თსუ

euronews: ევროკავშირის 11 ქვეყანა საგარეო პოლიტიკაზე „ობსტრუქციული“ ვეტოს გაუქმებას მოითხოვს

ევროკავშირის 11 ქვეყანა საგარეო პოლიტიკაზე „ობსტრუქციული“ ვეტოს გაუქმებას მოითხოვს.ავსტრია, დანია, ბელგია, ფინეთი, საფრანგეთი, გერმანია, ლუქსემბურგი, ნიდერლანდები, რუმინეთი, ესპანეთი და შვედეთი საგარეო პოლიტიკაში ერთსულოვნებიდან კვალიფიციურ უმრავლესობაზე გადასვლის იდეის შესწავლას ცდილობენ.ქვეყნების ჯგუფი ამტკიცებს, რომ გულწრფელი თანამშრომლობის პრინციპი პრიორიტეტული უნდა იყოს.„კავშირის კონსენსუსის კულტურა მისი ლეგიტიმურობის მნიშვნელოვანი წყაროა. ამიტომ ჩვენ ვაგრძელებთ კონსენსუსისკენ სწრაფვას, სადაც ეს შესაძლებელია. თუმცა ჩვენ ასევე უნდა უზრუნველვყოთ, რომ კონსენსუსის ეს კულტურა ხელს უწყობდეს საერთო მოქმედებას და არა ხელს უშლიდეს მას – წინააღმდეგ შემთხვევაში ჩვენ გვექნება ლეგიტიმურობა, მაგრამ არა – ძალა“, – ნათქვამია ქვეყნების წერილში, რომელიც ევროკავშირში უმაღლესი წარმომადგენლის, კაია კალასისადმი იყო გაგზავნილი.ევროკავშირის წესების თანახმად, საგარეო პოლიტიკა მკაცრად რეგულირდება ერთსულოვნებით, რაც ნიშნავს, რომ ერთ ქვეყანას ნებისმიერ დროს შეუძლია, ხელები შეუკრას დანარჩენ 26 წევრ სახელმწიფოს.

პოლიტიკა • 1788260998

Euronews: ევროკავშირის 11 ქვეყანა საგარეო პოლიტიკის საკითხების გადაწყვეტილების დროს ვეტოს პრინციპის გაუქმებას ითხოვს

ევროკავშირის 11 ქვეყანა მოითხოვს დასრულდეს „ხელის შემშლელი“ ვეტოების გამოყენება, რომლებიც ბოლო წლებში ბლოკის საგარეო პოლიტიკის განხორციელებას აფერხებდა. ინფორმაციას Euronews-ი ავრცელებს.ქვეყნები აცხადებენ, რომ ევროკავშირის წევრებს შორის კეთილსინდისიერი თანამშრომლობის პრინციპმა უფრო მნიშვნელოვანი როლი უნდა შეასრულოს.აღნიშნულ საკითხთან დაკავშირებით, ავსტრიამ, დანიამ, ბელგიამ, ფინეთმა, საფრანგეთმა, გერმანიამ, ლუქსემბურგმა, ნიდერლანდებმა, რუმინეთმა, ესპანეთმა და შვედეთმა ევროკავშირის საგარეო პოლიტიკისა და უსაფრთხოების საკითხებში უმაღლეს წარმომადგენელს კაია კალასს ერთობლივი წერილი გაუგზავნეს.„ევროკავშირში კონსენსუსის კულტურა მისი ლეგიტიმაციის მნიშვნელოვანი წყაროა. ამიტომ, სადაც ეს შესაძლებელია, კვლავ ვეცდებით კონსენსუსის მიღწევას“, - ნათქვამია წერილში.თუმცა, 11 ქვეყანა მიიჩნევს, რომ აუცილებელია იმის უზრუნველყოფა, რომ კონსენსუსის კულტურა საერთო მოქმედებას ხელს უწყობდეს და არა აფერხებდეს მას.„წინააღმდეგ შემთხვევაში, ჩვენ გვექნება ლეგიტიმაცია, მაგრამ ძალა - არა“, - აცხადებენ ქვეყნები.ერთობლივ წერილს ხელს აწერენ ავსტრია, დანია, ბელგია, ფინეთი, საფრანგეთი, გერმანია, ლუქსემბურგი, ნიდერლანდები, რუმინეთი, ესპანეთი და შვედეთი. ევროკავშირის უდიდესი წევრი ქვეყანა გერმანია ბლოკის საგარეო პოლიტიკის გადაწყვეტილების მიღების წესების რეფორმირების ერთ-ერთი მთავარი ინიციატორია, წერს Euronews-ი.„ევროკავშირის საგარეო პოლიტიკა ფუნდამენტურად შეცვლილ გარემოში მოქმედებს, რომელსაც სტრატეგიული კონკურენცია, მზარდი არასტაბილურობა და წესებზე დაფუძნებული საერთაშორისო წესრიგის შესუსტების მცდელობები განსაზღვრავს“, - აღნიშნულია წერილში.ქვეყნების განცხადებით, ასეთ ვითარებაში ევროკავშირის უნარი დაიცვას საკუთარი ღირებულებები და ინტერესები დამოკიდებულია იმაზე, რამდენად სწრაფად და ეფექტიანად შეძლებს ის საკუთარი პოლიტიკური, ეკონომიკური და დიპლომატიური რესურსების გაერთიანებას.ევროკავშირის მოქმედი წესების თანახმად, საგარეო პოლიტიკის საკითხებზე გადაწყვეტილებები ერთსულოვნების პრინციპით მიიღება. ეს ნიშნავს, რომ 27 წევრი ქვეყნიდან ნებისმიერ ერთს შეუძლია დანარჩენი 26 ქვეყნის გადაწყვეტილების დაბლოკვა.ეს პრობლემა არაერთხელ გამოვლინდა უნგრეთის პრემიერ-მინისტრ ვიქტორ ორბანის 16-წლიანი მმართველობის პერიოდში. აპრილში ხელისუფლების დაკარგვამდე ორბანი არაერთხელ იწვევდა ევროკავშირის სხვა ლიდერების უკმაყოფილებას, როდესაც ვეტოს უფლებას დათმობების მისაღებად ან საკუთარი ინტერესების გასატარებლად იყენებდა, იუწყება გამოცემა.მიმდინარე წლის დასაწყისში მან უპრეცედენტო კრიზისიც კი გამოიწვია, როდესაც უკრაინისთვის 90 მილიარდი ევროს მოცულობის სესხის გამოყოფა დაბლოკა. ეს სესხი ევროკავშირის ლიდერებს უკვე შეთანხმებული ჰქონდათ. ორბანის გადაწყვეტილება უკრაინასთან დაკავშირებულ სხვა საკითხს - „დრუჟბას“ ნავთობსადენთან დაკავშირებულ დავას - უკავშირდებოდა.

მსოფლიო • 1788199500

Euronews: ევროკავშირის საგარეო პოლიტიკის რეფორმის ფარგლებში, გერმანიამ და საფრანგეთმა წამოაყენეს ერთობლივი ინიციატივა, რომლის მიხედვითაც კაია კალასი უშუალოდ ურსულა ფონ დერ ლაიენის დაქვემდებარებაში მოექცევა

ევროკავშირის საგარეო პოლიტიკის რეფორმის ფარგლებში, გერმანიამ და საფრანგეთმა წამოაყენეს ერთობლივი ინიციატივა, რომლის მიხედვითაც საგარეო საქმეთა და უსაფრთხოების პოლიტიკის საკითხებში უმაღლესი წარმომადგენელი, კაია კალასი უშუალოდ ევროკომისიის პრეზიდენტის, ურსულა ფონ დერ ლაიენის დაქვემდებარებაში მოექცევა. ინფორმაციას ამის შესახებ Euronews ავრცელებს.გეგმის განხილვა ოთხშაბათს, ირლანდიის ქალაქ უიკლოუში, ევროკავშირის საგარეო საქმეთა მინისტრების არაფორმალურ შეხვედრაზე იგეგმება, რომელსაც თავად კალასი გაუძღვება.საფრანგეთისა და გერმანიის ინიციატივის მთავარი მიზანია, საგარეო პოლიტიკაში ბლოკის ერთ-ერთი ყველაზე მწვავე სისუსტე - ინსტიტუციური უთანხმოება და არაკოორდინირებული მოქმედებები აღმოფხვრას.ლისაბონის ხელშეკრულების კომპლექსური არქიტექტურის თანახმად, უმაღლესი წარმომადგენელი ხელმძღვანელობს ევროპის საგარეო ქმედებათა სამსახურს (EEAS) და 27-ვე წევრი სახელმწიფოს სახელით გეგმავს, კოორდინაციას უწევს და ახორციელებს საგარეო პოლიტიკას.ამასთან, ისეთი წონადი სფეროები, რომლებიც გლობალურ პოლიტიკას განსაზღვრავს - როგორიცაა ვაჭრობა, ენერგეტიკა, კლიმატი და მიგრაცია - უმეტესწილად ევროკომისიის კომპეტენციაა, რაც EEAS-ს მოლაპარაკებების პროცესში ქმედით ბერკეტებს ართმევს.გაფართოების პოლიტიკაც, რომელსაც ასევე მკვეთრი გეოპოლიტიკური დატვირთვა აქვს, სრულად ევროკომისიის კონტროლქვეშ რჩება.ძალაუფლების ასეთმა დანაწილებამ ურსულა ფონ დერ ლაიენს გზა გაუხსნა, საგარეო პოლიტიკურ ასპარეზზე საკუთარი გავლენა მკვეთრად გაეზარდა, რაც ნათლად გამოჩნდა უკრაინაში რუსეთის სრულმასშტაბური შეჭრისას მის მიერ გადადგმულ ნაბიჯებში. გარდა ამისა, ევროკომისიის პრეზიდენტი აქტიურად მართავდა მაღალი დონის ვიზიტებს და ხელს აწერდა არაერთ სტრატეგიულ შეთანხმებას.გერმანულ-ფრანგული ინიციატივის თანახმად, კალასს უშუალო და ქმედითი როლი უნდა დაეკისროს ევროკომისიის იმ გენერალური დირექტორატების კოორდინაციაში, რომლებიც საგარეო პოლიტიკურ განზომილებას განაგებენ. კერძოდ, საუბარია განვითარების თანამშრომლობაზე, ჰუმანიტარულ დახმარებაზე, თავდაცვის მრეწველობაზე და სამეზობლო პოლიტიკაზე, რომელიც დანაწილებულია აღმოსავლეთ ევროპის და ახლო აღმოსავლეთისა თუ ჩრდილოეთ აფრიკის მიმართულებებად.პრაქტიკული თვალსაზრისით, კალასის უფლებამოსილებები ევროკომისიის შიგნით მნიშვნელოვნად გაფართოვდება. თუმცა ეს სტატუსური დაწინაურება საბოლოოდ მაინც ფონ დერ ლაიენის ინტერესებში შედის, რადგან იგი ინარჩუნებს უმაღლესი ხელმძღვანელის სტატუსს - ეროვნულ დონეზე პრემიერ-მინისტრსა და საგარეო საქმეთა მინისტრს შორის არსებული იერარქიული მოდელის მსგავსად.ევროპის საგარეო ქმედებათა სამსახურის პოზიციები, რომელსაც კალასი დღეს ფონ დერ ლაიენისგან დამოუკიდებლად უდგას სათავეში, შესუსტდება, რისი მთავარი მიზანიც ინსტიტუციური ჯახისა და ინტერესთა კონფლიქტის თავიდან არიდებაა.პარალელურად, საფრანგეთისა და გერმანიის ინიციატივა ითვალისწინებს საგარეო პოლიტიკის ფორმირების პროცესში წევრი ქვეყნების როლის გამოკვეთასა და გაძლიერებას.რეფორმის გატარება მოითხოვს 2010 წელს მიღებული იმ გადაწყვეტილების შესწორებას, რომლითაც EEAS-ი შეიქმნა, და არა ლისაბონის ხელშეკრულების ჩასწორებას. აღნიშნულ ცვლილებებს ევროკავშირის ყველა წევრი სახელმწიფოს ერთსულოვანი მხარდაჭერა დასჭირდება.

მსოფლიო • 1788171922

ჯაბა სამუშია: თბილისის სახელმწიფო უნივერსიტეტშიც არის გარკვეულ მიმართულებებზე ადგილები. შესაბამისად, ჩვენს აბიტურიენტებს შეეძლებათ სწავლა გააგრძელონ თბილისის სახელმწიფო უნივერსიტეტში

მეორად ჩარიცხვებთან დაკავშირებით პრემიერ-მინისტრის ინიციატივას თბილისის სახელმწიფო უნივერსიტეტის რექტორი ჯაბა სამუშია გამოეხმაურა.როგორც მან „ქრონიკასთან“ საუბრისას განაცხადა, გარკვეულ მიმართულებებზე ადგილები თსუ-შიც არის.„[მეორადი ჩარიცხვები]მნიშვნელოვანია იმ 1 700-ზე მეტი აბიტურიენტისთვის, რომლებმაც ერთიანი ეროვნული გამოცდებისას გადალახეს შესაბამისი ზღვარი. მათ ექნებათ უკვე შანსი, რომ ხელახლა მეორადი ჩარიცხვის წესით აირჩიონ შესაბამისი ფაკულტეტები.რაც შეეხება თბილისის სახელმწიფო უნივერსიტეტს, თბილისის სახელმწიფო უნივერსიტეტშიც არის გარკვეულ მიმართულებებზე ადგილები. შესაბამისად, ჩვენს აბიტურიენტებს შეეძლებათ სწავლა გააგრძელონ უკვე თბილისის სახელმწიფო უნივერსიტეტში“, - აღნიშნა ჯაბა სამუშიამ.განათლების, მეცნიერებისა და ახალგაზრდობის მინისტრმა, გივი მიქანაძემ 30 აგვისტოს, ბრიფინგზე განაცხადა:„საქართველოს პრემიერ-მინისტრ ირაკლი კობახიძის ინიციატივით, 1795 აბიტურიენტს, რომლებმაც ერთიან ეროვნულ გამოცდებზე განსაზღვრული მინიმალური კომპეტენციის ზღვარი გადალახეს, ე.წ. მეორადი ჩარიცვის შესაძლებლობას ვაძლევთ“.

კულტურა • 1787817614

„ღამის სერენადების“ ბათუმის კონცერტები ტრიუმფით დასრულდა

ლიანა ისაკაძის სახელობის საერთაშორისო ფესტივალი „ღამის სერენადები“ ბათუმში დასრულდა. ბათუმის დრამატული თეატრის სცენაზე სპეციალურად „ღამის სერენადებისთვის“ შექმნილი უნიკალური მუსიკალური პროექტი „ტანგო – ოპერაციონე“ წარმოადგინეს მსოფლიოში აღიარებულმა, ახალგაზრდა ქართველმა მუსიკოსებმა - პიანისტმა გლორია კამპანერიმ, ბანდონეონისტმა მარიო სტეფანო პიეტროდარკიმ, სოპრანომ მარიკა მაჩიტიძემ და ფლეიტისტმა ნიკოლოზ ვადაჭკორიამ. ვირტუოზი ქართველი და უცხოელი შემსრულებლების პერფორმანსს მაყურებლის მქუხარე აპლოდისმენტები მოჰყვა. უნიკალური მუსიკალური პროექტის ფარგლებში შესრულდა ასტორ პიაცოლას „მარტოობა“, „შემოდგომა“ და „ზაფხული“ „ბუენოს-აირესის წელიწადის დროებიდან“, „ობლივიონი“, „სამხრეთი“; Le Grand Tango; Libertango; „ხარების მილონგა“ ოპერიდან „მარია ბუენოს-აირესიდან“; ჟორჟ ბიზეს „ჰაბანერა“ ოპერიდან „კარმენი“.წლევანდელი „ღამის სერენადები“ ლეგენდარული ქართველი მევიოლინის, ლიანა ისაკაძის დაბადებიდან 80 წლის იუბილეს მიეძღვნა. ფესტივალმა წელსაც ტრადიციულად ქართველი და უცხოელი ვირტუოზი მუსიკოსები და მუსიკალური სამყაროს წარმომადგენლები შეკრიბა.საერთაშორისო მუსიკალური ფესტივალი “ღამის სერენადები”, რომელიც 1982 წელს სახელგანთქმული ქართველი მევიოლინე ლიანას ისაკაძის მიერ დაარსდა, საიუბილეო თარიღთან დაკავშირებით წელს საქართველოს სამ ქალაქში შვიდ გამორჩეულ კონცერტს აერთიანებს. „ღამის სერენადები“ 19 ივლისს ბორჯომში გაიხსნა, 21, 23 და 25 აგვისტოს ბათუმში გადაინაცვლა, დასკვნითი კონცერტები 16, 18 და 20 სექტემბერს თბილისში გაიმართება.ფესტივალი საქართველოს კულტურის სამინისტროს, სსიპ „შემოქმედებითი საქართველო“, აჭარის ავტონომიური რესპუბლიკის კულტურის სამინისტროს, თბილისის, ბათუმის, ბორჯომის მერიების, საქართველოში იტალიის საელჩოს, თბილისის ზაქარია ფალიაშვილის სახელობის ცენტრალური სამუსიკო სკოლის „ნიჭიერთა ათწლედი“ მხარდაჭერით ტარდება. ფესტივალის „ღამის სერენადები“ სამხატვრო ხელმძღვანელია გიორგი ისაკაძე, ორგანიზატორი კომპანია „არტ ალიანსი“, ფესტივალის დირექტორი კი ნინა ცაგარელი.როგორც ფესტივალის “ღამის სერენადების“ სამხატვრო ხელმძღვანელმა გიორგი ისაკაძემ განაცხადა, ბორჯომის გახსნითი და ბათუმის სამი კონცერტით ფესტივალის საზაფხულო ნაწილი დასრულდა, თბილისის კონცერტებზე კი განსაკუთრებულად საინტერესო და მრავალფეროვანი პროგრამა ელოდება. „ჩემთვის განსაკუთრებით სასიხარულოა, რომ წელს, ლიანა ისაკაძის 80 წლის იუბილესადმი მიძღვნილ ფესტივალზე, მაყურებელმა ასეთი დიდი ინტერესი და სიყვარული გამოავლინა. ბათუმში ერთმანეთისგან სრულიად განსხვავებული, მაგრამ ძალიან ემოციური და დასამახსოვრებელი საღამოები შედგა, შესანიშნავი მუსიკოსებით, მრავალფეროვანი პროგრამებით და, რაც ყველაზე მთავარია, საოცარი მაყურებლით. დარბაზის რეაქცია და ის ემოცია, რომელსაც ამ დღეებში ვგრძნობდით, ჩვენთვის საუკეთესო შეფასებაა. მაგრამ „ღამის სერენადები 2026“ ჯერ არ დასრულებულა. წინ თბილისია და მინდა, ყველა მუსიკის მოყვარულს ვუთხრა - გელოდებით!“-აღნიშნა გიორგი ისაკაძემ.წლევანდელი ფესტივალი ორმაგად ემოციური და საპასუხისმგებლოა ფესტივალის დირექტორის ნინა ცაგარელისთვის. მისი სიტყვებით, "ბათუმში კონცერტები დავასრულეთ სპეციალურად ფესტივალისთვის შექმნილი მუსიკალური პროექტით "ტანგო ოპერაციონე", რომელიც ტანგოს ცეცხლოვან რიტმებსა და ოპერის კლასიკურ ვოკალს აერთიანებს. მაყურებლის ოვაციები, ბისები და აღფრთოვანება ჩვენ ძალიან გვახარებს. წელს ფესტივალი ლიანა ისაკაძის 80 წლის იუბილეს აღნიშნავს, ამიტომ ეს წელი ჩვენთვის ორმაგად ემოციური და საპასუხისმებლოა“.ემოციურია ფესტივალის მონაწილეთა შეფასებებიც.გლორია კამპანერი, პიანისტი: „უბედნიერესი ვარ, რომ დავბრუნდი საქართველოში. ბათუმში პირველად ვარ ლიანა ისაკაძის საერთაშორისო ფესტივალის ფარგლებში. დაუვიწყარი კონცერტი იყო. საოცარი მონაწილეებითა და არაჩვეულებრივი მსმენელით. მოხარული ვარ, რომ ამ კონცერტში ჩემს მეგობართან მარიო სტეფანო პიეტრო დარკისთან და არაჩვეულებრივ ქართველ სოპრანოსთან მარიკა მაჩიტიძესთან ერთად მივიღე მონაწილეობა."ალესანდრო ბარიკო, მუსიკალური კრიტიკოსი: „პირველად ვარ საქართველოში, ბათუმში. ფანტასტიური ქვეყანა და გასაოცარი ხალხია. ძალიან სასიამოვნო და შთამბეჭდავი საღამო იყო. გავიცანი და აღმოვაჩინე არაჩვეულებრივი მუსიკოსები და შემსრულებლები. ასტორ პიაცოლას შემოქმედებას ათასობით თაყვანისმცემელი ჰყავს, ერთ-ერთი მეც გახლავართ და მესიამოვნა ამ საღამოს მისი მოსმენა ვირტუოზი მუსიკოსების შესრულებით. წარმატებებს ვუსურვებ ფესტივალს და მის შემოქმედებით გუნდს."მარიო სტეფანო პიეტროდარკი, ბანდონეონისტი: „ძალიან მიხარია, რომ წელსაც ვიღებ მონაწილეობას ლიანა ისაკაძის საერთაშორისო ფესტივალში. უნიჭიერეს პიანისტთან გლორია კამპანერთან, სოპრანო მარიკასთან, ფლეიტისტ ნიკა ვადაჭკორიასთან და ქართველ მუსიკოსებთან ერთად წარმოვადგინეთ მუსიკალური პროექტი, რომელმაც მსმენელის დიდი მოწონება დაიმსახურა. ჩემთვის უდიდესი პატივია ამ ფესტივალში მონაწილეობა."მარიკა მაჩიტიძე, სოპრანო: „უსაზღვროდ ბედნიერი ვარ და ძალიან მიხარია, რომ მომეცა შესაძლებლობა მონაწილეობა მიმეღო ლიანა ისაკაძის საერთაშორისო ფესტივალში. წლევანდელი ფესტივალი განსაკუთრებულია, რადგან ქალბატონი ლიანას 80 წლის იუბილეს ეძღვნება. ჩემთვის უდიდესი პატივია, რომ ვმონაწილეობდი ორ ძალიან ლამაზ და გამორჩეულ კონცერტში, რომელიც ბათუმელ მსმენელს ვაჩუქეთ. ეს პროგრამა ჩემთვის სიახლე იყო, მოკლე დროში მომიწია შესწავლა. დაუვიწყარი ემოციები მომცა ბრწყინვალე მუსიკოსებთან თანამშრომლობამ. იმედი მაქვს, რომ ფესტივალთან და მის არაჩვეულებრივ მონაწილეებთან ჩემი თანამშრომლობა ამით არ დასრულდება და მომავალშიც გაგრძელდება. დიდ წარმატებას ვუსურვებ ჩვენი ქვეყნისთვის უმნიშვნელოვანეს "ღამის სერენადებს".ფესტივალი მასპინძელი სასტუმროები: „ბორჯომი ლიკანი“ და „Hilton Garden Inn Tbilisi“.პარტნიორი კომპანიები: პარფიუმერულ მაღაზიათა ქსელი „ლუტეცია“, მცენარეული კოსმეტიკის ფუძემდებელი „ივ როშე“, ნატურალური კოსმეტიკის ქართული წარმოების ბრენდი „პიელ ნატურალსი“, კომპანია „სარაჯიშვილი“, ღვინის კომპანია „პავილიონ ვაინსი“, ფარმაცევტული კომპანია „პსპ“, “გუდვილი” – პირველი ჰიპერმარკეტების ქსელი საქართველოში და ავეჯის სახლი „ნიტა“.საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი 2“, ტელეკომპანია „იმედი“, ტელეკომპანია „პოს ტვ“, „Euronews Georgia“, Billboard Georgia, საპატრიარქოს ტელევიზია „ერთსულოვნება“, მედია და ციფრული კომუნიკაციების სააგენტო „კლიპ არტი“, პალიტრა ნიუსი , საინფორმაციო სააგენტო„პრაიმ ტაიმი“, ინგლისურენოვანი გაზეთი ,,Georgia Today’’, ყოველდღიური ინგლისურენოვანი გაზეთი ,, The Messenger’’, ჟურნალი „სარკე“, გაზეთი „აჭარა“, „აჭარა თაიმსი“, რადიო ჰოლდინგი„ფორტუნა“ და ვებ-პლატფორმა Fortuna.ge.

საზოგადოება • 1787735671

განათლების მკვლევარი შალვა ტაბატაძე მისაღები გამოცდების შედეგების შესახებ ატეხილ აჟიოტაჟზე ვრცელ ანალიზს აქვეყნებს - მისი თქმით, 2025 წელთან შედარებით საბაკალავრო პროგრამებზე ჩარიცხულთა საერთო რაოდენობა მკვეთრად არ შემცირებულა

განათლების მკვლევარი შალვა ტაბატაძე ერთიანი ეროვნული გამოცდების შედეგებზე ატეხილ აჟიოტაჟს ეხმიანება. ის სოციალურ ქსელში საჯაროდ ხელმისაწვდომ მონაცემებზე დაყრდნობით ვრცელ ანალიზს აქვეყნებს და თან ურთავს გრაფიკებს, რომელშიც ინფორმაცია დეტალურად არის წარმოდგენილი.მისი განცხადებით, შედეგების გამოქვეყნების შემდეგ შექმნილი რეალური სურათი რამდენიმე საკვანძო ტენდენციას გამოკვეთს და აღნიშნავს, რომ 2025 წელთან შედარებით საბაკალავრო პროგრამებზე ჩარიცხული სტუდენტების საერთო რაოდენობა მკვეთრად არ შემცირებულა.მისივე თქმით, სახელმწიფო უნივერსიტეტებში შემცირებული ადგილები კერძო უნივერსიტეტებში გადანაწილდა. ასევე, აღნიშნავს, რომ გასულ წელთან შედარებით, 2026 წელს სახელმწიფოს დაფინანსებით პირველ კურსზე დაახლოებით 2000 სტუდენტით მეტი ისწავლის.“მისაღები გამოცდების შედეგების გამოქვეყნებამ დიდი აჟიოტაჟი გამოიწვია. საჯაროდ ხელმისაწვდომ მონაცემებზე დაფუძნებით რეალური სურათი შემდეგია:1. 2025 წელთან შედარებით საბაკალავრო პროგრამებზე ჩარიცხული სტუდენტების საერთო რაოდენობა მკვეთრად არ შემცირებულა. 2026 წელს, 2025 წელთან შედარებით, მთლიანობაში საბაკალავრო პროგრამებზე 565 სტუდენტით ნაკლები ჩაირიცხა. სახელმწიფო უნივერსიტეტებში საბაკალავრო პროგრამებზე ჩარიცხული სტუდენტების რაოდენობა შემცირდა 2017 სტუდენტით; კერძო უნივერსიტეტებში საბაკალავრო პროგრამებზე ჩარიცხული სტუდენტების რაოდენობა კი გაიზარდა 1452 სტუდენტით;2. „შრომის ბაზრის მოთხოვნიდან გამომდინარე“ სახელმწიფო უნივერსიტეტებში შემცირებული ადგილები, როგორც მოსალოდნელი იყო, გადანაწილდა კერძო უნივერსიტეტებში. მაგალითად, სამართლის პროგრამებზე საჯარო უნივერსიტეტებში ჩაირიცხა 652 სტუდენტით ნაკლები 2026 წელს 2025 წელთან შედარებით, ხოლო კერძო უნივერსიტეტებში ჩაირიცხა 332-ით მეტი სტუდენტი;3. საჯარო უნივერსიტეტებიდან ჩარიცხული სტუდენტების რაოდენობა 2025 წელთან შედარებით როგორც მოსალოდნელი იყო მკვეთრად გაეზარდა თსუს და სამედიცინოს, ხოლო შეუმცირდა ილიას და რეგიონულ უნივერსიტეტებს (ბათუმი-ქუთაისის გარდა);4. შინამეურნეობების (ანუ ოჯახების) საერთო დანახარჯი დიდი ალბათობით არ შემცირდება და სავარაუდოდ გაიზრდება საერთო მოცულობით. უბრალოდ, თუ ადრე ის ნაწილდებოდა 15000-ზე მეტ სტუდენტზე, ახლა ის გადანაწილდება 11600-მდე სტუდენტის ოჯახებზე;5. სახელმწიფოს დაფინანსებით 2025 წელს დაახლოებით 15500 სტუდენტი სწავლობდა სხვადასხვა მოცულობის დაფინანსებით (საგრანტო დაფინანსება, ე.წ. უფასო ფაკულტეტები და სოციალური პროგრამა), 2026 წელს სახელმწიფოს დაფინანსებით პირველ კურსზე 17862 სტუდენტი ისწავლის ანუ დაახლოებით 2000 სტუდენტით მეტი;6. ქართულ ენაში მომზადების პროგრამაზე ჩარიცხულ სტუდენტთა რაოდენობა დაახლოებით 15%-ით შემცირდა, უფრო კონკრეტულად ქართულ ენაში მომზადების ერთწლიან პროგრამებზე 2026 წელს ჩაირიცხა 1528 სტუდენტი, ხოლო 2025 წელს იყო ჩარიცხული 1751 ანუ 223-ით მეტი. თუმცა რადგან ჩარიცხულ სტუდენტთა 98% სახელმწიფო უნივერსიტეტებში ირიცხება, სწავლის საფასურის გადახდა არ მოუწევთ ოჯახებს;7. 2026 წელს საჯარო უნივერსიტეტებში საბაკალავრო პროგრამებზე გამოყოფილი ადგილებიდან შეუვსებელი დარჩა 3847 ადგილი. 2025 წელს შეუვსებელი იყო 4483 ადგილი, თუმცა პროცენტული პროპორცია გამოყოფილ და შეუვსებელ ადგილებს შორის თითქმის იდენტურია;8. შეუვსებელი ადგილები ძირითადად დარჩა თბილისის სახელმწიფო სამედიცინო უნივერსიტეტში და ასევე რეგიონალურ უნივერსიტეტებში (სოხუმი, ბათუმი, ქუთაისი ორივე, , თელავი, სამცხე-ჯავახეთი, ზუგდიდი), რაც განპირობებულია საბაკალავრო პროგრამების არჩევანის შეზღუდვით რეგიონულ უნივერსიტეტებში და ქართული ენის ერთწლიანი პროგრამების და საბაკალავრო პროგრამების გადანაწილების პრინციპით;9. კერძო უნივერსიტეტებში 2026 წელს შეუვსებელი დარჩა 3540 ადგილი, ხოლო 2025 წელს აუთვისებელი იყო 7749 ადგილი. საჯარო უნივერსიტეტებში კონკრეტულ მოთხოვნადი მიმართულებების შეზღუდვამ კერძო უნივერსიტეტებს მეტი შესაძლებლობა მისცათ სტუდენტების მოსაზიდად.დეტალურად ინფორმაცია თანდართულ გრაფიკებშია წარმოდგენილი.”-წერს ტაბატაძე.

კულტურა • 1787572740

„ღამის სერენადების“ მონაწილეები აღტაცებულმა მაყურებელმა ბისზე რამდენჯერმე მიიწვია

ლიანა ისაკაძის სახელობის საერთაშორისო ფესტივალი „ღამის სერენადები 2026“ ბათუმში გრძელდება. ფესტივალი საქართველოს კულტურის სამინისტროს, სსიპ „შემოქმედებითი საქართველოს“, აჭარის ავტონომიური რესპუბლიკის კულტურის სამინისტროს, ბათუმის, თბილისის და ბორჯომის მერიების მხარდაჭერით იმართება.ილია ჭავჭავაძის სახელობის ბათუმის დრამატულ თეატრში ჩატარებულ კონცერტში მონაწილეობა მიიღეს მევიოლინემ და დირიჟორმა ანდრეს გაბეტამ, ბანდონეონისტმა მარიო სტეფანო პიეტროდარკიმ, სოპრანომ მარიამ მაჩიტიძემ, ფესტივალის საბაზო ორკესტრმა საქართველოს ვირტუოზები, პირველმა ვიოლინომ - ლელა მჭედლიძემ. დამსწრე საზოგადოებამ მოისმინა ბაროკოსა და ტანგოს გამორჩეული მუსიკალური სინთეზი - "მარია ბუენოს-აირესიდან – გადატვირთვა". აღფრთოვანებულმა მაყურებელმა ვირტუოზები მქუხარე აპლოდისმენტების თანხლებით ბისზე რამდენჯერმე მიიწვია."ღამის სერენადების" წლევანდელი საკონცერტო პროგრამა ჟანრობრივად განსაკუთრებულად მრავალფეროვანია – შვიდი გამორჩეული კონცერტით აღინიშნება ლეგენდარული ქართველი მევიოლინის, ლიანა ისაკაძის, დაბადებიდან 80 წლის იუბილე. ფესტივალში მონაწილეობას მიიღებენ მსოფლიოში აღიარებული ქართველი და უცხოელი მუსიკოსები, ასევე ახალგაზრდა ნიჭიერი შემსრულებლები.გიორგი ისაკაძე, "ღამის სერენადების" სამხატვრო ხელმძღვანელი:"დიდი მადლობა საქართველოს კულტურის სამინისტროს, სსიპ „შემოქმედებით საქართველოს“, აჭარის ავტონომიური რესპუბლიკის კულტურის სამინისტროს, ბათუმის, თბილისის და ბორჯომის მერიებს, იტალიის საელჩოს საქართველოში ფესტივალის მხარდაჭერისთვის. არაჩვეულებრივმა მუსიკოსებმა - ანდრეს გაბეტამ, მარიო-სტეფანო პიეტროდარკმა, მარიკა მაჩიტიძემ და ფესტივალის საბაზო ორკესტრმა "საქართველოს ვირტუოზებმა" წარადგინეს სპეციალურად ფესტივალის საიუბილეო თარიღისთვის შექმნილი პროგრამა, "მარია-ბუენოს აირესიდან - გადატვირთვა". ეს პროგრამა აიგო ასტორ პიაცოლას ტანგო ოპერის "მარია-ბუენოს აირესიდან" ირგვლივ და წარმოადგენს უაღრესად საინტერესო დიალოგს ბაროკოს ეპოქასა და ტანგოს სამყაროს შორის. ძალიან განსაკუთრებული და დასამახსოვრებელი კონცერტი გამოვიდა, რაც მსმენელთა მქუხარე ოვაციებმა დაადასტურა. ველით ყველას ბათუმის სერიის დასკვნით კონცერტზე 25 აგვისტოს ილია ჭავჭავაძის სახელობის დრამატულ თეატრში პროგრამაზე "ტანგო ოპერაციონე".ანდრეს გაბეტა, დირიჟორი, მევიოლინე:"საოცარი მსმენელი გვესტუმრა კონცერტზე. მათი ენერგია გადმოდიოდა ჩვენზე, ძალიან ემოციური საღამო იყო. მადლობა ორგანიზატორებს. მიხარია, რომ მსმენელმა ასე თბილად მიგვიღო."მარიო სტეფანო პიეტროდარკი, ბანდონეონისტი:"საქართველოს განსაკუთრებული მსმენელი ჰყავს. მათით ყოველთვის აღფრთოვანებული ვარ ხოლმე. არ წყდებოდა აპლოდისმენტები. ეს საოცარი შეგრძნებაა არტისტისთვის. მადლობა ორგანიზატორებს ამ უდიდესი სიამოვნებისათვის."ფესტივალის „ღამის სერენადები“ დამფუძნებელია ლეგენდარული მევიოლინე ლიანა ისაკაძე.სამხატვრო ხელმძღვანელი: გიორგი ისაკაძე;ორგანიზატორი: კომპანია „არტ ალიანსი“;ფესტივალის დირექტორი: ნინა ცაგარელიფესტივალის მხარდამჭერები: საქართველოს კულტურის სამინისტრო; სსიპ „შემოქმედებითი საქართველო“; აჭარის ავტონომიური რესპუბლიკის კულტურის სამინისტრო; თბილისის მერია; ბათუმის მერია; ბორჯომის მერია; იტალიის საელჩო საქართველოში; თბილისის ზაქარია ფალიაშვილის სახელობის ცენტრალური სამუსიკო სკოლა – „ნიჭიერთა ათწლედი“.მასპინძელი სასტუმროები: „ბორჯომი ლიკანი“ და „Hilton Garden Inn Tbilisi“.პარტნიორი კომპანიები: პარფიუმერულ მაღაზიათა ქსელი „ლუტეცია“, მცენარეული კოსმეტიკის ფუძემდებელი საფრანგეთიდან „ივ როშე“, ნატურალური კოსმეტიკის ქართული წარმოების ბრენდი „პიელ ნატურალსი“, კომპანია „სარაჯიშვილი“, ღვინის კომპანია „პავილიონ ვაინსი“, ფარმაცევტული კომპანია „პსპ“, “გუდვილი” – პირველი ჰიპერმარკეტების ქსელი საქართველოში და ავეჯის სახლი „ნიტა“.საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი 2“, ტელეკომპანია „იმედი“, ტელეკომპანია „პოს ტვ“, „Euronews Georgia“, Billboard Georgia, საპატრიარქოს ტელევიზია „ერთსულოვნება“, მედია და ციფრული კომუნიკაციების სააგენტო „კლიპ არტი“, პალიტრა ნიუსი , საინფორმაციო სააგენტო„პრაიმ ტაიმი“, ინგლისურენოვანი გაზეთი ,,Georgia Today’’, ყოველდღიური ინგლისურენოვანი გაზეთი ,, The Messenger’’, ჟურნალი „სარკე“, გაზეთი „აჭარა“, „აჭარა თაიმსი“, რადიო ჰოლდინგი„ფორტუნა“ და ვებ-პლატფორმა Fortuna.ge.

კულტურა • 1787226592

„ღამის სერენადები 2026“ ბორჯომში საზეიმოდ გაიხსნა

ლიანა ისაკაძის სახელობის საერთაშორისო ფესტივალი „ღამის სერენადები 2026“ ტრადიციულად ბორჯომში, სასტუმრო ბორჯომ-ლიკანში გაიხსნა საქართველოს კულტურის სამინისტროს, სსიპ „შემოქმედებითი საქართველოს“, აჭარის ავტონომიური რესპუბლიკის კულტურის სამინისტროს, ბორჯომის მერიის, თბილისის მერიის, ბათუმის მერიის მხარდაჭერით. გახსნითი საღამო მქუხარე აპლოდისმენტების თანხლებით მიმდინარეობდა.წლევანდელი ფესტივალის პროგრამა ჟანრობრივად განსაკუთრებულად მრავალფორვანია – შვიდი გამორჩეული კონცერტით აღინიშნება ლეგენდარული ქართველი მევიოლინის, ლიანა ისაკაძის, დაბადებიდან 80 წლის იუბილე. ფესტივალში მონაწილეობას იღებენ მსოფლიოში აღიარებული ქართველი და უცხოელი მუსიკოსები, ასევე ახალგაზრდა ნიჭიერი შემსრულებლები: ბეატრიჩე ვენეცი - დირიჟორი; იუკი სერინო - ვიოლინო; ანდრეს გაბეტა - ვიოლინო; მარიო სტეფანო პიეტროდარკი - ბანდონეონი; გლორია კამპანერი - ფორტეპიანო; იან-ერიკ გუსტავსიონი - ჩელო; ანა-ლიზა ბეზროდნი - ვიოლინო; სანდრო ნებიერიძე - ფორტეპიანო; სანდრო გეგეჭკორი - ფორტეპიანო; ნელო სალცა - საყვირი; მარიამ მაჩიტიძე - სოპრანო; ნიკოლოზ ვადაჭკორია- საყვირი; გიორგი შიოლაშვილი - ფორტეპიანო; ფესტივალის საბაზო ორკესტრი „საქართველოს ვირტუოზები“ - პირველი ვიოლინო ლელა მჭედლიძე, გია ყანჩელის სახელობის ახალგაზრდული ორკესტრი.21, 23 და 25 აგვისტოს ფესტივალის საკონცერტო საღამოები ქალაქ ბათუმში დრამატულ თეატრში გადაინაცვლებს.იოსებ ალიბეგაშვილი, სამცხე-ჯავახეთის მხარის სახელმწიფო რწმუნებული:"ქალაქ ბორჯომში ჩატარდა ლიანა ისაკაძის სახელობის საერთაშორისო ფესტივალის გახსნითი კონცერტი, ჩვენი სასიქადულო მუსიკოსის და დიდი ამაგის მქონე ადამიანის, რომელმაც მუსიკის განვითარებაში დიდი წვლილი შეიტანა. ასევე ავღნიშნავთ მისი დაბადებიდან 80 წლის იუბილეს, სწორედ მისი იდეითა და ორგანიზებით ჩაეყარა საფუძველი ამ ფესტივალს ქალაქ ბორჯომში, სამცხე ჯავახეთში და ბორჯომს დღეს უამრავი ადამიანი სტუმრობს. ბედნიერი ვარ, რომ მომეცა საშუალება, დავსწრებოდი ამ მნიშვნელოვანი ფესტივალის გახსნას."მამუკა გელაშვილი, ბორჯომის მუნიციპალიტეტის მერი:"ჩვენთვის დიდი პატივია ტრადიციულად ქალაქ ბორჯომში უმაღლესი დონის ფესტივალის ,,ღამის სერენადების" ჩატარება, ბორჯომის მუნიციპალიტეტი მზადაა ყოველთვის მხარი დაუჭიროს ფესტივალს. დიდი მადლობა მინდა გადავუხადო ორგანიზატორებს, სტუმრებსა და ქართველ და უცხოელ ვირტუოზ მუსიკოსებს აღნიშნული ფესტივალის ჩატარებისათვის."გიორგი ისაკაძე, ფესტივალის ,,ღამის სერენადები" სამხატვრო ხელმძღვანელი:"ჩვენთვის უმნიშვნელოვანესია ქალაქ ბორჯომში ფესტივალის გამართვა. მნიშვნელოვანია, რომ ეს ტრადიცია აღდგა." ბრწყინვალედ ჩაიარა გახსნითმა კონცერტმა, შესანიშნავად შეასრულეს გამორჩეული პროგრამა დირიჟორმა ბიატრიჩე ვენეციმ, სოლისტმა მევიოლინე იუკი სერინომ და ფესტივალის საბაზო ორკესტრმა "საქართველოს ვირტუოზები" პირველი ვიოლინო ლელა მჭედლიძე. ახლა კი ფესტივალი გადაინაცვლებს ქალაქ ბათუმში, სამი უმნიშვნელოვანესი კონცერტი გველოდება. წლევანდელი ფესტივალი ქალაქ თბილისში საზეიმოდ დაიხურება.ბიატრიჩე ვენეცი, დირიჟორი:"პირველად ვარ ქალაქ ბორჯომში, მოხარული ვარ, საოცრად ემოციური წუთებია, მსმენელის ემოციები, რომელიც ჩვენზე გადმოდის, სასწაულია. მიხარია, რომ ასეთი გულთბილი მაყურებელი და მსმენელი გვსტუმრობდა."მხარდამჭერი: თბილისის ზაქარია ფალიაშვილის სახელობის ცენტრალური სამუსიკო სკოლა — „ნიჭიერთა ათწლედი“ მასპინძელი სასტუმროები: „ბორჯომი ლიკანი“ და „Hilton Garden Inn Tbilisi“.პარტნიორი კომპანიები: პარფიუმერულ მაღაზიათა ქსელი „ლუტეცია“, მცენარეული კოსმეტიკის ფუძემდებელი საფრანგეთიდან „ივ როშე“, ნატურალური კოსმეტიკის ქართული წარმოების ბრენდი „პიელ ნატურალსი“, კომპანია „სარაჯიშვილი“, ღვინის კომპანია „პავილიონ ვაინსი“, ფარმაცევტული კომპანია „პსპ“ და ავეჯის სახლი „ნიტა“.საინფორმაციო მხარდამჭერები: აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი 2“, ტელეკომპანია „იმედი“, ტელეკომპანია „პოს ტვ“, „Euronews Georgia“, Billboard Georgia, საპატრიარქოს ტელევიზია „ერთსულოვნება“, მედია და ციფრული კომუნიკაციების სააგენტო „კლიპ არტი“, პალიტრა მედია, საინფორმაციო სააგენტო„პრაიმ ტაიმი“, ინგლისურენოვანი გაზეთი ,,Georgia Today’’, ყოველდღიური ინგლისურენოვანი გაზეთი ,, The Messenger’’, ჟურნალი „სარკე“, გაზეთი „აჭარა“, „აჭარა თაიმსი“, რადიო ჰოლდინგი„ფორტუნა“ და ვებ-პლატფორმა Fortuna.ge.

მსოფლიო • 1786983780

Euronews: გერმანია ევროკომისიას ადანაშაულებს იმაში, რომ ის ელექტროენერგიის ბაზრის რეგულაციას ევროკავშირის საგადასახადო წესებისა და ეროვნული სუვერენიტეტის გვერდის ავლისთვის იყენებს

გერმანია ევროკომისიას ადანაშაულებს იმაში, რომ ის ელექტროენერგიის ბაზრის რეგულაციას ევროკავშირის საგადასახადო წესებისა და ეროვნული სუვერენიტეტის გვერდის ავლისთვის იყენებს, - წერს Euronews-ი.აღნიშნულმა დავამ შესაძლოა შეაფერხოს ბლოკის ელექტრიფიკაციის ტემპი და იმპორტირებულ წიაღისეულ საწვავზე დამოკიდებულების შემცირებისკენ მიმართული ძალისხმევა.Euronews-ის მიერ მოპოვებული წერილის თანახმად, გერმანია ეწინააღმდეგება ევროკომისიის გეგმას, რომლის მიხედვითაც ელექტროენერგია ბუნებრივ აირზე დაბალი განაკვეთით უნდა დაიბეგროს. ბერლინის განცხადებით, ბრიუსელი ცდილობს ელექტროენერგიის ბაზრის კანონმდებლობა იმ საკითხების მოსაგვარებლად გამოიყენოს, რომლებიც, წესით, ევროკავშირის საგადასახადო სამართლით უნდა დარეგულირდეს.ბერლინი აცხადებს, რომ ბრიუსელი, მაღალი ფასების ფონზე ინდუსტრიის, ტრანსპორტისა და ენერგეტიკის სექტორების ელექტრიფიკაციის დაჩქარების პარალელურად, ცდილობს მნიშვნელოვანი საგადასახადო ნორმები დააწესოს ისეთი სამართლებრივი ინსტრუმენტით, რომელიც კვალიფიციური უმრავლესობით მიიღება და არა ერთსულოვნების პრინციპით, რაც ევროკავშირში საგადასახადო ღონისძიებებისთვის ტრადიციულად არის საჭირო.„დიდი ეჭვი მაქვს, რომ [წინადადება] შესაძლოა კვალიფიციური უმრავლესობით იქნეს მიღებული. [ეს] ეწინააღმდეგება საგადასახადო სამართალში ერთსულოვნების მოთხოვნას. ის შეიცავს მნიშვნელოვან საგადასახადო ნორმებს და პირდაპირ ერევა ეროვნულ საგადასახადო და საბიუჯეტო სუვერენიტეტში“, - აღნიშნულია გერმანიის ფინანსთა სამინისტროს გენერალური დირექტორის, ბასტიან ფლაიგის მიერ ხელმოწერილ წერილში.საკითხი განსაკუთრებით სენსიტიურია იმ ფონზე, როდესაც ევროკავშირი ელექტრიფიკაციის დაჩქარებას ცდილობს და იმპორტირებულ წიაღისეულ საწვავზე უარის თქმის მიზნით, ახლახან 2040 წლისთვის 46%-იანი ნიშნული დააწესა. ენერგეტიკის კომისარ დან იორგენსენის განცხადებით, ახლო აღმოსავლეთში ომის დაწყებიდან 48 დღის განმავლობაში ევროკავშირმა 22 მილიარდ ევროზე მეტი გადაიხადა ისე, რომ ახალი ენერგორესურსები არ შეუსყიდია.ჰორმუზის სრუტის, როგორც კრიტიკული მნიშვნელობის საზღვაო მარშრუტის, გაურკვეველი მომავალი ბრიუსელს დამატებით ბიძგს აძლევს, ხელი შეუწყოს ელექტრიფიკაციას და შეამციროს ბლოკის დამოკიდებულება იმპორტირებულ წიაღისეულ საწვავზე. თუმცა ევროკავშირის მასშტაბით ელექტროენერგია მაინც საგრძნობლად ძვირია წიაღისეულ აირზე - ხშირად მასზე სამჯერ ან ხუთჯერ მეტიც ღირს, რაც შინამეურნეობებსა და ბიზნესებს სუფთა ტექნოლოგიებზე გადასვლას ურთულებს.

სპორტი • 1786342276

მერაბ დვალიშვილი სუპერმსუბუქი წონის ქამრისთვის პიოტრ იანს დაუპირისპირდება

UFC-ს სუპერმსუბუქი წონის (61კგ) ქამრისთვის მერაბ დვალიშვილი რუს პიოტრ იანს შეხვდება. დაპირისპირება 24 ოქტომბერს აბუ დაბიში ჩატარდება.დვალიშვილსა და იანს შორის ეს მესამე ჩხუბი იქნება. 2023 წელს ქართველმა მებრძოლმა მეტოქე მსაჯთა ერთსულოვანი გადაწყვეტილებით დაამარცხა, ხოლო 2025 წლის დეკემბერში იანმა მოიგო და დივიზიონის საჩემპიონო ქამარსაც დაეუფლა. დვალიშვილს შერეულ ორთაბრძოლებში 26 შეხვედრა აქვს ჩატარებული, საიდანაც 21 მოიგო. რაც შეეხება პიოტრ იანს, MMA-ში ჩატარებული 25 ბრძოლიდან მის ანგარიშზე 20 მოგებაა.

საზოგადოება • 1786045348

ცნობილია, მეტროში გარდაცვლილი 21 წლის მარიამ ტყემალაძის ექსპერტიზის დასკვნა

ცნობილი გახდა მეტროში გარდაცვლილი 21 წლის მარიამ ტყემალაძის საქმეზე ჩატარებული სასამართლო-სამედიცინო ექსპერტიზის დასკვნა. „მოქალაქე მარიამ ტყემალაძის სიკვდილის მიზეზია კარდიოცინების მწვავე იშემიური დაზიანების შედეგად განვითარებული გულ-სისხლძარღვთა მწვავე უკმარისობა“, - ვკითხულობთ დოკუმენტში. 21 წლის მარიამ ტყემალაძე, რომელიც თსუ-ს ჟურნალისტიკის ფაკულტეტის წარჩინებული სტუდენტი იყო, 14 მაისს მეტროსადგურ "სამგორში" მოულოდნელად ცუდად გახდა და სამწუხაროდ, მისი გადარჩენა ვეღარ შეძლეს.

საზოგადოება • 1786026137

ქართულ-ამერიკული უნივერსიტეტის თანადამფუძნებელი თეიმურაზ ტორონჯაძე გარდაიცვალა

ქართულ-ამერიკული უნივერსიტეტის თანადამფუძნებელი და ბიზნეს სკოლის დეკანი თეიმურაზ ტორონჯაძე 77 წლის ასაკში გარდაიცვალა - ინფორმაციას უნივერსიტეტი აქვეყნებს."ქართულ-ამერიკული უნივერსიტეტი ემშვიდობება უნივერსიტეტის თანადამფუძნებელსა და ბიზნესის სკოლის დეკანს, პროფესორ თეიმურაზ ტორონჯაძეს!მისი ცხოვრება და მოღვაწეობა იყო ქართული აკადემიური სივრცისა და თანამედროვე განათლების განვითარების მასშტაბური ისტორია. მან შექმნა და დატოვა მემკვიდრეობა, რომელმაც ფუნდამენტური გავლენა იქონია ქვეყანაში ზუსტი მეცნიერებების, ფინანსური მათემატიკისა და ბიზნესის განათლების ფორმირებაზეპროფესორის მრავალწლიანი სამეცნიერო და პედაგოგიური მოღვაწეობის განმავლობაში:ჩამოაყალიბა და განავითარა ალბათობის თეორიისა და მათემატიკური სტატისტიკის, სტოქასტური ანალიზისა და ფინანსური მათემატიკის მიმართულებებიხელმძღვანელობდა ა. რაზმაძის სახელობის მათემატიკის ინსტიტუტის ალბათობის თეორიისა და მათემატიკური სტატისტიკის განყოფილებას და საქართველოს ტექნიკური უნივერსიტეტის გამოყენებითი მათემატიკის კათედრას, სადაც შექმნა ახალი საგანმანათლებლო პროგრამები და სპეცკურსები ფინანსური მოდელირების, რისკის თეორიისა და წარმოებული ფასიანი ქაღალდების მიმართულებითავტორია მრავალი მნიშვნელოვანი სტატიისა, მონოგრაფიისა და სამეცნიერო პროექტისა, რომელთა წარმატებასაც ადასტურებს წლების განმავლობაში მიღებული სოროსის, ევრაზიისა და საქართველოს ეროვნული სამეცნიერო ფონდების გრანტებიპარტნიორებთან ერთად დააფუძნა ქართულ-ამერიკული უნივერსიტეტი და როგორც ბიზნესის სკოლის დეკანმა, შექმნა სივრცე, სადაც ათეულობით თაობას გადასცა ცოდნა სტატისტიკაში, ინვესტიციების თეორიასა და რისკების მართვაშიბატონი თეიმურაზის შექმნილი სკოლა, აკადემიური ფასეულობები და საქმე, რომელსაც მან მთელი ცხოვრება მიუძღვნა, სამუდამო კვალს დატოვებს უნივერსიტეტის და თითოეული სტუდენტისა თუ კოლეგის ცხოვრებაში ქართულ-ამერიკული უნივერსიტეტი სამძიმარს უცხადებს მის ოჯახს, მეგობრებს, კოლეგებსა და აკადემიურ სამყაროს!", - წერია უნივერსიტეტის მიერ გამოქვეყნებულ ინფორმაციაში.თეიმურაზ ტორონჯაძე ქართულ-ამერიკული უნივერსიტეტის თანადამფუძნებელი და ბიზნესის სკოლის დეკანი იყო. მას დამთავრებული აქვს თბილისის სახელმწიფო უნივერსიტეტის მათემატიკის ფაკულტეტი და ვ. სტეკლოვის მათემატიკის ინსტიტუტის ასპირანტურა ქ. მოსკოვში. იგი არის თსუ-ს ფიზ-მათ მეცნიერებათა კანდიდატი, ნ. მუსხელიშვილის სახელობის გამოთვლითი მათემატიკის ინსტიტუტის ფიზ- მათ მეცნიერებათა დოქტორი. მას ჰქონდა პედაგოგიური მოღვაწეობისა და კვლევით ინსტიტუტებში მუშაობის მრავალწლიანი გამოცდილება:ეკონომიკის ინსტიტუტი, მეცნიერ თანამშრომელი;ა. რაზმაძის სახელობის მათემატიკის ინსტიტუტი, ალბათობის თეორიისა და მათემატიკური სტატისტიკის განყოფილება, წამყვანი მეცნიერ მუშაკი;ა. რაზმაძის სახელობის მათემატიკის ინსტიტუტი, ალბათობის თეორიისა და მათემატიკური სტატისტიკის განყოფილება, განყოფილების გამგე;ა. რაზმაძის სახელობის მათემატიკის ინსტიტუტი, ალბათობის თეორიისა და მათემატიკური სტატისტიკის განყოფილება, უფროსი მეცნიერ თანამშრომელი;თემურ ტორონჯაძე არის მრავალი სპეცკურსისა და პროექტის ავტორი მათემატიკის სფეროში, სხვადასხვა წლებში არაერთგზის აქვს მიღებული სოროსის ფონდის, ევრაზიის ფონდისა და საქართველოს ეროვნული სამეცნიერო ფონდის გრანტები. მიღებული აქვს მონაწილეობა სიმპოზიუმებში როგორც საქართველოში, ასევე საზღვარგარეთ. არის მრავალი სტატიისა და მონოგრაფიის ავტორი.