თაღლითობა

პროკურატურამ დიდი ოდენობით თანხის მოტყუებით დაუფლების, პირადი ცხოვრების საიდუმლოს უკანონოდ მოპოვების, შენახვისა და ანგარებით გამოყენების ფაქტზე ერთ პირს ბრალდება წარუდგინა

თბილისის პროკურატურის თაღლითობის სისხლის სამართლის საქმეებზე საპროცესო ხელმძღვანელობის სამმართველომ, დიდი ოდენობით თანხის მოტყუებით დაუფლების, პირადი ცხოვრების საიდუმლოს უკანონოდ მოპოვების, შენახვისა და ანგარებით გამოყენების ფაქტზე ერთ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ დიდი ოდენობით თანხის თაღლითურად დაუფლების მიზნით, ბრალდებული თითქოსდა ერთობლივად ბიზნესის დაწყების მოტივით, დაზარალებულის კუთვნილ 160 000 ლარს თაღლითურად დაეუფლა.ასევე, ბრალდებულმა უკანონოდ მოიპოვა და შეინახა დაზარალებულის პირადი ცხოვრების საიდუმლოს ამსახველი ინფორმაცია. მას შემდეგ კი, რაც დაზარალებულმა თაღლითურად მისაკუთრებული თანხის დაბრუნება მოითხოვა, აღნიშნული ინფორმაციის გამოყენებით სცადა მისი იძულება უარი ეთქვა მოთხოვნაზე.სამართალდამცველებმა ბრალდებული 2026 წლის 26 თებერვალს მოსამართლის განჩინების საფუძველზე დააკავეს. მას ბრალდება საქართველოს სისხლის სამართლის კოდექსის 180-ე მუხლის მე-3 ნაწილის ,,ბ“ ქვეპუნქტებით (თაღლითობა ჩადენილი დიდი ოდენობით) და საქართველოს სისხლის სამართლის კოდექსის 157-ე პრიმა მუხლის მესამე ნაწილის ,,ა“ ქვეპუნქტით (პირადი ცხოვრების საიდუმლოს უკანონოდ მოპოვება, შენახვა, გამოყენება ანგარებით) წარედგინა, რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს კანონით დადგენილ ვადაში მიმართავს.

მსოფლიო • 1772101735

ჰონგ კონგის სააპელაციო სასამართლომ მედიამაგნატ ჯიმი ლაის თაღლითობის ვერდიქტი გააუქმა

ჰონგ კონგის სააპელაციო სასამართლომ მედიამაგნატ ჯიმი ლაის თაღლითობის ვერდიქტი გააუქმა. როგორც სასამართლომ დაადგინა, პროკურორებმა ვერ შეძლეს დაემტკიცებინათ, რომ ლაიმ არენდის გადასახადთან დაკავშირებით თაღლითობა ჩაიდინა.თუმცა ის კვლავ პატიმრობაში რჩება და 20-წლიან სასჯელს იხდის სხვადასხვა დანაშაულისთვის, რომელთა ჩადენასაც უარყოფს. მათ შორისაა ეროვნული უსაფრთხოების სფეროში ბრალდება, კერძოდ, უცხოურ ძალებთან თანამშრომლობა და წამქეზებლური მასალების გამოქვეყნება.78 წლის მედიამაგნატი დემოკრატიული მოძრაობის მხარდამჭერია და ჩინეთის მმართველ პარტიას ღიად აკრიტიკებს.

მსოფლიო • 1772034475

„ჩვენს არჩევნებში თაღლითობა ფართოდ არის გავრცელებული, ის ყოველ ფეხის ნაბიჯზეა“ - დონალდ ტრამპი

„ჩვენს არჩევნებში თაღლითობა ფართოდ არის გავრცელებული. ის ყოველ ფეხის ნაბიჯზეა. ყველაფერი ძალიან მარტივია: ყველა ამომრჩეველმა უნდა წარადგინოს ამომრჩევლის პირადობის მოწმობა“, - განაცხადა აშშ-ის პრეზიდენტმა, დონალდ ტრამპმა კონგრესის წინაშე სიტყვით გამოსვლისას.მან მოუწოდა კანონმდებლებს, მხარი დაუჭირონ „ამერიკის გადარჩენის აქტს“, რათა არალეგალ მიგრანტებსა და სხვა პირებს, რომელთაც ამის უფლება არ აქვთ, ამერიკულ არჩევნებში ხმის მიცემის შესაძლებლობა აღვუკვეთონ.„ყველა ამომრჩეველმა ხმის მისაცემად უნდა წარადგინოს მოქალაქეობის დამადასტურებელი საბუთი. და აღარანაირი გაყალბებული ფოსტით ხმის მიცემა, გარდა ავადმყოფობის, შეზღუდული შესაძლებლობის, სამხედრო სამსახურის ან მგზავრობის შემთხვევებისა. არანაირი სხვა გამონაკლისი. ეს მარტივი გადასაწყვეტი უნდა იყოს და, სხვათა შორის, გამოკითხვების მიხედვით, ამას მხარს უჭერს 89 პროცენტი, "დემოკრატების" ჩათვლით - 89 პროცენტი“, - განაცხადა ტრამპმა.

მსოფლიო • 1772032562

ტრამპი: ჩვენს არჩევნებში თაღლითობა ფართოდ არის გავრცელებული - ყველა ამომრჩეველმა უნდა წარადგინოს ამომრჩევლის პირადობის მოწმობა

გთხოვთ, მხარი დაუჭიროთ „ამერიკის გადარჩენის აქტს“, რათა არალეგალ მიგრანტებსა და სხვა პირებს, რომელთაც ამის უფლება არ აქვთ, ჩვენს ამერიკულ არჩევნებში ხმის მიცემის შესაძლებლობა აღვუკვეთოთ, - განაცხადა აშშ-ის პრეზიდენტმა, დონალდ ტრამპმა კონგრესის წინაშე სიტყვით გამოსვლისას.„ჩვენს არჩევნებში თაღლითობა ფართოდ არის გავრცელებული. ის ყოველ ფეხის ნაბიჯზეა. ყველაფერი ძალიან მარტივია: ყველა ამომრჩეველმა უნდა წარადგინოს ამომრჩევლის პირადობის მოწმობა“, - აღნიშნა დონალდ ტრამპმა.„ყველა ამომრჩეველმა ხმის მისაცემად უნდა წარადგინოს მოქალაქეობის დამადასტურებელი საბუთი. და აღარანაირი გაყალბებული ფოსტით ხმის მიცემა, გარდა ავადმყოფობის, შეზღუდული შესაძლებლობის, სამხედრო სამსახურის ან მგზავრობის შემთხვევებისა. არანაირი სხვა გამონაკლისი. ეს მარტივი გადასაწყვეტი უნდა იყოს და, სხვათა შორის, გამოკითხვების მიხედვით, ამას მხარს უჭერს 89 პროცენტი, „დემოკრატების“ ჩათვლით - 89 პროცენტი“, - დასძინა მან.

მსოფლიო • 1771993617

„მოვითხოვ, დაამტკიცოთ „ამერიკის გადარჩენის აქტი“, შეჩერდეს არალეგალი უცხოელების მიერ არჩევნებში ხმის მიცემა, ხმის მიცემისთვის ამომრჩეველმა უნდა წარადგინოს მოქალაქეობის საბუთი - დონალდ ტრამპი

აშშ-ის პრეზიდენტმა, დონალდ ტრამპმა კონგრესში სიტყვით გამოსვლისას დემოკრატებს მოუწოდა, მხარი დაუჭირონ „ამერიკის გადარჩენის აქტს“.როგორც ტრამპმა აღნიშნა, ამ აქტის ფარგლებში თითოეული ამერიკელი ვალდებული იქნება, რომ არჩევნებზე ხმის მიცემისთვის რეგისტრაციისას აშშ-ის მოქალაქეობის დამადასტურებელი საბუთი წარადგინოს.„მოვითხოვ თქვენგან, დასრულდეს სასიკვდილო ქალაქები, რომლებიც იცავენ დამნაშავეებს და დააწესეთ სერიოზული სასჯელები იმ თანამდებობის პირებისთვის, რომლებიც ბლოკავენ კრიმინალი უცხოელების გაძევებას. უმეტეს შემთხვევაში ნარკობარონების, მკვლელების მთელი ჩვენი ქვეყნის გარშემო. ისინი (დემოკრატები) ბლოკავენ ამ ადამიანების გაძევებას ჩვენი ქვეყნიდან და თქვენ უნდა გრცხვენოდეთ. მოვითხოვ, დაამტკიცოთ „ამერიკის გადარჩენის აქტი“, რათა შეჩერდეს არალეგალი უცხოელების მიერ ხმის მიცემა ჩვენს წმინდა ამერიკულ არჩევნებში. ეს თაღლითობა ყოველმხრივ არის გავრცელებული. ყოველმხრივ. ეს ძალიან მარტივია: ყველა ამომრჩეველმა უნდა წარადგინოს პირადობის დამადასტურებელი საბუთი. ყველა ამომრჩეველმა უნდა წარადგინოს მოქალაქეობის საბუთი ხმის მიცემისთვის. აღარ იქნება გაყალბებული ბიულეტენები. რატომ არ მოუნდება ვინმეს ამომრჩევლის პირადობის დამადასტურებელ საბუთი? ამას ერთი მიზეზი აქვს, რადგან სურთ, ითაღლითონ. ისინი მოიგონებენ ყველა საბაბს, იტყვიან, რომ ეს რასიზმია. მოიფიქრებენ სხვადასხვა რამეს. თქვენც კი გაგიკვირდებათ, რა ფანტაზია აქვთ. მათ სურთ თაღლითობა. მათ მოიტყუეს და მათი პოლიტიკა იმდენად ცუდია, რომ არჩევნებში გამარჯვება მხოლოდ მოტყუებით შეუძლიათ. ჩვენ ამას შევაჩერებთ“, – განაცხადა ტრამპმა.მიგრანტებზე საუბრისას აშშ-ის პრეზიდენტმა ასევე აღნიშნა, რომ მისი ადმინისტრაციაში დაბრუნების შემდეგ საზღვრის უკანონოდ გადაკვეთის ნული შემთხვევაა, ხოლო წინამორბედის ბაიდენის დროს მილიონობით არალეგალი შევიდა ქვეყანაში.„მილიონობით შემოდიოდნენ ციხეებიდან, ფსიქიატრიული დაწესებულებებიდან. მოხდა 11 888 მკვლელობა. ისინი შემოვიდნენ ჩვენს ქვეყანაში. თქვენ ამის უფლება მიეცით“, – განაცხადა ტრამპმა.

სამართალი • 1771843424

პროკურატურამ ჯგუფურად, დიდი ოდენობით ქონების თაღლითურად დაუფლების ფაქტზე ორ პირს ბრალდება წარუდგინა

თბილისის პროკურატურის თაღლითობის სისხლის სამართლის საქმეებზე საპროცესო ხელმძღვანელობის სამმართველომ ჯგუფურად, დიდი ოდენობით ქონების თაღლითურად დაუფლების ფაქტზე ორ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ დანაშაულებრივი ჯგუფის წევრები, დიდი ოდენობით თანხის მოტყუებით დაუფლების მიზნით, დაზარალებულს მცხეთის მუნიციპალიტეტში მდებარე მიწის ნაკვეთის შეძენაში დახმარებას დაჰპირდნენ. უძრავი ქონების ნასყიდობის და მასზე საკუთრების უფლების რეგისტრაციის ორგანიზებისთვის, ბრალდებულებმა დაზარალებულს თანხის გადაცემა მოსთხოვეს და პირად საბანკო ანგარიშებზე დაზარალებულს ეტაპობრივად 129 900 ლარი ჩაარიცხვინეს. ბრალდებულები დაზარალებულს არწმუნებდნენ, რომ მიწის ნაკვეთის შეძენის საკითხზე აქტიურად მუშაობდნენ, მაშინ როცა მესაკუთრის მიერ ამ ქონების გასხვისების საკითხი არც კი განიხილებოდა.ჯგუფის წევრებმა, დაზარალებულის მიერ გადაცემული დიდი ოდენობის თანხა თაღლითურად მიისაკუთრეს, რის შედეგადაც დაზარალებულს 129 900 ლარის ქონებრივი ზიანი მიადგა.მოსამართლის განჩინების საფუძველზე დანაშაულებრივი ჯგუფის ერთ-ერთი წევრი დაკავებულია, ხოლო მეორეს მიმართ სისხლისსამართლებრივი დევნა დაუსწრებლად დაიწყო. ბრალდებულებს ბრალდება საქართველოს სისხლის სამართლის კოდექსის 180-ე მუხლის მე-2 ნაწილის ,,ა“, მე-3 ნაწილის ,,ბ“ და ,,გ“ ქვეპუნქტებით (თაღლითობა წინასწარი შეთანხმებით ჯგუფის მიერ, დიდი ოდენობით, არაერთგზის) წარედგინათ, რაც სასჯელის სახედ და ზომად ცხრა წლამდე თავისუფლების აღკვეთას ითვალისწინებს.პროკურატურა ბრალდებულების მიმართ აღკვეთის ღონისძიების სახით პატიმრობის შეფარდების შუამდგომლობით თბილისის საქალაქო სასამართლოს კანონით დადგენილ ვადაში მიმართავს.

სამართალი • 1771672942

პროკურატურამ დიდი ოდენობით თანხის მოტყუებით დაუფლების ფაქტზე ერთ პირს ბრალდება წარუდგინა

თბილისის პროკურატურის თაღლითობის სისხლის სამართლის საქმეებზე საპროცესო ხელმძღვანელობის სამმართველომ, დიდი ოდენობით თანხის მოტყუებით დაუფლების ფაქტზე ერთ პირს ბრალდება წარუდგინა."შინაგან საქმეთა სამინისტროს მიერ ჩატარებული გამოძიებით დადგინდა, რომ 2022 წლის აგვისტოში, ბრალდებული თითქოსდა საერთო ბიზნესის წარმოების, კერძოდ, ონის რაიონის სოფელ უწერაში, კოტეჯების მოწყობის, შემდგომ მისი გაქირავების და შესაბამისი მოგების მიღების დაპირების გზით, დაზარალებულის კუთვნილ დიდი ოდენობით, 61 600 ლარს მოტყუებით დაეუფლა.სამართალდამცველებმა ბრალდებული მოსამართლის განჩინების საფუძველზე დააკავეს. მას ბრალდება საქართველოს სისხლის სამართლის კოდექსის 180-ე მუხლის მე-3 ნაწილის ,,ბ“ ქვეპუნქტებით (თაღლითობა ჩადენილი დიდი ოდენობით) წარედგინა, რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე, სასამართლომ ბრალდებულს აღკვეთის ღონისძიების სახით პატიმრობა უკვე შეუფარდა", - აღნიშნულია პროკურატურის მიერ გავრცელებულ ინფორმაციაში.

სამართალი • 1771585112

პროკურატურამ დიდი ოდენობით თანხის თაღლითურად დაუფლების ფაქტზე ერთ პირს ბრალდება წარუდგინა

თბილისის პროკურატურის თაღლითობის სისხლის სამართლის საქმეებზე საპროცესო ხელმძღვანელობის სამმართველომ, დიდი ოდენობით თანხის თაღლითურად დაუფლების ფაქტზე ერთ პირს ბრალდება წარუდგინა.შინაგან საქმეთა სამინისტროში ჩატარებული გამოძიებით დადგინდა, რომ ბრალდებული დაზარალებულს სამშენებლო-სარემონტო სამუშაოების შესრულებაზე შეუთანხმდა და თითქოსდა მაღალი ხარისხის მასალების შესაძენად და ვალდებულების სწრაფად შესასრულებლად, თანხის წინასწარ გადაცემა მოითხოვა. ბრალდებულმა ვალდებულება არ შეასრულა, ხოლო დაზარალებულის მიერ გადაცემული თანხა, 165 900 ლარი თაღლითურად მიისაკუთრა.ვინაიდან ბრალდებული თავს არიდებს სამართალდამცავ ორგანოში გამოცხადებას, მას ბრალდება საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტებით (თაღლითობა, ჩადენილი დიდი ოდენობით) დაუსწრებლად წარედგინა, რაც სასჯელის სახედ და ზომად 6-დან 9 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე სასამართლომ ბრალდებულს აღკვეთის ღონისძიების სახით პატიმრობა შეუფარდა და მის მიმართ გამოცხადდა ძებნა.

სამართალი • 1771495826

თბილისის პროკურატურის თაღლითობის სისხლის სამართლის საქმეებზე საპროცესო ხელმძღვანელობის სამმართველომ, დიდი ოდენობით თანხის თაღლითურად დაუფლების ფაქტზე ერთ პირს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა დაარწმუნა დაზარალებული, თითქოსდა მის კუთვნილ თანხებს მომგებიან ბიზნესში განათავსებდა - შეიძენდა ძვირადღირებულ ავტომანქანებს და მათ რეალიზაციას უცხო ქვეყნის მოქალაქეებზე მოახდენდა.აღნიშნული მოტივით ბრალდებულმა დაზარალებულს მოტყუებით გამოართვა ჯამში 550 000 აშშ დოლარი და მეტი დამაჯერებლობისთვის ყალბი ნასყიდობის ხელშეკრულება წარუდგინა, თითქოსდა უკვე შეძენილი იყო 40 ავტომანქანა. სინამდვილეში ბრალდებულს ავტომანქანები არ შეუძენია, ხოლო დაზარალებულის კუთვნილი თანხები თაღლითურად მიისაკუთრა.ვინაიდან ბრალდებული თავს არიდებს სამართალდამცავ ორგანოში გამოცხადებას, მას ბრალდება საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით (თაღლითობა, ჩადენილი დიდი ოდენობით) და 362-ე მუხლის პირველი ნაწილით (ყალბი ოფიციალური დოკუმენტის გამოყენება) დაუსწრებლად წარედგინა, რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე სასამართლომ ბრალდებულს აღკვეთის ღონისძიების სახით პატიმრობა შეუფარდა და მის მიმართ გამოცხადდა ძებნა.

მსოფლიო • 1770457991

სპეცოპერაცია კოდური სახელწოდებით Cyber Hunt: კიბერთაღლითებმა დუბაიდან და საქართველოდან, ინდოეთში, სოციალურად დაუცველი 450 მოქალაქის საბანკო ანგარიშები 19 მილიონი დოლარის გასათეთრებლად გამოიყენეს

ინდოეთის ხელისუფლებამ გამოავლინა საერთაშორისო კიბერთაღლითობის ქსელი, რომელიც საზღვარგარეთიდან მოქმედებდა და რაჯასტანის შტატის მაცხოვრებლების ასობით საბანკო ანგარიშს იყენებდა უკანონო თანხების გასათეთრებლად.გამომძიებლების თქმით, დუბაიში და საქართველოში დაფუძნებულმა ქსელმა, კერძო ბანკის თანამშრომლის დახმარებით, ინდოეთში გახსნილი, მინიმუმ 450 საბანკო ანგარიშიდან, დაახლოებით 19 მილიონი დოლარი მიითვისა.რაჯასტანის სპეციალური დანიშნულების ჯგუფისა და კიბერდანაშაულის წინააღმდეგ ბრძოლის დანაყოფის მიერ ჩატარდა სპეცოპერაცია კოდური სახელწოდებით Cyber Hunt (კიბერნადირობა). ორი მთავარი ეჭვმიტანილი დააკავეს გუჯარათში, პოლიციის თქმით, ორივე მათგანი ქვეყნიდან გაქცევას ცდილობდა.ჩინოვნიკებმა საქმე აღწერეს, როგორც რეგიონში აღმოჩენილი "საბანკო თაღლითობის" ერთ-ერთი ყველაზე დახვეწილი მაგალითი.გამომძიებლების თქმით, თაღლითობა დისტანციურად დუბაიდან და საქართველოდან იყო ორგანიზებული. ინდური საბანკო ანგარიშები გამოიყენებოდა საინვესტიციო და ციფრული თაღლითობიდან მიღებული თანხების სატრანზიტო საშუალებად. პოლიციის თქმით, დაკავებულმა ეჭვმიტანილებმა აღიარეს, რომ თითქმის 450 საბანკო ანგარიში გააქირავეს საზღვარგარეთ მყოფი პირებისთვის. დიდი თანხები სწრაფად გადაადგილდებოდა ამ ანგარიშების მეშვეობით, ხშირად რამდენიმე წუთში, გამოვლენის თავიდან ასაცილებლად და ფინანსური თვალთვალის მცდელობების ჩაშლის მიზნით."ანგარიშები მხოლოდ არხების ფუნქციას ასრულებდა. ფული შემოდიოდა და თითქმის მაშინვე გადიოდა ამ ანგარიშებიდან", - თქვა გამოძიებაში ჩართულმა პოლიციის უფროსმა ოფიცერმა.ერთ-ერთი ბრალდებული, კაუშალ კუმჰარი, საქორწილო დარბაზში, გუჯარათის დაჰოდის რაიონის ქალაქ ლიმდისში, მას შემდეგ დააკავეს, რაც პოლიციამ მიიღო ინფორმაცია მისი იქ ყოფნის შესახებ. სამართალდამცველები შენიღბვის მიზნით, ქორწილში სტუმრის სტატუსით, ტრადიციულ სამოსში გამოწყობილები მივიდნენ, ეჭვმიტანილის ვინაობის დადასტურებისთანავე კი ის ცერემონიაზე დააკავეს.გამომძიების ინფორმაციით, კაუშალ კუმჰარი კერძო ბანკში მუშაობდა და თავის თანამდებობას დიდი რაოდენობით საბანკო ანგარიშების გასახსნელად იყენებდა. დროებითი ჯიხურები და ბანერები განათავსეს საზოგადოებრივი თავშეყრის ადგილებში, სადაც მოქალაქეებს არწმუნებდნენ საბანკო ანგარიშების გახსნის შემდეგ სახელმწიფოსგან შეღავათებს ან ფინანსურ დახმარებას მიიღებდნენ.ანგარიშის მფლობელთა უმეტესობა ღარიბი მუშები, უმუშევარი ახალგაზრდები და სტუდენტები იყვნენ. მათი პირადობის დამადასტურებელი დოკუმენტები ცრუ საბაბით იყო გამოყენებული, რეალურად კი ბანკომატის ბარათებს და შესაბამის საბანკო წიგნაკს ბრალდებულები განკარგავდნენ."ანგარიშის მფლობელებს არ ჰქონდათ კონტროლი საკუთარ ანგარიშებზე. ყველა ტრანზაქცია დისტანციურად იმართებოდა", - განაცხადა პოლიციამ.პოლიციის თქმით, ანგარიშებს დუბაიდან იყენებდა სამი უცხოელი ოპერატორი, ხოლო საქართველოში კიდევ ერთი მთავარი ოპერატორი იყო აქტიური, რომელიც კოორდინაციას უწევდა სახსრების მოძრაობას იურისდიქციებს შორის.

მსოფლიო • 1770237055

დაკავებულია 17 წლის გოგო, რომელმაც შეყვარებული მონად გაყიდა და დასასვენებლად წავიდა (უცხოეთი)

ჩინეთში, 17 წლის გოგომ, შეყვარებული 13 900 დოლარის სანაცვლოდ, სავარაუდოდ, მონად გაყიდა და ტაილანდში დასასვენებლად წავიდა. ინფორმაციას chinadaily-ი ავრცელებს.გამოძიების ინფორმაციით, 19 წლის ბიჭმა გოგო 2024 წელს, ჩინეთში, ბილიარდის კლუბში გაიცნო, რომელმაც თავი მდიდარ მემკვიდრედ წარუდგინა და ურთიერთობის გარკვეული დროის შემდეგ, მიანმარში გამგზავრებაზე დაითანხმა, სადაც, გოგოს მონაყოლის თანახმად, მას ბიზნესი ჰქონდა. გოგო ბიჭს სამსახურსა და "ოჯახურ კავშირებს" დაჰპირდა, თუმცა, საზღვარზე ჩასვლისთანავე მას ბანდიტები დახვდნენ, გოგო კი გაუჩინარდა.ახალგაზრდა მამაკაცმა 4 თვე მონობაში გაატარა, სადაც მას კიბერთაღლითობაში მონაწილეობას აიძულებდნენ, აწამებდნენ და 20 საათის განმავლობაში კომპიუტერთან ამუშავებდნენ. ამ დროის განმავლობაში, მან 10 კგ. დაიკლო.მიანმარში ჩინეთის სავაჭრო პალატის დახმარებით, ბიჭი ივნისში ჩინეთში დააბრუნეს, რის სანაცვლოდაც მის ოჯახს 48 000 დოლარის გადახდა მოუწია.ამასობაში გოგო ტაილანდში ისვენებდა, სადაც თანხის ნაწილი დახარჯა. ჩინეთში დაბრუნებისას ის დააკავეს. მედიის ცნობით, გოგოს სასამართლო პროცესი უახლოეს დღეებში გაიმართება.

სამართალი • 1769779267

პროკურატურა განცხადებას ავრცელებს

თბილისის პროკურატურის თაღლითობის სისხლის სამართლის საქმეებზე საპროცესო ხელმძღვანელობის სამმართველომ, დიდი ოდენობით თანხის თაღლითურად დაუფლების ფაქტზე, დანაშაულებრივი ჯგუფის ორ წევრს ბრალდება წარუდგინა. ინფორმაციას პროკურატურა ავრცელებს.შინაგან საქმეთა სამინისტროში ჩატარებული გამოძიებით დადგინდა, რომ დანაშაულებრივი ჯგუფის წევრებმა, დაზარალებულის კუთვნილი მიწის ნაკვეთის მოტყუებით დაუფლების მიზნით, ყალბი მინდობილობა დაამზადეს, რომლითაც ერთ-ერთმა ბრალდებულმა სანოტარო ბიუროში ნასყიდობის ხელშეკრულება გააფორმა და საკუთრებაში დაირეგისტრირა დაზარალებულის კუთვნილი, 11 204 424 ლარად ღირებული მიწის ნაკვეთი. აღნიშნულის შემდეგ, ჯგუფის წევრებმა თაღლითურად დაუფლებული მიწის ნაკვეთი 2 500 000 აშშ დოლარად გაასხვისეს.ორივე პირს ბრალდება საქართველოს სისხლის სამართლის კოდექსის 362-ე მუხლის მე-2 ნაწილის „ბ“ ქვეპუნქტით და 180-ე მუხლის მე-2 ნაწილის „ა“ და მე-3 ნაწილის „ბ“ ქვეპუნქტებით (თაღლითობა, ჩადენილი წინასწარი შეთანხმებით ჯგუფის მიერ, დიდი ოდენობით) დაუსწრებლად წარედგინათ, რაც სასჯელის სახედ და ზომად 6-დან 9 წლამდე თავისუფლების აღკვეთას ითვალისწინებს.პროკურატურა ორივე ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს კანონით დადგენილ ვადაში მიმართავს.