ბაიდენი

ტრამპის განცხადებით, აშშ ევროპას იმ შეიარაღების ღირებულების დაბრუნებას მოსთხოვს, რომელიც ბაიდენის ადმინისტრაციამ მოკავშირეებს უსასყიდლოდ გადასცა

აშშ-ის პრეზიდენტმა დონალდ ტრამპმა, თავის სოციალურ ქსელში დაწერა, რომ ვაშინგტონი ევროპას იმ შეიარაღების ღირებულების დაბრუნებას მოსთხოვს, რომელიც ჯო ბაიდენის ადმინისტრაციამ მოკავშირეებს უსასყიდლოდ გადასცა.ამასთან, ტრამპმა კიდევ ერთხელ აღნიშნა, რომ აშშ-ს შეიარაღების შეუზღუდავი რაოდენობა აქვს. ამერიკა ახალ იარაღს უპრეცედენტო მასშტაბებით აწარმოებს და თავისთვის იტოვებს, ხოლო გაყიდვები პარტნიორებისთვის მალე განახლდება.„იმ მოღალატე ნაძირლებისთვის, რომლებიც ირანში ჩვენი სამხედრო ოპერაციის შესახებ ზუსტი ინფორმაციის გავრცელებაზე უარს ამბობენ, მინდა განვაცხადო: ჩვენ პრაქტიკულად შეუზღუდავი რაოდენობით გვაქვს საშუალო და მაღალი ხარისხის საბრძოლო მასალა - გაცილებით მეტი, ვიდრე ამ ოპერაციისთვის ან ნებისმიერი სხვა ომისთვის ოდესმე დაგვჭირდება (რაც, დიდი ალბათობით, საერთოდ არ მოხდება). ამასთან, ჩვენ საბრძოლო მასალას უპრეცედენტო მასშტაბით ვაწარმოებთ. ვქმნით მარაგებს და ვემზადებით ნებისმიერი შესაძლო სცენარისთვის.ამ საბრძოლო მასალას ახლა ჩვენთვის, ამერიკის შეერთებული შტატებისთვის ვინახავთ და სხვებზე აღარ ვყიდით, თუმცა მოკავშირეებისთვის მისი გაყიდვა მალე კვლავ განახლდება.ასევე, მინდა ყველამ იცოდეს, რომ ბაიდენის ადმინისტრაციამ უკრაინას გაცილებით მეტი საბრძოლო მასალა გადასცა სრულიად უფასოდ, ვიდრე ჩვენ ირანში ამ დრომდე გამოგვიყენებია. უკრაინასა და ნატოს ასობით მილიარდი დოლარის ღირებულების დახმარება უფასოდ გადაეცა - თანხა, რომლის გადახდაც ევროპას მოუწევდა, მათთვის რომ უბრალოდ ეთხოვათ. თუმცა ჩვენ ამ თანხის დაბრუნებას მოვითხოვთ, მართალია, გარკვეული დაგვიანებით!“ - დაწერა ტრამპმა.

მსოფლიო • 1788101886

ერთ-ერთი რამ, რის გაკეთებასაც ვენესუელის ნავთობით ვაპირებ, ეროვნული სტრატეგიული რეზერვების შევსებაა - ეს ვენესუელის საჩუქარია ამერიკელი ხალხისთვის - ტრამპი

აშშ-ის პრეზიდენტი, დონალდ ტრამპი აცხადებს, რომ ვენესუელური ნავთობით აშშ-ის სტრატეგიული რეზერვების შევსებას გეგმავს.„ერთ-ერთი რამ, რის გაკეთებასაც ვენესუელის ნავთობით ვაპირებ, ეროვნული სტრატეგიული რეზერვების შევსებაა, რომელიც „მძინარა“ ჯო ბაიდენის გამო თითქმის მთლიანად დაცარიელდა“, - აღნიშნა მან სოციალურ ქსელში გამოქვეყნებულ მესიჯში.„რეზერვების ბოლომდე შევსების პროცესი ძალიან მალე დაიწყება და ეს ვენესუელის საჩუქარია ამერიკელი ხალხისთვის“, - დასძინა ტრამპმა.

მსოფლიო • 1787930872

თავდაცვის მზადება უნდა დავაჩქაროთ - რადოსლავ სიკორსკი

პოლონეთის საგარეო საქმეთა მინისტრის, რადოსლავ სიკორსკის, განცხადებით, საჭიროა ქვეყნის თავდაცვის მზადების დაჩქარება.„როგორც ჩანს, პუტინის აგენტებმა ცენტრალური სადაზვერვო სააგენტოს დირექტორს უთხრეს, რომ ის NATO-ს პროვოცირებას არ მოახდენს. პუტინმა პრეზიდენტ ბაიდენის ცენტრალური სადაზვერვო სააგენტოს დირექტორს უთხრა, რომ უკრაინაში არ შეიჭრებოდა. უნდა დავაჩქაროთ თავდაცვის მზადება“, - წერს სიკორსკი სოციალურ ქსელში.

მსოფლიო • 1787904720

ტრამპმა აშშ-ის პრეზიდენტების რეიტინგი გამოაქვეყნა და საკუთარ თავს „უდიდესი“ პრეზიდენტი უწოდა

დონალდ ტრამპი აშშ-ის პრეზიდენტების რეიტინგს აქვეყნებს და საკუთარ თავს აშშ-ის ისტორიაში „უდიდეს“ პრეზიდენტს უწოდებს.ტრამპმა სოციალურ ქსელში ფოტო გამოაქვეყნა, სადაც აშშ-ის პრეზიდენტები ექვს კატეგორიად დაყო: „უდიდესი“, „დიდები“, „თითქმის დიდები“, „საშუალოები“, „საშუალოზე დაბლები“ და „წარუმატებლები“.ფოტოს მიხედვით, კატეგორია „უდიდესში“ მხოლოდ დონალდ ტრამპია.„დიდების“ კატეგორიაში არიან აბრაამ ლინკოლნი, ჯორჯ ვაშინგტონი, ფრანკლინ რუზველტი, ვუდრო უილსონი, თომას ჯეფერსონი და ენდრიუ ჯექსონი.დონალდ ტრამპი თეოდორ რუზველტს, გროვერ კლივლენდს, ჯონ ადამსს და ჯეიმს პოლკს „თითქმის დიდ“ პრეზიდენტებად თვლის.ამასთან, მისი აზრით, „საშუალო“ პრეზიდენტები არიან ბილ კლინტონი, ჯონ ქუინსი ადამსი, ჯეიმს მონრო, რეზერფორდ ბ. ჰეისი, ჯეიმს მედისონი, მარტინ ვან ბურენი, უილიამ ჰოვარდ ტაფტი, ჩესტერ ა. არტური, უილიამ მაკკინლი, ენდრიუ ჯონსონი, ჰერბერტ ჰუვერი და ბენჯამინ ჰარისონი.„საშუალოზე დაბალ“ კატეგორიაში მოხვდნენ ჯონ ტაილერი, კალვინ კულიჯი, მილარდ ფილმორი, ზაქარი ტეილორი, ჯეიმს ბიუკენენი და ფრანკლინ პირსი.დონალდ ტრამპის მიერ გამოქვეყნებული ფოტოს მიხედვით, „წარუმატებლების“ კატეგორიაში შედიან ჯო ბაიდენი, ბარაკ ობამა, ულისეს ს. გრანტი, უორენ ჯ. ჰარდინგი და ჯიმი კარტერი.

მსოფლიო • 1787218620

REUERS: აშშ-ის სახელმწიფო ვალმა პირველად გადააჭარბა 40 ტრილიონ დოლარს

აშშ-ის სახელმწიფო ვალმა პირველად გადააჭარბა 40 ტრილიონ დოლარს, – ამის შესახებ ინფორმაციას „როიტერი“ აშშ-ის სახაზინო დეპარტამენტზე დაყრდნობით ავრცელებს.სახაზინო დეპარტამენტის უახლესი მონაცემების თანახმად, აშშ-ის სახელმწიფო ვალმა 40,048 ტრილიონ დოლარს მიაღწია. ეს თანხა მოიცავს საზოგადოების მფლობელობაში არსებულ 32,266 ტრილიონი დოლარის ღირებულების სახაზინო ფასიან ქაღალდებს და 7,782 ტრილიონი დოლარის ოდენობის შიდასახელმწიფოებრივ ვალს.მედიის ცნობით, ვალის ზრდის დაახლოებით ერთი მესამედი „კოვიდ-19-ის“ პანდემიის დროს, დონალდ ტრამპისა და ჯო ბაიდენის ადმინისტრაციების მიერ პანდემიის საპასუხო ღონისძიებების დასაფინანსებლად სახელმწიფო სესხების მკვეთრად გაზრდას უკავშირდება.„როიტერი“ აღნიშნავს, რომ დარჩენილი ზრდა კი ორივე პრეზიდენტის ფისკალურმა პოლიტიკამ, ასევე გადასახადებსა და სახელმწიფო ხარჯებს შორის ხანგრძლივმა დისბალანსმა განაპირობა.

მსოფლიო • 1786992420

ტრამპი: კიმ ჩენ ინი ჩემ მიმართ ყოველთვის დიდ პატივისცემას იჩენდა - მე მესმის მისი, მას კი ჩემი

აშშ-ის პრეზიდენტმა, დონალდ ტრამპმა თეთრ სახლში გამართულ შეხვედრაზე ჩრდილოეთ კორეის ლიდერთან, კიმ ჩენ ინთან ურთიერთობაზე ილაპარაკა და აღნიშნა, რომ მათ შორის კარგი ურთიერთგაგება არსებობს.„კიმ ჩენ ინი ჩემ მიმართ ყოველთვის დიდ პატივისცემას იჩენდა. ჩვენ არაერთხელ შევხვდით ერთმანეთს - ფაქტობრივად, ორი ძირითადი შეხვედრა გვქონდა, ვისაუბრეთ და ერთად დრო გავატარეთ. მე მესმის მისი, მას კი - ჩემი“, - განაცხადა ტრამპმა.მისივე თქმით, ჩრდილოეთ კორეის ლიდერს ამერიკის წინა ადმინისტრაციებთან და ლიდერებთან მტრული დამოკიდებულება ჰქონდა, თუმცა მასთან საერთო ენის გამონახვა შეძლო.„მას არ მოსწონდა ბაიდენი, არ მოსწონდა ობამა, არ მოსწონდა არავინ, მაგრამ მე მასთან ძალიან კარგი ურთიერთობა მაქვს. ჩემი მოქმედებები კი ახლა მხოლოდ უსაფრთხოების განმტკიცებას ემსახურება“, - დასძინა აშშ-ის პრეზიდენტმა.

მსოფლიო • 1786703634

სახელმწიფო დეპარტამენტის პრესსპიკერი: ტრამპის ადმინისტრაციის პირობებში, დიპლომატებს ევალებათ ეროვნული ინტერესების და არა „ვოუქ პოლიტიკური დოგმების“ გატარება

აშშ-ის სახელმწიფო დეპარტამენტმა გააუქმა ბაიდენის ადმინისტრაციის დროინდელი დირექტივა, რომელიც დიპლომატებს უცხო ქვეყნის ოფიციალურ პირებთან და მთავრობებთან „მრავალფეროვნების, თანასწორობის, ინლკუზიურობისა და წვდომის“ (DEIA) დღის წესრიგის გატარებას ავალებდა.ტრამპის ადმინისტრაციაში აცხადებენ, რომ დიპლომატებმა მსოფლიო არენაზე ეროვნული ინტერესები უნდა გაატარონ და არა „ვოუქ პოლიტიკური დოგმები“.„ტრამპის ადმინისტრაციის პირობებში, ამერიკის დიპლომატებს ევალებათ ჩვენი ეროვნული ინტერესების დაცვა მსოფლიო ასპარეზზე – და არა „ვოუქის“ პოლიტიკური დოგმების მიმართ ერთგულების დემონსტრირება“, – განუცხადა სახელმწიფო დეპარტამენტის პრესსპიკერმა, ტომი პიგოტმა Fox News Digital-ს.გამოცემის მიერ მოპოვებულ ბაიდენის ადმინისტრაციის ოფიციალურ გზამკვლევში ჩანს, რომ „წინა ადმინისტრაცია მითითებებს აძლევდა თანამშრომლებს, გაევრცელებინათ „ვოუქური აბსურდი“ უცხოელ კოლეგებთან მაღალი დონის დისკუსიებსა და ორმხრივ დიალოგებში“, – ნათქვამია სტატიაში.ბაიდენის ადმინისტრაციის დროს, „ფრონტ ოფისებს“ დავალებული ჰქონდათ, წამოეწიათ რასობრივი, გენდერული თანასწორობის, უნარშეზღუდულობისა და ლგბტქი+ უფლებებებთან დაკავშირებული საკითხები ორმხრივი საუბრებისა თუ მაღალ დონეზე გამართულ დისკუსიებში.აქვე აღნიშნულია, რომ ეს გზამკვლევი არ ყოფილა მხოლოდ სარეკომენდაციო ხასიათის. წინა ადმინისტრაციის დროს, სახელმწიფო დეპარტამენტი თანამშრომელთა დაწინაურებისას ითვალისწინებდა იმასაც, რამდენად ახორციელებდა თანამშრომელი DEI პოლიტიკას.„ეს მოიცავს აქტიურ მუშაობას არა მხოლოდ რასობრივი/ეთნიკური/გენდერული/LGBTQI+/უნარშეზღუდულობასთან მიმართებით მიკერძოებულობის აღმოფხვრას, არამედ მიკერძოებულობის აღმოფხვრას საჯარო და დიპლომატიურ მოხელეთა შორის, რომლებიც დაქირავებული და აყვანილი იყვნენ სამსახურში, მათ შორის დიპლომატიური სამსახურის დანაყოფებში“, – ვკითხულობთ სტატიაში.დოკუმენტში ასევე მოითხოვებოდა, „ფრონტ ოფისებს“ უზურნველეყო, რომ თითოეული თანამშრომელი მხარს უჭერდა „DEIA საბჭოს“ ან იმ შემთხვევაში, თუ „ფრონტ-ოფისს“ არ ჰქონდა ასეთი საბჭო, მხარი დაეჭირათ მისი შექმნისთვის.როგორც Fox News Digital აღნიშნავს, ტრამპის ადმინისტრაციის პირობებში, შეფასების ასეთი კრიტერიუმი აღარ არსებობს.„სახელმწიფო დეპარტამენტი ახორციელებს ფართომასშტაბიან რეფორმებს საგარეო სამსახურში, რათა პრიორიტეტი მიანიჭოს დამსახურებას, გადაერთოს ხელშესახები დიპლომატიური უნარების სწავლებებზე და მოამზადოს ჩვენი ქვეყნის დიპლომატები, რათა შეძლონ პასუხის გაცემა ყველაზე აქტუალურ გამოწვევებზე“, – განაცხადა სახელმწიფო დეპარტამენტის პრესსპიკერმა, ტომი პიგოტმა.

მსოფლიო • 1786643340

სახელმწიფო დეპარტამენტი: ტრამპის ადმინისტრაციის პირობებში, ამერიკელი დიპლომატების მთავარი ამოცანა საერთაშორისო ასპარეზზე ეროვნული ინტერესების დაცვაა და არა „ვოუქ“ პოლიტიკური დოგმების ერთგულების დემონსტრირება

სახელმწიფო დეპარტამენტი უარს ამბობს ბაიდენის ადმინისტრაციის პერიოდის ინსტრუქციებზე, რომლებიც დიპლომატიურ პერსონალს უცხოელ ოფიციალურ პირებსა და მთავრობებთან ურთიერთობისას მრავალფეროვნების, თანასწორობის, ინკლუზიურობისა და ხელმისაწვდომობის (DEIA) პროგრესული დღის წესრიგის გატარებას ავალდებულებდა, - წერს ტელეკომპანია Fox News.„ტრამპის ადმინისტრაციის პირობებში, ამერიკელი დიპლომატების მთავარი ამოცანა საერთაშორისო ასპარეზზე ეროვნული ინტერესების დაცვაა და არა „ვოუქ“ პოლიტიკური დოგმების ერთგულების დემონსტრირება“, - განუცხადა სახელმწიფო დეპარტამენტის სპიკერმა, ტომი პიგოტმა Fox News Digital-ს.Fox News Digital-ის მიერ მოპოვებული ბაიდენის პერიოდის ოფიციალური დოკუმენტები მოწმობს, რომ წინა ადმინისტრაცია თანამშრომლებს უცხოელ კოლეგებთან მაღალი დონის დისკუსიებსა და ორმხრივ დიალოგებში ამ იდეოლოგიის გატარებისკენ მოუწოდებდა.გარდა ამისა, წინა პრეზიდენტის დროს, სახელმწიფო დეპარტამენტი კადრების დაწინაურებისა და სამსახურებრივი შეფასებისას ითვალისწინებდა, თუ რამდენად ეფექტიანად ახორციელებდა პერსონალი DEI პოლიტიკას.Fox News Digital-მა დაადასტურა, რომ ტრამპის სახელმწიფო დეპარტამენტში თანამშრომელთა საქმიანობის შეფასებისას აღნიშნული კრიტერიუმები უქმდება.

პოლიტიკა • 1786530320

პრემიერი: ხელისუფლების სახელმწიფოებრივი ინტერესებით მოქმედების გამო, სანქციები დაუწესეს საქართველოს ხელისუფლების უმაღლეს პირებს, მმართველი პარტიის საპატიო თავმჯდომარეს, ბატონ ბიძინა ივანიშვილს, მოსამართლეებს, პოლიციის მაღალჩინოსნებს, ფიზიკურ პირებს

საქართველოს ხელისუფლების სუვერენული პოლიტიკის გატარებისა და სახელმწიფოებრივი ინტერესებით მოქმედების გამო, ჩვენი ქვეყანა არაფორმალური ოლიგარქიული ძალებით მოქმედი ევროპული ბიუროკრატიის და დასავლელი ლიდერების სამიზნედ იქცა, - ამის შესახებ პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა. მისივე თქმით, „დიფ სთეითის“ აგენტურის მოთხოვნებზე საქართველოს ხელისუფლების მიერ უარის თქმის გამო სხვადასხვა ქვეყნებმა, რომლებიც ერთმნიშვნელოვნად „დიპ სტეიტის“ მიერ იმართებიან, მათ შორის ამერიკის შეერთებული შტატების წინა ადმინისტრაციამ - ბაიდენის ხელისუფლებამ, აამოქმედეს ზეწოლის ყველა მექანიზმი. „სანქციები დაუწესეს საქართველოს ხელისუფლების უმაღლეს პირებს, მმართველი პარტიის საპატიო თავმჯდომარეს, ბატონ ბიძინა ივანიშვილს, ქართველ მოსამართლეებს, პოლიციის მაღალჩინოსნებს, ფიზიკურ პირებს და ა.შ. ასევე, ხელისუფლებაზე ზეწოლისთვის გამოიყენეს საქართველოს გაცხადებული მიზანი, გახდეს ევროკავშირის სრულუფლებიანი წევრი, ხოლო მას შემდეგ, რაც მათთვის სასურველი შედეგი არც ამის შედეგად დადგა, რადგან საქართველოს მოსახლეობის მხარდაჭერით ზურგგამაგრებული მმართველი პარტია ვერ დაიმორჩილეს, საკუთარი აგენტურის გამოყენებით საქართველოს ახალ პროვოკაციაში გახვევას ცდილობენ,“- აღნიშნა პრემიერმა.

პოლიტიკა • 1786529950

პრემიერი: მიზანმიმართული შტურმის ნაწილია "დიფ სტეიტის" ადგილობრივი აგენტების მიერ ქართველი გმირი სამხედროების ომის დამნაშავეებად შერაცხვა და ტყუილის გავრცელება, თითქოს აფხაზეთში მიმდინარე კონფლიქტის დროს ქართველებს ტყვეები არ აჰყავდათ და მათ ხვრეტდნენ

საქართველოს მაგალითზე ნათლად ჩანს, რომ რადიკალური ანტირუსული განწყობა ყალბია და ეს კონკრეტული ფაქტებითაც დასტურდება, - ამის შესახებ პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.მთავრობის მეთაურის თქმით, ეს ყველაფერი არის „დიპ სტეიტის“ გეგმა, საკუთარი აგენტურის გამოყენებით, რუსოფობიის ხელოვნურად გაღვივებასთან დაკავშირებით.„ვფიქრობ, საზოგადოებამ უნდა იცოდეს, რას ემსახურება „დიპ სტეიტის“ გეგმა საქართველოში საკუთარი აგენტურის გამოყენებით რუსოფობიის ხელოვნურად გაღვივებასთან დაკავშირებით.საქართველოს ხელისუფლებას არაერთხელ აღუნიშნავს, რომ 2022 წელს უკრაინაში ომის დაწყებიდან მოყოლებული, გლობალური ომის პარტია ყველაფერს აკეთებდა იმისათვის, რომ ჩვენი ქვეყანა ამ კონფლიქტის მონაწილე მხარე გამხდარიყო და საქართველოში მეორე ფრონტი გახსნილიყო. სწორედ ეს იყო ის „შესაძლებლობების ფანჯარა“, რაც ჩვენს ქვეყანას და ხალხს ეგზისტენციური საფრთხის წინაშე აყენებდა.საქართველოს მიერ მეორე ფრონტის გახსნის მოთხოვნას მალევე მოჰყვა დირექტივები რუსეთისთვის დაწესებულ სანქციებთან მიერთებასთან დაკავშირებით, რაც საქართველოს ეკონომიკის ჩამოშლისკენ იყო მიმართული.სწორედ აღნიშნულ მოთხოვნებზე საქართველოს ხელისუფლების მიერ უარის თქმის, სუვერენული პოლიტიკის გატარებისა და სახელმწიფოებრივი ინტერესებით მოქმედების გამო, ჩვენი ქვეყანა არაფორმალური ოლიგარქიული ძალებით მოქმედი ევროპული ბიუროკრატიის და დასავლელი ლიდერების სამიზნედ იქცა. ამ პროცესში სხვადასხვა ქვეყნებმა, რომლებიც ერთმნიშვნელოვნად „დიპ სტეიტის“ მიერ იმართებიან, მათ შორის ამერიკის შეერთებული შტატების წინა ადმინისტრაციამ - ბაიდენის ხელისუფლებამ, აამოქმედეს ზეწოლის ყველა მექანიზმი - სანქციები დაუწესეს საქართველოს ხელისუფლების უმაღლეს პირებს, მმართველი პარტიის საპატიო თავმჯდომარეს, ბატონ ბიძინა ივანიშვილს, ქართველ მოსამართლეებს, პოლიციის მაღალჩინოსნებს, ფიზიკურ პირებს და ა.შ. ასევე, ხელისუფლებაზე ზეწოლისთვის გამოიყენეს საქართველოს გაცხადებული მიზანი, გახდეს ევროკავშირის სრულუფლებიანი წევრი, ხოლო მას შემდეგ, რაც მათთვის სასურველი შედეგი არც ამის შედეგად დადგა, რადგან საქართველოს მოსახლეობის მხარდაჭერით ზურგგამაგრებული მმართველი პარტია ვერ დაიმორჩილეს, საკუთარი აგენტურის გამოყენებით საქართველოს ახალ პროვოკაციაში გახვევას ცდილობენ.ეს არის საქართველოს, ქართველი ხალხისა და მისი სუვერენიტეტის წინააღმდეგ მიტანილი შტურმის თვისებრივად ახალი ეტაპი, რომელიც სინქრონულად, რამდენიმე მიმართულებით ვითარდება. სწორედ ჩვენი ქვეყნის წინააღმდეგ დაწყებული შეტევის ამ ახალი ეტაპის შესახებ საზოგადოების ინფორმირებაა ჩემი დღევანდელი მიზანი,“- აღნიშნა პრემიერმა.

პოლიტიკა • 1786529941

ირაკლი კობახიძე: „დიფ სთეითის“ გეგმა საკუთარი აგენტურის გამოყენებით რუსოფობიის ხელოვნურად გაღვივებასთან დაკავშირებით არის საქართველოსა და ქართველი ხალხის წინააღმდეგ შტურმის ახალი ეტაპი

საქართველოს მაგალითზე ნათლად ჩანს, რომ რადიკალური ანტირუსული განწყობა ყალბია და ეს კონკრეტული ფაქტებითაც დასტურდება, – ამის შესახებ პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.მთავრობის მეთაურის თქმით, ეს ყველაფერი არის „დიფ სთეითის“ გეგმა, საკუთარი აგენტურის გამოყენებით, რუსოფობიის ხელოვნურად გაღვივებასთან დაკავშირებით.„ვფიქრობ, საზოგადოებამ უნდა იცოდეს, რას ემსახურება „დიფ სთეითის“ გეგმა საქართველოში საკუთარი აგენტურის გამოყენებით რუსოფობიის ხელოვნურად გაღვივებასთან დაკავშირებით. საქართველოს ხელისუფლებას არაერთხელ აღუნიშნავს, რომ 2022 წელს უკრაინაში ომის დაწყებიდან მოყოლებული, გლობალური ომის პარტია ყველაფერს აკეთებდა იმისათვის, რომ ჩვენი ქვეყანა ამ კონფლიქტის მონაწილე მხარე გამხდარიყო და საქართველოში მეორე ფრონტი გახსნილიყო. სწორედ ეს იყო ის „შესაძლებლობების ფანჯარა“, რაც ჩვენს ქვეყანას და ხალხს ეგზისტენციური საფრთხის წინაშე აყენებდა. საქართველოს მიერ მეორე ფრონტის გახსნის მოთხოვნას მალევე მოჰყვა დირექტივები რუსეთისთვის დაწესებულ სანქციებთან მიერთებასთან დაკავშირებით, რაც საქართველოს ეკონომიკის ჩამოშლისკენ იყო მიმართული.სწორედ აღნიშნულ მოთხოვნებზე საქართველოს ხელისუფლების მიერ უარის თქმის, სუვერენული პოლიტიკის გატარებისა და სახელმწიფოებრივი ინტერესებით მოქმედების გამო, ჩვენი ქვეყანა არაფორმალური ოლიგარქიული ძალებით მოქმედი ევროპული ბიუროკრატიის და დასავლელი ლიდერების სამიზნედ იქცა. ამ პროცესში სხვადასხვა ქვეყნებმა, რომლებიც ერთმნიშვნელოვნად „დიფ სთეითის“ მიერ იმართებიან, მათ შორის ამერიკის შეერთებული შტატების წინა ადმინისტრაციამ – ბაიდენის ხელისუფლებამ, აამოქმედეს ზეწოლის ყველა მექანიზმი – სანქციები დაუწესეს საქართველოს ხელისუფლების უმაღლეს პირებს, მმართველი პარტიის საპატიო თავმჯდომარეს, ბატონ ბიძინა ივანიშვილს, ქართველ მოსამართლეებს, პოლიციის მაღალჩინოსნებს, ფიზიკურ პირებს და ა.შ. ასევე, ხელისუფლებაზე ზეწოლისთვის გამოიყენეს საქართველოს გაცხადებული მიზანი, გახდეს ევროკავშირის სრულუფლებიანი წევრი, ხოლო მას შემდეგ, რაც მათთვის სასურველი შედეგი არც ამის შედეგად დადგა, რადგან საქართველოს მოსახლეობის მხარდაჭერით ზურგგამაგრებული მმართველი პარტია ვერ დაიმორჩილეს, საკუთარი აგენტურის გამოყენებით საქართველოს ახალ პროვოკაციაში გახვევას ცდილობენ. ეს არის საქართველოს, ქართველი ხალხისა და მისი სუვერენიტეტის წინააღმდეგ მიტანილი შტურმის თვისებრივად ახალი ეტაპი, რომელიც სინქრონულად, რამდენიმე მიმართულებით ვითარდება. სწორედ ჩვენი ქვეყნის წინააღმდეგ დაწყებული შეტევის ამ ახალი ეტაპის შესახებ საზოგადოების ინფორმირებაა ჩემი დღევანდელი მიზანი“, – განაცხადა კობახიძემ.

მსოფლიო • 1786278810

ჯო ბაიდენის ჯანმრთელობის მდგომარეობა გაუარესდა

აშშ-ის 46-ე პრეზიდენტის, ჯო ბაიდენის შვილმა, ჰანტერ ბაიდენმა აღნიშნა, რომ მამის ჯანმრთელობის მდგომარეობა ონკოლოგიური დიაგნოზის ფონზე საგრძნობლად გაუარესდა.„დაავადებამ პროგრესირება განიცადა და მეტასტაზები როგორც ძვლებში, ისე სხვა ქსოვილებში გავრცელდა. ეს პროცესი ძალიან მტკივნეულ და ფიზიკურად დამღლელ ფორმებში მიმდინარეობს. მიუხედავად ამისა, მამა მაინც აგრძელებს თავისი საქმიანობის შესრულებას“, - განაცხადა ჰანტერ ბაიდენმა.მანამდე, ივნისში, ყოფილმა პირველმა ლედიმ, ჯილ ბაიდენმაც გააკეთა განცხადება იმის შესახებ, რომ ონკოლოგიურ დაავადებასთან ბრძოლაში სრული განკურნება, სავარაუდოდ, ვერ მოხერხდება.შეგახსენებთ, რომ ჯო ბაიდენს პროსტატის კიბოს აგრესიული ფორმის დიაგნოზი 2025 წლის მაისში დაუსვეს.