაოები 17 აპრილიდან დაიწყება, ხოლო პროექტი ორ ეტაპად განხორციელდება.„თბილისის განვითარების ფონდი“ იწყებს ჩვენი ქალაქისთვის ერთ-ერთ მნიშვნელოვან პროექტს - სულხან-საბა ორბელიანისა და პავლე ინგოროყვას ქუჩებზე მდებარე ისტორიული შენობების რეაბილიტაციას. სამუშაოების მიზანი, რომელიც 17 აპრილიდან დაიწყება, დედაქალაქის ისტორიული ნაწილის ავთენტურობის შენარჩუნება და კულტურული მემკვიდრეობის ძეგლების სრული აღდგენაა. სატენდერო პროცედურები უკვე დასრულებულია და გამოვლენილია ოთხი გამარჯვებული კომპანია, რომლებიც სამუშაოებს სხვადასხვა მიმართულებით, დათქმულ ვადებში განახორციელებენ. პროექტი ორ ეტაპად განხორციელდება და მოიცავს როგორც მიწისქვეშა კომუნიკაციებისა და საგზაო ინფრასტრუქტურის მოწესრიგებას, ისე შენობა-ნაგებობების აღდგენა-რესტავრაციას”, - განაცხადა კახა კალაძემ.მისი ინფორმაციით, პირველ ეტაპზე სულხან-საბასა და ინგოროყვას ქუჩებზე ქაოსურად განთავსებული და ამორტიზებული საინჟინრო კომუნიკაციები მოწესრიგდება, რაც გულისხმობს აღნიშნულ არეალში მიწისქვეშა სისტემებისა და მიწისზედა კომუნიკაციების სრულ რეაბილიტაციას.„რაც შეეხება სამუშაოების მეორე ეტაპს, აღნიშნულ ქუჩებზე მდებარე 21 შენობა-ნაგებობის სრული რეაბილიტაცია-რესტავრაცია განხორციელდება, რისთვისაც, დაახლოებით, 120 მლნ ლარამდე დაიხარჯება. რეაბილიტაციის აღნიშნული ეტაპი მწვავედ ავარიული შენობების აღდგენას, საძირკვლისა და კედლების გამაგრებას, გადახურვის შეცვლას, ხის კონსტრუქციების და ნაკეთობების რესტავრაცია-შენარჩუნებას, შიდა ეზოების კეთილმოწყობას, ისტორიული სადარბაზოების რესტავრაციას, დეკორატიული ნაჭედი ლითონის ჭიშკრების დამზადებასა და ავთენტური არქიტექტურული ელემენტების აღდგენას გულისხმობს.მათგან რვა შენობა სულხან-საბას ქუჩაზე, ხოლო დანარჩენი 13 ნაგებობა ინგოროყვას ქუჩაზე მდებარეობს. სამშენებლო მოცულობა 45 000 კვადრატულ მეტრს შეადგენს, რის შედეგადაც საცხოვრებელი პირობები 450-მდე ოჯახს გაუუმჯობესდება”, - აღნიშნა დედაქალაქის მერმა.მისივე თქმით, დაგეგმილი სამუშაოების გამო, 18 აპრილიდან მიმდებარე ქუჩებზე სატრანსპორტო მოძრაობა შეიზღუდება.„პროექტის ფარგლებში ასევე გათვალისწინებულია ისტორიული კოშკის რესტავრაცია-რეაბილიტაცია, რაც განსაკუთრებულ ყურადღებასა და სპეციალურ მიდგომას საჭიროებს. ეს არის ძალიან მნიშვნელოვანი პროექტი. ქალაქში არაერთი შენობა-ნაგებობა გვაქვს, რომელსაც კულტურული მემკვიდრეობის ძეგლის სტატუსი აქვს. სამწუხაროდ, ბევრი მათგანი ავარიულ მდგომრეობაშია, თუმცა ჩვენი პროგრამებით მივყვებით და ეტაპობივრად სარეაბილიტაციო სამუშაოებს ვახორციელებთ. დაგეგმილი სამუშაოების გამო, 18 აპრილიდან გიორგი ლეონიძისა და სულხან-საბას ქუჩებზე სატრანსპორტო მოძრაობა შეიზღუდება, რომელთან დაკავშირებითაც საზოგადოებას დეტალურ ინფორმაციას უახლოეს დღეებში მივაწვდით”, - განაცხადა კახა კალაძემ.

პოლიტიკა • 1775979217

შალვა პაპუაშვილი სიონის საკათედრო ტაძარში სააღდგომო ლიტურგიას დაესწრო

საქართველოს პარლამენტის თავმჯდომარე შალვა პაპუაშვილი და საპარლამენტო უმრავლესობის წევრები თბილისის სიონის საკათედრო ტაძარში სააღდგომო ლიტურგიას დაესწრნენ.საზეიმო წირვა სრულიად საქართველოს კათოლიკოს-პატრიარქის ტახტის მოსაყდრემ, სენაკისა და ჩხოროწყუს მიტროპოლიტმა შიომ სხვა სასულიერო პირებთან ერთად აღავლინა. სიონის საკათედრო ტაძარში შეკრებილმა მრევლმა საპატრიარქო ტახტის მოსაყდრის სააღდგომო ეპისტოლე მოისმინა.სააღდგომო ლიტურგიაზე საკანონმდებლო ორგანოს წარმომადგენლებთან ერთად საქართველოს პრეზიდენტი მიხეილ ყაველაშვილი, პრემიერ-მინისტრი ირაკლი კობახიძე, მინისტრთა კაბინეტის წევრები და თბილისის მერი კახა კალაძე იმყოფებოდნენ.