შემთხვევა • 1752481620

უბედური შემთხვევა ბაღდათში - დენის დარტყმის შედეგად მამაკაცი დაიღუპა

ბაღდათის მუნიციპალიტეტში დენის დარტყმის შედეგად მამაკაცი დაიღუპა. ინფორმაციას "ინფო იმერეთი" ავრცელებს. შემთხვევა სოფელ როხში მოხდა.ადგილობრივების თქმით, მამაკაცს დენმა საკუთარ საცხოვრებელ სახლში დაარტყა.ადგილზე მობილიზებული იყო სასწრაფო სამედიცინო დახმარება და კრიმინალური პოლიცია. შსს-მ მომხდარზე გამოძიება 240-ე მუხლით დაიწყო.

faceამბები • 1752415868

დათი ქოქრაშვილის დედა ახალ ვიდეოს გვიზიარებს

დათი ქოქრაშვილი საზოგადოებამ 3 წლის წინ, თბილისში, შარტავას ქუჩაზე მომხდარი ავტოსაგზაო შემთხვევის შემდეგ გაიცნო. დათი შემთხვევის დროს მძიმედ დაშავდა და მკურნალობისა და რეაბილიტაციის ხანგრძლივი კურსების გავლა დასჭირდა.დათი ამჟამადაც მშობლებთან ერთად ამერიკის შეერთებულ შტატებში იმყოფება. დათი ქოქრაშვილის დედა, ქრისტინე მამუკაშვილი შვილის ახალ ვიდეოს სოცქსელში გვიზიარებს:„ტკბილად შეგერგოს ჩემო ანგელოზო, ბუთქუჩა, უფალმა დაგლოცოს, დათი“. „დათუნა, ყოველთვის მახარებს შენი ვიდეოების ყურება“. „როგორ მიყვარს ეს ბავშვი“, - წერენ კომენტარებში.            View this post on Instagram                       A post shared by Irakli Kokrashvili (@dati_and_family_)

საზოგადოება • 1752143185

იმერეთში, მიწის მასა ჩამოიშალა - ევაკუირებულია 19 ოჯახი

ბაღდათის მუნიციპალიტეტში, ერთ-ერთი საცხოვრებელი კორპუსის ეზოში, მიწის მასა ჩამოიშალა, რის გამოც 19 ოჯახის ევაკუირება განხორციელდა.ინფორმაციას ბაღდათის მუნიციპალიტეტის მერია ავრცელებს.როგორც მერიაში განმარტავენ, მოსახლეობის ევაკუაცია რუსთაველის ქუჩაზე, N16 ბინაში, რკინა-ბეტონის საყრდენი კედლებისა და სანიაღვრეების მოწყობის პროცესში, ბინის ეზოში მიწის ჩამოშლის გამო განხორციელდა. მათივე ცნობით, მოსახლეობა ალტერნატიულ ფართებში ქირით არის გაყვანილი.მერიის ინფორმაციითვე, განხორციელდა გეოლოგიური კვლევა ბინის მდგრადობის შემოწმების მიზნით. სამხარაულის სახელობის ექსპერტიზის ეროვნული ბიუროს დასკვნის თანახმად, კორპუსის მდგრადობას საფრთხე არ ემუქრება.

საზოგადოება • 1751285646

ცესკოს თავმჯდომარის შეხვედრა ახალგაზრდებთან რეგიონული ფორუმის ფარგლებში

ცენტრალური საარჩევნო კომისიის (ცესკო) თავმჯდომარე გიორგი კალანდარიშვილმა საქართველოს ახალგაზრდული მრჩეველთა საბჭოების ასოციაციის პროექტის ფარგლებში გამართულ რეგიონულ შეხვედრაში მიიღო მონაწილეობა.ცესკოს თავმჯდომარემ რეგიონული ფორუმის - „საქართველოს ახალგაზრდული მრჩეველთა საბჭოები - იდეიდან ცვლილებამდე“ მონაწილეებთან არჩევნებსა და ამ პროცესში ახალგაზრდების ჩართულობის, ასევე საარჩევნო საკითხებთან დაკავშირებით ახალგაზრდების ინფორმირებულობის მნიშვნელობაზე ვრცლად ისაუბრა. გარდა ამისა, გიორგი კალანდარიშვილმა ახალგაზრდებს ინფორმაცია მიაწოდა საარჩევნო სიახლეების, 4 ოქტომბრის არჩევნებისთვის მზადებისა და ელექტრონული ტექნოლოგიების დანერგვის შესახებ.„ახალგაზრდობის სააგენტოსთან თანამშრომლობით ჩვენ გვქონდა შესაძლებლობა ახალგაზრდების ფართო აუდიტორიისთვის გაგვეზიარებინა ინფორმაცია იმ საქმიანობების შესახებ, რომელსაც ადმინისტრაცია წარმატებით ახორციელებს. მათ დეტალური ინფორმაცია მივაწოდე 2025 წლის მუნიციპალიტეტის ორგანოთა არჩევნებისთვისმზადების პროცესის შესახებაც. ვფიქრობ, ახალგაზრდებთან მსგავსი ტიპის შეხვედრები ძალიან მნიშვნელოვანია, რადგან საარჩევნო პროცესებში მათი ჩართულობა და მონაწილეობა მნიშვნელოვანია, როგორც ჩვენი უწყებისთვის, ასევე ზოგადად დემოკრატიული პროცესების გასაძლიერებლად. შეხვედრის ფარგლებში ახალგაზრდებთან ერთად სხვადასხვა მნიშვნელოვანი საკითხიც განვიხილე და მათთვის საინტერესო მნიშვნელოვან კითხვებსაც ვუპასუხე“, - განაცხადა გიორგი კალანდარიშვილმა შეხვედრის დასრულების შემდეგ.ცესკოს თავმჯდომარემ ფორუმის მიმდინარეობისას დეზინფორმაციაზეც ისაუბრა. მან ახალგაზრდებს ამ მიმართულებით საარჩევნო ადმინისტრაციის სტრატეგია გააცნო და დეტალური ინფორმაცია მიაწოდა არსებული გამოწვევებისა და დეზინფორმაციასთან ბრძოლის მიმართულებით გაწეული საქმიანობის შესახებ.პროექტი - „საქართველოს ახალგაზრდული მრჩეველთა საბჭოები - იდეიდან ცვლილებამდე“ ცენტრალური საარჩევნო კომისიის, სსიპ ახალგაზრდობის სააგენტოსა და საქართველოს ახალგაზრდული მრჩეველთა საბჭოების ასოციაციის მჭიდრო თანამშრომლობით სხვადასხვა რეგიონში ეტაპობრივად მიმდინარეობს. პროექტის ფარგლებში დაგეგმილია კიდევ ორი შეხვედრა კახეთსა და აჭარაში. ქუთაისში გამართულ რეგიონულ ფორუმში ქუთაისის, მარტვილის, ხობის, ხონის, ჩხოროწყუსა და ბაღდათის მუნიციპალიტეტების მრჩეველთა საბჭოების წევრები და კოორდინატორები იღებდნენ მონაწილეობას. შეხვედრა ქუთაისის საერთაშორისო უნივერსიტეტში გაიმართა.

შემთხვევა • 1751193001

მცხეთაში ექსკურსიაზე მიმავალ ავტობუსს ავტომაგისტრალზე ცეცხლი გაუჩნდა

ბაღდათიდან მცხეთაში მიმავალ ექსკურსიის ავტობუსს ცეცხლი გაუჩნდა. ინფორმაციას “ინფო იმერეთი” ავრცელებს. მედიის ცნობით,  შემთხვევა ავტომაგისტრალზე, ხარაგაულის მუნიციპალიტეტის სოფელ ბორითში მოხდა.ავტობუსის ბოლო ნაწილში გაჩენილი ხანძარი და დაკვამლიანება უკან მომავალმა მანქანებმა შენიშნეს და მძღოლს ტრანსპორტის გაჩერებისკენ მოუწოდეს.“გვანიშნებნდნენ, გააჩერეთ ავტობუსიო, უკან რომ მოვიხედეთ კვამლი და ცეცხლი იყო. დენის კაბელებს გაუჩნდაო, უცებ ჩავუშვით ბავშვები და შემდეგ ჩავედით დიდებიც. ძალიან შეგვეშინდა, პოლიციაც მოვიდა. ამ ავტობუსით გავაგრძელეთ ექსკურსია, მაგრამ ერთ მშობელს და ბავშვს შეეშინდა და აღარ გამოგვყვნენ”,- უთხრა ადგილზე მყოფმა თვითმხილველმა “ინფო იმერეთს”.ბავშვები ბაღდათის მუნიციპალიტეტის ერთ-ერთი სკოლის მოსწავლეები არიან.

საზოგადოება • 1750244915

გარემოს ეროვნული სააგენტო განცხადებას ავრცელებს

გარემოს ეროვნულ სააგენტოსა და გაეროს განვითარების პროგრამას (UNDP) შორის შეთანხმება გაფორმდა, რომელიც სააგენტოს გეოლოგიის დეპარტამენტის სპეციალისტების მიერ სამი მაღალი რისკის მქონე მუნიციპალიტეტისათვის - ვანის, ბაღდათისა და ქობულეთისთვის - გეოლოგიური საფრთხეების (მეწყერი, ღვარცოფი) დეტალური რუკების შედგენას ითვალისწინებს. სამუშაო პროცესში განახლდება გეოლოგიური საფრთხეების მონაცემთა ბაზა, მოხდება მეწყრების დეტალური აღწერა და მომზადდება საფრთხეების ზონირების რუკები.სააგენტოს პრესსამსახურის ინფორმაციით, აღნიშნული მუნიციპალიტეტებისთვის მსგავსი მასშტაბის რუკები პირველად მზადდება და მნიშვნელოვანია, როგორც ადგილობრივი ინფრასტრუქტურის განვითარებისთვის, ასევე, შესაბამისი დარგობრივი მიმართულებების სპეციალისტებისთვის.მხარეებს შორის პირველ ონლაინ სამუშაო შეხვედრას გაეროს განვითარების პროგრამის (UNDP) წარმომადგენელი, საერთაშორისო ექსპერტი ენდრიუ კოსი ესწრებოდა. შეხვედრაზე განხილული იქნა საფრთხეების რუკების შედგენისთვის საჭირო მონაცემების შეგროვების მეთოდები და სხვა დეტალები.პროექტის ფარგლებში გეოლოგიის დეპარტამენტის სპეციალისტები საფონდო (ისტორიული) მასალების დამუშავების შემდეგ, აღნიშნულ მუნიციპალიტეტებში გეოდინამიკური კუთხით არსებულ სიტუაციას ადგილზე შეისწავლიან და საჭირო ინფორმაციას შეაგროვებენ.აღნიშნული პროექტი „კლიმატის ცვლილებებისადმი ადაპტაციის შესაძლებლობების გაძლიერება საქართველოში, ფაზა 2“ დაფინანსებულია შვეიცარიის განვითარებისა და თანამშრომლობის სააგენტოს (SDC) მიერ.ინიციატივა ფართომასშტაბიანი კლიმატური პროგრამის ნაწილია, რომელიც ხელს უწყობს კლიმატის ცვლილებით გამოწვეული კატასტროფების რისკის შემცირებას საქართველოში. პროგრამა ხორციელდება საქართველოს მთავრობისა და გაეროს განვითარების პროგრამის (UNDP) მიერ, კლიმატის მწვანე ფონდისა (GCF) და საქართველოს, შვედეთისა და შვეიცარიის დაფინანსებით.აღსანიშნავია, რომ გარემოს ეროვნული სააგენტოს გეოლოგიის დეპარტამენტი მუდმივად ახორციელებს გეოლოგიური საფრთხეების მონიტორინგს, მათ შორის, გეოლოგიური საფრთხეების მონაცემთა ბაზების, საფრთხეების ზონირების/დარაიონების, ასევე, სხვადასხვა თემატური გეოლოგიური რუკის შედგენა-განახლებას.

რეგიონი • 1749804578

დავით სონღულაშვილი: მოცვი, თხილთან და ციტრუსთან ერთად, დასავლეთ საქართველოში ჩვენი ფერმერების და მეწარმეების ერთ-ერთი მთავარი შემოსავლის წყარო გახდა

გარემოს დაცვისა და სოფლის მეურნეობის მინისტრი დავით სონღულაშვილი, ბაღდათის მუნიციპალიტეტის სოფელ ვარციხეში იმყოფებოდა, სადაც კომპანიაში „აგროლეინი“ მოცვის მოსავლის აღებისა და სარეალიზაციოდ მომზადების პროცესს გაეცნო. დავით სონღულაშვილი მოცვის წარმოებაში ჩართულ ფერმერებსაც შეხვდადა მათგან მოსავლის აღების, დაბინავების და რეალიზაციის პროცესის შესახებ მიმდინარე ინფორმაცია მოისმინა.„სახელმწიფოს აქტიური ხელშეწყობით, რაც გულისხმობს ფინანსებზე, ცოდნაზე, ტექნოლოგიებზე, ბაზრებზე წვდომაში მხარდაჭერას, დღეს მოცვის ბაღები საქართველოში 2,700 ჰექტარზე მეტ ფართობზეა გაშენებული. მოცვი, თხილთან და ციტრუსთან ერთად, დასავლეთ საქართველოში ჩვენი ფერმერების და მეწარმეების ერთ-ერთი მთავარი შემოსავლის წყარო გახდა. მინდა აღვნიშნო, რომ გასულ წელს საქართველოდან ექსპორტირებულია 28 მლნ აშშ დოლარზე მეტი ღირებულების (5.0 ათასი ტონა) ლურჯი მოცვი, რაც 33%-ით აღმატება 2023 წლის მაჩვენებელს. ექსპორტის ამ მონაცემების წინაპირობა ხარისხიანი, თანამედროვე სტანდარტების დაცვით მოყვანილი პროდუქციის წარმოებაა“, - აღნიშნა დავით სონღულაშვილმა.მინისტრის განცხადებით, კომპანია „აგროლეინი“ აერთიანებს ლურჯი მოცვის წარმოების ღირებულებათა ჯაჭვის ყველა რგოლს - პირველად წარმოებას, გადამუშავებას და ექსპორტს. მიღწეული წარმატება სახელმწიფოს მხარდაჭერის და ბიზნესის სწორი მართვის შედეგია.ბაღდათის მუნიციპალიტეტის სოფელ ვარციხეში, შპს „აგროლეინის“ თანამედროვე სტანდარტებით აღჭურვილი საწარმო სახელმწიფოს ფინანსური მხარდაჭერით არის შექმნილი. საწარმოში, ჯამურად, 3,5 მლნ ლარზე მეტი ინვესტიცია განხორციელდა, აქედან, 420,000 ლარზე მეტი სოფლის განვითარების სააგენტოს გრანტია, ხოლო დაახლოებით 800,000 ლარი - შეღავათიანი აგროკრედიტი. კომპანია სეზონზე 60 ადგილობრივს ასაქმებს. საწარმოს წლიური წარმადობა 300 ტონამდე ლურჯი მოცვის გადამუშავებაა. პროდუქციის რეალიზაცია როგორც ადგილობრივ, ასევე საექსპორტო ბაზრებზე ხდება. კომპანია „აგროლეინი“ ლურჯი მოცვის ექსპორტს წელს პირველად ისრაელში განახორციელებს; გასულ წელთან შედარებით გაზრდილი რაოდენობით ექსპორტს გეგმავს ინდოეთში; მოლაპარაკებები მიმდინარეობს იაპონიაში ექსპორტის განხორციელების თაობაზე. შემსყიდველებთან თანამშრომლობა ქ. ტოკიოში გამართულ საერთაშორისო გამოფენაზე „Foodex Japan” დაიწყო, სადაც მიმდინარე წელს „აგროლეინმა“ მონაწილეობა სოფლის განვითარებისსააგენტოს მხარდაჭერით მიიღო.შპს აგროლეინს 36 ჰექტარზე, 17 ჯიშის მოცვის ბაღი აქვს გაშენებული. კომპანია იმერეთის რეგიონში არსებული მოცვის პლანტაციების მფლობელ ფერმერებთან აქტიურად თანამშრომლობს; შედეგად, შპს აგროლეინის საწარმო 100 ჰექტარზე გაშენებული ბაღებიდან მიღებული მოსავლის სწრაფ გაციებას, დახარისხებას და შეფუთვას უზრუნველყოფს.აღსანიშნავია, რომ საქართველოს მასშტაბით, ლურჯი მოცვის პირველადი წარმოების მიზნობრიობით გაცემული შეღავათიანი აგროკრედიტი 197 მლნ ლარს აღემატება, სოფლის განვითარების სააგენტოს თანადაფინანსების ოდენობა 87 მლნ ლარია.პროგრამის „დანერგე მომავალი“ ფარგლებში 2,700 ჰექტარზე მეტ ფართობზე 39,8 მლნ ლარით თანადაფინანსებულია ლურჯი მოცვის გაშენება, მათ შორის იმერეთის რეგიონში 900 ჰექტარზე მეტ ფართობზე 6,2 მლნ ლარით.მინისტრთან ერთად ტყიბულის, თერჯოლის, ზესტაფონისა და ბაღდათის დელეგატი საქართველოს პარლამენტში ზვიად შალამბერიძე, სახელმწიფო რწმუნებული იმერეთის მხარეში ლევან ზალკალიანი და სოფლის განვითარების სააგენტოს დირექტორი გიორგი დარჩია იმყოფებოდნენ

სპორტი • 1749636592

საქართველოს 7-ქალა ევროპული რაგბის ელიტაში - რაგბი ევროპის ჩემპიონატი იწყება

მოახლოვდა საქართველოს 7-ქალასთვის და ქართული რაგბისთვის ისტორიული დღეები. 13-15 ივნისს, ჩვენი ნაკრები რაგბი ევროპის ჩემპიონატზე პირველად იასპარეზებს.ჯაბა მალაღურაძემ და მისმა გუნდმა, ელიტაში ყოფნის შესაძლებლობა მძიმე და დაუღალავი შრომით მოიპოვეს. იმედია, საქართველოს 7-ქალანაკრები, რაგბის ევროპულ ელიტაში თავს მალე დაიმკვიდრებს.რაგბი ევროპის პირველ ეტაპზე, რომელიც მაკარსკაში (ხორვატია) გაიმართება, საქართველოს 7-ქალა ნაკრების მეტოქეები A ჯგუფში იქნებიან საფრანგეთი, ჩეხეთი და ირლანდია.13 ივნისს, საქართველოს ნაკრები მაკარსკაში ორ შეხვედრას გამართავს: საფრანგეთი Vs საქართველო (14:20 თბილისის დროით)ჩეხეთი Vs საქართველო (20:30 თბილისის დროით)14 ივნისს კი, ტურნირზე გამოსვლას ირლანდიასთან მატჩით (12:00 თბილისის დროით) დაასრულებს.ჯაბა მალაღურაძის გუნდმა რაგბი ევროპის ჩემპიონატის მოსამზადებელი ეტაპი გერმანიასა და საფრანგეთში გაიარა; ბონში 6 ამხანაგური მატჩიჩაატარა; ხოლო საფრანგეთში, ქალაქ ტურის ტრადიციულ საერთაშორისო ტურნირში მიიღო მონაწილეობა.რაგბი ევროპის ჩემპიონატისთვის, ჩვენი 7-ქალას შემადგენლობა ასეთია:სალომე მაკასარაშვილი, თეონა ჩიტაიშვილი, ანა დათიაშვილი, ანა პოღოსიანი, მანონი საღარაძე, სალომე საღარაძე, მარიამ გოგუაძე, კირა დანელია, ლიკა ხუფენია, ნინო წიკლაური, ანა ხაბულიანი, ანასტასია ახვლედიანი, ანნა რურუა.შეგახსენებთ, რომ რაგბი ევროპის ჩემპიონატი ორ ეტაპად ჩატარდება - ხორვატიასა და გერმანიაში.თიბისი მტკიცედ უჭერს მხარს საქართველოს 7-ქალა ნაკრებს და საქართველოში ქალთა რაგბის განვითარებას. წარმატებას ვუსურვებთ მათ ამ მნიშვნელოვან ტურნირზე  და ვამაყობთ თითეული მათგანით, რადგან 7-ქალა ნაკრების მოთამაშეებმა უკვე გვაჩვენეს, რა ძალა, მოტივაცია და მიზანმიმართულობაა მათში;  რწმენა იმისა, რომ ნებისმიერი სირთულის გადალახვა და სასურველი მიზნის მიღწევა შესაძლებელია, მთავარია, გჯეროდეს.#ერთადგავიმარჯვებთ

საზოგადოება • 1749586935

10 ივლისამდე ამ მონაკვეთზე მოძრაობა დღის განმავლობაში რამდენიმე საათით შეიზღუდება

საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ქუთაისი(საღორია)-ბაღდათი-აბასთუმანი-ბენარას საავტომობილო გზის კმ32-კმ47.8 მონაკვეთის სარეაბილიტაციო სამუშაოების წარმოების პერიოდში, ბაღდათი-კურორტი საირმეს მონაკვეთზე, 2025 წლის 10 ივნისიდან 10 ივლისამდე, ავტოტრანსპორტის მოძრაობა ყოველდღიურად შეიზღუდება 10:00 სთ-დან 13:00 სთ-მდე და 15:00 სთ-დან 19:00 სთ-მდე.დღე-ღამის დანარჩენ პერიოდში, ავტოტრანსპორტის მოძრაობა თავისუფალია.

პოლიტიკა • 1749539334

10 ივნისიდან 10 ივლისამდე ბაღდათი-კურორტი საირმეს მონაკვეთზე მოძრაობა დღის განმავლობაში რამდენიმე საათით შეიზღუდება

საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ქუთაისი(საღორია)-ბაღდათი-აბასთუმანი-ბენარას საავტომობილო გზის კმ32-კმ47.8 მონაკვეთის სარეაბილიტაციო სამუშაოების წარმოების პერიოდში, ბაღდათი-კურორტი საირმეს მონაკვეთზე, 2025 წლის 10 ივნისიდან 10 ივლისამდე, ავტოტრანსპორტის მოძრაობა ყოველდღიურად შეიზღუდება 10:00 სთ-დან 13:00 სთ-მდე და 15:00 სთ-დან 19:00 სთ-მდე. ხოლო, დღე-ღამის დანარჩენ პერიოდში, ავტოტრანსპორტის მოძრაობა თავისუფალია.

შემთხვევა • 1749326999

უბედური შემთხვევა ხონში - მამაკაცი, რომელიც ტაძარში ფრესკას ხატავდა, ხარაჩოდან გადმოვარდა და გარდაიცვალა

ხონის მუნიციპალიტეტში მამაკაცი, რომელიც ტაძარში ფრესკას ხატავდა, ხარაჩოდან გადმოვარდა.შუახნის მამაკაცი ტაძარში გარდაიცვალა.შემთხვევა სოფელ გუბში მოხდა.არსებული ინფორმაციით, დაღუპული ბაღდათის მუნიციპალიტეტიდან არის.ინფორმაციას „ინფო იმერეთი“ ავრცელებს.

რეგიონი • 1749038816

აბასთუმანში ვითარდება ინფრასტრუქტურა და უმჯობესდება პირობები ადგილობრივი მცხოვრებლებისთვის - რევაზ სოხაძე

ვიმყოფებით აბასთუმანში, ჩვენი ქვეყნის ერთ-ერთ გამორჩეულ კურორტზე, სადაც რამდენიმე წელია სხვადასხვა მიმართულების ინფრასტრუქტურული პროექტები ხორციელდება. დაბაში ვითარდება როგორც ინფრასტრუქტურა, ასევე უმჯობესდება პირობები ადგილობრივი მაცხოვრებლებისთვის, - განაცხადა ინფრასტრუქტურის მინისტრმა, რევაზ სოხაძემ სამცხე-ჯავახეთის რეგიონში მიმდინარე ინფრასტრუქტურული პროექტების დათვალიერების შემდეგ.მისივე თქმით, ადგილზე მიმდინარეობს საგზაო სამუშაოები, შენდება ბაღი, რეკონსტრუქცია-რეაბილიტაცია უტარდება შენობების ფასადებს, მიმდინარეობს პროექტები, რომლებიც ტურისტული ინფრასტრუქტურის განვითარებას ემსახურება, რაც სტრატეგიული მნიშვნელობისაა ჩვენი ქვეყნისთვის.„ბოლო წლებში, ხელისუფლების მიერ მრავალი პროექტი განხორციელდა ამ მიმართულებით, რაც აისახა კიდეც ტურისტების რაოდენობაზე და შესაბამისად აისახება ჩვენი მოსახლეობის კეთილდღეობაზე. იმედი მაქვს, რომ უახლოეს პერიოდში აბასთუმანი უკვე კერძო ინვესტიციებით შექმნილი სასტუმროებით მიიღებს კიდევ უფრო მეტ დამსვენებელს“, - განაცხადა ინფრასტრუქტურის მინისტრმა.მორიგი სამუშაო გასვლის ფარგლებში, ინფრასტრუქტურის მინისტრი რევაზ სოხაძე, მოადგილეებთან, მუნიციპალური განვითარების ფონდის დირექტორთან და ადგილობრივი ხელისუფლების წარმომადგენლებთან ერთად, ადიგენის მუნიციპალიტეტის, დაბა აბასთუმანში მიმდინარე პროექტებს ადგილზე გაეცნო.ინფრასტრუქტურის სამინისტროს მუნიციპალური განვითარების ფონდი კურორტ აბასთუმანში სხვადასხვა დანიშნულების არაერთ პროექტს ახორციელებს. დაბაში მიმდინარეობს შენობა-ნაგებობების რეკონსტრუქცია-რეაბილიტაცია, ხიდის, ავტოსადგურის და ელექტრო დამტენებისთვის გათვლილი ღია ავტოსადგომის მშენებლობა, ასევე, გრძელდება რეკრეაციული ტყე-პარკის სახანძრო უსაფრთხოებისათვის წყალსაცავისა და საჭირო ინფრასტრუქტურის მშენებლობა. დაწყებულია პარკთან არსებული მოზაიკის კედლის რესტავრაციაც.სამშენებლო-სარეაბილიტაციო სამუშაოებს ინფრასტრუქტურის მინისტრი ადგილზე გაეცნო. პროექტის მიხედვით, რეაბილიტაცია უტარდება მრავალბინიანი საცხოვრებელი სახლების ფასადებს, მიმდინარეობს, ასევე ისტორიული შენობა-ნაგებობების რესტავრაცია-რეაბილიტაცია, რომელიც ითვალისწინებს ფასადის პირვანდელი იერსახით აღდგენას დეკორატიული და ქვით მოპირკეთების ელემენტებით.დაბა აბასთუმანში მიმდინარე და დასრულებული პროექტების ჯამური ბიუჯეტი - 154.8 მილიონი ლარია.ინფრასტრუქტურის სამინისტრომ, აბასთუმნის განვითარების გეგმის ფარგლებში, 2019-2020 წლებში დაასრულა კურორტ აბასთუმნის ცენტრალურ ქუჩაზე მე-19-მე-20 საუკუნეების 20-მდე ისტორიული სახლის, 1932 წელს აშენებული ეროვნული ასტროფიზიკური ობსერვატორიისა და 1982 წელს აშენებული საბაგირო გზის სრული რეაბილიტაცია. 2019 წელს შემუშავდა კურორტ აბასთუმნის განაშენიანების გენერალური გეგმა, ხოლო აბასთუმნის უწყვეტი, სტანდარტის შესაბამისი წყალმომარაგებისა და გამართული წყალარინებისათვის, 2020-2022 წლებში, დასრულდა კურორტის წყალმომარაგება-წყალარინების სისტემებისა და წყალარინების გამწმენდი ნაგებობა მშენებლობა-რეაბილიტაცია.2024 წელს განახლდა აბასთუმნის ცენტრალური პარკში. აღდგენითი სამუშაოები ჩაუტარდა საფეხმავლო არეალს, შეიცვალა გარეგანათების ბოძები, განთავსდა ახალი სკამები და ნაგვის ურნები, შეიცვალა წყალმომარაგების, ირიგაციის და ელექტრო-საინჟინრო ქსელები, განახლდა შადრევანი და დენდროლოგია. პარკის ტერიტორიაზე მოეწყო ბავშვთა გასართობი სივრცეები და მულტიფუნქციური სტადიონი. განახლებული ინფრასტრუქტურა სრულად მორგებულია შშმ პირებისა და საბავშვო ეტლით მოსარგებლე მშობლების საჭიროებებზე.გასულ წელს, აბასთუმნის ობსერვატორიაში დამონტაჟდა ახალი გუმბათი და ტელესკოპი. ტელესკოპი ავსტრიულმა, ხოლო გუმბათი იტალიურმა კომპანიებმა სპეციალურად აბასთუმნის ობსერვატორიისთვის დაამზადეს. ასეთი ინფრასტრუქტურით აბასთუმნის ობსერვატორია დაიბრუნებს და განავითარებს დიდი სამეცნიერო მიზიდულობის ცენტრის მნიშვნელობას, საქართველოსა და მსოფლიოს მასშტაბით.აბასთუმანში აშენდა 75 აღსაზრდელზე გათვლილი საბავშვო ბაღიც.უნიკალური კურორტის განვითარებისათვის, გრძელდება ბაღდათი-აბასთუმნის გზის სრული რეაბილიტაცია და აბასთუმნის შემოვლითი გზის მშენებლობა.