პოლიტიკა • 1761913120

ხალხს სჯერა, რომ დაპირებები, რომლებიც გაცემულია და ის პრიორიტეტები, რომლებიც დასახულია, აუცილებლად უნდა შესრულდეს - ზურაბ აბაშიძე

 თბილისის საკრებულოს სხდომაზე, რომელზეც თბილისის მერმა კახა კალაძემ, დედაქალაქის მომავალი მთავრობის შემადგენლობა წარადგინა, საკრებულოს თავმჯდომარემ, ზურაბ აბაშიძემ, კახა კალაძეს, გაწეული საქმიანობისთვის და წარმოდგენილი მოხსენებისთვის მადლობა გადაუხადა და აღნიშნა, რომ თბილისის საკრებულო დედაქალაქის მერიასთან ერთად გააგრძელებს წინასაარჩევნო დაპირებების შესრულებას და პრიორიტეტული პროექტების განხორციელებას.„კახა კალაძის მერობის წინა წლები ორიენტირებული იყო საქმეზე, წარმატებაზე პროფესიონალ გუნდთან ერთად და ხალხს სჯერა, რომ დაპირებები, რომლებიც გაცემულია და ის პრიორიტეტები, რომლებიც დასახულია, აუცილებლად უნდა შესრულდეს.მინდა კონკრეტულად რამდენიმე მიმართულებას შევეხო:ავარიული შენობების ჩანაცვლების პროგრამა დადაუსრულებელი მშენებლობები - დაახლოებით 12 ათასზე მეტმა ოჯახმა მიიღო ბინა. წარმოუდგენელი, უპრეცედენტო რამ მოხდა კახა კალაძის მერობის პერიოდში,  ადამიანები, რომლებიც კონკრეტული კომპანიების მიერ იყვნენ დაზარალებულები დასრულიად გადაწურული ჰქონდათ იმედი, რომ ბინებს მიიღებდნენ, სულ სხვა რეალობაში აღმოჩნდნენ: მათ უკვე აქვთ საკუთარი ბინები.  ამ წლების განმავლობაში არ ჩატარებული საკრებულოს სხდომა, რომ ჩვენ ამ საკითხთან დაკავშირებით არ გვემსჯელა.ბოლო წლების განმავლობაში 200 ათასით გაიზარდა ავტომობილების რაოდენობა დედაქალაქში, რაც,ბუნებრივია, საცობებს ქმნის. ინტენსიურად ხორციელდება  გზების რეაბილიტაცია  და ეს პროცესი გაგრძელდება“,  - განაცხადა ზურაბ აბაშიძემ.თბილისის საკრებულოს თავმჯდომარემ აღნიშნა, რომ მუნიციპალიტეტის ყველა რგოლი, თბილისის საკრებულო, მერია პროფესიონალთა გუნდით არის დაკომპლექტებული და ისინი ყველა გამოწვევას გაუმკლავდებიან.„მიუხედავად იმისა, რომ გამოწვევები და პრობლემები ბევრია, ჩვენ ზურგს გვიმაგრებს ჩვენი საქმიანობა, პროფესიონალიზმი თბილისის მერთან და მის გუნდთან ერთად. გამოცდილება და პროფესიონალიზმი არის ჩვენი საქმის ძლიერი მხარე.მინდა მადლობა გითხრათ წარმატებული საქმიანობისთვის. მინდა იცოდეთ, რომ თბილისის საკრებულო არის თქვენ გვერდით, დედაქალაქის მოსახლეობის გვერდით. კიდევ ერთხელ მადლობა თითოეულ მოქალაქეს, რომლებიც 4 ოქტომბერს მოვიდნენ და მხარი დაუჭირეს კახა კალაძეს და „ქართულ ოცნებას“. ჩვენ მზად ვართ, ეს დიდი პასუხისმგებლობა და ნდობა გავამართლოთ“,  - დასძინა ზურაბ აბაშიძემ.

პოლიტიკა • 1761901140

გიორგი შარაშიძე: ერთი წლის წინ პარლამენტში დეპუტატები ტაშს უკრავდნენ ირაკლი ქარსელაძეს, პოლიტიკური პასუხისმგებლობა არა თუ მინისტრსა და მოადგილეზე, არამედ „ქართულ ოცნებაზე“ ვრცელდება

ინტერპელაციის ფორმატში ინფრასტრუქტურის ამჟამინდელ მინისტრს გამბედაობა არ ეყო ეთქვა, რომ კორუმპირებული სამინისტრო ჩაიბარა, – ამის შესახებ პარტიის „გახარია საქართველოსთვის“ წევრმა, დეპუტატმა გიორგი შარაშიძემ განაცხადა.მისივე თქმით, ირაკლი კობახიძე იმ დროს საპარლამენტო გუნდის ლიდერი იყო და მთავრობაზე ზედამხედველობა ევალებოდა.„მინისტრმა თავად თქვა, რომ მუნიციპალური განვითარების ფონდის 214 მიმდინარე პროექტიდან 161 პრობლემური იყო და ამ პროექტების ჯამური ღირებულება ერთ მილიარდ ლარს აღემატებოდა. ამას რომ მინისტრი თავად დაადასტურებს, მგონი, აქ სხვა კითხვები აღარ ჩანს. არ უნდა დაგვავიწყდეს, რომ დაახლოებით, ერთი წლის წინ, ამავე დარბაზში, ეს 89 დეპუტატი ირაკლი ქარსელაძეს ტაშს უკრავდა, მიესალმებოდა და მხარს უჭერდა. ეს იმას ნიშნავს, რომ პოლიტიკური პასუხისმგებლობა არა თუ მინისტრის მოადგილესა და მინისტრზე, არამედ „ქართულ ოცნებაზე“ ვრცელდება. ეს საპარლამენტო კონტროლის კრახს, კონტროლის და ზედამხედველობის ჩავარდნას ნიშნავს.განსაკუთრებულია საპარლამენტო უმრავლესობის პასუხისმგებლობა. ირაკლი კობახიძე თითქოს კორუფციას ებრძვის, მაგრამ მაშინ ის საპარლამენტო გუნდის ლიდერი იყო, მისი უშუალო მოვალეობა იყო, რომ მთავრობისთვის სათანადო ზედამხედველობა გაეწია. თუ არ ვცდები, ზუსტად იმ პერიოდში იყო პარლამენტის თავმჯდომარე შალვა პაპუაშვილიც. ამასაც რომ თავი დავანებოთ, როგორ შეიძლება, კობახიძემ ვინმე დაარწმუნოს, რომ კორუფციას ებრძვის, როცა კორუფციის სიმბოლოა კახა კალაძე“, – აღნიშნა შარაშიძემ.მისივე განცხადებით, კორუფციასთან ბრძოლა თბილისის მერიით უნდა დაიწყოს, რადგან ყველაზე მეტი კითხვა ამ უწყების შესახებაა.„რას ფიქრობთ, კორუფცია ინფრასტრუქტურის სამინისტროში იყო და თბილისის მერიაში არ არის? – დედაქალაქის მერიაში არავინ შესულა და სათანადოდ არ დაინტერესებულა, რადგან ეს ყველაფერი შიდა კლანური დაპირისპირებაა. რა გგონიათ, კორუფციის წინააღმდეგ რეალურ ბრძოლასთან გვაქვს საქმე? – ერთი კლანის, მეორეთი ჩანაცვლება ხდება. ღარიბაშვილ-ლილუაშვილის კლანს კობახიძე-კალაძის კლანი ანაცვლებს. თუ კობახიძეს უნდა, ხალხი დააჯეროს, რომ კორუფციას ებრძვის, მაშინ ეს კალაძით და თბილისის მერიით უნდა დაიწყოს, რადგან ყველაზე მეტი კითხვა ამის შესახებ არსებობს“, – აღნიშნა შარაშიძემ.ცნობისთვის, ფინანსთა სამინისტროს საგამოძიებო სამსახურის განცხადებით, დაკავებულია ინფრასტრუქტურის მინისტრის ყოფილი მოადგილე კობა გაბუნია, ყოფილი მინისტრის, ირაკლი ქარსელაძის სახლში კი ჩხრეკა ჩატარდა.

საზოგადოება • 1760790674

თბილისის მერია ინფორმაცია ავრცელებს

რუსთაველის გამზირზე დაგეგმილი ველორბოლის გამო, საავტომობილო მოძრაობა შეიზღუდება, - ინფორმაციას დედაქალაქის მერია ავრცელებს.„მიმდინარე წლის 19 ოქტომბერს, რუსთაველის გამზირზე ველორბოლა „თბილისის თასი“ გაიმართება, რის გამოც 09:00-დან 12:00 საათამდე რუსთაველის გამზირზე, ზეთისხილის ხის მიმდებარე ტერიტორიიდან თავისუფლების მოედნამდე საგზაო მონაკვეთში, ავტომობილებისა და საზოგადოებრივი ტრანსპორტის გადაადგილება სრულად შეიზღუდება.შეზღუდვის პერიოდში, სატრანსპორტო საშუალებებისთვის გადაადგილება შესაძლებელი იქნება გიორგი ლეონიძის, პავლე ინგოროყვას, ალექსანდრე ჭავჭავაძის, გრიბოედოვის, ბარათაშვილისა და თაბუკაშვილის ქუჩების გამოყენებით.ამასთანავე, მელიქიშვილის გამზირიდან მთაწმინდის ქუჩებზე მოხვედრა შესაძლებელი იქნება - ჯანაშიას, თარხნიშვილის, ტატიშვილის, ჭოველიძის და ზანდუკელის ქუჩების, ხოლო შემდგომ ბარნოვის, გოგებაშვილისა და ძმები კაკაბაძეების ქუჩების გავლით.ხოლო, უკუმიმართულებით მელიქიშვილის გამზირისა და მეტროსადგურ „რუსთაველის“ მიმდებარე ტერიტორიაზე ავტომობილები მოხვდებიან - გრიბოედოვის, მაყაშვილის, ბარნოვისა და შანიძის ქუჩების გამოყენებით. თავისუფლების მოედანზე გადაადგილება შეზღუდული იქნება მხოლოდ რუსთაველის გამზირის მიმართულებით.მეტროსადგურ „რუსთაველის“ მიმდებარე ტერიტორიიდან თავისუფლების მოედნის მიმართულებით მიმავალი ავტომობილები რუსთაველის გამზირზე, ზეთისხილის ხესთან მობრუნების შემდეგ გადაადგილებას შეძლებენ მიხეილ ჯავახიშვილის ქუჩისა და მტკვრის მარჯვენა სანაპიროს დახმარებით.შეზღუდვის პერიოდში, საზოგადოებრივი ტრანსპორტი მერაბ კოსტავას ქუჩიდან ნიკოლოზ ბარათაშვილის ქუჩისკენ იმოძრავებს - მიხეილ ჯავახიშვილის და მტკვრის მარჯვენა სანაპიროს გავლით. ნიკოლოზ ბარათაშვილის ქუჩიდან კი დადგენილი სქემით განაგრძობს სვლას. უკუმიმართულებისას მიმავალი ავტობუსები და მიკროავტობუსები, მერაბ კოსტავას ქუჩას კვლავ მტკვრის მარჯვენა სანაპიროსა და მიხეილ ჯავახიშვილის ქუჩის გავლით დაუკავშირდებიან და შემდეგ დადგენილი სქემით იმოძრავებენ", - ნათვქმია მერიის ინფორმაციაში.

დედაქალაქი • 1759660917

"სამწუხაროდ, ზიანი მიადგა კულტურული მემკვიდრეობის ძეგლების ფასადებს" - თბილისის მერია გუშინდელი აქციების შედეგად დაზიანებული ინფრასტრუქტურის შესახებ განცხადებას ავრცელებს

დედაქალაქის მერია, გუშინდელი საპროტესტო აქციების შედეგად, მუნიციპალური ტერიტორიისა და ინფრასტრუქტურის დაზიანების შესახებ განცხადებას ავრცელებს."გვსურს, საზოგადოებას მივაწოდოთ ინფორმაცია გუშინდელი საპროტესტო აქციების შედეგად, მუნიციპალური ტერიტორიისა და ინფრასტრუქტურის დაზიანების შესახებ.სამწუხაროდ, ზიანი მიადგა კულტურული მემკვიდრეობის ძეგლების ფასადებს, ჟალუზებისა და დეკორატიული მხატვრული მინათებების ნაწილს.ორბელიანისა და თაბუკაშვილის ქუჩებსა და რუსთაველის გამზირზე დაზიანებულია საფეხმავლო ტროტუარები, ქვაფენილი, გარე განათების ბოძის სანათები, სადენები. ორბელიანის ქუჩაზე ჩაწყვეტილია და ჩატეხილია დეკორატიული განათებები, თაბუკაშვილის ქუჩაზე კი დამწვარია ნაგავშემკრები კონტეინერები. დაზიანებულია გარე ავეჯი, რომელიც კერძო კომპანიებს, კაფეების მფლობელებს ნაქირავებ ტერიტორიაზე ჰქონდათ განთავსებული.როგორც იცით, დამტვრეულია პრეზიდენტის ადმინისტრაციის ეზოს ღობე, ხოლო  მოპირდაპირე მხარეს განთავსებული ბოძკინტები დაზიანებული, დაღუნულია ბოლარდები, რომლებიც საფეხმავლო ზონას ავტომანქანების ზონისგან იცავენ. სხვადასხვა ინფრასტრუქტურა - საქანელები, მცენარეები, ქოთნები, გამწვანებული თარგები და დეკორატიული ელემენტები, რომლებიც რეაბილიტირებულ ქუჩაზე და კაფეების მიმდებარედ იყო, დიდწილად დაზიანებულია. აქედან ნაწილი აღდგენას ექვემდებარება, ნაწილი კი სრულად განადგურდა.ამასთან, მიმდებარე ტერიტორიაზე დამტვრეულია საგზაო ნიშნები, შლაგბაუმი, რომელიც მიწისქვეშა პარკინგთან იყო დამონტაჟებული, მაჩვენებლის დაფა, დეკორატიული სცენა, რომელიც პარკინგის თავზე ორბელიანის ქუჩის მხარეს იყო მოწყობილი.რაც შეეხება „კონკას“, რომელიც გამორჩეულად უყვართ თბილისელებს და ქალაქის ვიზიტორებს, მას დაზიანებული აქვს რამდენიმე დეკორატიული ელემენტი.აქვე უნდა აღინიშნოს, რომ „თბილსერვის ჯგუფმა“ მუშაობა დაიწყო მყისიერად, როგორც კი ადგილზე შესვლის შესაძლებლობა მიეცა. შედეგად, გატანილია დამწვარი და დაზიანებული მასალა, ტერიტორია მოირეცხა და მოწესრიგდა. ამ ეტაპზე, მუნიციპალიტეტის შესაბამისი უწყების თანამშრომლები მუშაობენ ადგილზე, რომ ყველაფერი აღდგეს და პირვანდელი სახე დაიბრუნოს", - წერია განცხადებაში.

პოლიტიკა • 1759650266

რასაც ალამაზებს ჩვენი ხელისუფლება, იმას ანგრევს „კოლექტიური ნაცმოძრაობა“. ეს იყო ძალიან სიმბოლური გამოხატულება იმ პროცესებისა, რაც ვითარდება ჩვენს ქვეყანაში - ირაკლი კობახიძე

განსაკუთრებით დასანანი იყო ის, რომ ეს მოვლენები განვითარდა თბილისის ერთ-ერთ საამაყო, ახლად რეაბილიტირებულ უბანში. თქვენ იცით, რომ გამორჩეულად ლამაზია თბილისის ეს უბანი, მის კიდევ უფრო მეტად გალამაზებაზე თავის დროზე იზრუნა დედაქალაქის მერიამ, - განაცხადა საქართველოს პრემიერ-მინისტრმა ირაკლი კობახიძემ 4 ოქტომბერს განვითარებულ მოვლენებზე საუბრისას.„რასაც ალამაზებს ჩვენი ხელისუფლება, იმას ანგრევს „კოლექტიური ნაცმოძრაობა“. ეს იყო ძალიან სიმბოლური გამოხატულება იმ პროცესებისა, რაც ვითარდება ჩვენს ქვეყანაში. აქედან ჩანს, რომ საერთოდ არ შესტკივათ ამ ადამიანებს გული არც ქვეყანაზე, არც ქალაქზე, არაფერზე, პირიქით. ეს ექსტრემისტები, რომლებიც გადიან სპეციალურ მომზადებას ძალადობასთან დაკავშირებით, რომლებიც შავ ფულს იღებენ, რეალურად აცნობიერებენ რა საქმეშიც არიან შესული. მათ, ამ ე.წ. აკაცუკებსაც ძალიან კარგად აქვთ გააზრებული, თუ რა პროცესებში არიან შესული, მათ ძალიან კარგად იციან, რომ ეს არის სახელმწიფოს წინააღმდეგ მიმართული პროცესი, მაგრამ სწორედ იმის გამო, რომ არ აქვთ არავითარი გრძნობები საკუთარი ქვეყნის და ქალაქის მიმართ, სჩადიან ამ ყველაფერს. რაც ააშენა და გაალამაზა ხელისუფლებამ, ის დაანგრიეს და დაწვეს. ეს არის მათი ნამდვილი სახე.სწორედ ამიტომ ვამბობთ, რომ ჩვენი პასუხისმგებლობაა ყველა ჯანსაღად მოაზროვნე მოქალაქის მიმართ, საბოლოოდ გავანეიტრალოთ ეს სამარცხვინო სუბიექტები ჩვენს ქვეყანაში. ამისთვის ყველა კანონისმიერი ზომა იქნება უმკაცრესად გამოყენებული. არ შეიძლება 100 და 150 უცხოელი აგენტი ძალადობდეს ჩვენს მილიონობით თანამოქალაქეზე. ეს არის ყოვლად დაუშვებელი, შესაბამისად სახელმწიფო და კანონი იქნება ძალიან მკაცრი მათ მიმართ.მე მინდა შეგახსენოთ, რომ გასული რამდენიმე თვის განმავლობაში ბევრი რამ გავაკეთეთ ჩვენ სამართალდამცავი ორგანოების ეფექტიანობის ასამაღლებლად. ყველა მიმართულებით არის გაუმჯობესებული ბრძოლა დანაშაულის წინააღმდეგ, ეს ეხება კორუფციულ დანაშაულს, ორგანიზებულ დანაშაულს, ნარკოტიკულ დანაშაულს და პოლიტიკურად მოტივირებულ დანაშაულს. ყველას მინდა შევახსენო, რომ დღეს სახელმწიფო არის ბევრად უფრო ძლიერი, ვიდრე იყო თუნდაც რამდენიმე თვის წინ, შესაბამისად არავის ვურჩევთ დაუპირისპირდეს ამ სახელმწიფოს. ყველა იყოს ძალიან ფრთხილად, როდესაც საქმე ეხება კანონის დარღვევას, მათ შორის პოლიტიკურად მოტივირებული დანაშაულის მიმართ სახელმწიფო და კანონი იქნება ძალიან მკაცრი“, - აღნიშნა ირაკლი კობახიძემ.

პოლიტიკა • 1758882912

ირაკლი კობახიძე: მინდა, მოგილოცოთ მულტიფუნქციური ცენტრის გახსნა სამგორის რაიონში, ეს არის ის, რაც დედაქალაქს სჭირდება, გვინდა, თითოეულ მუნიციპალიტეტში შეიქმნას ასეთი ცენტრები

მინდა, მოგილოცოთ მულტიფუნქციური ცენტრის გახსნა სამგორის რაიონში, ეს არის ის, რაც ყველაზე მეტად სჭირდება ჩვენს დედაქალაქს, მთლიანად ჩვენს ქვეყანას, – ამის შესახებ საქართველოს პრემიერ-მინისტრმა, ირაკლი კობახიძემ სამგორის მრავალფუნქციური სპორტული კომპლექსის გახსნაზე სიტყვით გამოსვლისას განაცხადა.მისი თქმით, თითოეულ მუნიციპალიტეტში უნდა შეიქმნას სწორედ ასეთი უმაღლესი სტანდარტების მულტიფუნქციური ცენტრები.„ყველას მინდა, მოგილოცოთ მულტიფუნქციური ცენტრის გახსნა სამგორის რაიონში. ბევრ ქვეყანაში მინახავს ასეთი ცენტრები და შემიძლია ვთქვა, რომ უმაღლეს დონეზე, უმაღლესი სტანდარტებით არის შესრულებული სამუშაოები და შთამბეჭდავია ეს პროექტი. მადლობა მინდა, გადავუხადო, პირველ რიგში, დედაქალაქის მერს, ბატონ კახა კალაძეს და თითოეულ იმ ადამიანს, რომელიც ჩართული იყო ამ პროექტის განხორციელებაში. ეს არის ის, რაც ყველაზე მეტად სჭირდება ჩვენს დედაქალაქს, მთლიანად ჩვენს ქვეყანას და ხშირად გვისაუბრია იმაზე, რომ მულტიფუნქციური ცენტრების განვითარება იქნება ჩვენი ერთ-ერთი უმთავრესი პრიორიტეტი. ძალიან მნიშვნელოვანია, რომ დედაქალაქში ყველა უბანს ჰქონდეს ასეთი მულტიფუნქციური ცენტრი და გეგმაზომიერად გაგრძელდება ამაზე მუშაობა და მთავრობის მხრიდან დედაქალაქის მერიას ექნება სრული მხარდაჭერა. ასევე, რეგიონებზეც ვიტყვი, რომ გვინდა, თითოეულ მუნიციპალიტეტში შეიქმნას სწორედ ასეთი უმაღლესი სტანდარტების მულტიფუნქციური ცენტრები. ეს არის მნიშვნელოვანი ახალგაზრდებისთვის, ბავშვებისთვის, თუმცა არა მხოლოდ. ჩვენ ვხედავთ, რამხელა ინტერესია უფროსი თაობის წარმომადგენლებს შორის, რომ ისინი ჩაერთონ მასობრივ სპორტში. ყველა თაობის ადამიანებისთვის, სამგორის მცხოვრებლებისთვის ძალიან მნიშვნელოვანი იქნება ეს მულტიფუნქციური ცენტრი და ყველას, პირველ რიგში, სამგორის რაიონში მცხოვრებლებს მინდა მოგილოცოთ დღევანდელი დღე. კიდევ ერთხელ მადლობა მინდა გადავუხადო ბატონ კახის და მინდა წარმატებები გისურვოთ“, – განაცხადა პრემიერმა.

საზოგადოება • 1758788863

თბილისის ანძაზე ვიზიტორთა ცენტრისა და პანორამული რესტორნის მოწყობა 2027 წელს დასრულდება

დედაქალაქის მერია უახლოეს წლებში ორ ახალ მიზიდულობს ცენტრს გააჩენს - თბილისის ანძაზე ვიზიტორთა ცენტრი და პანორამული რესტორანი, ხოლო ბეთანიაში სათხილამურო კურორტი მოეწყობა.აღნიშნული პროექტების შესახებ საზოგადოებას დეტალური ინფორმაცია ვიცე-მერმა, გიორგი ტყემალაძემ ტრანსპორტისა და ურბანული განვითარების პოლიტიკის პრეზენტაციაზე მიაწოდა.„თბილისის ანძის განვითარების პროექტს ეკონომიკის სამინისტროსა და ბიზნესის ჩართულობით ვახორციელებთ, რისთვისაც მათ მადლობას ვუხდი. ვიზიტორთა ცენტრისა და პანორამული რესტორნის მოწყობის შემდეგ, ტურისტული მიზიდულობის კუთხით, ქალაქში კიდევ ერთი მნიშვნელოვანი ობიექტი გვექნება. სამუშაოები 2027 წელს დასრულდება“, - განაცხადა ვიცე-მერმა.რაც შეეხება ბეთანიის სათხილამურო კურორტს, გიორგი ტყემალაძის თქმით, პროექტი განხორციელდება „მთის კურორტების განვითარების კომპანიასთან“ თანამშრომლობით და 2027 წლის სექტემბერში დასრულდება.„ბეთანიის სათხილამურო კურორტით ისარგებლებენ არა მხოლოდ ჩვენი თანამოქალაქეები, არამედ ტურისტები. კურორტი იქნება ოთხსეზონიანი. ინფრასტრუქტურას იმგვარად განვავითარებთ, რომ  რაც შეიძლება ბევრი ადამიანი მოვიზიდოთ. ამ ეტაპზე, სათხილამურო ტრასის სიგრძე-500 მ-ია, თუმცა, უფრო გავაფართოვებთ. უხლოეს მომავალში დეტალური კონცეფცია გვექნება და უშუალოდ სამუშაოების განხორციელებას დავიწყებთ“, - აღნიშნა ვიცე-მერმა.

პოლიტიკა • 1758526532

ირაკლი კობახიძე: ისტორიული ძეგლების განახლება არის დედაქალაქის მერიის პროგრამის ერთ-ერთი უმნიშვნელოვანესი ნაწილი, ეროვნული სასახლის რეაბილიტაციაც არის ამ მნიშვნელოვანი პროგრამის გაგრძელება

დარწმუნებული ვარ, ეროვნული სასახლე კიდევ მრავალ თაობას აღუზრდის ჩვენს ქვეყანას, კიდევ მრავალი თაობა დაეუფლება აქ ხელოვნების, მეცნიერების საფუძვლებს, ეზიარება სპორტს და კიდევ ბევრი ღირსეული ადამიანი შეემატება ჩვენს კულტურის, მეცნიერების, სპორტის სფეროს, – ამის შესახებ საქართველოს პრემიერ-მინისტრმა, ირაკლი კობახიძემ რეაბილიტირებული მოსწავლე-ახალგაზრდობის ეროვნული სასახლის გახსნის ღონისძიებაზე განაცხადა.როგორც მთავრობის მეთაურმა აღნიშნა, ისტორიული ძეგლების განახლება არის დედაქალაქის მერიის პროგრამის ერთ-ერთი უმნიშვნელოვანესი ნაწილი და რა თქმა უნდა, ეროვნული სასახლის რეაბილიტაციაც არის ამ მნიშვნელოვანი პროგრამის გაგრძელება.„დარწმუნებული ვარ, რომ ეროვნული სასახლე კიდევ მრავალ თაობას აღუზრდის ჩვენს ქვეყანას, კიდევ მრავალი თაობა დაეუფლება აქ ხელოვნების, მეცნიერების საფუძვლებს, ეზიარება სპორტს და კიდევ ბევრი ღირსეული ადამიანი შეემატება ჩვენს კულტურის, მეცნიერების, სპორტის სფეროს სწორედ ამ ეროვნული სასახლის დამსახურებით. მინდა, მადლობა გადავუხადო ყველას, ვინც ჩართული იყო ამ ძალიან მნიშვნელოვანი პროექტის განხორციელებაში. მადლობა დედაქალაქის მერიას, პირადად დედაქალაქის მერს კახა კალაძეს. მისი ხელმძღვანელობით, ჩვენ მიჩვეული ვართ, რომ განსაკუთრებული გემოვნებითა და გამორჩეული ხარისხით კეთდება ხოლმე ყველა ასეთი პროექტი, აქედან გამომდინარე, პირადად მას მინდა, განსაკუთრებული მადლობა გადავუხადო. ასევე მინდა მადლობა გადავუხადო კომპანიას, თითოეული არქიტექტორს, რესტავრატოს, მშენებელს, ვინც უდიდესი პროფესიონალიზმით გააკეთა ეს უდიდესი საქმე. მინდა, მოგილოცოთ დღევანდელი დღე და მინდა, ეროვნულ სასახლეს ვუსურვო დიდი წარმატებები მომავალში“, – განაცხადა ირაკლი კობახიძემ.

პოლიტიკა • 1758027191

არჩილ გორდულაძე: რუსული ბანის განცხადებები უკვე სასაცილოც აღარ არის, ისე არ გააკეთოს, რომ კანონი დაარღვიოს და შემთხვევით დანაშაული არ ჩაიდინოს

რუსული ბანის განცხადებები უკვე სასაცილოც აღარ არის, – ამის შესახებ საქართველოს პარლამენტის იურიდიულ საკითხთა კომიტეტის თავმჯდომარე არჩილ გორდულაძემ განაცხადა.გორდულაძის თქმით, ისე არ გააკეთოს, რომ კანონი დაარღვიოს და შემთხვევით დანაშაული არ ჩაიდინოს.„გვახსოვს, მანამდე პაატა ბურჭულაძე დაფინანსებას დედაქალაქის მერიას სთხოვდა, რომ „დინამო“ დაექირავებინათ და იქ აქცია ჩაეტარებინათ. პირველი შემთხვევა იყო, როცა ე.წ. ოპოზიციონერი მოქმედ ხელისუფლებას თანხების გადახდას სთხოვდა, რათა საწინააღმდეგო აქცია ჩაეტარებინა და იქ დამხობაზე ესაუბრა. საშინელ დღეშია კოლექტიური „ნაცმოძრაობა“, გაკოტრებული არიან და მათი საქმე წასულია. მთავარია, „ნაცმოძრაობის“ სახეცვლილება არ მოხდეს და მათი სახით გახარია-„ლელო“ არ მივიღოთ, თორემ რუსული ბანი რა განცხადებას გააკეთებს, მნიშვნელოვანი არ არის. ისე არ გააკეთოს, რომ კანონი დაარღვიოს და შემთხვევით დანაშაული არ ჩაიდინოს“, – განაცხადა არჩილ გორდულაძემ.

პოლიტიკა • 1757671919

თბილისის მერმა საკუთრების დამადასტურებელი მოწმობები დამატებით 27 ოჯახს გადასცა

საცხოვრებელი ფართები სიმბოლურ ფასად, ერთ ლარად, კიდევ 27 ოჯახს დაუკანონდა.საბურთალოს, გლდანის, ნაძალადევის, სამგორის, კრწანისის, ჩუღურეთისა და ისნის რაიონებში მცხოვრებ მოქალაქეებს საკუთრების დამადასტურებელი მოწმობები დედაქალაქის მერმა კახა კალაძემ ქონების მართვის სააგენტოს ხელმძღვანელთან გიორგი კობიაშვილთან ერთად გადასცა.„ვულოცავ ამ ადამიანებს. მათთან ერთად მეც ბედნიერი ვარ. დიდი ხანია ელოდნენ ამ გადაწყვეტილებას. დღეს უკვე გადავეცით საკუთრების დამადასტურებელი მოწმობები. აღნიშნული პროგრამა წარმატებით მუშაობს. ვინც იგივე პრობლემის წინაშე დგახართ, მიმართეთ რაიონულ გამგეობებს. ასეულობით მილიონი ლარის ქონება არის არის გადაცემული კერძო საკუთრებაში, რომელიც სახელმწიფოს ბალანსზე იყო. აღნიშნული პროგრამა გაგრძელდება ეს პრობლემა არ აღმოიფხვრება“, – განაცხადა კახა კალაძემ.თბილისის მერიის ინფორმაციით, აღნიშნული პროგრამის ფარგლებში, საცხოვრებელი ფართებით 3 300-ზე მეტი ოჯახია დაკმაყოფილებული. ეს ის ოჯახებია, რომლებიც ხანგრძლივად ცხოვრობდნენ საცხოვრებელ ფართებში, რომელთა დაკანონებას ამ დრომდე ვერ ახერხებდნენ. დედაქალაქის მერიაში ფართების დაკანონების მსურველთა ასობით განაცხადია შემოსული, რომელთა განხილვა და დაკმაყოფილება ეტაპობრივად მიმდინარეობს.ადგილზე კახა კალაძესთან ერთად აღნიშნული გამგეობების გამგებლები და გამგებლის მოვალეობის შემსრულებლები, ასევე, საკრებულოს მაჟორიტარი დეპუტატები იმყოფებოდნენ.

საზოგადოება • 1756982823

დედაქალაქის მერია მომდევნო ოთხ წელში სამი მნიშვნელოვანი გამზირისა და რამდენიმე ქუჩის რეაბილიტაციას გეგმავს

დედაქალაქის მერმა, „ქართული ოცნების“ თბილისის მერობის კანდიდატმა, კახა კალაძემ მომდევნო ოთხ წელში ინფრასტრუქტურის მიმართულებით დაგეგმილი პროექტების პრეზენტაცია გამართა.საზოგადოებას განსახორციელებელი პროექტების შესახებ დეტალური ინფორმაცია თბილისის მერის მოადგილე ირაკლი ბენდელიანმა მიაწოდა და აღნიშნა, რომ მომდევნო ოთხი წლის განმავლობაში მუნიციპალიტეტისთვის ძირითადი მიმართულება არის გზების მოწყობა-რებაილიტაცია, ხიდებისა და გზაგამტარების მშენებლობა-რეაბილიტაცია, ფერდების გამაგრება, კულტურული ძეგლების რეაბილიტაცია, „თბილსერვის ჯგუფის“, ბაგა-ბაღების სააგენტოსა და რაიონული გამგეობების მიერ დაგეგმილი პროექტები.„რაც შეეხება უშუალოდ გზებს, ჩვენ მხოლოდ ასფალტის საფარის შეცვლას არ ვგულისხმობთ და საუბარია ფუნდამენტალურად, სრულად კომუნიკაციების შეცვლაზე. კერძოდ, გზების მოწყობა-რეაბილიტაცია იგეგმება აკაკი ბელიაშვილის ქუჩაზე, კოჯრის გზატკეცილზე. დაგეგმილი გვაქვს კოჯრისა და წყნეთის ცენტრების სრული განახლება. სრულად რეაბილიტირდება რუსთაველის, ვაჟა-ფშაველასა და გურამიშვილის გამზირები, ასევე, თამარაშვილის, გორგასლისა და გოძიაშვილის ქუჩები“, – განაცხადა ირაკლი ბენდელიანმა.მერის მოადგილის თქმით, ხიდების, გვირაბებისა და ფერდების გამაგრების მიმართულებით დედაქალაქის მერია აქტიურად მუშაობდა წინა წლების განმავლობაში და ამას მომდევნო ოთხ წელშიც გააგრძელებს.„არაერთი ხიდისა და გვირაბის რეაბილიტაცია მოხდა. მათ შორის, ერთ-ერთი მნიშვნელოვანი იყო უნივერსიტეტისა და ბაგების დამაკავშირებელი საავტომობილო ხიდი, რომელიც ქალაქისთვის გამორჩეულია. მომავალ ოთხ წელში კი ვგეგმავთ მინდელის სახელობისა და გალაკტიონის ხიდების სრულ რეაბილიტაციას. ასევე, ვაპირებთ თამარ მეფის ხიდის რეაბილიტაციას. ხიდამდე მისასვლელი ესტაკადა რამდენიმე წლის წინ განვაახლეთ, რადგან მძიმე მდგომარეობაში იყო და მისი ჩამოშლის საფრთხე არსებობდა. ამასთან, სამომავალოდ ვაკის რაიონში, ახალდაბის მიმდებარედ საავტომობილო გზის გასწვრივ ფერდის გამაგრების სამუშაოებს განვახორციელებთ. როგორც მოგეხსენებათ, აღნიშულ ტერიტორიაზე პერიოდულად მეწყერულ პროცესებს აქვს ადგილი. ბუნებრივია, მონიტორინგი მუდმივად მიმდინარეობს, რათა მოსახლეობისთვის გადაადგილება უსაფრთხო იყოს“, – აღნიშნა ირაკლი ბენდელიანმა.

პოლიტიკა • 1756973772

დედაქალაქის მერია მომდევნო ოთხ წელში სამი მნიშვნელოვანი გამზირისა და რამდენიმე ქუჩის რეაბილიტაციას გეგმავს

დედაქალაქის მერმა, კახა კალაძემ მომდევნო ოთხ წელში ინფრასტრუქტურის მიმართულებით დაგეგმილი პროექტების პრეზენტაცია გამართა.საზოგადოებას განსახორციელებელი პროექტების შესახებ დეტალური ინფორმაცია თბილისის მერის მოადგილე ირაკლი ბენდელიანმა მიაწოდა და აღნიშნა, რომ მომდევნო ოთხ წლის განმავლობაში მუნიციპალიტეტისთვის ძირითადი მიმართულება არის გზების მოწყობა-რეაბილიტაცია, ხიდებისა და გზაგამტარების მშენებლობა-რეაბილიტაცია, ფერდების გამაგრება, კულტურული ძეგლების რეაბილიტაცია, „თბილსერვის ჯგუფის“, ბაგა-ბაღების სააგენტოსა და რაიონული გამგეობების მიერ დაგეგმილი პროექტები.„რაც შეეხება უშუალოდ გზებს, ჩვენ მხოლოდ ასფალტის საფარის შეცვლას არ ვგულისხმობთ და საუბარია ფუნდამენტურად, სრულად კომუნიკაციების შეცვლაზე. კერძოდ, გზების მოწყობა-რეაბილიტაცია იგეგმება აკაკი ბელიაშვილის ქუჩაზე, კოჯრის გზატკეცილზე. დაგეგმილი გვაქვს კოჯრისა და წყნეთის ცენტრების სრული განახლება. სრულად რეაბილიტირდება რუსთაველის, ვაჟა-ფშაველასა და გურამიშვილის გამზირები, ასევე, თამარაშვილის, გორგასლისა და გოძიაშვილის ქუჩები“, - განაცხადა ირაკლი ბენდელიანმა.მერის მოადგილის თქმით, ხიდების, გვირაბებისა და ფერდების გამაგრების მიმართულებით დედაქალაქის მერია აქტიურად მუშაობდა წინა წლების განმავლობაში და ამას მომდევნო ოთხ წელშიც გააგრძელებს.„არაერთი ხიდისა და გვირაბის რეაბილიტაცია მოხდა. მათ შორის, ერთ-ერთი მნიშვნელოვანი იყო უნივერსიტეტისა და ბაგების დამაკავშირებელი საავტომობილო ხიდი, რომელიც ქალაქისთვის გამორჩეულია.მომავალ ოთხ წელში კი ვგეგმავთ მინდელის სახელობისა და გალაკტიონის ხიდების სრულ რეაბილიტაციას. ასევე, ვაპირებთ თამარ მეფის ხიდის რეაბილიტაციას. ხიდამდე მისასვლელი ესტაკადა რამდენიმე წლის წინ განვაახლეთ, რადგან მძიმე მდგომარეობაში იყო და მისი ჩამოშლის საფრთხე არსებობდა. ამასთან, სამომავლოდ ვაკის რაიონში, ახალდაბის მიმდებარედ საავტომობილო გზის გასწვრივ ფერდის გამაგრების სამუშაოებს განვახორციელებთ. როგორც მოგეხსენებათ, აღნიშნულ ტერიტორიაზე პერიოდულად მეწყრულ პროცესებს აქვს ადგილი. ბუნებრივია, მონიტორინგი მუდმივად მიმდინარეობს, რათა მოსახლეობისთვის გადაადგილება უსაფრთხო იყოს“, - აღნიშნა ირაკლი ბენდელიანმა.