პოლიტიკა • 1729173683

ტექნიკურ მთავრობასთან დაკავშირებით „ძლიერ საქართველოში“ უთანხმოება არ არის, შევთანხმდით, რომ ჯერ უნდა გავიმარჯვოთ, შემდეგ ვიმსჯელებთ, მთავრობა ტექნიკური იქნება თუ არატექნიკური - ალეკო ელისაშვილი

ჩვენი კოალიცია ვამბობთ, რომ პრეზიდენტს აქვს ძალიან მნიშვნელოვანი, გადამწყვეტი როლი. არჩევნების შემდეგაც გადამწყვეტი როლი ექნება. ყოველ ჯერზე ვუდასტურებ პატივისცემას და მხარდაჭერას, ასევე ვართ ქარტიის ხელმომწერები და ქარტიის სულისკვეთების მხარდამჭერები, – ამის შესახებ „ძლიერი საქართველოსთვის“ წევრმა, ალეკო ელისაშვილმა განაცხადა.ელისაშვილის თქმით, კოალიცია მიიჩნევს და ერთხმად შეთანხმდნენ, რომ პირველი რიგის ამოცანა არის „ქართული ოცნების“ ხელისუფლების დამარცხება.„დარჩა ცხრა დღე და ამის შემდეგ ჩვენ მზად ვართ, კომპრომისულად დავსხდეთ, ვიმსჯელოთ, ეს მთავრობა ტექნიკური იქნება თუ არატექნიკური. მზად ვართ, უმოკლეს ვადებში შევთანხმდეთ მთავრობის წევრებზე, პრემიერზე და სხვებზე. ამაში ვერანაირ პრობლემას ვერ ვხედავ, უბრალოდ, პრიორიტეტების ამბავია და ახლა პრიორიტეტი ჩვენთვის არის გამარჯვება და „ქართული ოცნების“ დამარცხება.არანაირი უთანხმოება არაა. ნუ დაარქმევთ ასე „პოსტივურად“. ოპოზიციაში არ ვართ ერთი პარტია წარმოდგენილი. ოპოზიციაში ოთხი ძლიერი ჯგუფი, ოთხი ძლიერი ფლანგია. მე წარმოვადგენ კოალიცია „ძლიერ საქართველოს“ და ჩვენთან არანაირი უთანხმოება არ არის ტექნიკურ მთავრობასთან დაკავშირებით. ერთსულოვნები ვართ იმ საკითხში, რომ ჯერ უნდა გავიმარჯვოთ და შემდეგ, არჩევნებზე გამოხატული ხალხის ნების შესაბამისად, უსწრაფესად მოხდეს მთავრობის ფორმირება“, – განაცხადა ალეკო ელისაშვილმა.

პოლიტიკა • 1728985094

ნიკა ელისაშვილი: 26 ოქტომბერს „ქართული ოცნების“გამარჯვება და საკონსტიტუციო უმრავლესობის მოპოვება აუცილებელია ქვეყნის განვითარებისთვის და რაც მთავარია, მშვიდობის შენარჩუნებისთვის - „ქართული ოცნების“ წინასაარჩევნო შეხვედრები გრძელდება

"ქართული ოცნება- დემოკრატიული საქართველოს" ისნის დელეგატი ნიკა ელისაშვილი, ვაზისუბანსა და ელიაზე მოსახლეობას შეხვდა.შეხვედრაზე დელეგატმა მოქალაქეებს „ქართული ოცნების“ საარჩევნო პროგრამა გააცნო და ისანში დაგეგმილ პროექტებზე ესაუბრა.„შეხვედრები მეგობრული და კეთილგანწყობილი იყო. ამ ადამიანებისათვის აქტუალური საკითხები ჩემთვის უცხო არ არის, რადგან მეც აქ დავიბადე, გავიზარდე და დღესაც აქ ვცხოვრობ. შევთანხმდით, რომ 26 ოქტომბერს „ქართული ოცნების“გამარჯვება და საკონსტიტუციო უმრავლესობის მოპოვება აუცილებელია ქვეყნის განვითარებისთვის და რაც მთავარია, მშვიდობის შენარჩუნებისთვის,“- განაცხადა ნიკა ელისაშვილმა.

პოლიტიკა • 1728890527

„ქართული ოცნების“ დელეგატი ნიკა ელისაშვილი, წინასაარჩევნო კამპანიის ფარგლებში ნავთლუღში ახლად რეაბილიტირებულ სკვერში მოქალაქეებს შეხვდა

,,ქართული ოცნების“ დელეგატი ნიკა ელისაშვილი, წინასაარჩევნო კამპანიის ფარგლებში ნავთლუღში ახლად რეაბილიტირებულ სკვერში მოქალაქეებს შეხვდა."ქართული ოცნება- დემოკრატიული საქართველოს" ისნის დელეგატი ნიკა ელისაშვილი, ნავთლუღში, გაბრიელ სალოსის გამზირის N 17-ში, ახლად რეაბილიტირებულ სკვერში მოქალაქეებს თბილისის საკრებულოს მაჟორიტარ დეპუტატ კახა ლაბუჩიძესთან ერთად შეხვდა.შეხვედრაზე განიხილეს რაიონში მიმდინარე და დაგეგმილი პროექტები. ასევე, გაცვალეს მოსაზრებები, თუ როგორ შეიძლება ნავთლუღისა და მთლიანად ისნის რაიონის კიდევ უფრო განვითარება. ნიკა ელისაშვილმა ამომრჩეველს არჩევნებში აქტიურობისკენ მოუწოდა.

პოლიტიკა • 1728731320

„ქართული ოცნების“ საარჩევნო კამპანიის ფარგლებში დელეგატი ნიკა ელისაშვილი ისნის რაიონის მოსახლეობასთან შეხვედრებს აგრძელებს

„ქართული ოცნება- დემოკრატიული საქართველოს" ისნის დელეგატი ნიკა ელისაშვილი, ავლაბარში, თბილისის საკრებულოს მაჟორიტარ დეპუტატ - კახა ლაბუჩიძესთან ერთად მოქალაქეებს ფაღავას, მარტყოფის, კვეზერელისა და კოპაძის ქუჩების კვეთაზე შეხვდა. ინფორმაციას პარტიის პრესსამსახური ავრცელებს.დელეგატმა მოსახლეობასთან შეხვედრისას ისაუბრა 26 ოქტომბრის არჩევნების მნიშვნელობაზე. ასევე, ნიკა ელისაშვილმა ამომრჩეველთან შეაჯამა ავლაბარში აქამდე განხორციელებული და მიმდინარე პროექტები. ასევე, ისაუბრა სამთავრობო გუნდის პოლიტიკურ მიმართულებაზეც.

პოლიტიკა • 1728632517

"ქართული ოცნება- დემოკრატიული საქართველოს" ისნის დელეგატი ნიკა ელისაშვილი საარჩევნო კამპანიის ფარგლებში ვაზისუბანში მოსახლეობასთან შეხვედრებს აგრძელებს

"ქართული ოცნება- დემოკრატიული საქართველოს" ისნის დელეგატი ნიკა ელისაშვილი, Vlll ლეგიონისა და ქევხიშვილის ქუჩის მცხოვრებლებს თბილისის საკრებულოს მაჟორიტარ დეპუტატ - კახა ლაბუჩიძესთან ერთად შეხვდა.შეხვედრებზე მოქალაქეები გაეცნენ „ქართული ოცნების" ძირითად ღირებულებებს და სამომავლო გეგმებს. ძირითადი აქცენტი დელეგატმა 26 ოქტომბრის საპარლამენტო არჩევნების მნიშვნელობაზე გააკეთა. იმსჯელეს ქვეყნის ევროპულ პერსპექტივაზე და ევროინტეგრაციის გზაზე მშვიდობით სვლაზე.

პოლიტიკა • 1728564634

,,ქართული ოცნების“ საარჩევნო კამპანიის ფარგლებში დელეგატი ნიკა ელისაშვილი, ისანში, „დირსის“ კომპლექსში მცხოვრებ მოქალაქეებს შეხვდა

"ქართული ოცნება- დემოკრატიული საქართველოს" ისნის დელეგატი ნიკა ელისაშვილი, ისანში, „დირსის“ კომპლექსში მცხოვრებ მოქალაქეებს შეხვდა.დელეგატმა მოსახლეობასთან შეხვედრისას ისაუბრა „ქართული ოცნების“ პრიორიტეტებზე, განხორციელებულ და მიმდინარე პროექტებზე.„„ქართული ოცნების“ ერთ-ერთი პრიორიტეტი, ყოველთვის იყო და არის იძულებით გადაადგილებულ პირთა კეთილდღეობა. ამის ნათელი მაგალითია „დირსის“ საცხოვრებელ კომპლექსში ასეულობით ოჯახისთვის უსასყიდლოდ გადაცემული ბინა და უნდა აღინიშნოს, რომ ეს პროცესი კვლავაც გრძელდება,“- განაცხადა ნიკა ელისაშვილმა.

პოლიტიკა • 1728469297

ცესკოს თავმჯდომარე საოლქო და საუბნო საარჩევნო კომისიებს მიმართავს

არჩევნებამდე 17 დღე რჩება და საარჩევნო ადმინისტრაცია 26 ოქტომბრის არჩევნების მაღალ პროფესიულ დონეზე, საერთაშორისო სტანდარტების დაცვით ჩასატარებლად სრული დატვირთვით მუშაობს. არჩევნებისათვის ქვეყნის მასშტაბით შექმნილია 3031 საარჩევნო უბანი, მათ შორის 2263 საარჩევნო უბანზე კენჭისყრა ელექტრონული, ხოლო 768 საარჩევნო უბანზე ტრადიციული წესით ჩატარდება.ამ არჩევნების ადმინისტრირებას ქვეყნის მასშტაბით საოლქო და საუბნო საარჩევნო კომისიების 52 000-ზე მეტი  წევრი განახორციელებს, საიდანაც 26 000-ზე მეტი პირი საარჩევნო ადმინისტრაციამ აირჩია, დანარჩენები კი შესაბამისი უფლებამოსილი პარტიების მიერ არიან დანიშნულნი.დღეს მინდა მივმართო საოლქო და საუბნო საარჩევნო კომისიის ყველა წევრს და მოვუწოდო, საქმიანობის განხორციელებისას დაიცვან როგორც საარჩევნო კოდექსი, ისე ეთიკის კოდექსში გაწერილი პრინციპები, რომელსაც ჩვენ, ცესკომ, საოლქო და საუბნო საარჩევნო კომისიებმა მოვაწერეთ ხელი. სწორედ ეთიკის კოდექსზე ხელმოწერით ჩვენ შევთანხმდით, რომ ყველა საარჩევნო ადმინისტრატორი დაიცავს კანონს, პოლიტიკურ ნეიტრალიტეტს და საქმიანობას კეთილსინდისიერად, დამოუკიდებლად, მიუკერძოებლად, ობიექტურად და გამჭვირვალედ წარმართავს. აღსანიშნავია, რომ 26 ოქტომბრის არჩევნებისთვის აღნიშნულ კოდექსში შევიტანეთ ცვლილება და საკუთარ საქმიანობაში მიუკერძოებლობის და პოლიტიკური ნეიტრალიტეტის დაცვის სტანდარტი კიდევ უფრო ავამაღლეთ. მაღალი ეთიკური სტანდარტი ხელს შეუწყობს და უზრუნველყოფს საარჩევნო ადმინისტრაციისა და ზოგადად საარჩევნო პროცესის მიმართ საზოგადოების ნდობის  კიდევ უფრო გაზრდასა და განმტკიცებას.ყოველივე ზემოაღნიშნულიდან გამომდინარე, მინდა რეკომენდაციით მივმართო საოლქო და საუბნო საარჩევნო კომისიებს, თავი შეიკავონ ისეთი ქმედებისაგან, რომელიც შესაძლებელია განხილულ იქნას რომელიმე საარჩევნო სუბიექტის მხარდამჭერ ან საწინააღმდეგო ქმედებად, მათ შორის, სოციალურ ქსელებში პირადი გვერდის პოლიტიკური მოწოდებებისა და აგიტაციის მიზნებისთვის გამოყენებისგან, პარტიის/კანდიდატის წინასაარჩევნო შეხვედრებში მონაწილეობისგან და მაქსიმალურად გამიჯნონ საკუთარი პროფესიული საქმიანობა პოლიტიკური პროცესებისგან.არჩევნები საერთო საქმეა, და პირველ რიგში ჩვენ უნდა შევუწყოთ ხელი ამ პრინციპების დაცვას  და საერთაშორისო სტანდარტის არჩევნების ადმინისტრირებას. მივცეთ  ჩართულ მხარეებს საქმიანობის განხორციელებისას უმაღლესი სტანდარტის მაგალითი.შეგახსენებთ, რომ საუბნო საარჩევნო კომისიების წევრები უკვე აქტიურად ახორციელებენ საკუთარ უფლებამოსილებას და მოკლედ გაგაცნობთ რამდენიმე სტატისტიკურ მონაცემს.6 ოქტომბრის მდგომარეობით 3031 საარჩევნო უბანში სულ არჩეულია/დანიშნულია  საუბნო საარჩევნო კომისიების 51 256 ხელმძღვანელი პირი/წევრი. აქედან საარჩევნო ადმინისტრაციის მიერ არჩეულია 26 044 (3031 კომისიის თავმჯდომარე, 3029 თავმჯდომარის მოადგილე, 3028 მდივანი, 16 956 წევრი), ხოლო შესაბამისი უფლებამოსილი პარტიების მიერ დანიშნულია 25 212 წევრი.  აქედან „ქართული ოცნება-დემოკრატიული საქართველოს“ მიერ დანიშნულია 3030 წევრი, „ერთიანობა-ნაციონალური მოძრაობის“ მიერ - 3024, „ევროპული საქართველო-მოძრაობა თავისუფლებისთვის“ მიერ -2952, „კი ევროპას - სტრატეგია აღმაშენებელი“ - 3002, „ალეკო ელისაშვილი-მოქალაქეები“ – 3013; „ახალი პოლიტიკური ცენტრი“ („გირჩი“) – 1295; „ძლიერი საქართველო-ლელო, ხალხისთვის, თავისუფლებისთვის!“ – 3015; „ევროპელი სოციალისტები“ – 2997; „საქართველოს ევროპელი დემოკრატები“ - 2884.ამასთან, კანონით განსაზღვრული უფლებამოსილების ფარგლებში, საოლქო საარჩევნო კომისიები, ირჩევენ გადასატანი საარჩევნო ყუთის წამღებ სპეც-ჯგუფის 2-2 წევრს იმ საარჩევნო უბნებში, რომლებშიც ერთზე მეტი გადასატანი ყუთი მოემსახურება კენჭისყრის დღეს ამომრჩევლებს. ამ მიზნით საოლქო საარჩევნო კომისიების მიერ ჯამში არჩეულია სპეც-ჯგუფის 1245 წევრი.

პოლიტიკა • 1728373431

ამ უღმერთოებს, უჯიშოებს და უსამშობლოებს დღეს დაემატა უღმერთოება, რატომ არიან უღმერთოები? რატომ არიან უჯიშოები და უსამშობლოები? - მათი ქმედებიდან გამომდინარე - მიხეილ ყაველაშვილი ოპოზიციის ლიდერებზე

ამ უღმერთოებს, უჯიშოებს და უსამშობლოებს დღეს დაემატა უღმერთოება, რატომ არიან უღმერთოები? რატომ არიან უჯიშოები და უსამშობლოები? - მათი ქმედებიდან გამომდინარე, დააკვირდით ყველა მათგანს ერთმანეთზე რა აქვთ ნათქვამი, ჩვენ ხომ არ გამოვდივართ და ამ ფრაზებს ჩვენ არ ვიძახით. რას იძახდა გუბაზ სანიკიძე მიხეილ სააკაშვილზე, რას იძახდა ელისაშვილი მასხარა ხაზარაძეზე, რას იძახდა გვარამია სალომე ზურაბიშვილზე, ხაზარაძე გახარიაზე და ა.შ. - განაცხადა საპარლამენტო უმრავლესობის წევრმა, მიხეილ ყაველაშვილმა.მისი თქმით, ადამიანისთვის თუ ყველაფერი დასაშვებია ის არის უღმერთო.„რამ უნდა აიძულოს ერთმანეთთან პატიება, რა არის ჩვენი სარწმუნოება, რას ნიშნავს ქრისტიანობა - ჯერ უნდა მიუტევო, აპატიო რასაც შენ გაბრალებენ, ან შენ დააბრალე რაღაც ადამიანს და მაგის მიხედვით შეიძლება ერთიანობაში რაღაც განახორციელო, მაგრამ, როცა საერთოდ არ საუბრობ ამ თემებზე რას უწოდებდი და როგორ უწოდებდი და ახლა გგონია რომ ყველაფერი დასაშვებია, ადამიანისთვის თუ ყველაფერი დასაშვებია ის არის უღმერთო, არ წამს არაფრის, ამაზე მაქვს საუბარი. როდესაც ერთ დღეს ესეთი ტექსტებით გამოდიხარ, მოღალატეს უწოდებ, არაკაცს, არც შემიძლია ასეთი სიტყვები ვახსენო, რასაც ისინი ერთმანეთს უწოდებდნენ, მეორე დღეს აბსოლუტური 180 გრადუსით შებრუნებული, პირიქით საუბრობ ადამიანზე, თან პოლიტიკოსი გქვია და თან ამომრჩეველს ელაპარაკები. ამომრჩეველთან მიდიან ელისაშვილი და ხაზარაძე და ეუბნებიან ჩვენ დაგვიჭირე მხარი და ამომრჩეველმა, რომ კითხოს შე დალოცვილო ამაზე ვაჭარს იძახდი, მევახშეს, არაკაცს, რას მეუბნები ახლა რომ ამისი უნდა მჯეროდეს თუ არ უნდა მჯეროდეს და რას უპასუხებს ელისაშვილი, რომ ეს ხუმრობა იყო? და ამ ადამიანს უნდა დაუჭიროს მოქალაქემ მხარი,“- განაცხადა მიხეილ ყაველაშვილმა.

პოლიტიკა • 1728068349

„ქართული ოცნება- დემოკრატიული საქართველოს" ისნის დელეგატი ნიკა ელისაშვილი საარჩევნო კამპანიის ფარგლებში მოსახლეობასთან შეხვედრებს აგრძელებს

„ქართული ოცნება- დემოკრატიული საქართველოს" ისნის დელეგატი ნიკა ელისაშვილი, ჰოლბრუკის ქუჩასა და გაბრიელ სალოსის გამზირზე მცხოვრებ მოქალაქეებს შეხვდა.ასევე, ნავთლუღის დასახლებაში თბილისის საკრებულოს მაჟორიტარ დეპუტატ კახა ლაბუჩიძესთან ერთად იმყოფებოდა.შეხვედრებზე ისაუბრეს არჩევნებზე და არჩევნებში „ქართული ოცნების“ გამარჯვების მნიშვნელობაზე, ქვეყანაში მშვიდობისა და სტაბილურობის შენარჩუნებაზე. ასევე, მოსახლეობას გააცნეს სამომავლო გეგმები.ინფორმაციას „ქართული ოცნების“ პრესსამსახური ავრცელებს.

პოლიტიკა • 1728039601

ესენი არიან ადამიანები, რომლებიც არა მარტო სასამართლოს მიერ, ზოგადად საზოგადოების მიერ თაღლითებად არიან აღიარებული - გიორგი ვოლსკი ხაზარაძე-ჯაფარიძეზე

მამუკა ხაზარაძისა და ბადრი ჯაფარიძის მიმართ, „ნათენაძის ღვინის მარნის“ მფლობელის და „ვარძიის ტერასების“ ერთ-ერთი დამფუძნებლის გამოთქმულ ბრალდებებს, პარლამენტის პირველი ვიცე-სპიკერი გიორგი ვოლსკი ეხმაურება.მისი თქმით, „ლელოს“ ლიდერების წარსულიდან გამომდინარე, ხაზარაძე - ჯაფარიძის დამოკიდებულება საზოგადოებას არ უკვირს.„ადამიანების ჯგუფი, რომელიც წალენჯიხაში ჩავა და „პლასტმასის“ საცურაო აუზს გახსნის, თან ზამთრის დადგომის პერიოდში, რა საკვირველია, ეს მახასიათებელი, რომ ვაზს არ მიხედა ან რაღაც ტერასა მიატოვა ვარძიის მიმდებარე ტერიტორიაზე ეს არავის არ უნდა გაუკვირდეს. ესენი არიან ადამიანები, რომლებიც არა მარტო სასამართლოს მიერ, ზოგადად საზოგადოების მიერ თაღლითებად არიან აღიარებული. ალეკო ელისაშვილის მიერაც, რომელიც დღეს ცეკვავს და მალაყებს გადადის მათთან ერთად“, - განაცხადა გიორგი ვოლსკიმ.„ნათენაძის ღვინის მარნის“ მფლობელი და „ვარძიის ტერასების“ ერთ-ერთი დამფუძნებელი გიორგი ნათენაძე მამუკა ხაზარაძეს და ბადრი ჯაფარიძეს ვაზის ტერასების განადგურებაში ადანაშაულებს. ბიზნესმენი სოციალურ ქსელში ვარძიის ტერასების მდგომარეობის ამსახველ ვიდეოებსაც აქვეყნებს.

პოლიტიკა • 1727859789

„ქართული ოცნების“ საარჩევნო კამპანიის ფარგლებში დელეგატი ნიკა ელისაშვილი ისნის რაიონის მოსახლეობასთან შეხვედრებს აგრძელებს

„ქართული ოცნება - დემოკრატიული საქართველოს“ ისნის დელეგატი ნიკა ელისაშვილი, ნავთლუღის დასახლებაში, გუდარეხის და ზაურ მახარაშვილის ქუჩების მცხოვრებლებს შეხვდა.პარტიის პრესსამსახურის ცნობით, შეხვედრაზე დელეგატმა ისაუბრა ქვეყნის სტაბილური განვითარებისთვის „ქართული ოცნების“ ხედვებზე, არჩევნების მნიშვნელობასა და ამ პროცესში მათი ჩართულობის საჭიროებაზე. ამომრჩეველთან ერთად განიხილა ყველა აქტუალური საკითხი, რომელიც აღნიშნულ უბნებში მცხოვრებთ აწუხებთ.დელეგატის თქმით, მოქალაქეები სრულად იზიარებენ სხვადასხვა მიმართულებით „ქართული ოცნების“ პოლიტიკას და ნდობას უცხადებენ გუნდს.

პოლიტიკა • 1727788251

„ქართული ოცნება - დემოკრატიული საქართველოს“ ისნის დელეგატი ნიკა ელისაშვილი საარჩევნო კამპანიის ფარგლებში მოსახლეობასთან შეხვედრებს აგრძელებს

„ქართული ოცნება - დემოკრატიული საქართველოს“ ისნის დელეგატი ნიკა ელისაშვილი, ბოჭორმის, არტემ ლუსინიანის, 300 არაგველის მეორე შესახვევისა და შავსოფლის ქუჩების მცხოვრებლებს კარდაკარის პრინციპით შეხვდა.შეხვედრებზე მოქალაქეები გაეცნენ „ქართული ოცნების“ ძირითად ღირებულებებს და სამომავლო გეგმებს. ძირითადი აქცენტი დელეგატმა 26 ოქტომბრის საპარლამენტო არჩევნების მნიშვნელობაზე გააკეთა. ასევე, ისაუბრეს აღნიშნულ ტერიტორიაზე არსებულ საჭიროებებსა და მათი გადაჭრის გზებზე. მოსახლეობას გააცნეს სამომავლო გეგმები. ისაუბრეს სხვადასხვა მნიშვნელოვან საკითხზე.