საზოგადოება • 1786533869

კობა კობალაძე „დიდგორობა 2026“-ის ღონისძიებას დაესწრო

12 აგვისტოს, დიდგორობის სახალხო დღესასწაული აღინიშნება.ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, თეთრიწყაროს მუნიციპალიტეტში, დიდგორის ველზე, საქართველოს პრეზიდენტთან, მიხეილ ყაველაშვილთან, საკანონმდებლო და აღმასრულებელი ხელისუფლების, და, ასევე, საქართველოს თავდაცვის ძალებისა და საქართველოს მართლმადიდებელი ეკლესიის წარმომადგენლებთან ერთად, სახალხო დღესასწაულს „დიდგორობა 2026“, - ს დაესწრო.ღონისძიებაზე სიტყვით გამოვიდნენ და დიდგორის ბრძოლის ისტორიულ მნიშვნელობაზე ისაუბრეს საქართველოს პრეზიდენტმა მიხეილ ყაველაშვილმა და თავდაცვის მინისტრმა, ირაკლი ჩიქოვანმა.„დიდგორობა 2026-ის“ ფარგლებში, ირაკლი ჩიქოვანმა, საომარი და საბრძოლო მოქმედებების დროს, ლიდერის თვისებების გამოვლენისა და გამოჩენილი მამაცობისათვის, საქართველოს თავდაცვის სამინისტროს უწყებრივი მედლით -‘’დიდგორის ჯვარი’’, საქართველოს თავდაცვის ძალების სამხედრო მოსამსახურეები დააჯილდოვა.სახელმწიფო ჯილდო – „დიდგორის ჯვრის ორდენი”, მთავრობის ინიციატივით, 2014 წელს დაწესდა და ყოველი წლის 12 აგვისტოს, გამორჩეულ სამხედრო მოსამსახურეებს გადაეცემათ.სადღესასწაულო ღონისძიების ფარგლებში, დიდგორის ველზე, მოწყობილია საგამოფენო სივრცეები, ტარდება სპორტული შეჯიბრებები, კონცერტები და თეატრალიზებული წარმოდგენები.ინფორმაციისთვის, დიდგორობის დღესასწაული ეძღვნება 905 წლის წინ, 1121 წლის 12 აგვისტოს, დიდგორის ბრძოლაში, საქართველოს მეფის, დავით IV აღმაშენებლის მეთაურობით, ქართველთა ისტორიულ გამარჯვებას თურქ-სელჩუკთა გაერთიანებულ ლაშქარზე. დიდგორის ბრძოლაში გამარჯვებას, ჩვენი ქვეყნისთვის, უდიდესი მნიშვნელობა ჰქონდა, რადგან ის გახდა ქვეყნის გაერთიანების საფუძველი_ დავით აღმაშენებელმა შემოიერთა თბილისი, რომელიც 400 წლის განმავლობაში, მტრის ხელში იყო. მისი გათავისუფლების მერე, დავითმა, დედაქალაქი, ქუთაისიდან თბილისში გადმოიტანა.დავით აღმაშენებლის უსახელო ისტორიკოსმა, დიდგორის ბრძოლაში გამარჯვებას, „ძლევაჲ საკვირველი“ უწოდა და საქართველოს ისტორიაში, დიდგორის ბრძოლა, სწორედ „ძლევაი საკვირველის“ სახელით შევიდა. ჩვენი ქვეყნისა და სრულიად საქრისტიანოსთვის უმნიშვნელოვანესი _დიდგორის ბრძოლის ტაქტიკური დეტალები შეტანილია მსოფლიოს თითქმის ყველა, მნიშვნელოვან, სამხედრო სახელმძღვანელოში.

მსოფლიო • 1786372800

ბულგარეთის საგარეო საქმეთა მინისტრმა უკრაინის ელჩს განუცხადა, რომ ბულგარეთის საჰაერო სივრცის დარღვევა მიუღებელია

ბულგარეთის საგარეო საქმეთა მინისტრმა, ველისლავა პეტროვამ საგარეო უწყებაში უკრაინის ელჩთან, ოლესია ილაშჩუკთან შეხვედრა გამართა, რომელიც კარდამის რაიონში ბულგარეთის საჰაერო სივრცეში დრონის შეჭრის ინციდენტს ეხებოდა.საუბრისას პეტროვამ ბულგარული მხარის სერიოზული შეშფოთება გამოხატა და აღნიშნა, რომ ქვეყნის საჰაერო სივრცეში ნებისმიერი უნებართვო შეჭრა მიუღებელია.ბულგარეთმა უკრაინას სთხოვა ყველა არსებული ინფორმაციის მიწოდება, რაც ინციდენტის გარემოებების სრულყოფილად გარკვევას შეუწყობს ხელს. მინისტრის განცხადებით, ბულგარეთისთვის პრინციპულად მნიშვნელოვანია აუცილებელი ზომების მიღება მომავალში მსგავსი შემთხვევების თავიდან ასაცილებლად.თავის მხრივ, უკრაინის ელჩმა მომხდარის გამო ღრმა წუხილი გამოთქვა და ხაზგასმით აღნიშნა, რომ უკრაინას ბულგარეთის მიმართულებით დრონები განზრახ არ გაუშვია.დრონის შეჭრასთან დაკავშირებით ბულგარეთი ასევე ინარჩუნებს კონტაქტს რუმინულ მხარესთან. ველისლავა პეტროვამ მომხდარისა და ბულგარეთის მიერ მიღებული ზომების შესახებ ევროკავშირის წევრი ქვეყნების საგარეო საქმეთა მინისტრებიც ჩააყენა საქმის კურსში. ოთხშაბათს ასევე იგეგმება ნატოს მოკავშირეებს შორის ამ საკითხზე უახლესი ინფორმაციის გაცვლა.8 აგვისტოს ბულგარეთის პრემიერ-მინისტრმა განაცხადა, რომ ქვეყნის ტერიტორიაზე, ტრანსბალკანური გაზსადენის კომპრესორული სადგურიდან ერთ კილომეტრში, რუმინეთიდან შეფრენილი დრონი აფეთქდა. ბულგარეთის თავდაცვის სამინისტროს სავარაუდო შეფასებით, ეს უკრაინული სატყუარა-დრონი „მაია“ იყო.

მსოფლიო • 1786361402

„ვაშინგტონ პოსტი“: პენტაგონმა აშშ-ის თავდაცვის ინდუსტრიას მიმართა, გაზარდოს იარაღის, კერძოდ საბრძოლო მასალის წარმოება და მიწოდება, რომლის დეფიციტიც ირანთან ომის გამო კრიტიკულ ნიშნულზეა

პენტაგონმა აშშ-ის თავდაცვის ინდუსტრიას მიმართა, სასწრაფოდ გაზარდოს იარაღის, კერძოდ საბრძოლო მასალის წარმოება და მიწოდება, რომლის დეფიციტიც ირანთან ომის გამო კრიტიკულ ნიშნულს მიუახლოვდა, – ამის შესახებ „ვაშინგტონ პოსტი“ პენტაგონის წერილზე დაყრდნობით წერს.გამოცემის ინფორმაციით, თავდაცვის მინისტრის მოადგილემ, სტივ ფაინბერგმა თავდაცვის ინდუსტრიის ხელმძღვანელებს მისწერა წერილი, რომელშიც აღნიშნა, რომ მათ არაუმეტეს 21 დღე აქვთ, წარმოადგინონ გეგმები „კრიტიკულად მნიშვნელოვანი საშუალებების მიწოდების დაჩქარებისა და წარმოების ზრდის შესახებ“.გამოცემის ცნობით, ეს დირექტივა იარაღის დეფიციტის ფონზე გამოქვეყნდა, რომელმაც პრეზიდენტ დონალდ ტრამპსა და თავდაცვის სამინისტროს შორის დაძაბულობა გამოიწვია.„ვაშინგტონ პოსტი“ წერს, რომ ბოლო თვეებში პენტაგონმა რამდენიმე „ჩარჩო შეთანხმება“ გააფორმა უმსხვილეს ამერიკულ თავდაცვის კომპანიებთან და ახალ სტარტაპებთან. მიზანია გაიზარდოს როგორც იაფი საბრძოლო მასალის, ისე თანამედროვე საჰაერო თავდაცვის სისტემების წარმოება. ეს შეთანხმებები არასავალდებულო ხასიათისაა და მხოლოდ მთავრობის განზრახვას მოწმობს – მათი საბოლოო ძალაში შესვლისთვის კონგრესის დაფინანსებაა საჭირო.პენტაგონის სპიკერმა, შონ პარნელმა განაცხადა, რომ დარგის ლიდერებთან თანამშრომლობა ახალი არ არის და ეს პრეზიდენტისა და მინისტრის თავიდანვე არსებული გეგმაა. მისივე თქმით, ფაინბერგის წერილი ავთენტურია და გათვალისწინებული იქნება 2028 წლის ბიუჯეტში.

საზოგადოება • 1786257563

კოჯორში პროექტის - „ჯარის ბანაკი“ დახურვის ცერემონია გაიმართა

კოჯორში, გიორგი ანწუხელიძის სახელობის სერჟანტთა აკადემიის სამხედრო ბაზაზე პროექტის - „ჯარის ბანაკი – დაუვიწყარი თავგადასავლებისთვის“ დახურვის ცერემონია გაიმართა.საქართველოს თავდაცვის მინისტრის მოადგილემ, გრიგოლ გიორგაძემ პროექტის მნიშვნელობასა და ახალგაზრდებში პატრიოტული სულისკვეთების ამაღლების საკითხებზე ისაუბრა. მან სამხედრო ინსტრუქტორებსა და პროექტში ჩართული უწყებების წარმომადგენლებს ბანაკის წარმატებით განხორციელებისთვის მადლობა გადაუხადა. დამსწრე საზოგადოებას სიტყვით, ასევე, მიმართა განათლების, მეცნიერებისა და ახალგაზრდობის მინისტრის მოადგილემ, ბაია კვიციანმა.„ჯარის ბანაკის“ მერვე როტაციის მონაწილეებს სერტიფიკატები, საჩუქრები, ხოლო პროექტის მონაწილე უწყებების წარმომადგენლებს სამახსოვრო დაფები გადაეცათ.ღონისძიებას საქართველოს თავდაცვის ძალების ხელმძღვანელი პირები, სსიპ ახალგაზრდობის სააგენტოსა და საქართველოს საპატრიარქოს წარმომადგენლები დაესწრნენ.წელს „ჯარის ბანაკს“ თავდაცვის ძალების წვრთნებისა და სამხედრო განათლების სარდლობის ორმა ქვედანაყოფმა — კოჯორში, გიორგი ანწუხელიძის სახელობის სერჟანტთა აკადემიამ და საჩხერეში, პოლკოვნიკ ბესიკ ქუთათელაძის სახელობის სამთო მომზადების სკოლამ უმასპინძლა. რვა როტაციის ფარგლებში, პროექტში საქართველოს მასშტაბით IX–XI კლასების 1700-მდე მოსწავლემ მიიღო მონაწილეობა.თავდაცვის სამინისტროს პროექტი - „ჯარის ბანაკი“ უკვე მეოთხე წელია განათლების, მეცნიერებისა და ახალგაზრდობის სამინისტროსა და სსიპ ახალგაზრდობის სააგენტოსთან თანამშრომლობით წარმატებით ხორციელდება. მისი მიზანია ახალგაზრდა თაობაში პატრიოტული სულისკვეთების გაძლიერება და ჯანსაღი ცხოვრების წესის პოპულარიზაცია.

საზოგადოება • 1786169697

აგვისტოს ომის წლისთავთან დაკავშირებით, საქართველოს თავდაცვის სამინისტროში სახელმწიფო დროშები დაეშვა

2008 წლის აგვისტოს ომის მეთვრამეტე წლისთავთან დაკავშირებით, საქართველოს თავდაცვის სამინისტროში და თავდაცვის ძალების სამხედრო ბაზებზე სახელმწიფო დროშები დაეშვა.საქართველოს მთავრობის განკარგულებით, საქართველოს აფხაზეთისა და ცხინვალის  რეგიონების უკანონო ოკუპაციის მიზნით რუსეთის ფედერაციის მიერ საქართველოში განხორციელებული ფართომასშტაბიანი სამხედრო ინტერვენციის შედეგად დაღუპულთა ხსოვნის პატივის მიგების ნიშნად, სახელმწიფო დროშები დაშვებულია თავდაცვის უწყების ადმინისტრაციულ შენობებსა და საქართველოს მასშტაბით მდებარე ყველა სამხედრო ბაზაზე.

მსოფლიო • 1786013390

დიდმა ბრიტანეთმა რუსეთის წინააღმდეგ სანქციები გააფართოვა და „შავ სიაში“ 19 სუბიექტი დაამატა

დიდმა ბრიტანეთმა რუსეთის წინააღმდეგ სანქციები გააფართოვა და „შავ სიაში“ 19 სუბიექტი დაამატა, – ამის შესახებ ინფორმაციას დიდი ბრიტანეთის საგარეო საქმეთა სამინისტრო ავრცელებს.სიაში მოხვდა 13 ფიზიკური და იურიდიული პირი, ასევე ექვსი ხომალდი, რომლებსაც რუსეთის მხარდაჭერასა და რუსული ენერგორესურსების ტრანსპორტირებაში ადანაშაულებენ.სანქციები დაუწესდა რუსეთის ექვს ფინანსურ დაწესებულებას: ოზონ ბანკს, რუსეთის საექსპორტო-საიმპორტო ბანკს, „ცენტრ ინვესტ ბანკს“, „რეალისტ ბანკს“, „სტავრს“ და „ტელეპორტ ბანკს“.ბრიტანულ ფინანსურ ინსტიტუტებს აეკრძალათ აღნიშნულ ბანკებთან კორესპონდენტული საბანკო ურთიერთობების შენარჩუნება და მათ ანგარიშებზე, მათგან ან მათი მეშვეობით გადარიცხვების განხორციელება.სანქციები დაუწესდა კომპანია Northern Engineering LLC, რომელიც, ლონდონის შეფასებით, რუსეთის სტრატეგიულად მნიშვნელოვან ენერგეტიკულ სექტორში საქმიანობს.სიაში შეიყვანეს ინდური კომპანია Frion Ship Management LLP, რომელმაც სავარაუდოდ ხელი შეუწყო თხევადი ბუნებრივი აირის გადამზიდავი ტანკერის Arctic Express-ის რუსეთისთვის გადაცემას.სანქციები დაუწესდა ასევე ოთხ რუსულ კომპანიას – „მეტალკომპლექტს“, „ნიკომს“, „პრომსიზს“ და „ტექნოლიუქსს“. ისეთი საქონლისა და ტექნოლოგიების მიწოდებაში ადანაშაულებენ, რომლებიც შეიძლება, ხელს უწყობდეს უკრაინის დესტაბილიზაციას ან საფრთხეს უქმნიდეს მის ტერიტორიულ მთლიანობას.შავ სიაში მოხვდა რუსეთის მოქალაქე, ქიმიური კომპანია „სილტრონის“ მფლობელი ალექსანდრ ჟდანოვი. მას გაეყინა აქტივები და აკრძალა მოგზაურობა. სანქციები შეეხო ექვს გემს – Arctic Express, Perseas, Torvian, Asteras, Visund და Zenturo.დიდი ბრიტანეთის განცხადებით, რუსეთის დროშის ქვეშ მცურავი გემებს რუსული თხევად ბუნებრივ აირი და ნავთობი მესამე ქვეყნებში გადაჰქონდათ.ამ გემებს აეკრძალათ დიდი ბრიტანეთის პორტებში შესვლა. ბრიტანეთის ხელისუფლებას უფლება ექნება ისინი დააკავოს ან ქვეყნის ტერიტორიული წყლები დაატოვებინონ. ასევე აიკრძალა მათთვის ტექნიკური, ეკიპაჟის, საოპერაციო, ჩარტერული, საბროკერო და ფინანსური მომსახურების გაწევა.ცნობისთვის, 4 აგვისტოს შეერთებულმა შტატებმა სანქციები დაუწესა რუსეთის თავდაცვის სამინისტროს სტრუქტურებს, ასევე ორ რუსულ კომპანიასა და ხუთ რუსეთის მოქალაქეს.

მსოფლიო • 1785943260

ზელენსკი: უკრაინისთვის საჰაერო თავდაცვის სისტემების რაკეტების მიწოდება, 2025 წელთან შედარებით, სამჯერ შემცირდა, მიუხედავად იმისა, რომ პარტნიორებს მარაგები კვლავ აქვთ

უკრაინისთვის საჰაერო თავდაცვის სისტემების რაკეტების მიწოდება, 2025 წელთან შედარებით, სამჯერ შემცირდა, მიუხედავად იმისა, რომ პარტნიორებს მარაგები კვლავ აქვთ, - განაცხადა უკრაინის პრეზიდენტმა, ვოლოდიმირ ზელენსკიმ.ზელენსკიმ შეხვედრა გამართა თავდაცვის სამინისტროს, უსაფრთხოების სამსახურის, სამხედრო დაზვერვისა და პრეზიდენტის ოფისის წარმომადგენლებთან.პრეზიდენტმა მოისმინა მთავარსარდლის, მიხაილო დრაპატის, გენერალური შტაბის უფროსის, იგორ სკიბიუკისა და თავდაცვის მინისტრის მოვალეობის შემსრულებლის, ევგენი ხმარას ანგარიშები ფრონტზე არსებულ ვითარებასა და მომარაგების ძირითად საჭიროებებზე.შეხვედრის მონაწილეებმა ასევე განსაზღვრეს დამატებითი ზომები მთელი უკრაინის მასშტაბით კრიტიკული ინფრასტრუქტურის ობიექტების დაცვის გასაძლიერებლად.„სამწუხაროდ, ჩვენი პარტნიორებისგან ანტიბალისტიკური რაკეტების მიწოდება წელს მნიშვნელოვნად შემცირდა. მოწოდებული საჰაერო თავდაცვის რაკეტების რაოდენობა, 2025 წელთან შედარებით, სამჯერ შემცირდა. და ეს ეხება არა მხოლოდ ზაფხულის პერიოდს - ეს ეხება 2026 წლის მთელ პირველ ნახევარს. ჩვენს პარტნიორებს ეს რაკეტები აქვთ“, - განაცხადა ზელენსკიმ.პრეზიდენტის თქმით, საჭიროა პოლიტიკური გადაწყვეტილებები, რათა უზრუნველყოფილი იყოს მიწოდება და დაჩქარდეს წარმოების პროცესები, მათ შორის უკრაინაში წარმოების საკითხი.

მსოფლიო • 1785836382

Brussels Signal: ევროკავშირის გაფართოება მას თავად დაშლის

გამოცემა Brussels Signal-ის ინფორმაციით, უკრაინა ევროკავშირში გაწევრიანების გზაზე სირთულეებს აწყდება: თუ პოლონეთი, რომელიც ერთ-ერთი ყველაზე ძლიერი მხარდამჭერი იყო, ახლა პოზიციას იცვლის, როგორ შეძლებს კიევი იმ ქვეყნების დარწმუნებას, რომლებიც ისედაც ნაკლებად უჭერდნენ მხარს მის წევრობას?როგორც გამოცემის მიერ მომზადებული სტატიაშია აღნიშნული, რა თქმა უნდა, შესაძლებელია, რომ სხვა ქვეყნები პოლონეთის მზარდ სკეპტიციზმს ერთგვარ ფარად გამოიყენებენ და თავად არ მოუწევთ საკუთარი პოზიციის ღიად დაფიქსირება, ისევე, როგორც ზოგიერთი მთავრობა წარსულში უნგრეთის პრემიერ-მინისტრის ვიქტორ ორბანის ზურგს უკან იმალებოდა, როდესაც ის ბრიუსელის გადაწყვეტილებებს ეწინააღმდეგებოდა.პოლონეთში ჩატარებულმა გამოკითხვამ, რომელიც 2-დან 12 ივლისამდე ჩატარდა, ბრიუსელში შეშფოთება გამოიწვია. სახელმწიფო კვლევითი ცენტრის „საზოგადოებრივი აზრის კვლევის ცენტრის“ (CBOS) მიერ ჩატარებულმა კვლევამ აჩვენა, რომ პოლონეთში უკრაინის ევროკავშირში გაწევრიანების მხარდაჭერა მკვეთრად შემცირდა: 2022 წლის მარტში არსებული 90%-დან ის 50%-მდე დაეცა.კიდევ უფრო საგანგაშოა იმ ადამიანების რაოდენობა, რომლებიც უკრაინის გაწევრიანებას აქტიურად ეწინააღმდეგებიან: მხოლოდ მათი წილი 2%-დან 40%-მდე გაიზარდა.თუმცა, როგორც გამოცემა იუწყება, შესაძლოა ევროკავშირმა საბოლოოდ მადლობა უნდა გადაუხადოს პოლონეთს, რადგან შემდგომი გაფართოება, სავარაუდოდ, თავად ევროკავშირის არსებობას შეუქმნის საფრთხეს. რეალურად, წარსული გაფართოებები უკვე იქცა „შენელებული მოქმედების ნაღმად“, რომელიც შესაძლოა მომდევნო ათწლეულებში ამოქმედდეს და ევროკავშირიც თან გაიყოლოს.ევროკავშირი 1992 წლამდე არ არსებობდა. მან მხოლოდ მაასტრიხტის ხელშეკრულების ხელმოწერის შემდეგ მიიღო დღევანდელი სახე. გაერთიანება გაჩნდა მას შემდეგ, რაც შეერთებულმა შტატებმა ცივი ომი მოიგო და საბჭოთა კავშირის ალტერნატივა ამერიკის ლიბერალური საერთაშორისო წესრიგისთვის გაქრა.თავისი არსებობის განმავლობაში ევროკავშირი მთლიანად აშშ-ის ბირთვული ქოლგის ქვეშ ფუნქციონირებდა.პრაქტიკულად ყველა ქვეყანა, რომელიც 1992 წლის შემდეგ ევროკავშირსა და ნატოს შეუერთდა, თავდაპირველად ჩრდილოატლანტიკურ ალიანსში გაწევრიანდა. ზოგიერთ შემთხვევაში, მხოლოდ რამდენიმე თვით ადრე, წერს გამოცემა.ევროკავშირში ნატოზე ადრე არ გაწევრიანებულ ქვეყნებს შორის იყვნენ მხოლოდ: ოფიციალურად ნეიტრალური ქვეყნები - ავსტრია და მალტა; ქვეყნები, რომლებიც მანამდე ნეიტრალურები იყვნენ - ფინეთი და შვედეთი (რომლებიც ნატოს მხოლოდ 2023 და 2024 წლებში შეუერთდნენ); ან ქვეყანა გაყინული სამხედრო კონფლიქტით - კვიპროსი.ამ სწრაფმა გაფართოებამ ევროკავშირში თავი მოუყარა ქვეყნებს, რომლებიც მანამდე დასავლეთის ნაწილად ხშირად არ განიხილებოდნენ, მაგალითად, ბალტიის ქვეყნები, რომლებიც დიდი ხნის განმავლობაში ერთგვარ საზღვარს წარმოადგენდნენ ორ სხვადასხვა სამყაროს შორის. ახლა კი ევროკავშირი მათ საკუთარ სივრცედ აცხადებს.ამერიკის უსაფრთხოების ქოლგის პირობებში ეს მარტივი ამოცანა იყო. ბალტიის ქვეყნები ევროკავშირსა და ნატოს 2004 წელს შეუერთდნენ, როდესაც რუსეთს მათი შეჩერების შესაძლებლობა არ ჰქონდა, აღნიშნულია გამოცემის სტატიაში.ორი წლით ადრე, როდესაც ნატოში გაწევრიანების პროცესი მიმდინარეობდა, აშშ-ის მაშინდელმა პრეზიდენტმა ჯორჯ ბუშმა 2002 წლის 23 ნოემბერს ვილნიუსში ლიეტუველებს განუცხადა, რომ ისინი „ნატოს ალიანსში იყვნენ საჭირო“ და „საერთო უსაფრთხოებაში შეიტანდნენ წვლილს“.ბალტიის ქვეყნები ინოვაციური, ლამაზი სახელმწიფოებია მდიდარი და უნიკალური ისტორიებით, რომელთა მნიშვნელობის შემცირებასაც, სტატიის ავტორის შეფასებით, ბრიუსელში ხშირად ცდილობენ. თუმცა ისინი საერთო უსაფრთხოებაში დიდ სამხედრო წვლილს ვერ უზრუნველყოფენ.ესტონეთმა 2026 წელს თავდაცვის ხარჯები მთლიანი შიდა პროდუქტის 5,4%-მდე გაზარდა — ეს ნატოს მასშტაბით ერთ-ერთი ყველაზე მაღალი მაჩვენებელია.თუმცა, ქვეყნის თავდაცვის სამინისტროს მონაცემებით, ეს მხოლოდ 2,4 მილიარდი ევროა. შედარებისთვის, აშშ-ის პენსილვანიის შტატმა მხოლოდ სასჯელაღსრულების სისტემისთვის 2026-2027 ფისკალურ წელს 3,4 მილიარდი დოლარი (დაახლოებით 3 მილიარდი ევრო) მოითხოვა.ბალტიის ქვეყნების დამატება ევროკავშირსა და ნატოში რუსეთის შეკავების მიზნით მოხდა. ეს იყო მცდელობა, რაც შეიძლება შორს წასულიყვნენ იმ პერიოდში, როდესაც მოსკოვი სუსტი იყო. ამერიკის უსაფრთხოების ქოლგის პირობებში ეს რისკიანი არ ჩანდა.თუმცა ახლა, როდესაც შეერთებული შტატები ამ ქოლგას უკან წევს, ევროკავშირზე მზის სინათლე სხვაგვარ სურათს აჩენს - ბრიუსელის პრობლემას: ერთმანეთისგან განსხვავებული ეროვნული ინტერესების მქონე ქვეყნების ნარევს, რომლებსაც ხშირად საერთო ძალიან ცოტა აქვთ, წერს Brussels Signal-ი.ევროკავშირის ძლიერ ქვეყნებს - გერმანიასა და საფრანგეთს - შორის უკვე ჩანს ბზარები. თუმცა ეს უთანხმოებები უმნიშვნელო იქნება იმ განსხვავებებთან შედარებით, რომლებიც არსებობს, მაგალითად, პორტუგალიისა და ესტონეთის ან ლატვიისა და ბელგიის ეროვნულ ინტერესებს შორის.ახალგაზრდა ევროპელებს საკუთარი ქვეყნების დასაცავად ბრძოლა თითქმის აღარ სურთ.რიგის სტრადინშის უნივერსიტეტის მიერ ნატოს 32 წევრ ქვეყანაში ჩატარებული გამოკითხვის მიხედვით, გერმანიაში, იტალიასა და ნიდერლანდებში ახალგაზრდების მესამედზე ნაკლები აცხადებს მზადყოფნას, საჭიროების შემთხვევაში, საკუთარი ქვეყნისთვის იბრძოლოს.რაც უფრო აღმოსავლეთით მივდივართ, ეს მაჩვენებელი იზრდება, თუმცა პოლონეთშიც კი 18-დან 29 წლამდე ასაკის ადამიანების მხოლოდ 18 პროცენტი ამბობს, რომ იარაღს აიღებდა ხელში.სტატიის ავტორი სვამს კითხვას: „ვინ აიღებს იარაღს ხელში ბალტიის ქვეყნების დასაცავად, თუ ისინი საკუთარი მეზობლების დაცვასაც არ აპირებენ?“.

მსოფლიო • 1785832260

აშშ-მ რუსეთის სამხედრო სტრუქტურების წინააღმდეგ ახალი სანქციები დააწესა

აშშ-მ რუსეთის სამხედრო სტრუქტურების წინააღმდეგ ახალი სანქციები დააწესა. სანქციები მიღებულია „ირანის, სირიისა და ჩრდილოეთ კორეის მიმართ მასობრივი განადგურების იარაღის გაუვრცელებლობის შესახებ“ კანონის დარღვევის გამო და ძალაში 24 ივლისს შევიდა. შესაბამისი შეტყობინება დღეს აშშ-ის ფედერალური რეესტრის ვებგვერდზე გამოქვეყნდა.სანქციები რუსეთის შეიარაღებული ძალებისა და თავდაცვის სამინისტროს სტრუქტურებს შეეხო. შავ სიაში მოხვდა რუსეთის შეიარაღებული ძალებისა და თავდაცვის სამინისტროს არაერთი სტრუქტურა, მათ შორის: რუსეთის სახმელეთო ჯარები, რუსეთის თავდაცვის სამინისტროს მთავარი სარაკეტო-საარტილერიო სამმართველო; თავდაცვის სამინისტროს კვლევებისა და სპეციალური პროექტების სამმართველო და ა.შ.სანქციები ასევე დაუწესდა კომპანიებს „გიდეონ ალფას“ და „ინტერნეშნლ ინვესტ კომპანის“. შეზღუდვები ვრცელდება ამ ორგანიზაციების სამართალმემკვიდრეებზე, ქვედანაყოფებსა და შვილობილ კომპანიებზეც.სანქცირებულ პირთა შორის არიან რუსეთისა და სხვა ქვეყნების მოქალაქეებიც.მათ შორის არიან მალაიზიის, ჩრდილოეთ კორეის, ტაივანის, სირიისა და ირანის მოქალაქეები.ახალი სანქციები აშშ-ის სახელმწიფო უწყებებსა და დაწესებულებებს უკრძალავს სანქცირებულ პირებთან და ორგანიზაციებთან ნებისმიერი საქონლის, ტექნოლოგიისა და მომსახურების შესყიდვა ან შესაბამისი კონტრაქტების გაფორმება. ასევე აკრძალულია მათთვის ნებისმიერი ფორმით მხარდაჭერის გაწევა, სამხედრო დანიშნულების პროდუქციის მიყიდვა და საექსპორტო ლიცენზიების გაცემა.ცნობისთვის, „ირანის, სირიისა და ჩრდილოეთ კორეის მიმართ მასობრივი განადგურების იარაღის გაუვრცელებლობის შესახებ კანონი“ ითვალისწინებს სანქციების დაწესებას უცხოური იურიდიული და ფიზიკური პირების მიმართ, რომლებიც ირანს, სირიას ან ჩრდილოეთ კორეას გადასცემენ, ან მათგან იღებენ საქონელს, მომსახურებასა თუ ტექნოლოგიებს, რომლებიც ექვემდებარება საერთაშორისო შეთანხმებებს შეიარაღების კონტროლის სფეროში ან შეიძლება მნიშვნელოვანი წვლილი შეიტანოს მასობრივი განადგურების იარაღის, ასევე ფრთოსანი და ბალისტიკური რაკეტების შექმნაში.

მსოფლიო • 1785737212

იტალიურმა სამხედრო ხომალდმა ხმელთაშუა ზღვაში რუსული „ჩრდილოვანი ფლოტის“ ტანკერი შეამოწმა

ევროკავშირის საზღვაო მისიამ იტალიის ხელმძღვანელობით, ხმელთაშუა ზღვაში რუსეთის „ჩრდილოვანი ფლოტის“ სანქცირებულ ტანკერ Toa Payoh-ზე დესანტი გადასხა. ოპერაციის მიზანი გემის დროშისა და რეგისტრაციის კანონიერების შემოწმება იყო. ხომალდი კამერუნის დროშს ქვეშ ცურავს.იტალიის თავდაცვის სამინისტროს ცნობით, ტანკერის კაპიტანმა თავდაპირველად ინსპექტორებთან თანამშრომლობაზე უარი თქვა, რის შემდეგაც სამხედროები ბორტზე ვერტმფრენიდან გადავიდნენ.

მსოფლიო • 1785682328

მედია: ბელარუსი უკრაინის საზღვართან სადესანტო-მოიერიშე ბრიგადას ქმნის

ბელარუსი უკრაინის საზღვართან 37-ე ცალკეულ სადესანტო-მოიერიშე ბრიგადას აყალიბებს. ამის შესახებ რესპუბლიკის შეიარაღებული ძალების სპეციალური ოპერაციების ძალების მეთაურმა, ალექსანდრე ილიუკევიჩმა ბელარუსის თავდაცვის სამინისტროს ტელეარხ „ВоенТВ“-ის ეთერში განაცხადა.“ლოკაცია გომელთან ახლოს იქნება. ჩვენ უკვე დავიწყეთ სამხედრო ნაწილების ფორმირება. უკვე ჩამოყალიბებულია ერთი ბატალიონი. წელს ჩემოყალიბდება კიდევ ერთი ბატალიონი, ასევე საბრძოლო უზრუნველყოფის დანაყოფებს, სააარტილერიო, ჰაერსაწინააღმდეგო და სადაზვერვო დანაყოფებს ვქმნით.“ -აღნიშნა ილიუკევიჩმა.გავრცელებული ინფორმაციით, ამ დროისთვის ჩამოყალიბებულია რამდენიმე ნაწილი და ქვედანაყოფი, შერჩეულია ოფიცერთა შემადგენლობა და გაწვეულია პირადი შემადგენლობა. ახალი ბრიგადა გომელთან ახლოს, ბელარუს-უკრაინის საზღვრიდან 40 კილომეტრში განთავსდება.ამჟამად ბელარუსში სამი ცალკეული სადესანტო-მოიერიშე ბრიგადა მოქმედებს: 103-ე ვიტებსკში, 38-ე ბრესტში და მე-5 მარინა-გორკაში (მინსკთან ახლოს).

საზოგადოება • 1785579716

„ჯარის ბანაკის“ მეშვიდე როტაცია დასრულდა

პოლკოვნიკ ბესიკ ქუთათელაძის სახელობის საჩხერის სამთო მომზადების სკოლაში „ჯარის ბანაკის“ მეშვიდე როტაცია დასრულდა. როტაციის დახურვის ღონისძიებას თავდაცვის მინისტრის მოადგილე გრიგოლ გიორგაძე და თავდაცვის ძალების მეთაურის მოადგილე, გენერალ-მაიორი ზაზა ჩხაიძე დაესწრნენ.სიტყვით მიმართვისას, მათ ახალგაზრდების პროექტში ჩართულობის მნიშვნელობა აღნიშნეს და სერჟანტ-ინსტრუქტორებს როტაციის წარმატებით დასრულებისთვის მადლობა გადაუხადეს. თავდაცვის უწყების ხელმძღვანელმა პირებმა მოსწავლეებს „ჯარის ბანაკში“ მონაწილეობის დამადასტურებელი სერტიფიკატები და სამახსოვრო საჩუქრები გადასცეს.საჩხერის სამთო მომზადების სკოლაში „ჯარის ბანაკის“ მეშვიდე როტაციაში მოსწავლეები ზესტაფონიდან, ჭიათურიდან, საჩხერიდან, ქობულეთიდან და თბილისიდან იყვნენ წარმოდგენილი. ერთი კვირის განმავლობაში, სერჟანტ-ინსტრუქტორების ხელმძღვანელობით, მოზარდებმა შეისწავლეს საცეცხლე, სამთო, საინჟინრო და სამედიცინო მომზადება, ასევე სამხედრო ნავიგაცია, ტოპოგრაფია და საფრენი აპარატების მართვა.ისინი სამხედრო ისტორიკოსებს, ქართული იარაღის მუზეუმის წარმომადგენლებსა და სპეციალური ოპერაციების სარდლობის სამხედრო მოსამსახურეებსაც შეხვდნენ. ერთ-ერთი საღამო საპატრიარქოსთან არსებული თეატრალური დასის წარმოდგენას დაეთმო. მოზარდებს სასულიერო პირებთან სულიერ და ფიზიკურ ჯანმრთელობაზე, მავნე ჩვევების ნეგატიურ გავლენასა და ღირებულებებზე საუბრის საშუალებაც ჰქონდათ.თავდაცვის სამინისტრო განათლების, მეცნიერებისა და ახალგაზრდობის სამინისტროსთან ერთად პროექტს - „ჯარის ბანაკი“ მეოთხე წელია ახორციელებს. პროექტი ახალგაზრდებში პატრიოტული სულისკვეთების ამაღლებას, ჯანსაღი ცხოვრების წესის პოპულარიზაციასა და ქართული ჯარის შესახებ ინფორმირებულობას ისახავს მიზნად.ინფორმაციას თავდაცვის სამინისტრო ავრცელებს.