დედაქალაქის მერია

საცხოვრებელი ფართები სიმბოლურ ფასად თბილისის ექვს რაიონში მცხოვრებ ოჯახებს დაუკანონდათ

საცხოვრებელი ფართები სიმბოლურ ფასად - ერთ ლარად, კიდევ 30 ოჯახს დაუკანონდა.ისნის, საბურთალოს, ჩუღურეთის, ნაძალადევის, სამგორისა და მთაწმინდის რაიონებში მცხოვრებ მოქალაქეებს საკუთრების დამადასტურებელი მოწმობები დედაქალაქის მერმა კახა კალაძემ გადასცა.„საცხოვრებელი ფართების დაკანონების პროგრამას განვაგრძობთ. დღეს კიდევ 30 ოჯახს დავუკანონეთ და სიმბოლურ ფასად, ერთ ლარად გადავეცით ფართები. ვულოცავ ამ ოჯახებს და ბედნიერებას ვუსურვებ. აღნიშნული პროგრამის განხორციელება, რომელიც ჩვენი საარჩევნო დაპირება იყო, 2017 წლიდან დაიწყო. რა თქმა უნდა, ყველა ოჯახი, რომელიც ანალოგიური პრობლემის წინაშე დგას, იქნება ფართებით დაკმაყოფილებული. მათ უნდა მიმართონ თავიანთ რაიონულ გამგეობებს და ჩვენი თანამშრომლები მაქსიმალურად დაეხმარებიან, აუხსნიან, თუ რა საბუთებია შესაგროვებელი იმისთვის, რომ შემდგომში ფართების დაკანონება მოხდეს. პროგრამა გაგრძელდება მანამ, სანამ ყველა ოჯახი არ დაკმაყოფილდება“, - განაცხადა კახა კალაძემ.თბილისის მერთან ერთად, ღონისძიებას შესაბამისი რაიონების გამგებლები, ასევე, ქონების მართვის სააგენტოს ხელმძღვანელი სერგო ბირკაძე და თბილისის საკრებულოს მაჟორიტარი დეპუტატები ესწრებოდნენ.აღნიშნული პროგრამის ფარგლებში, საცხოვრებელი ფართებით 3 300-ზე მეტი ოჯახია დაკმაყოფილებული. ეს ის ოჯახებია, რომლებიც ხანგრძლივად ცხოვრობდნენ საცხოვრებელ ფართებში, რომელთა დაკანონებას ამ დრომდე ვერ ახერხებდნენ.დედაქალაქის მერიაში ფართების დაკანონების მსურველთა ასობით განაცხადია შემოსული, რომელთა განხილვა და დაკმაყოფილება ეტაპობრივად მიმდინარეობს.

პოლიტიკა • 1748001525

26 მაისის ღონისძიების მოსამზადებელი სამუშაოების გამო, თბილისის ცენტრალურ ქუჩებზე მოძრაობა შეფერხებულია

საქართველოს დამოუკიდებლობის დღისადმი მიძღვნილი ღონისძიებების მოსამზადებელი სამუშაოების გამო, ბოლო დღეების განმავლობაში, თბილისის ცენტრალურ ქუჩებზე მოძრაობა ეტაპობრივად იზღუდება. ინფორმაციას ამის შესახებ დედაქალაქის მერია ავრცელებს.მერიის ცნობით, გადაადგილების შეზღუდვა ეხება, როგორც პირად ავტომობილებს, ისე საზოგადოებრივ ტრანსპორტს.„ფერხდება გადაადგილება გმირთა მოედანზე, რუსთაველის გამზირზე, თაბუკაშვილის ქუჩაზე, თავისუფლების მოედანზე, ლეონიძის შესახვევში, კოტე აფხაზისა და პუშკინის ქუჩებზე. ასევე, დატვირთულია მტკვრის მარჯვენა და მარცხენა სანაპიროები.მოსახლეობას მოვუწოდებთ, გაითვალისწინონ დაწესებული შეზღუდვები და კერძო ავტომობილებით გადაადგილებისას ისარგებლონ ალტერნატიული გზებით. აქვე შეგახსენებთ, რომ 24 მაისს, 20:00 საათიდან ჩაიკეტება რუსთაველის გამზირის ნაწილი, გია ჭანტურიას ქუჩიდან თავისუფლების მოედნის ჩათვლით არსებული საგზაო მონაკვეთი. ამ დროს, გადაადგილება შესაძლებელი იქნება მხოლოდ ბარათაშვილის ხიდის პანდუსამდე და ჭანტურიას ქუჩამდე.24 მაისის 14:00 საათიდან 27 მაისის 03:00 საათამდე, ავტოსატრანსპორტო შეზღუდვა შეეხება ათონელისა და ვახტანგ ორბელიანის ქუჩებს.რაც შეეხება დამოუკიდებლობის დღეს, 26 მაისს, დღის განმავლობაში, გადაადგილება აიკრძალება თავისუფლების მოედანსა და რუსთაველის გამზირზე, ასევე, ათონელისა და ვეკუას ქუჩებზე. ტრანსპორტის მოძრაობა ჩვეულ რეჟიმში ღონისძიებების დასრულების შემდეგ აღდგება“, – ნათქვამია მერიის მიერ გავრცელებულ ინფორმაციაში.

საზოგადოება • 1745560635

თბილისის მეტროს საბურთალოს ხაზზე შეფერხებაა

თბილისის მეტროს საბურთალოს ხაზზე შეფერხებაა.თბილისის მერიის ინფორმაციით, შეფერხების მიზეზი ტექნიკური ხარვეზია.როგორც დედაქალაქის მერიაში აღნიშნავენ, ხარვეზის აღმოსაფხვრელად შესაბამისი ჯგუფი მუშაობს.

პოლიტიკა • 1745488841

კახა კალაძემ საკუთრების დამადასტურებელი მოწმობები 30 ოჯახს გადასცა

საცხოვრებელი ფართები სიმბოლურ ფასად - ერთ ლარად, ამჯერად, 30 ოჯახს დაუკანონდა.გლდანის, ნაძალადევის, დიდუბისა და ვაკის რაიონებში მცხოვრებ მოქალაქეებს საკუთრების დამადასტურებელი მოწმობები დედაქალაქის მერმა, კახა კალაძემ გადასცა."ბოლო წლების განმავლობაში, ასობით მილიონი ლარის ქონება, რომელიც სახელმწიფოს ბალანსზე იყო, კერძო საკუთრებაში გადავიდა. ჩვენ განვაგრძობთ აღნიშნულ პროგრამას, რომელიც მართლაც წარმატებულია. გვინდა, ყველა ის ოჯახი, ადამიანი დავაკმაყოფილოთ, რომელიც ანალოგიური პრობლემის წინაშე დგას. აუცილებლად უნდა მიმართოთ თქვენივე რაიონის გამგეობას, სადაც ცხოვრობთ, დაგეხმარებიან და გეტყვიან, თუ რა დოკუმენტებია შესაგროვებელი იმისთვის, რომ თქვენი საცხოვრებელი ფართების დაკანონება მოხდეს. დღეს სხვადასხვა რაიონში მცხოვრები 30 ოჯახი დავაკმაყოფილეთ. ვულოცავ მათ. რა თქმა უნდა, პროგრამა გაგრძელდება მანამ, სანამ ყველა მსგავსი ოჯახი საცხოვრებლით არ დაკმაყოფილდება“, - განაცხადა კახა კალაძემ.თბილისის მერთან ერთად, ღონისძიებას შესაბამისი რაიონების გამგებლები, ასევე, ქონების მართვის სააგენტოს ხელმძღვანელი სერგო ბირკაძე და თბილისის საკრებულოს მაჟორიტარი დეპუტატები ესწრებოდნენ.აღნიშნული პროგრამის ფარგლებში, 2017 წლიდან დღემდე, საცხოვრებელი ფართებით 3 300-ზე მეტი ოჯახია დაკმაყოფილებული. ეს ის ოჯახებია, რომლებიც ხანგრძლივად ცხოვრობდნენ საცხოვრებელ ფართებში, რომელთა დაკანონებას ამ დრომდე ვერ ახერხებდნენ.დედაქალაქის მერიაში ფართების დაკანონების მსურველთა ასობით განაცხადია შემოსული, რომელთა განხილვა და დაკმაყოფილება ეტაპობრივად მიმდინარეობს.

დედაქალაქი • 1744721817

ნიკოლოზ კახეთელიძემ მეტროსადგურ „ვარკეთილის“ რეაბილიტაციასთან დაკავშირებით განმარტება გააკეთა

თბილისის საკრებულოს წევრმა, დედაქალაქის წარმომადგენლობითი ორგანოს გარემოს დაცვის კომისიის თავმჯდომარემ, ნიკოლოზ კახეთელიძემ, მეტროსადგურ „ვარკეთილის“ რეაბილიტაციასთან დაკავშირებით განმარტება გააკეთა.საკრებულოს წევრის განცხადებით, მეტროსადგურში შექმნილი სიტუაციის გამოსასწორებლად, რომელსაც თავისთავად ბევრი ობიექტური მიზეზი აქვს, დედაქალაქის მერიამ შესაბამისი ღონისძიებები უკვე დასახა.მისივე თქმით, გამოცხადებულია საერთაშორისო ტენდერი, რომლის შედეგადაც მოწვეული იქნება შესაბამისი გამოცდილების კომპანია, რომელიც არსებული სადგურის რეაბილიტაციას უზრუნველყოფს.„სრული პასუხისმგებლობით ვაცხადებ, რომ ათწლეულების წინ, ჯერ კიდევ აღნიშნული მეტროსადგურის პროექტირების და შემდგომში მშენებლობის ეტაპზე, დაშვებული რიგი შეცდომების და ფაქტორთა გაუთვალისწინებლობის გამო წლების შემდეგ მივიღეთ ის მოცემულობა, რომელიც გვაქვს დღეს.ჩვენს ოპონენტებს კი, ბრალდებაზე, თითქოს მერიამ სადგურის შეკეთება ვერ შეძლო, შევახსენებ, რომ მათი ხელისუფლებაში ყოფნის დროს მთლიანად იქნა გაუქმებული და განადგურებული კვლევითი ინსტიტუტები და დარგის სპეციალისტები დათხოვნილ იქნენ სამსახურებიდან. სწორედ შესაბამისი დარგის განადგურების გამო უწევს მერიას საერთაშორისო ტენდერის გამოცხადება“, - განაცხადა ნიკოლოზ კახეთელიძემ საკრებულოს სხდომაზე.

საზოგადოება • 1744060822

ინფორმაცია მძღოლებისთვის - სად შეიზღუდება მოძრაობა

მტკვრის მარცხენა სანაპიროზე, რესტორან "გაგრის" მიმდებარე ტერიტორიაზე, გზის სავალ ნაწილზე ბზარები შეინიშნება, რისთვისაც საჭიროა გადაუდებელი სამუშაოების ჩატარება, - ინფორმაციას დედაქალაქის მერია ავრცელებს."უსაფრთხოების მიზნით, მიმდინარე წლის 7 აპრილიდან გზის დაზიანებულ მონაკვეთში, უკიდურეს მარჯვენა ზოლში საავტომობილო მოძრაობა დროებით შეიზღუდება.თბილისის მერია ბოდიშს გიხდით შექმნილი დისკომფორტისთვის!", - აღნიშნულია მერიის მიერ გავრცელებულ განცხადებაში.

დედაქალაქი • 1744030462

მტკვრის მარცხენა სანაპიროზე, რესტორან "გაგრის" მიმდებარედ, საავტომობილო მოძრაობა შეიზღუდება

დედაქალაქი • 1743514620

„რესტორან „კაკლების“ მიმდებარე ტერიტორიაზე საავტომობილო მოძრაობა ნაწილობრივ შეიზღუდება“ - თბილისის მერია განცხადებას ავრცელებს

წყნეთის გზატკეცილზე, რესტორან „კაკლების“ მიმდებარე ტერიტორიაზე საავტომობილო მოძრაობა ნაწილობრივ შეიზღუდება, - აღნიშნულ ინფორმაციას დედაქალაქის მერია ავრცელებს.„ვაკის რაიონში, წყნეთის გზატკეცილზე, უსაფრთხოების მიზნით, საავტომობილო გზის გასწვრივ არსებული ფერდის გამაგრების სამუშაოები მიმდინარეობს.სამუშაოების გამო, 2 აპრილის 00:00 საათიდან, ერთი თვის განმავლობაში, რესტორან „კაკლების“ მიმდებარე ტერიტორიაზე, გზის სავალი ნაწილის ერთ ზოლში საავტომობილო მოძრაობა შეიზღუდება. ავტომობილები გადაადგილებას შეძლებენ მხოლოდ ერთ სამოძრაო ზოლში, რევერსულად.თბილისის მერია ბოდიშს გიხდით შექმნილი დისკომფორტისთვის!“ - ნათქვამია განცხადებაში.

სოციალური თემა • 1743015148

ამ ადამიანებისთვის მერიის ბიუჯეტიდან 70 110 ლარი გამოიყოფა - ვინ მიიღებს დაფინანსებას

„ონკოლოგიური დიაგნოზის მქონე მოქალაქეთა მხარდაჭერას სხვადასხვა სახის პროგრამით ვახორციელებთ, რომელთაგან ერთ-ერთი მნიშვნელოვანი „ძუძუს კიბოს სამკურნალო მედიკამენტების დაფინანსების“ პროგრამაა. ამ მიმართულების დაფინანსება მიმდინარე წელსაც გაგრძელდება“, - განაცხადა თბილისის მუნიციპალიტეტის მთავრობის დღევანდელ სხდომაზე დედაქალაქის მერმა კახა კალაძემ.„ბიუჯეტში გათვალისწინებული გვაქვს სოციალური დახმარებებისა და ჯანდაცვის მიმართულებები, რისთვისაც საკმაოდ დიდი თანხებია გამოყოფილი. წლების განმავლობაში სოციალურად დაუცველ მოქალაქეებს 100%-ით უფინანსდებოდათ მედიკამენტები. გასულ წელს მივიღეთ გადაწყვეტილება და ყველა იმ ადამიანს, ვინც ამ მიმართულებით საჭიროებს მხარდაჭერასა და დახმარებას, ყველას აღმოვუჩენთ თანადგომას და 100%-ით დაფინანსდება მედიკამენტები. არ აქვს მნიშვნელობა პირი სოციალურად დაუცველია თუ არა“, - განაცხადა თბილისის მერმა.მისი თქმით, პროგრამა HER-2 დადებითი ადგილობრივად გავრცელებული და მეტასტაზური ფორმის ძუძუს კიბოს დიაგნოზის მქონე მოქალაქეების სიცოცხლის გახანგრძლივება/განკურნებას ემსახურება და შესაბამისად, ძვირად ღირებული მედიკამენტები ფინანსდება. თბილისის მერია 18, რიგ შემთხვევაში კი, გაცილებით მეტ ინფუზიას აფინანსებს.„2024 წლიდან ძვირად ღირებული სამკურნალო მედიკამენტები სოციალურად დაუცველთა ბაზაში მყოფი მოქალაქეების მსგავსად, პროგრამის ყველა მოსარგებლეს სრულად, 100%-ით უფინანსდება. ერთი პაციენტის მკურნალობის სრული კურსის ჩასატარებლად, მინიმუმ 24 750 და მაქსიმუმ 70 110 ლარი გამოიყოფა. პროგრამით გათვალისწინებული მომსახურების მისაღებად, საქართველოს მოქალაქეს ბოლო ორი წლის განმავლობაში უწყვეტად და ამავდროულად, პროგრამაში ჩართვის დროისთვის, თბილისის მუნიციპალიტეტში უნდა ჰქონდეს რეგისტრაცია“, - განაცხადა დედაქალაქის მერმა.მან ასევე აღნიშნა, რომ მოქალაქემ პროგრამაში ჩასართავად, განცხადებით და შესაბამისი საბუთებით დედაქალაქის მერიას უნდა მიმართოს, რომელთა საფუძველზე, მედიკამენტის აფთიაქიდან გასატანად, საგარანტიო წერილი გაიცემა.„გვაქვს ბევრი პროგრამა, ბევრი მიმართულება და, რა თქმა უნდა, ჩვენი მხრიდან ყოველთვის იქნება მხარდაჭერა. უნდა აღნიშნოს, რომ იგივე დამოკიდებულებაა ჯანდაცვის მიმართულებითაც. უამრავი ადამიანი მოგვმართავს სხვადასხვა ოპერაციის დაფინანსების თხოვნით. აქაც მაქსიმალურად ყველას ხელს ვუწყობთ და ჩვენი მხრიდან გამოიყოფა კონკრეტული თანხები, რათა დავაკმაყოფილოთ მოქალაქეთა მომართვიანობა“, - განაცხადა კახა კალაძემ.

ჯანდაცვა • 1742976447

ძუძუს კიბოს სამკურნალო ძვირადღირებული მედიკამენტების დაფინანსება მიმდინარე წელსაც გაგრძელდება

„ონკოლოგიური დიაგნოზის მქონე მოქალაქეთა მხარდაჭერას სხვადასხვა სახის პროგრამით ვახორციელებთ, რომელთაგან ერთ-ერთი მნიშვნელოვანი „ძუძუს კიბოს სამკურნალო მედიკამენტების დაფინანსების“ პროგრამაა. ამ მიმართულების დაფინანსება მიმდინარე წელსაც გაგრძელდება“, - განაცხადა თბილისის მუნიციპალიტეტის მთავრობის დღევანდელ სხდომაზე დედაქალაქის მერმა კახა კალაძემ.„ბიუჯეტში გათვალისწინებული გვაქვს სოციალური დახმარებებისა და ჯანდაცვის მიმართულებები, რისთვისაც საკმაოდ დიდი თანხებია გამოყოფილი. წლების განმავლობაში სოციალურად დაუცველ მოქალაქეებს 100%-ით უფინანსდებოდათ მედიკამენტები. გასულ წელს მივიღეთ გადაწყვეტილება და ყველა იმ ადამიანს, ვინც ამ მიმართულებით საჭიროებს მხარდაჭერასა და დახმარებას, ყველას აღმოვუჩენთ თანადგომას და 100%-ით დაფინანსდება მედიკამენტები. არ აქვს მნიშვნელობა პირი სოციალურად დაუცველია თუ არა“, - განაცხადა თბილისის მერმა.მისი თქმით, პროგრამა HER-2 დადებითი ადგილობრივად გავრცელებული და მეტასტაზური ფორმის ძუძუს კიბოს დიაგნოზის მქონე მოქალაქეების სიცოცხლის გახანგრძლივება/განკურნებას ემსახურება და შესაბამისად, ძვირადღირებული მედიკამენტები ფინანსდება. თბილისის მერია 18, რიგ შემთხვევაში კი, გაცილებით მეტ ინფუზიას აფინანსებს.„2024 წლიდან ძვირადღირებული სამკურნალო მედიკამენტები სოციალურად დაუცველთა ბაზაში მყოფი მოქალაქეების მსგავსად, პროგრამის ყველა მოსარგებლეს სრულად, 100%-ით უფინანსდება. ერთი პაციენტის მკურნალობის სრული კურსის ჩასატარებლად, მინიმუმ 24 750 და მაქსიმუმ 70 110 ლარი გამოიყოფა. პროგრამით გათვალისწინებული მომსახურების მისაღებად, საქართველოს მოქალაქეს ბოლო ორი წლის განმავლობაში უწყვეტად და ამავდროულად, პროგრამაში ჩართვის დროისთვის, თბილისის მუნიციპალიტეტში უნდა ჰქონდეს რეგისტრაცია“, - განაცხადა დედაქალაქის მერმა.მან ასევე აღნიშნა, რომ მოქალაქემ პროგრამაში ჩასართავად, განცხადებით და შესაბამისი საბუთებით დედაქალაქის მერიას უნდა მიმართოს, რომელთა საფუძველზე, მედიკამენტის აფთიაქიდან გასატანად, საგარანტიო წერილი გაიცემა.„გვაქვს ბევრი პროგრამა, ბევრი მიმართულება და, რა თქმა უნდა, ჩვენი მხრიდან ყოველთვის იქნება მხარდაჭერა. უნდა აღნიშნოს, რომ იგივე დამოკიდებულებაა ჯანდაცვის მიმართულებითაც. უამრავი ადამიანი მოგვმართავს სხვადასხვა ოპერაციის დაფინანსების თხოვნით. აქაც მაქსიმალურად ყველას ხელს ვუწყობთ და ჩვენი მხრიდან გამოიყოფა კონკრეტული თანხები, რათა დავაკმაყოფილოთ მოქალაქეთა მომართვიანობა“, - განაცხადა კახა კალაძემ.

პოლიტიკა • 1742560804

„ოპოზიცია, რომელიც დღეს ამ დარბაზში ჩვენთან ერთად უნდა იჯდეს და თავის საქმეს აკეთებდეს, ცდილობს მერიის გაჯანსაღების პროცესი ვიწრო პოლიტიკური მიზნით პარაზიტულად გამოიყენოს“ - ოთარ გრიგოლია

თბილისის საკრებულოს ფრაქცია „ქართული ოცნება - დემოკრატიული საქართველოს“ თავმჯდომარე ოთარ გრიგოლია დედაქალაქის მერიაში, კერძოდ თბილისის ბაგა-ბაღებში მიმდინარე რეორგანიზაციის პროცესს გამოეხმაურა და განაცხადა, რომ ბაგა-ბაღებში მიმდინარე პროცესი მათი ჯანსაღი ფუნქციონირებისთვის აუცილებელია. როგორც ოთარ გრიგოლიამ განმარტა, თბილისის ბაგა-ბაღები სახაზინო დაფინანსებაზე გადადის და ბევრი რამ იცვლება. საკრებულოს უმრავლესობის ლიდერმა ოპოზიციას მოუწოდა შეწყვიტონ მსგავსი თემებით მანიპულირება და მავნებლობა.„ოპოზიცია, რომელიც დღეს ამ დარბაზში ჩვენთან ერთად უნდა იჯდეს და თავის საქმეს აკეთებდეს, ცდილობს მერიის გაჯანსაღების პროცესი ვიწრო პოლიტიკური მიზნით პარაზიტულად გამოიყენოს. თბილისის ბაგა-ბაღები სახაზინო დაფინანსებაზე გადადის, რაც ბევრ რამეს შეცვლის. შესაბამისად, მიმდინარე ოპტიმიზაცია აუცილებელია იმისათვის, რომ ბაღებმა ჯანსაღი ფუნქციონირება გააგრძელონ. ძალიან მნიშვნელოვანია გვესმოდეს, რომ იმ საკითხების პოლიტიკურად გამოყენება, რომელიც დღეს ქალაქში ქალაქისვე ინტერესების სასარგებლოდ მიმდინარეობს, არის მავნებლობა, რომელსაც ოპოზიცია უკვე წლებია ეწევა“- განაცხადა ოთარ გრიგოლიამ.

დედაქალაქი • 1740336776

რა ხდება დედაქალაქის გზებზე - თბილისის მერია განცხადებას ავრცელებს

ბოლო დღეების განმავლობაში თბილისში მოსული ნალექის გამო, გზები თოვლისგან ინტენსიურად იწმინდება, – ამის შესახებ ინფორმაციას თბილისის მერია ავრცელებს.მათივე ცნობით, ტექნიკური მარილი იყრება დედაქალაქის ქუჩებში და შემოერთებულ ტერიტორიებზე.დედაქალაქის მერიაში აცხადებენ, რომ შპს "თბილსერვის ჯგუფის" თანამშრომლები სპეცტექნიკის საშუალებით 24-საათიან რეჟიმში უწყვეტად მუშაობენ. თბილისი-პანტიანის გზის გაწმენდის სამუშაოებს შპს "თბილსერვის ჯგუფის" დირექტორი გიორგი პაპავა გაეცნო."დღე-ღამის განმავლობაში შეუჩერებლად მიმდინარეობს გზების ტექნიკური მარილით დამუშავება. გაწმენდის სამუშაოებსა და მონიტორინგში ჩართულია „თბილსერვის ჯგუფის“ შესაბამისი სამსახურები. ყველა სატრანსპორტო კვანძი, სადაც მუნიციპალური ტრანსპორტი მოძრაობს, გახსნილია", – აღნიშნა გიორგი პაპავამ.„მოსახლეობას მოვუწოდებთ, საგზაო-სატრანსპორტო მოძრაობის შეფერხების შემთხვევაში, მოგვმართონ "თბილსერვის ჯგუფის" ცხელ ხაზზე – 2 61 90 50 ან თბილისის მერიის ცხელ ხაზზე – 2 72 22 22 და დაუყოვნებლივ მოხდება რეაგირება",- აღნიშნულია თბილისის მერიის ინფორმაციაში.