პოლიტიკა • 1771239092

გიორგი სიორიძე: ყველა პოლიტიკურ პარტიას და ადამიანს აქვს კონსტიტუციური უფლება, გამოხატოს აზრი ამა თუ იმ პოლიტიკური ძალის ლეგიტიმურობასთან დაკავშირებით

რეჟიმი აპირებს, მისი ლეგიტიმაციის აღიარება გაუტოლოს, გაუთანაბროს კონსტიტუციური წესრიგის აღიარებას. თვითონ „ქართული ოცნება“ გავიდა კონსტიტუციური სივრციდან უკვე ორ წელიწადზე მეტია. ის არის არალეგიტიმური რეჟიმი, – ამის შესახებ  „ლელო – ძლიერი საქართველოს“ წევრმა, გიორგი სიორიძემ სისხლის სამართლის კოდექსში დაგეგმილ ცვლილებებთან დაკავშირებით განაცხადა.სიორიძის თქმით, ყველა პოლიტიკურ პარტიას, პოლიტიკოსს და ადამიანს აქვს კონსტიტუციური უფლება, გამოხატოს აზრი ამა თუ იმ პოლიტიკური ძალის ლეგიტიმურობასთან დაკავშირებით.„ეს არის აღიარებული, მათ შორის, სტრასბურგის სასამართლოს მიერაც, არაერთგზის, მაგრამ ფაქტია, რეჟიმს აქვს ლეგიტიმაციის პრობლემა. ადრე საერთაშორისო ორგანიზაციები ამბობდნენ, რომ წაშლილია ზღვარი მმართველ პარტიასა და სახელმწიფოს შორის. ამას „ქართული ოცნება“ უარყოფდა. ახლა კი ცდილობს, დააკანონოს და სისხლის სამართლებრივ პასუხისგებაში მისცეს ის პირები, ვინც ამას არ აღიარებენ“, – განაცხადა გიორგი სიორიძემ.კანონპროექტის მიხედვით, სისხლის სამართლის კოდექსს ემატება ახალი მუხლი – ექსტრემიზმი კონსტიტუციური წყობილების წინააღმდეგ. პარლამენტის იურიდიულ საკითხთა კომიტეტის თავმჯდომარის არჩილ გორდულაძის განცხადებით, აღნიშნული გულისხმობს მოწოდებას საქართველოს კანონმდებლობის მასობრივად დარღვევისკენ, ხელისუფლების ორგანოებისადმი მასობრივად დაუმორჩილებლობისკენ, მათ შორის საქართველოს ხელისუფლების ორგანოების ალტერნატიული ორგანოების შექმნისკენ სისტემატურად საჯაროდ მოწოდებას, სხვა ქმედებას, რომელიც მიმართულია კონსტიტუციური ორგანოების არალეგიტიმურობის შესახებ აღქმის დამკვიდრებისკენ, აზიანებს ან ქმნის საქართველოს ინტერესების დაზიანების საფრთხეს.არჩილ გორდულაძე ამბობს, რომ მკაფიო ზღვარი იქნება გავლებული სიტყვისა და გამოხატვის თავისუფლებასა და დანაშაულებრივ ქმედებას შორის. არჩილ გორდულაძის განმარტებით, მთავარი განმსაზღვრელი იქნება, მოუწოდებენ თუ არა პირები სისტემურად და სისტემატურად, საჯაროდ მოქალაქეებს ხელისუფლების ორგანოებისადმი მასობრივად დაუმორჩილებლობისკენ, ასევე, ალტერნატიული ორგანოების შექმნისკენ და სისტემატურად და საჯაროდ თავს წარმოაჩენენ თუ არა, თითქოს არიან კონკრეტული ხელისუფლების წარმომადგენლები. ამავდროულად, ეს ყველაფერი ერთობლიობაში არის თუ არა მიმართული კონსტიტუციური წყობილების ან კონსტიტუციური ორგანოების არალეგიტიმურობის შექმნის შესახებ აღქმის დამკვიდრებისკენ და აზიანებს ან რეალურ საფრთხეს უქმნის თუ არა საქართველოს ინტერესების დაზიანებას.„ქართულ ოცნებაში“ ასევე აცხადებენ, რომ საქართველოს კონსტიტუციური წყობილების ან კონსტიტუციური ორგანოების არაღიარების მოტივით დანაშაულის ჩადენა სასჯელის განსაზღვრისას იქნება დამამძიმებელი გარემოება.

პოლიტიკა • 1771228080

ახალგაზრდა იურისტთა ასოციაციაში აცხადებენ, რომ წყლის ჭავლში შერეული ნივთიერებებით დაზიანებული მოქალაქეების სახელით სამართალწარმოებას იწყებს

საქართველოს ახალგაზრდა იურისტთა ასოციაციაში აცხადებენ, რომ წყლის ჭავლში შერეული ნივთიერებებით დაზიანებული მოქალაქეების სახელით სამართალწარმოებას იწყებს და საქართველოს პროკურატურას შესაბამისი კომუნიკაციით მიმართავს.როგორც განცხადებაშია აღნიშნული, საია ამ ეტაპზე სამართლებრივად იცავს შვიდ დაზარალებულს, რომლებსაც ჯანმრთელობის პრობლემები აწუხებთ და აღნიშნულს 2024 წლის ნოემბერ-დეკემბერში შსს-ის მხრიდან საპროტესტო აქციებზე მათ წინააღმდეგ გამოყენებულ სპეციალურ საშუალებებს უკავშირებენ.„როგორც საზოგადოებისთვის ცნობილია, 2024 წლის ნოემბერ-დეკემბერში, საქართველოს შინაგან საქმეთა სამინისტრომ დემონსტრაციების დაშლისას გამოიყენა სხვადასხვა სახის სპეციალური საშუალება.2025 წლის 1-ელ დეკემბერს BBC-მ გამოაქვეყნა დოკუმენტური ფილმი და სტატია, რომლებშიც გაჟღერდა ვარაუდი, რომ 2024 წლის ნოემბერ-დეკემბრის დემონსტრაციების დაშლის დროს ხელისუფლებამ, სავარაუდოდ, გამოიყენა ქიმიური ნაერთი ბრომობენზილ ციანიდი („კამიტი“), რომელიც შერეული იყო წყლის ჭავლში. 2025 წლის პირველ დეკემბერს სახელმწიფო უსაფრთხოების სამსახურმა გამოძიება დაიწყო როგორც სისხლის სამართლის კოდექსის 333-ე მუხლით (სამსახურებრივი უფლებამოსილების გადამეტება), ასევე 319-ე მუხლით (უცხოეთის ორგანიზაციისთვის მტრულ საქმიანობაში დახმარება). 2025 წლის 6 დეკემბერს სახელმწიფო უსაფრთხოების სამსახურმა გაავრცელა განცხადება, რომლის მიხედვითაც სამსახურმა დაადასტურა წყლის ჭავლში ქიმიური ნივთიერების შერევის ფაქტი, თუმცა, სამსახურის მიხედვით, აღნიშნული ქიმიური ნივთიერება იყო არა კამიტი, არამედ „ქლორობენზილიდინ მალონონიტრილი“. სამსახურის მიერ გავრცელებული ინფორმაციის მიხედვით, „ბრომობენზილ ციანიდი“ იგივე „კამიტი“ საქართველოს შინაგან საქმეთა სამინისტროს არასდროს შეუძენია.ხაზგასმით მივუთითებთ, რომ საქართველოში ქიმიური გამაღიზიანებლების წყლის ჭავლში შერევის საკითხი მკაფიოდ არ რეგულირდება: „პოლიციის შესახებ“ კანონშიც და შსს-ს ინსტრუქციებშიც არ არსებობს ნორმები, რომლებიც დააწესებდნენ ასეთ პრაქტიკას, მაშინ, როცა 2015 წლის №1002 ბრძანების ძველი რედაქციის მიერ წყლის ჭავლის, რეზინის ტყვიებისა და ცრემლსადენი გაზის ერთდროული გამოყენების პირდაპირი აკრძალვა ამოღებულია მოქმედ ტექსტიდან, დამატებითი კანონიერების სტანდარტების შემოღების გარეშე, რის შედეგადაც ქიმიური გამაღიზიანებლებით გაჯერებული წყლის ჭავლი არ შეიძლება ჩაითვალოს „კანონით განსაზღვრულ“ შეკრებების მართვის კანონიერ საშუალებად და ეწინააღმდეგება როგორც ეროვნულ, ისე კონვენციურ მოთხოვნებს, რომ ძალის გამოყენება იყოს კანონიერი, აუცილებელი და პროპორციული ჩარევა.2025 წლის დეკემბრამდე, საიამ, წყლის ჭავლში ქიმიური ნივთიერებების შერევასა და მასთან დაკავშირებულ საფრთხეებზე, საჯარო წყაროებში გავრცელებულ ინფორმაციაზე და აქციის მონაწილეთა ინტერვიუებზე დაყრდნობით, არაერთხელ ისაუბრა. დემონსტრანტთა ნაწილი, რომლებმაც წყლის ჭავლის ზემოქმედება განიცადა, მიუთითებდნენ  ჯანმრთელობის პრობლემებზე, კერძოდ, კანის დამწვრობაზე, მხედველობის გაუარესებაზე, სუნთქვის უკმარისობაზე, ნევროლოგიურ პრობლემებზე, ალერგიულ რეაქციაზე, სმენის გართულებაზე, სახსრების ტკივილზე, ფარისებრ ჯირკვალთან დაკავშირებულ პრობლემებზე და სხვა.  2025 წლის დეკემბრამდე, მიუხედავად მოწოდებებისა, სახელმწიფო არ ასაჯაროებდა ინფორმაციას იმასთან დაკავშირებით, თუ რა ქიმიურ საშუალებებს იყენებდა იგი 2024 წლის ნოემბერ-დეკემბერში. 2025 წლის იანვარში საიამ საჯარო ინფორმაციის გამოთხოვის შესახებ განცხადებით მიმართა შსს-ს და ჰკითხა მას, რა ქიმიურ ნივთიერებებს იყენებდა 2024 წლის ნოემბერ-დეკემბერში განხორციელებული საპოლიციო ღონისძიებების ფარგლებში, რა ქიმიური ნივთიერებები იყო შერეული წყლის ჭავლში და რა კონცენტრაციით. საიას შსს-სგან პასუხი არ მიუღია. 2025 წლის იანვარში საიას მიერ ჯანდაცვის სამინისტროდან გამოთხოვილი ინფორმაციის მიხედვით, გამოყენებული ქიმიური ნივთიერებების შემადგენლობის შესახებ ინფორმაციას არც ჯანდაცვის სამინისტრო არ ფლობდა და აღნიშნული ინფორმაცია შინაგან საქმეთა სამინისტროდან არ გამოუთხოვიათ, „საჭიროების არ არსებობის გამო“.  აღსანიშნავია, რომ 2025 წლის 10 დეკემბერს ევროპის საბჭოს ადამიანის უფლებათა კომისარმა წერილით მიმართა საქართველოს გენერალურ პროკურორს, სადაც აღნიშნა, რომ წყლის ჭავლში ქიმიური გამაღიზიანებლების შერევა მნიშვნელოვან კითხვებს წარმოშობს კანონიერების, აუცილებლობის და პროპორციულობის შესახებ და აღნიშნული საკითხი უნდა იყოს 2024 წლის ნომებერ-დეკემბერში საპოლიციო ძალის გამოყენების გამოძიების ნაწილი.კომისარი ასევე აღნიშნავს, რომ 2025 წლის იანვარში შინაგან საქმეთა მინისტრი მას არწმუნებდა, რომ პროტესტის მონაწილეთა წინააღმდეგ წყლის ჭავლში შერეული ქიმიური ნივთიერებები არ გამოუყენებიათ. სახელმწიფო უსაფრთხოების სამსახურის მიერ წარმოებული გამოძიება 2024 წლის ნოემბერ-დეკემბრის აქციებზე წყლის ჭავლისა და ქიმიური ნივთიერებების გამოყენების საქმეზე ვერ აკმაყოფილებს ეფექტიანი და დამოუკიდებელი გამოძიების კონვენციურ სტანდარტს, რადგან ერთი და იგივე ორგანო პარალელურად იძიებს როგორც შესაძლო უფლებადარღვევას (სპეციალური საშუალებების გამოყენება), ისე თავადვე აყენებს ამ უფლებადარღვევის არსებობას ეჭვის ქვეშ. ასეთ კონფიგურაციაში გამოძიება ძირს უთხრის როგორც ინსტიტუციურ/იერარქიულ, ისე პრაქტიკულ დამოუკიდებლობას და მიზნად ისახავს, შექმნას „დაშინების ეფექტი“ ყველა იმ პირის მიმართ, ვინც საზოგადოებრივად მნიშვნელოვან უფლებადარღვევებზე საუბრობენ თუ სხვა სახით ადვოკატირებენ.„საქართველოს ახალგაზრდა იურისტთა ასოციაცია“ ამ ეტაპზე სამართლებრივად იცავს შვიდ დაზარალებულს, რომლებმაც ორგანიზაციას სხვადასხვა სახის ჯანმრთელობის პრობლემაზე მიაწოდეს ინფორმაცია და  თითოეულ მათგანს აღნიშნული პრობლემები დღემდე აწუხებთ. ისინი აღნიშნულს 2024 წლის ნოემბერ-დეკემბერში შსს-ის მხრიდან საპროტესტო აქციებზე მათ წინააღმდეგ გამოყენებულ სპეციალურ საშუალებებს უკავშირებენ.„საქართველოს ახალგაზრდა იურისტთა ასოციაციის“ მიერ მათი სახელით გენერალურ პროკურატურაში გაგზავნილი განცხადებით საქართველოს კანონმდებლობისა და საერთაშორისო სტანდარტების გათვალისწინებით მოთხოვნილია: ინფორმაცია გამოძიების მიმდინარეობის შესახებ; დაზარალებული პირების გამოკითხვა; წყლის ჭავლში ნივთიერებების შერევისა და მისი გამოყენების პრაქტიკის შესაბამისობის შეფასება სისხლის სამართლის კოდექსით განსაზღვრულ დანაშაულებთან მიმართებით; პასუხისმგებელ პირთა გამოსავლენად აუცილებელი ყველა საგამოძიებო მოქმედების ჩატარება; იმ შვიდი პირის დაზარალებულად ცნობა, რომელთაც ჯანმრთელობის სხვადასხვა სახის დაზიანება მიადგათ 2024 წლის ნოემბერ-დეკემბერში შსს-ის მხრიდან სპეციალური საშუალებების გამოყენების შედეგად. „საქართველოს ახალგაზრდა იურისტთა ასოციაცია“ განაგრძობს ამ საკითხზე სამართლებრივ ადვოკატირებას, როგორც ადგილობრივ, ისე საერთაშორისო დონეზე“, – აღნიშნულია საია-ს განცხადებაში.

სამართალი • 1771223646

ნარკოდანაშაულის ბრალდებით 7 პირი დააკავეს - დაკავებულებს შორის არიან როგორც საქართველოს, ასევე უცხო ქვეყნის მოქალაქეები

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, ნარკოდანაშაულის ბრალდებით სხვადასხვა დროს 7 პირი დააკავეს.მათ ბრალად ედებათ დიდი და განსაკუთრებით დიდი ოდენობით ნარკოტიკული საშუალებების უკანონო შეძენა-შენახვა და რეალიზაციის ხელშეწყობა.დაკავებულებს შორის არიან, როგორც საქართველოს, ასევე უცხო ქვეყნის მოქალაქეები.სამართალდამცველებმა ბრალდებულების პირადი და საცხოვრებელი სახლების ჩხრეკის შედეგად და საგამოძიებო ექსპერიმენტის დროს, მათ მიერ მითითებული ადგილებიდან ნივთმტკიცებად ამოიღეს სარეალიზაციოდ განთავსებული განსაკუთრებით დიდი ოდენობით ნარკოტიკული საშუალებები, მათ შორის: „კოკაინი“, „ალფა-პვპ“, „მეთადონი“, "ბუპრენორფინი" და ნარკოტიკული საშუალების შემცველი 81 აბი.საგამოძიებო მოქმედებების შედეგად, პოლიციის მიერ, ასევე, ამოღებულია ნარკოტიკული საშუალების დაფასოებისთვის საჭირო მასალები და სავარაუდოდ ნარკოტიკული საშუალების რეალიზაციის შედეგად მიღებული ფული.დაკავებულთაგან ერთ-ერთი სამართალდამცველებმა ოპერატიული ინფორმაციის საფუძველზე, თბილისში შეაჩერეს, რა დროსაც მისი მართვის ქვეშ არსებული ავტომანქანით განზრახ დაეჯახა ცენტრალური კრიმინალური პოლიციის დეპარტამენტის თანამშრომელსა და სამინისტროს ბალანსზე რიცხულ ავტომობილს.აღნიშნული შედეგად პოლიციელმა სხეულის სხვადასხვა სახის დაზიანება მიიღო და შესაბამისი სამედიცინო დახმარების გაწევის მიზნით კლინიკაში გადაიყვანეს. დანაშაულში ბრალდებული პირი კი შემთხვევის ადგილიდან მიიმალა.სამართალდამცველებმა ოპერატიული ღონისძიებებისა და საგამოძიებო მოქმედებების შედეგად იგი ბრალდებულის სახით დააკავეს, ხოლო ერთ-ერთი ადგილიდან მის მიერ რეალიზაციის მიზნით განთავსებული ნარკოტიკული საშუალება ნივთმტკიცებად ამოიღეს.გამოძიება სისხლის სამართლის კოდექსის 260-ე, 19-260-ე, 260-ე კვარტა და 353-ე პრიმა მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.

რჩევები • 1771180514

რომელი ვირუსები, ბაქტერიები, სოკოები და პარაზიტი გადადის კოცნით - ექიმის გაფრთხილება

ექიმი გინეკოლოგი ეკა კვირკველია სოციალურ ქსელში  ხშირად აქვეყნებს საჭირო რჩევებს. ამჯერად ექიმი კოცნით გადამდებ დაავადებებზე წერს.„კოცნით (ზედაპირული, ღრმა) შეიძლება გადაეცეს ინფექციები:ვირუსები:• Herpes simplex virus type 1 (HSV-1, cold sores)• Epstein-Barr virus (Mononucleosis)• Cytomegalovirus• Human papillomavirus (oral HPV)• Human herpesvirus 6• Influenza virus• SARS-CoV-2  ბაქტერია:• Neisseria meningitidis• Streptococcus pyogenes• Neisseria gonorrhoeae (თუ ყელის ინფექცია არის)• Treponema pallidum (თუ ორალური დაზიანება წარმოდგენილია)  სოკოები• Candida albicans (oral thrush)  პარაზიტი (იშვიათად)• Entamoeba gingivalis

საზოგადოება • 1771151447

3 სიმპტომი, რომ არტერიების დაზიანება გაქვთ - სისხლძარღვთა ქირურგი ასახელებს

სისხლძარღვთა ქირურგი, ლაშა სუხაშვილი 3 სიმპტომს გამოყოფს, რომელიც არტერიების დაზიანებისას იჩენს თავს:„გარდამავალი კოჭლობა ან ტკივილი 200-300 მეტრზე, რომელიც გაჩერებას გაიძულებთ, თმის ცვენა ფეხზე, ჭრილობა  რომელიც არ ხორცდება". 

სამართალი • 1771144692

გორში მამაკაცი დაჭრეს - რა არის ამ დროისთვის ცნობილი

შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჯანმრთელობის განზრახ მძიმე დაზიანების ბრალდებით 1989 წელს დაბადებული თ.ი. დააკავეს. ინფორმაციას შინაგან საქმეთა სამინისტრო ავრცელებს.უწყების ინფორმაციით, საქმეზე ჩატარებული საგამოძიებო მოქმედებებით დადგინდა, რომ ბრალდებულმა გორის მუნიციპალიტეტის სოფელ ფლავისმანში, ურთიერთშელაპარაკების ნიადაგზე, 1984 წელს დაბადებულ ა.გ-ს ცივი იარაღით მუცლის არეში მძიმე დაზიანება მიაყენა და შემთხვევის ადგილიდან მიიმალა.„დაჭრილი მამაკაცი შესაბამისი სამედიცინო დახმარების გაწევის მიზნით კლინიკაში გადაიყვანეს, სადაც მას გადაუდებელი ქირურგიული ოპერაცია ჩაუტარდა.ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, სამართალდამცველებმა თ.ი. მომხდარიდან მალევე, ბრალდებულის სახით დააკავეს.გამოძიება სისხლის სამართლის კოდექსის 117-ე მუხლის პირველი ნაწილით მიმდინარეობს, რაც 7 წლამდე ვადით თავისუფლების აღკვეთას ითვალისწინებს“,-აღნიშნულია ინფორმაციაში.

სამართალი • 1771139973

შიდა ქართლის პოლიციამ გორის მუნიციპალიტეტში მომხდარი დაჭრის ფაქტი ცხელ კვალზე გახსნა - დაკავებულია ერთი პირი

შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჯანმრთელობის განზრახ მძიმე დაზიანების ბრალდებით 1989 წელს დაბადებული თ.ი. დააკავეს.საქმეზე ჩატარებული საგამოძიებო მოქმედებებით დადგინდა, რომ ბრალდებულმა გორის მუნიციპალიტეტის სოფელ ფლავისმანში, ურთიერთშელაპარაკების ნიადაგზე, 1984 წელს დაბადებულ ა.გ-ს ცივი იარაღით მუცლის არეში მძიმე დაზიანება მიაყენა და შემთხვევის ადგილიდან მიიმალა.დაჭრილი მამაკაცი შესაბამისი სამედიცინო დახმარების გაწევის მიზნით კლინიკაში გადაიყვანეს, სადაც მას გადაუდებელი ქირურგიული ოპერაცია ჩაუტარდა.ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, სამართალდამცველებმა თ.ი. მომხდარიდან მალევე, ბრალდებულის სახით დააკავეს.გამოძიება სისხლის სამართლის კოდექსის 117-ე მუხლის პირველი ნაწილით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.

საზოგადოება • 1771080657

პირდაპირ ხასიათდება ონკოგენური აქტიურობით, ეს არის ყველაზე ცუდი და საგანგაშო - ივანე ჩხაიძე გამონაბოლქვზე

ჰაერის დაბინძურება მიეკუთვნება ერთ-ერთ სერიოზულ პრობლემას, რომელიც ბოლო წლების განმავლობაში განსაკუთრებით აქტუალური გახდა. ამის უკან ბევრი ფაქტორია, თუმცა არსებობს უფრო მუდმივი დამაბინძურებლები, რომელთაგანაც ერთ-ერთი ყველაზე მთავარი არის ავტომობილის გამონაბოლქვი, - განაცხადა „დღის ქრონიკაში“ იაშვილის სახელობის ბავშვთა ცენტრალური საავადმყოფოს კლინიკურმა დირექტორმა ივანე ჩხაიძემ.„ითვლება, რომ ეს გამონაბოლქვი ზემოქმედებას ახდენს არა მხოლოდ გარემოზე, საკმაოდ სერიოზულ ზემოქმედებას ახდენს ადამიანის, განსაკუთრებით ბავშვების ჯანმრთელობაზე.​ ეს ზემოქმედება არ არის მხოლოდ და მხოლოდ სასუნთქი სისტემის მხრივ მიმართული, შეიძლება ამ პროცესში ბევრი სხვა სისტემა და ორგანი იყოს ჩართული“, - აღნიშნა ივანე ჩხაიძემ.ჩხაიძემ ასევე განმარტა, რომელ მავნე ნივთიერებებს შეიცავს სატრანსპორტო გამონაბოლქვი.„38 სხვადასხვა ქიმიური ნივთიერება შედის ავტომობილის გამონაბოლქვში. ამათგან ნაწილი მოქმედებს ჰაერის დაბინძურებაზე და იწვევს სხვადასხვა ორგანოსა და სისტემის დაზიანებას, ნაწილი პირდაპირ ხასიათდება ონკოგენური აქტიურობით. ეს არის ყველაზე ცუდი და საგანგაშო. ჰაერის დამაბინძურებულებში შემავალი ქიმიური ნივთიერებები გლობალურად ახდენენ ადამიანის ორგანიზმზე გავლენას“, - აღნიშნა ივანე ჩხაიძემ.მთავრობის დადგენილებით, საქართველოში პირველი აპრილიდან იკრძალება 6 წელზე მეტი ასაკის M1 კატეგორიის ავტომობილების იმპორტი, პირველადი და დროებითი რეგისტრაცია.

სამართალი • 1770965451

პოლიციამ გურჯაანში დაჭრის ფაქტი გახსნა, დაკავებულია ერთი პირი

გურჯაანში პოლციამ 1997 წელს დაბადებული, წარსულში ნასამართლევი ლ.ო. ჯანმრთელობის განზრახ მძიმე დაზიანების ბრალდებით ცხელ კვალზე დააკავა.გამოძიებით დადგინდა, რომ ბრალდებულმა მიმდინარე წლის 12 თებერვალს, გურჯაანის მუნიციპალიტეტში მდებარე აგრარულ ბაზარში,  ცივი იარაღის გამოყენებით, დაზიანება მიაყენა 1960 წელს დაბადებული ზ.ბ.-ს.დაჭრილი მამაკაცი შესაბამისი სამედიცინო დახმარების გაწევის მიზნით კლინიკაში გადაიყვანეს. სამართალდამცველებმა ჩატარებული ოპერატიული ღონოსძიებებისა და საგამოძიებო მოქმედებების შედეგად, ლ.ო. დანაშაულის ჩადენიდან მალევე, ბრალდებულის სახით დააკავეს.პოლიციამ დანაშაულის ჩადენის იარაღი –  დანა ნივთმტკიცებად ამოიღო.გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც  7 წლამდე ვადით თავისუფლების აღკვეთას ითვალისწინებს.

სამართალი • 1770964908

პოლიციამ მცხეთა-მთიანეთში ჯანმრთელობის განზრახ მსუბუქი დაზიანების, ძალადობისა და მუქარის ბრალდებით ორი პირი დააკავა

პოლიციამ მცხეთა-მთიანეთში ჯანმრთელობის განზრახ მსუბუქი დაზიანების, ძალადობისა და მუქარის ბრალდებით, 1998 წელს დაბადებული გ.ნ. და 1999 წელს დაბადებული, წარსულში ნასამართლევი, მ.ნ. დააკავეს.გამოძიებით დადგინდა, რომ ბრალდებულები წარსულში არსებული კონფლიქტის ნიადაგზე, 2004 წელს დაბადებულ მ.ძ.-ს ფიზიკურად გაუსწორდნენ და ცივი იარაღით დაზიანება მიაყენეს, რის შემდეგაც შემთხვევის ადგილიდან მიიმალნენ.დაშავებული, შესაბამისი სამედიცინო დახმარების გაწევის მიზნით, კლინიკაში გადაიყვანეს.სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად გ.ნ. და მ.ნ. ბრალდებულის სახით დააკავეს, ხოლო დანაშაულის ჩადენის იარაღი – დანა ნივთმტკიცების სახით ამოიღეს.გამოძიება საქართველოს სისხლის სამართლის კოდექსის 120-ე, 126-ე და 151-ე მუხლებით მიმდინარეობს, რაც 2 წლამდე ვადით თავისუფლების აღკვეთას ითვალისწინებს.

ჯანდაცვა • 1770904391

„ჰაერის დაბინძურების განმაპირობებელი უმთავრესი ფაქტორი საავტომობილო ტრანსპორტის გამონაბოლქვია“ - დაავადებათა კონტროლის ცენტრის დირექტორის მოადგილე

 „საქართველოში მთლიანი ავადობის 30% და სიკვდილიანობის 23% გარემოს მავნე ზემოქმედებასთან არის პირდაპირ კავშირში. ჰაერის დაბინძურება ურბანულ დასახლებებში ერთ-ერთ ყველაზე მნიშვნელოვან კონტრიბუტორს წარმოადგენს ისეთი დაავადებების განვითარებისთვის, როგორიც არის გულსისხლძარღვთა, რესპირატორული, სიმსივნური დაავადებები, ალერგიული დაავადებები, რაც  საერთოდ სიკვდილიანობის 93%-თან არის ასოცირებული“, - აღნიშნულის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილემ განაცხადა.ეკა ადამის თქმით, ჰაერის დაბინძურების განმაპირობებელი უმთავრესი ფაქტორი საავტომობილო ტრანსპორტის გამონაბოლქვია, რაც ურბანული დასახლებებისთვის ძალიან კრიტიკულ ფაქტორს წარმოადგენს.„როდესაც ჩვენ ვხედავთ ავტომობილიდან გამოსულ ცუდი ფერის და სუნის კვამლს, უნდა გვესმოდეს, რომ ეს არ არის მხოლოდ გარემოს დაბინძურება, ეს არის მიკროსკოპული ნაწილაკები, რომელიც სუნთქვისას ხვდება ადამიანის ორგანიზმში და იწვევს სხვადასხვა სახის ფარულ თუ ხილულ დაზიანებებს. ამან შეიძლება გამოიწვიოს სხვადასხვა ანთებითი პროცესები და ჯანმრთელობის სერიოზული დაზიანება. განსაკუთრებით კი საშიშია მოწყვლადი ჯგუფებისთვის, მათ შორის ბავშვებისთვის და ქრონიკული დაავადებების მქონე პირებისთვის“, - განაცხადა ეკა ადამიამ.

მსოფლიო • 1770799238

კანადის ერთ-ერთ სკოლაში მომხდარი სროლის შედეგად 10 ადამიანი დაიღუპა, ხოლო 25-ზე მეტი დაშავდა - მედია

კანადის დასავლეთ ნაწილში მდებარე ერთ-ერთ სკოლაში მომხდარი სროლის შედეგად ცხრა ადამიანი დაღუპა, ხოლო 25-ზე მეტმა ადამიანმა სხვადასხვა სახის დაზიანება მიიღო. ინფორმაციას The Guardian-ი ავრცელებს.გამოცემის ცნობით, ეს ქვეყნის ისტორიაში არის ადამიანების ერთ-ერთი ყველაზე სასტიკი მასობრივი მკვლელობა. მოგვიანებით სამართალდამცველებმა კიდევ ერთი ადამიანის ცხედარი აღმოაჩინეს. სავარაუდოდ ის ბოროტმოქმედს ეკუთვნის. წინასწარი ვერსიით, ბრალდებულმა სკოლაში თავი მოიკლა. ის მარტო მოქმედებდა.პოლიციამ ექვსი ცხედარი ტამბლერ რიჯის საშუალო სკოლაში აღმოაჩინა. კიდევ ორი გვამი ახლოს მდებარე სახლში ნახეს, ხოლო კიდევ ერთი ადამიანი საავადმყოფოში მიყვანისას გარდაიცვალა.მომხდარს გამოეხმაურა კანადის პრემიერ-მინისტრი, მარკ კარნი და განაცხადა, რომ ის „განადგურებულია“. კანადის მთავრობის თავმჯდომარემ ამასთან ერთად მადლობა გადაუხადა საგანგებო სამსახურის წარმომადგენლებსა და სამართალდამცველებს სწრაფი რეაგირებისთვის.ინციდენტის გამო კარნიმ გერმანიაში ვიზიტი, სადაც მიუნხენის უსაფრთხოების კონფერენციაში უნდა მიეღო მონაწილეობა, გააუქმა.