პოლიტიკა • 1769793845

პრემიერი: სერიოზული პრეტენზიები გვესმოდა განათლების სისტემის ფუნქციონირებასთან დაკავშირებით, დავაანონსეთ განათლების რეფორმა და უცბათ გაირკვა,რომ თურმე თსუ ყოფილა ჰარვარდი,სტუ - კემბრიჯი და ილიას უნივერსიტეტი - ოქსფორდი

თბილისის სახელმწიფო უნივერსიტეტის და საქართველოს ტექნიკური უნივერსიტეტის გაერთიანება არის ძალიან მნიშვნელოვანი ინიციატივა, რომელიც უზრუნველყოფს მთლიანობაში სისტემის ოპტიმიზაციას, - განაცხადა საქართველოს პრემიერ-მინისტრმა ირაკლი კობახიძემ ჟურნალისტებთან.მთავრობის მეთაურის განმარტებით, ეს ყველაფერი მიმართულია განათლების ხარისხის გაუმჯობესებისკენ ქვეყანაში.„თავის დროზე სერიოზული პრეტენზიები გვესმოდა განათლების სისტემის ფუნქციონირებასთან დაკავშირებით, მათ შორის, ჩვენი ოპონენტები აცხადებდნენ იმას, რომ მაგალითად ჩვენი ახალგაზრდები ხშირად მიდიოდნენ საზღვარგარეთ იმის გამო, რომ საქართველოში არ იყო უზრუნველყოფილი უმაღლესი განათლების სათანადო ხარისხი. ჩვენ დავაანონსეთ განათლების რეფორმა და უცბათ გაირკვა, რომ თურმე თბილისის სახელმწიფო უნივერსიტეტი ყოფილა ჰარვარდი, საქართველოს ტექნიკური უნივერსიტეტი ყოფილა კემბრიჯი და ილიას უნივერსიტეტი ყოფილა ოქსფორდი. რა თქმა უნდა, ეს ყველაფერი და ეს კამპანია, რომელსაც ჩვენი ოპონენტები აწარმოებენ, არის ისევ და ისევ სიყალბეზე აგებული. ეს ყველაფერი მეტყველებს მათ სპეკულაციურ ბუნებაზე. რაც შეეხება კონკრეტულად 2 უნივერსიტეტის გაერთიანებას, თქვენ შეგიძლიათ დააკვირდეთ დისკუსიას, არის მხოლოდ ზოგადი განცხადებები და არცერთი კონკრეტული განცხადება იმასთან დაკავშირებით, თუ რა მინუსი შეიძლება ჰქონდეს ამ გაერთიანებას. პლუსი, დადებითი მხარე არის უამრავი“, - განაცხადა პრემიერ-მინისტრმა.

პოლიტიკა • 1769766206

შალვა პაპუაშვილი: მიზანია ხარისხიანი განათლება, კეთილსინდისიერად ვინც დაფიქრდება, მიხვდება, რომ გაერთიანება მხოლოდ სასარგებლოა ორივე უნივერსიტეტისთვის

საქართველოს განათლების სისტემაში ისტორიული რეფორმა იქნება, რომელიც სასკოლო და უმაღლესს განათლებას თვისობრივად შეცვლის, – ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებთან საუბრისას განაცხადა.მისი თქმით, საქართველოში ახალგაზრდებს იმაზე არ ექნებათ საფიქრალი, რომ საზღვარგარეთ წავიდნენ და როგორმე სხვა ქვეყანაში ისწავლონ, არამედ საკუთარ გარემოში შესაძლებლობა ექნებათ, უმაღლესი განათლება მიიღონ.„ამას აუცილებლად მივაღწევთ. თბილისის უნივერსიტეტის პროფესორებსა და სტუდენტებს ჩემს პატივისცემას ვუდასტურებ, ყველას, ვისაც შეიძლება, საკითხზე გულწრფელი კითხვები ჰქონდეს. კითხვებს პასუხები გაეცემა. ამ მხრივ განათლების მინისტრი აქტიურია, პრემიერ-მინისტრიც აქტიურად ჩართულია. ჩვეულებრივი ეჭვმიტანილებიც ვნახეთ, რომელთაც ამ დროს, როგორც წესი, თავიანთი ემოციური კრიზისები ეწყებათ ხოლმე და ასეთ საკითხებს საბაბად იყენებენ, რომ ზიზღისა და სიძულვილის მთელი კასკადისგან დაიცალონ. ამ ადამიანებს ვერაფერს ვუშველით, ისინი საკუთარი ემოციების დაზიანების ბაბლში არიან ჩაკეტილები. მათთვის მნიშვნელობა არ აქვს, რა მოხდება. ისინი ემოციურად დაზიანებული ხალხია, რომელთაც საბაბი და ტრიგერი აქვთ, რომელთაც ყველანაირ საკითხზე ზიზღის და სიძულვილის ფრქვევა ეწყებათ. ამ ადამიანებს ვერაფერს ვუშველით. მათ რომ შეხედოთ, ამბობენ, თითქოს უნივერსიტეტის დაცვა უნდათ, მაგრამ იქვე ზიზღს აფრქვევენ ორივე უნივერსიტეტის პროფესორის და რექტორების მიმართ. ზიზღს ავლენენ სტუდენტების მიმართაც – თქვენ ჩვენს გვერდით არ იყავით აქციებზე და ახია თქვენზე, თქვე საზიზღრებოო. ამ ადამიანებს ეზიზღებათ სტუდენტებიც, პროფესორებიც. მათთვის ეს საკითხი კიდევ ერთი საბაბია კიდევ ერთი სიძულვილის დღის მონიშვნის, რომ
შემდეგ რეპორტი გააგზავნონ საზღვარგარეთ და უთხრან, დღესაც, ძვირფასო დამფინანსებლებო, ორჯერ შევიგინე, სამჯერ შევიზიზღე და 15-ჯერ სიძულვილი გამოვხატე, გთხოვთ, ჩარიცხოთ შემდეგი ტრანშიო. სახელს და გვარსაც კი არ წერდნენ, იმდენად უცნობი ადამიანები იყვნენ, მხოლოდ „განათლების ექსპერტიო“. ღრმად არაკომპეტენტურ მსჯელობას ვხედავთ მათი მხრიდან, ვისაც თითქოს ამ სფეროში განათლება აქვთ მიღებული და თავი კიტრად მოაქვთ. ერთადერთი რაც თქვეს, შენობების გაყიდვააო. წარმოგიდგენიათ, რაზე ვსაუბრობთ? უმაღლესი განათლების რეფორმაზე თქვან კომპეტენტური აზრი, რა როგორ უნდა იყოს. ერთადერთი ამბობენ, შენობების გაყიდვა, შენობების გაყიდვაო“, – განაცხადა პაპუაშვილმა.მისი თქმით, შენობის გაყიდვა თუ გასხვისება არავისთვის მთავარი არ არის, არამედ მიზანია ხარისხიანი განათლება.„ივანე ჯავახიშვილის იდეა იყო – ერთიანი უნივერსიტეტი. ეს იყო მისი მიზანი, როცა თბილისის სახელმწიფო უნივერსიტეტს ქმნიდა. თსუ-ში ტექნიკური მიმართულების ფაკულტეტი შეიქმნა, მაგრამ როცა ბოლშევიკების დროს ივანე ჯავახიშვილი გააგდეს, მიაბრუნეს და დაახვედრეს თსუ-ში ისეთი გარემო, რასაც, საბოლოო ჯამში, გადაჰყვა, შემდეგ დაყვეს და დაანაწევრეს, რათა აკადემიურ პერსონალზე მეტი კონტროლი ჰქონოდათ. სინამდვილეში, ვინც კეთილსინდისიერად დაფიქრდება, მიხვდება,რომ ეს მხოლოდ სასარგებლოა ორივე უნივერსიტეტისთვის, რადგან ერთიანი იქნება და უმაღლესი განათლების მიღება იქნება შესაძლებელი როგორც ტექნიკური, ასევე ჰუმანიტარული მიმართულებით. ემოციურად დაზიანებულ ბაბლს, შენობების გარდა, არაფერი ახსენდება განათლების რეფორმაზე“, – განაცხადა პაპუაშვილმა.ცნობისთვის, თბილისის სახელმწიფო უნივერსიტეტი და საქართველოს ტექნიკური უნივერსიტეტი გაერთიანდება, გაერთიანებული უმაღლესი სასწავლებლების სახელწოდებად კი თბილისის ივანე ჯავახიშვილის სახელობის სახელმწიფო უნივერსიტეტი დარჩება.

პოლიტიკა • 1769764304

შალვა პაპუაშვილი თსუ-სა და სტუ-ს გაერთიანებაზე: ჩვენ მეტი გვჭირდება - ტექნიკური მიმართულება აბსოლუტურად სხვა მასშტაბზე უნდა გადავიყვანოთ. დღეს ინფრასტრუქტურული პროექტების მიმდინარეობისას სპეციალისტების ნაკლებობა არის ყველა მიმართულებით

ჩვენ გვექნება ერთიანი უნივერსიტეტი - როგორც ტექნიკური, ისე ჰუმანიტარული მიმართულებით იქნება უმაღლესი დონის განათლება. რესურსების ერთიანი კონცენტრაცია თვისებრივად ახალ შესაძლებლობებს გაუხსნის ყველას, მათ შორის აკადემიურ პერსონალსაც. შენარჩუნდება აკადემიური პერსონალი, სტუდენტები რაოდენობა, - განაცხადა საქართველოს პარლამენტის თავმჯდომარემ განათლების რეფორმის ფარგლებში დაგეგმილი თბილისის სახელმწიფო უნივერსიტეტისა და ტექნიკური უნივერსიტეტის გაერთიანებაზე საუბრისას.შალვა პაპუაშვილმა აღნიშნა, რომ ინფრასტრუქტურული პროექტების მიმდინარეობისას სპეციალისტების ნაკლებობაა.„ჩვენ მეტი გვჭირდება - ტექნიკური მიმართულება აბსოლუტურად სხვა მასშტაბზე უნდა გადავიყვანოთ. დღეს ინფრასტრუქტურული პროექტების მიმდინარეობისას სპეციალისტების ნაკლებობა არის ყველა მიმართულებით - ინჟინერი, არქიტექტორი, ჰიდროლოგი, არავინ აღარ გვყავს. სპეციალობები, რომლებიც დღეს ტექნოლოგიების ეპოქაში სჭირდება ქვეყანას, არის დაკნინებული და სწორედ ეს გადაწყვეტილება შეუწყობს ხელს, რომ თვისებრივად შეიცვალოს სიტუაცია.რაც შეეხება სტუდენტებს, მათთვის არაფერი იცვლება და ისინი იქნებიან ერთი დიდი უნივერსიტეტის სტუდენტები”, - აღნიშნა შალვა პაპუაშვილმა.

პოლიტიკა • 1769749533

"დადგენილებაში, რომლითაც რეფორმა დაანონსდა, ხელისუფლება აღიარებს, რომ კატასტროფულ მდგომარეობაშია განათლების სისტემა, თუმცა გამოსავლის გზა არ არის მიმართული პრობლემების აღმოფხვრისკენ"​ - ეკა ონიანი

 "ქართული ოცნება" განათლების რეფორმის ცვლილებაზე მუშაობას აქტიურად განაგრძობს. უკვე ცნობილია, რომ მმართველი გუნდი ტექნიკური უნივერსიტეტის და თბილისის სახელმწიფო უნივერსიტეტის გაერთიანებას გეგმავს.როგორც მმართველ გუნდში აცხადებენ, მიზანი, განათლების ხარისხის გაუმჯობესებაა. ოპოზიციაში კი ამბობენ, რომ ცვლილებები განათლების სისტემაში არსებულ ხარვეზებს ვერ აღმოფხვრის.შეგახსენებთ, დაგეგმილი ცვლილების მიხედვით, ივანე ჯავახიშვილის სახელმწიფო უნივერსიტეტის სახელის ქვეშ უნდა გაერთიანდეს დედაქალაქის ორი ყველაზე მსხვილი სახელმწიფო უნივერსიტეტი: თსუ და ტექნიკური უნივერსიტეტი. ორ სასწავლებელს, ჯერ დროებით დანიშნული სპეციალური საბჭო უხელმძღვანელებს, შემდეგ კი დაინიშნება რექტორიც.უმაღლესი განათლების გარდა, რეფორმა ეხება საშუალო სკოლებსაც, სადაც 2027-28 სასწავლო წლიდან 12-ის ნაცვლად 11 წლიანი სწავლება შემოდის. რაც შეეხება დაწყებით კლასებს, ბავშვის პირველ კლასში დარეგისტრირება შესაძლებელი იქნება მხოლოდ იმ შემთხვევაში, თუ მას 6 წელი, 15 სექტემბრის ჩათვლით უსრულდება. ეს ცვლილება უკვე 2026-27 სასწავლო წლიდან ამოქმედდება.პარტია "გირჩის" სათათბიროს წევრის, ეკა ონიანის განცხადებით, განათლების სისტემას ნამდვილად აქვს პრობლემები, თუმცა ის გზები, რასაც ხელისუფლება საზოგადოებას სთავაზობს, არ პასუხობს გამოწვევებს."იმ დადგენილებაში, რომლითაც ეს რეფორმა დაანონსდა, ხელისუფლება აღიარებს, რომ კატასტროფულ მდგომარეობაშია განათლების სისტემა, თუმცა გამოსავლის გზა არ არის მიმართული ამ პრობლემების აღმოფხვრისკენ.თუ დააკვირდებით, ყველაფერს ქვეტექსტად უდევს ძალაუფლება. რეფორმამაც უნდა აჩვენოს საზოგადოებას ვინ არის ქვეყანაში მთავარი, ვინ იღებს გადაწყვეტილებებს, ვის უნდა ემორჩილებოდეს და ექვემდებარებოდეს მთლიანად სისტემა", - განაცხადა ეკა ონიანმა.

პოლიტიკა • 1769706434

ორი უმაღლესი სასწავლებლის შეერთების მოწინააღმდეგეები თსუ-სთან შეიკრიბნენ

ორი უმაღლესი სასწავლებლის შეერთების მოწინააღმდეგეები თბილისის სახელმწიფო უნივერსიტეტის ეზოში შეიკრიბნენ.აქცია სოციალურ ქსელში დაანონსდა.თბილისის სახელმწიფო უნივერსიტეტი და საქართველოს ტექნიკური უნივერსიტეტი გაერთიანდება და გაერთიანებული სასწავლებლების სახელწოდებად თბილისის ივანე ჯავახიშვილის სახელობის სახელმწიფო უნივერსიტეტი დარჩება. ამის შესახებ საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ დღევანდელ ბრიფინგზე განაცხადა.

პოლიტიკა • 1769704800

ლიზა გეგეჭკორი უნივერსიტეტების გაერთიანებაზე: გვექნება უფრო ძლიერი, დიდი უნივერსიტეტი, უკეთ გამოჩნდება მსოფლიო რეიტინგებში, უფრო მეტ შანსს მისცემს ახალგაზრდებს, საქართველოში დარჩნენ და განვითარდნენ. ეს არის ნაბიჯი იმისკენ, რომ განათლება მოერგოს 21-ე საუკუნეს და არა საბჭოთა სტრუქტურებს

ჟურნალისტი ლიზა გეგეჭკორი უნივერსიტეტების გაერთიანებაზე გავრცელებულ ინფორმაციას ეხმიანება და ამბობს, რომ ეს გადაწყვეტილება შეიძლება რეალურად ძალიან კარგი შანსი იყოს ქვეყნისთვის.მისი თქმით, გაერთიანება ნიშნავს, რომ სტუდენტს და მკვლევარს ექნება მეტი არჩევანი, მეტი შესაძლებლობა და ნაკლები ბიუროკრატია.“ბევრი სტატუსი შემხვდა TSU-სა და STU-ს გაერთიანებაზე, ხშირად მხოლოდ ყალბ ემოციებზე დაფუძნებული, მაგრამ ცოტა რომ დავწყნარდეთ და რაციონალურად, ცივად შევხედოთ, ეს გადაწყვეტილება შეიძლება რეალურად ძალიან კარგი შანსი იყოს ქვეყნისთვის. ერთ მხარეს არის TSU, ძლიერი მეცნიერება, თეორია, ფუნდამენტი. მეორე მხარეს STU, ინჟინერია, ტექნოლოგიები, პრაქტიკა. და ახლა კითხვა: რატომ უნდა იყოს ეს ყველაფერი სხვადასხვა უნივერსიტეტში? გაერთიანება ნიშნავს, რომ სტუდენტს და მკვლევარს ექნება მეტი არჩევანი, მეტი შესაძლებლობა და ნაკლები ბიუროკრატია. მეტი რესურსი წავა ლაბორატორიებზე, კვლევებზე, სტიპენდიებზე და არა დუბლირებულ ადმინისტრაციებზე. გვექნება უფრო ძლიერი, დიდი უნივერსიტეტი: უკეთ გამოჩნდება მსოფლიო რეიტინგებში უფრო მეტ შანსს მისცემს ახალგაზრდებს, საქართველოში დარჩნენ და განვითარდნენ. ამავდროულად შეგახსენებთ რომ გივი მიქანაძის თქმით, გაერთიანების შემდეგ ნარჩუნდება სახელი: თსუ (ისევე როგორც ივანე ჯავახიშვილის სახელმწიფო უნივერსიტეტი) ეს არის ნაბიჯი იმისკენ, რომ განათლება მოერგოს 21-ე საუკუნეს და არა საბჭოთა სტრუქტურებს და არაა საჭირო ყველაფერზე ფსევდოპატრიოტული გრძნობების ყალბად ფრქვევა- წერს ლიზა გეგეჭკორი Facebook-ზე.

პოლიტიკა • 1769689587

მიხეილ ყაველაშვილმა საქართველოს ეროვნული პრემიის კონკურსის გამარჯვებულები დააჯილდოვა

საქართველოს პრეზიდენტმა, მიხეილ ყაველაშვილმა საქართველოს ეროვნული პრემიის კონკურსის გამარჯვებულები დააჯილდოვა.პრეზიდენტმა გამარჯვებულებს მადლობა გადაუხადა.„უდიდესი პატივისცემით მოგესალმებით თქვენ – ჩვენს სახელოვან მეცნიერებს, ადამიანებს, რომლებსაც უდიდესი ღვაწლი მიგიძღვით ჩვენი ერისა და სამშობლოს წინაშე. მინდა, მადლობა გადაგიხადოთ იმ ღირსეული წვლილისთვის, რომელიც არა მხოლოდ ქართული, არამედ მსოფლიოს სამეცნიერო საქმიანობის გამდიდრებაში შეგაქვთ. მეცნიერების როლი ნებისმიერი საზოგადოებისთვის ფუნდამენტურია, რადგანაც სწორედ თქვენ ქმნით ობიექტურ და დასაბუთებულ ცოდნას. თქვენი წარმატებული, აღიარებული საქმიანობა რომ არა, ურთულესი იქნებოდა ჩვენი წარსულის გააზრება და მომავლის განსაზღვრა, იდენტობისა და ღირებულებების შენარჩუნება, სიცრუისა და სიმართლის გარჩევა, მსოფლიოს უკეთეს ადგილად ქცევა და იმ გამოწვევების დაძლევა, რომელიც საუკუნეების განმავლობაში კაცობრიობისთვის გადაულახავ ბარიერად იყო ქცეული. დღეს, როდესაც სამყარო იცვლება და ვითარდება, კიდევ უფრო დიდი მნიშვნელობა ენიჭება ფაქტებითა და ანალიზით გამყარებულ მეცნიერულ კვლევას, რომელიც, პრაქტიკულ საქმიანობაში საზოგადოების ინტერესებისა და კეთილდღეობის უზრუნველყოფაზე იქნება ორიენტირებული“, – აღნიშნა მიხეილ ყაველაშვილმა.როგორც მიხეილ ყაველაშვილმა განაცხადა, „ეროვნული პრემიის“ მთავარი იდეა მეცნიერების მიერ გაკეთებული საქვეყნო საქმის დაფასებაა.„აუცილებლად უნდა აღვნიშნო, რომ თქვენი წვლილი ფასდაუდებელია ჩვენი ქვეყნისა და ხალხის ინტერესების დაცვასა და განმტკიცებაში, რადგანაც, გარდა უდიდესი სამეცნიერო ღირებულებისა, თქვენი ნაშრომების ინტეგრირება შესაძლებელია საგანმანათლებლო პროცესში, როგორც სასკოლო, ისე საუნივერსიტეტო დონეზე. ეს კი გრძელვადიან პერსპექტივაში, მომავალი თაობებისთვის ხარისხიანი განათლების მიღებისა და ქართული, პატრიოტული სულისკვეთებით აღზრდის მყარ საფუძველს ქმნის. ამ პროცესში, ძალიან მნიშვნელოვანია სახელმწიფოს ჩართულობა და ის ხელშეწყობა, რომელიც ჩვენი მეცნიერებისთვის კიდევ უფრო მეტ შესაძლებლობას აჩენს. „ეროვნული პრემიის“ იდეაც სწორედ იმაში მდგომარეობას, რომ ჩვენი შესაძლებლობის ფარგლებში, დავაფასოთ ის საქვეყნო საქმე, რომელსაც თქვენ აკეთებთ. მოხარული ვარ, რომ გამოცხადებულ კონკურსს დიდი გამოხმაურება მოჰყვა. აქვე ვისარგებლებ შემთხვევით და მადლობას გადავუხდი „ეროვნული პრემიის“ კომისიის თითოეულ წევრს. მართლაც შთამბეჭდავი შემადგენლობაა, ნებისმიერ კომისიას დაამშვენებდა ჩვენი კომისიის წევრების მაღალი კვალიფიკაცია. გილოცავთ პრემიის მფლობელებს ამ გამარჯვებას. თქვენ ხართ მაგალითი ჩვენი ახალგაზრდა თაობისთვის. დარწმუნებული ვარ, კიდევ ბევრი ღირსეული ქართველი აღიზრდება თქვენს ღვაწლზე“, – განაცხადა მიხეილ ყაველაშვილმა.საქართველოს ეროვნული პრემიის კომისიის გადაწყვეტილების საფუძველზე, პრეზიდენტის განკარგულებით, საქართველოს ეროვნული პრემია მიენიჭათ:ლევან ჯაფარიძეს – სამეცნიერო ნაშრომთა ციკლისათვის: „მიწისქვეშა ნაგებობების მექანიკა“, „მიწისქვეშა ნაგებობათა სამაგრის გაანგარიშება ზღვრულ მდგომარეობებზე“, „მიწისქვეშა ნაგებობების ზღვრული საექსპლუატაციო მდგომარეობები“; ავტორთა ჯგუფს: როინ მეტრეველს, ვახტანგ გურულს, ლელა მიქიაშვილს, ვალერიანე ვაშაკიძეს, გიორგი ჭეიშვილს, ოთარ ჯანელიძეს, ჯონი კვიციანსა და ალექსანდრე დაუშვილს – სამეცნიერო მონოგრაფიული ნაშრომისათვის „კავკასიის ისტორია“ (ორტომეული).მიხეილ ყაველაშვილმა საქართველოს ეროვნული პრემიის გამარჯვებულებს საქართველოს ეროვნული პრემიის ლაურეატის დიპლომები, სამკერდე ნიშნები და შესაბამისი ფულადი გასაცემელი გადასცა.კონკურსი 2025 წლის 12 დეკემბერს გამოცხადდა. ეროვნული პრემიის კომისიის შემადგენლობაში იყვნენ:კომისიის თავმჯდომარე – სამართლის დოქტორი, პროფესორი, საქართველოს განათლების, მეცნიერებისა და ახალგაზრდობის მინისტრის მოადგილე, ზვიად გაბისონია კომისიის წევრები: ისტორიის მეცნიერებათა დოქტორი, პროფესორი, სსიპ – ივანე ჯავახიშვილის სახელობის თბილისის სახელმწიფო უნივერსიტეტის რექტორი, სსიპ – საქართველოს მეცნიერებათა ეროვნული აკადემიის აკადემიკოსი ჯაბა სამუშია ტექნიკის მეცნიერებათა კანდიდატი, პროფესორი, სსიპ – საქართველოს ტექნიკური უნივერსიტეტის რექტორი, სსიპ – საქართველოს მეცნიერებათა ეროვნული აკადემიის აკადემიკოსი დავით გურგენიძე; ეკონომიკის მეცნიერებათა დოქტორი, სსიპ საქართველოს მეცნიერებათა ეროვნული აკადემიის აკადემიკოსი-მდივანი ვლადიმერ პაპავა ეკონომიკის მეცნიერებათა დოქტორი, პროფესორი, აკადემიკოსი, სსიპ – საქართველოს სოფლის მეურნეობის მეცნიერებათა აკადემიის პრეზიდენტი გივი ჯაფარიძე; ფიზიკის მეცნიერებათა დოქტორი, სსიპ – ილიას სახელმწიფო უნივერსიტეტის პროფესორი, სსიპ – საქართველოს მეცნიერებათა ეროვნული აკადემიის აკადემიკოსი გიორგი ჯაფარიძე; მედიცინის დოქტორი, პროფესორი, სსიპ – თბილისის სახელმწიფო სამედიცინო უნივერსიტეტის რექტორი ირაკლი ნატროშვილი; ბიოლოგიის მეცნიერებათა დოქტორი, სსიპ – გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტის დირექტორის მოვალეობის შემსრულებელი მზია ქუთათელაძე; ფილოლოგიის მეცნიერებათა დოქტორი, სსიპ – ივანე ჯავახიშვილის სახელობის თბილისის სახელმწიფო უნივერსიტეტის პროფესორი, თსუ-ს არნოლდ ჩიქობავას სახელობის ენათმეცნიერების ინსტიტუტის დირექტორი ნანა მაჭავარიანი.პრეზიდენტის სასახლეში გამართულ ცერემონიას საქართველოს განათლების, მეცნიერებისა და ახალგაზრდობის მინისტრი გივი მიქანაძე, საქართველოს განათლების, მეცნიერებისა და ახალგაზრდობის მინისტრის მოადგილე, ეროვნული პრემიის კომისიის თავმჯდომარე ზვიად გაბისონია და საქართველოს პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი და განათლების, მეცნიერებისა და კომიტეტის თავმჯდომარის პირველი მოადგილე, გიორგი ჩაკვეტაძე ესწრებოდნენ.ინფორმაციას საქართველოს პრეზიდენტის ადმინისტრაცია ავრცელებს.  

მსოფლიო • 1769439900

პიტერ სიიარტო: უნგრეთისთვის რუსეთიდან ნავთობისა და გაზის შესყიდვის აკრძალვა ეწინააღმდეგება ჩვენს ეროვნულ ინტერესებს

უნგრეთის საგარეო საქმეთა მინისტრმა, პეტერ სიიარტომ განაცხადა, რომ უნგრეთი აპირებს სარჩელი შეიტანოს ევროკავშირის მართლმსაჯულების სასამართლოში, როგორც კი ოფიციალურად გამოქვეყნდება გადაწყვეტილება REPowerEU გეგმის შესახებ, რომელიც ევროკავშირში რუსული ნავთობისა და გაზის იმპორტის სრულ აკრძალვას ისახავს მიზნად.„ჩვენ გამოვიყენებთ ყველა სამართლებრივ საშუალებას მის გასაუქმებლად.REPowerEU გეგმა ეფუძნება სამართლებრივ ხრიკს - სანქციების ღონისძიება წარმოდგენილია როგორც სავაჭრო პოლიტიკის გადაწყვეტილება, რათა თავი აარიდონ ერთსულოვნების პრინციპს [ვეტოს უფლება].ეს სრულიად ეწინააღმდეგება თავად ევროკავშირის წესებს. ხელშეკრულებები ნათლად ამბობს: გადაწყვეტილებები ენერგეტიკულ ბალანსზე ეროვნული კომპეტენციაა.უნგრეთისთვის რუსეთიდან ნავთობისა და გაზის შესყიდვის აკრძალვა ეწინააღმდეგება ჩვენს ეროვნულ ინტერესებს და მნიშვნელოვნად გაზრდის ენერგიის ხარჯებს უნგრული ოჯახებისთვის“, - დასძინა უნგრეთის საგარეო უწყების ხელმძღვანელმა.

Crystalsport • 1769356298

„ახლა UFC-ის ჯერია“ - გეიჯის თოფურიასთან ბრძოლა სურს

დღეს დილით, UFC-ის მსუბუქი წონითი დივიზიონის დროებითი ჩემპიონის ქამრისთვის ჯასტინ გეიჯიმ პედი პიმბლეტი მსაჯების ერთსულოვანი გადაწყვეტილებით დაამარცხა და დროებითი ჩემპიონის ქამარი მოიპოვა.ბრძოლის დასრულების შემდეგ, ამერიკელი მებრძოლის წარმომადგენლებმა TASS-თან განაცხადეს, რომ გეიჯის ილია თოფურიასთან ბრძოლა სურს.„ჯასტინს თოფურიასთან ბრძოლა სურს. ახლა კი UFC-ის გადასაწყვეტია, თუ როდის დანიშნავენ ამ ბრძოლას“.განაგრძე კითხვა Crystalsport-ზე

Crystalsport • 1767073394

„ყველაფერს აკეთებენ, რომ ილიას მალე შეახვედრონ“ - როკჰოლდმა UFC გააკრიტიკა

პედი პიმბლეტი UFC-ის ერთ-ერთი ყველაზე მედიური ფიგურაა. თუმცა, მისი სპორტული კარიერა კოლეგებს შორის ერთსულოვნებას ვერ იწვევს. მართალია, ის დაუპირისპირდა (და დაამარცხა) ისეთ ცნობილ მებრძოლებს, როგორებიც არიან ტონი ფერგიუსონი ან მაიკლ ჩენდლერი, მაგრამ ისიც სიმართლეა, რომ ეს მეტოქეები თავიანთი საუკეთესო ფორმისგან შორს იყვნენ. უფრო მეტიც, ორივე მათგანი ღრმა დაღმავლობის პერიოდს გადიოდა.ისეთმა მებრძოლებმა, როგორიცაა მახაჩევი, უკვე აღნიშნეს, რომ ბრიტანელს საკმარისი არ გაუკეთებია მსუბუქი წონის ქამრისთვის საბრძოლველად. მათ ახლახან შეუერთდა საშუალო წონის ყოფილი ჩემპიონი ლუკ როკჰოლდი, რომელიც უფრო შორს წავიდა და აღნიშნა, რომ პიმბლეტი UFC-ის მხრიდან პრივილეგირებული დამოკიდებულებით სარგებლობს.განაგრძე კითხვა Crystalsport-ზე

პოლიტიკა • 1766772300

„ხალხის, ხელისუფლებისა და ჯარის ერთსულოვნება წარმოადგენს ნებისმიერი სახელმწიფოს დამოუკიდებლობის და სიძლიერის წინაპირობას, დღეს სწორედ ამგვარი ერთსულოვნება გვაქვს“ - შალვა პაპუაშვილი

„დღეს ჩვენ ღირსების ორდენებსა და მედლებს გადავცემთ დამსახურებულ ოფიცრებს, რომლებიც წარმოადგენენ საქართველოს თავდაცვის ძალების სახეს და მათი დაჯილდოებით ხაზს ვუსვამთ სუვერენული სახელმწიფოს ერთ-ერთი უმთავრესი გამოხატულების, მუდმივმოქმედი თავდაცვის ძალების, ჯარის მნიშვნელობას“, - ამის შესახებ საქართველოს პარლამენტის თავმჯდომარე შალვა პაპუაშვილმა თავდაცვის ძალების წარმომადგენლების სახელმწიფო ჯილდოების გადაცემის ცერემონიაზე, სიტყვით გამოსვლისას განაცხადა.როგორც პაპუაშვილმა განაცხადა, სახელმწიფოს თავდაცვის ძალების უმთავრესი მოტივაცია, იცოდეს რა ღირებულებებს იცავს, რისთვის იბრძვის, რა დგას მის უკან.„ჩვენ ვცხოვრობთ სირთულეებით, გამოწვევებითა და გეოპოლიტიკური ძვრებით აღსავსე პერიოდში. ეპოქაში, სადაც, ყოველდღიურად, უფრო და უფრო ხშირად გვესმის სიტყვა ომი. დადგა მომენტი, როდესაც უსაფრთხოების გლობალური სისტემა ჩამოიშალა, ხოლო დიდი სახელმწიფოები კი გამალებული შეიარაღების გზას დაადგნენ. მოვიდა დრო, როდესაც თავდაცვის კონცეფციასა და სახელწოდებას ომის კონცეფცია და სახელწოდება ანაცვლებს. ბევრი შეგვიძლია, ვილაპარაკოთ იმ მიზეზებზე, თუ რამ განაპირობა ეს ვითარება, თუმცა, მიუხედავად მიზეზებისა და მათი შედეგებისა, ჩვენი მრავალსაუკუნოვანი ისტორიული გამოცდილება გვეუბნება, რომ ესეც გაივლის. იგივე გამოცდილება გვეუბნება, რომ მიუხედავად იმისა, თუ როგორ განვითარდება მოვლენები, ჩვენ გვაქვს მხოლოდ ერთი გზა და ერთი მისია – დავიცვათ, მოვუფრთხილდეთ და განვამტკიცოთ ჩვენი ქვეყანა.ჩვენ, სახელმწიფოს კონსტიტუციური შტოების ხელმძღვანელები, რომელთაც ხალხმა ქვეყნისთვის მსახურება დაგვაკისრა, ჩვენს პოლიტიკურ მისიას მთელი მონდომებით აღვასრულებთ. ქვეყნის მსახურება კი მისი მიწის, მისი იდენტობის, მისი მსოფლმხედველობის დაცვასა და ამ ღირებულებებისთვის ბრძოლასაც გულისხმობს. სწორედ ესაა სახელმწიფოს თავდაცვის ძალების უმთავრესი მოტივაცია, იცოდეს რა ღირებულებებს იცავს, რისთვის იბრძვის, რა დგას მის უკან“, – განაცხადა პაპუაშვილმა.მისივე თქმით, ხალხის, ხელისუფლებისა და ჯარის ერთსულოვნება წარმოადგენს ნებისმიერი სახელმწიფოს დამოუკიდებლობის, სიმტკიცის და სიძლიერის წინაპირობას.„დღეს ჩვენ სწორედ ამგვარი ერთსულოვნება გაგვაჩნია. სწორედ ამიტომ, გილოცავთ მისაღებ ჯილდოებს და თქვენი სახით ვულოცავ მთელ თავდაცვის ძალებს ამ დღეს“, - განაცხადა პაპუაშვილმა.საქართველოს პრეზიდენტმა, მიხეილ ყაველაშვილმა თავდაცვის ძალების წარმომადგენლები ღირსების ორდენებითა და ღირსების მედლებით დააჯილდოვა.

საზოგადოება • 1766670620

მეუფე შიო ილია მეორეს: ის მძიმე ჯვარი, რომელიც უფალმა საბჭოთა ათეისტური რეჟიმის პირობებში გიბოძათ, უდრტვინველად იტვირთეთ და მას შემდეგ ერთგულებითა და სიყვარულით მიუძღვებით თქვენს სამწყსოს ჭეშმარიტებისაკენ მიმავალ რთულ გზაზე

თქვენი ინტრონიზაციის დღე, 1977 წლის 25 დეკემბერი, ჩვენი ეკლესიისა და ქვეყნისთვის ახალი ეპოქის დასაწყისი გახდა. ეს არის დღე, საიდანაც დასაბამს იღებს ჩვენი ერის სულიერი განახლება და ფერისცვალება საქართველოს უახლესი ისტორიის პერიოდში, - განაცხადა საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა, შიომ (მუჯირი) სამების საკათედრო ტაძარში, სრულიად საქართველოს კათოლიკოს-პატრიარქ ილია II-ის აღსაყდრებიდან ორმოცდამერვე იუბილესთან დაკავშირებით ქადაგებისას.მიტროპოლიტმა მრევლს დღევანდელი დღე მიულოცა და აღნიშნა, რომ ეს არის დღე, რომელმაც შეცვალა სულიერი ცხოვრება საქართველოში, რომელსაც მოჰყვა დიდი აღმშენებლობა და აღორძინება ეკლესიის, სასულიერო პირთა ხელდასხმა და ეკლესიის გაძლიერება.ქადაგებისას მეუფე შიომ პატრიარქს სიტყვით მიმართა და მისი ღვაწლის შესახებ ისაუბრა.„სიტყვა „ილია“ ნიშნავს „ღვთის ძალას“ და აი, მისმა უწმინდესობამ ღვთის მადლით და წყალობით ეს ძალა შთაბერა თავისი ღვაწლით ჩვენს ეკლესიას; დღეს გვაქვს სურვილი, წმინდა სინოდის სახელით მომზადებული მისალოცი წერილი ამბიონიდან წავიკითხოთ, მივმართოთ მის უწმინდესობას და უნეტარესობას და თქვენთან ერთად მივულოცოთ დიდი სიყვარულით:თქვენო უწმინდესობავ და უნეტარესობავ!დღეს საქართველოს მართლმადიდებელი ეკლესია კათოლიკოს-პატრიარქის ტახტზე თქვენი აღსაყდრების ორმოცდამერვე წლისთავს აღნიშნავს.თქვენი ინტრონიზაციის დღე, 1977 წლის 25 დეკემბერი, ჩვენი ეკლესიისა და ქვეყნისთვის ახალი ეპოქის დასაწყისი გახდა. ეს არის დღე, საიდანაც დასაბამს იღებს ჩვენი ერის სულიერი განახლება და ფერისცვალება საქართველოს უახლესი ისტორიის პერიოდში.„ღმერთი, სამშობლო, ადამიანი“ - ეს არის ის სამი საუნჯე, რომელთაც მთელი თქვენი ცხოვრება თავდაუზოგავად ემსახურებით და ჩვენც, თქვენს სულიერ შვილებს, გვაძლევთ იმის ნათელ მაგალითს, თუ როგორი სიყვარულითა და ერთგულებით უნდა ვემსახუროთ მათ.„ვიდრე ვიცოცხლებ, ჩემს თვალწინ იქნება ის თვალით უხილავი, მაგრამ რეალური ტახტი, რომელზეც დამსვა უფლის ძლიერმა მარჯვენამ. ჩემს გულზედ წერია ის ვალდებულებანი, რომლებიც მისმა მოწყალებამ დამაკისრა და ბედნიერს მხდის იმაზე ფიქრი, რომ ყოვლად მაღალი მოწყალებით და ქრისტეს მოძღვრების მოყვარული ქართველი ხალხის თანადგომით, ყველაფერს გავაკეთებთ, რაც მაღალი ღმერთის მადლმა და ძალამ დამაკისრა“, – ბრძანეთ თქვენ აღსაყდრების დღეს წარმოთქმულ სიტყვაში; და, მართლაც, დღესაც დიდი თავგანწირვითა და სიყვარულით ასრულებთ უფლის მიერ თქვენზე დაკისრებულ მოვალეობებს; ის მძიმე ჯვარი, რომელიც უფალმა საბჭოთა ათეისტური რეჟიმის პირობებში გიბოძათ, უდრტვინველად იტვირთეთ და მას შემდეგ ერთგულებითა და სიყვარულით მიუძღვებით თქვენს სამწყსოს ჭეშმარიტებისაკენ მიმავალ რთულ გზაზე. ამიტომაც ასე შეგიყვარათ და დაგაფასათ ქართველმა ხალხმა.ამ საზეიმო დღეს გვსურს, კიდევ ერთხელ გავიხსენოთ ის დიდი საქმეები, რომლებიც თქვენი ორმოცდარვაწლიანი მუხლჩაუხრელი შრომის ნაყოფია და საეკლესიო ცხოვრების ყველა სფეროს უკავშირდება:ეპარქიებისა და მღვდელმთავრების რიცხვის ზრდა, სამღვდელო და სამონაზვნო დასის გამრავლება, ეკლესია-მონასტრების აშენება და განახლება, საქართველოს მართლმადიდებელი ეკლესიის უძველესი დროიდან არსებული ავტოკეფალიის აღიარებისა და საპატრიარქო ტიტულის მოპოვება, ყოვლადწმინდა სამების დიდებული საპატრიარქო ტაძრის აგება, მრავალი საეკლესიო მოღვაწის წმინდანად შერაცხვა, თბილისის სასულიერო აკადემიისა და სემინარიის გახსნა, სახელმწიფოსა და მართლმადიდებელ ეკლესიას შორის საკონსტიტუციო შეთანხმების დადება, საეკლესიო სკოლა-გიმნაზიების ამოქმედება, საპატრიარქოს უნივერსიტეტისა და ტელევიზიის დაარსება, შვიდგზის ლოცვების დაწესება, ქართული საეკლესიო გალობის (და საეკლესიო ხელოვნების სხვა დარგების) აღორძინება, საქართველოს ყოვლადწმინდა ღვთისმშობლისადმი წილხვდომილობის სახელმწიფო დღესასწაულად გამოცხადება, საქართველოში დაბადებულ ყოველ მესამე და მომდევნო ბავშვზე ნათლიობის ტვირთვა, მრავალი საქველმოქმედო, მისიონერული, საგამომცემლო, თუ სამეცნიერო პროექტის განხორციელება, საჯარო სკოლებში ღირებულებითი განათლების დანერგვა და მრავალი სხვა ღვთივსათნო საქმე.თქვენ, პავლე მოციქულის მიხედვით, მუდამ გვახსენებთ, რომ უფალი განსაცდელს მოგვივლენს ხოლმე ერის სულიერი გამოფხიზლებისა და განწმენდისთვის, ასეთ დროს კი ჩვენი გადარჩენა რწმენის ერთგულებასა და ერთსულოვნებაშია:„ერთსულოვნება დღეს ჩვენი ქვეყნისათვის სასიცოცხლო მნიშვნელობისაა, ეშმაკი ჰყოფს და აპირისპირებს, ღმერთი კი აერთიანებს და არიგებს“, – ბრძანებთ თქვენ და დასძენთ, – „დღეს, როცა საოცარი წინააღმდეგობა და ბრძოლაა ადამიანებს შორის, შევთხოვოთ უფალს, რომ როგორც დავით მეფეს მიმადლა სიმშვიდე, ისე მიანიჭოს საქართველოს!“და, ჩვენ, თქვენს სულიერ შვილებს, გვწამს, რომ თუკი თქვენს მამობრივ დარიგებებს გავითავისებთ და თქვენს ლოცვა-კურთხევას შევასრულებთ, ჩვენი მწუხარება – სიხარულად, დაცემა აღდგომად გადაიქცევა, ჩვენს ქვეყანაში კი უფლისმიერი სიმშვიდე დაისადგურებს.„კიდევ ერთი დიდი საუნჯე გვაქვს“, – გვასწავლით თქვენ, – „ჩვენი სამშობლო, ღვთივკურთხეული საქართველო, რომელიც განბანილია ჩვენი წინაპრების ცრემლითა და სისხლით. ჩვენ უნდა გავუფრთხილდეთ მას. უნდა გავუფრთხილდეთ იმ სულიერ და ეროვნულ ფასეულობებს, რომელთაც იცავდნენ და ინახავდნენ ჩვენი დიდი წინაპრები“. „მჯერა, … მალე დადგება ის დრო, როცა საქართველო გამთლიანდება, როცა ჩვენ ვიზეიმებთ საქართველოს მთლიანობას აფხაზეთში, სამაჩაბლოში, როცა ჩვენ ვიხილავთ გამთლიანებულ საქართველოსა და გაერთიანებულ ერს“.ჩვენც გვჯერა, თქვენო უწმინდესობავ და უნეტარესობავ, რომ თქვენი ლოცვითა და სულიერი წინამძღოლობით, ღმერთი შეგვაძლებინებს საქართველოს წინაშე არსებული დიდი სირთულეების დაძლევას და მოგვასწრებს ჩვენი სამშობლოს გამთლიანებას.2026 წელს ჩვენი ქვეყანა იზეიმებს ქრისტიანობის სახელმწიფო რელიგიად გამოცხადების 1700 წლისთავს. ინებოს უფალმა, რომ ამ საიუბილეო თარიღის ღირსეულად აღნიშვნა გამხდარიყოს დიდი წინ გადადგმული ნაბიჯი საქართველოს აღმავლობისა და გამთლიანების გზაზე.ნება მიბოძეთ, წმინდა სინოდის მღვდელმთავრების სახელით, გულითადად მოგილოცოთ დღევანდელი ღირსშესანიშნავი დღე და შვილებრივი სიყვარულით მადლობა გადაგიხადოთ თქვენი მამობრივი ზრუნვისა და ღვაწლისთვის. შევთხოვთ უფალს და დედა ღვთისმშობელს, რომ მოგმადლოთ სულიერი და ხორციელი სიმტკიცე, ჯანმრთელობა და დღეგრძელობა ჩვენი ეკლესიისა და ერის საკეთილდღეოდ!“, - განაცხადა მიტროპოლიტმა.