ბაიდენი

გიორგი გამსახურდია უკრაინის ყოფილ თავდაცვის მინისტრზე: ეს ბატონი, “ზელიამ”, კორუფციის ბრალდებით გააგდო - ეს პოლიტიკური მძორი ჩვენ გვიწუნებს ცივილიზაციას

გიორგი გამსახურდია, სოციალურ ქსელში ეხმიანება უკრაინის ყოფილი თავდაცვის მინისტრის ოლექსი რეზნიკოვის მიერ გაკეთებულ განცხადებას, რომელშიც მან საქართველოს ცივილიზებულ სამყაროში დაბრუნება უსურვა. გამსახურდიას განცხადებით, რეზნიკოვი, რომელიც ზელენსკიმ კორუფციის ბრალდებით გააგდო, საქართველოს უწუნებს ცივილიზაციას."ეს ბატონი, ბაიდენის ადმინისტრაციის მოთხოვნით, ვოვას პროექტმა ზელიამ, კორუფციის ბრალდებით გააგდო. წარმოგიდგენიათ, წითელი ფარნების ქუჩიდან, მეძავს, მეძავობისთვის რომ გააგდებენ? აი ეგ ამბავია ზუსტად. ეს პოლიტიკური მძორი ჩვენ გვიწუნებს ცივილიზაციას," - წერს გიორგი გამსახურდია. ლაკი

მსოფლიო • 1749107465

ჯო ბაიდენი - თანამდებობაზე ყოფნისას, მე ვიღებდი გადაწყვეტილებებს განკარგულებების, კანონებისა და პროკლამაციების შესახებ, ნებისმიერი ვარაუდი, რომ ასე არ არის, აბსურდი და სიცრუეა

თანამდებობაზე ყოფნისას, მე ვიღებდი გადაწყვეტილებებს განკარგულებების, კანონებისა და პროკლამაციების შესახებ. ნებისმიერი ვარაუდი, რომ ეს ასე არ არის, აბსურდი და სიცრუეა, – ამის შესახებ აშშ-ის ყოფილმა პრეზიდენტმა, ჯო ბაიდენმა განაცხადა.ასევე, ბაიდენის გუნდმა აღნიშნა, რომ პრეზიდენტის მიერ გადაწყვეტილების მიღების შემდეგ, ავტომატური ფაქსიმილეს გამოყენება დიდი ხნის აღიარებული პრაქტიკაა.ცნობისთვის, აშშ-ის პრეზიდენტმა, დონალდ ტრამპმა დაავალა თეთრ სახლს, გამოიძიოს, ბაიდენის საპრეზიდენტო დოკუმენტები პირადად მის მიერ იყო ხელმოწერილი, თუ ფაქსიმილეთი ავტომატურად დამოწმებული.

მსოფლიო • 1748980875

რუსეთსა და უკრაინას შორის პირდაპირი მოლაპარაკებები დონალდ ტრამპის წყალობით მოხდა, პრეზიდენტი მზადაა, გამოიყენოს სანქციები, თუ აუცილებელი იქნება - კეროლაინ ლევიტი

აშშ-ის პრეზიდენტი დონალდ ტრამპი გონივრულად ინახავს სანქციებს, როგორც ინსტრუმენტს თავის არსენალში, რათა საჭიროების შემთხვევაში გამოიყენოს, – ამის შესახებ თეთრი სახლის პრესსპიკერმა, კეროლაინ ლევიტმა განაცხადა.თეთრ სახლში ბრიფინგზე ლევიტს სთხოვეს, კომენტარი გაეკეთებინა ტრამპის დამოკიდებულებაზე რუსეთის წინააღმდეგ სანქციების გამკაცრების ინიციატივის შესახებ, რომელსაც კონგრესის ორივე პალატის მხარდაჭერა აქვს.„მინდა, ყველას შევახსენო, რამდენს მივაღწიეთ მხოლოდ ოთხ თვეში. წინა წელს, ამ დროს წარმოუდგენელი იყო, რომ რუსეთი და უკრაინა პირდაპირ მოლაპარაკებებს გამართავდნენ. ეს სწორედ დონალდ ტრამპის წყალობით მოხდა, რადგან ის ესაუბრა ორივე ქვეყნის ლიდერს. დონალდ ტრამპი მზადაა, გამოიყენოს სანქციები, თუ ეს აუცილებელი იქნება. ყველას ესმის, რომ პრეზიდენტი მთავარსარდალია და ხელმძღვანელობს აშშ-ის საგარეო პოლიტიკას, როგორც ეს უნდა იყოს“, – განაცხადა ლევიტმა.აღსანიშნავია, რომ საუბარი ეხება კანონპროექტს, რომელიც წარადგინეს სენატორებმა რიჩარდ ბლუმენტალმა და ლინდსი გრემმა 80 თანაავტორთან ერთად. ამ ინიციატივას კონგრესის ორივე პალატაში მხარდაჭერა აქვს და მიზნად ისახავს რუსეთის წინააღმდეგ სანქციების გაძლიერებას.ამასთან, ლევიტს კითხვა დაუსვეს უკრაინის მიერ რუსეთის აეროდრომებზე თავდასხმის შესახებ. მისი თქმით, ამის შესახებ თავად ტრამპი ისაუბრებს, თუმცა აღნიშნა, რომ შეერთებულ შტატებს სურს, ომი რაც შეიძლება მალე დასრულდეს.„დონალდ ტრამპი კვლავ ოპტიმისტურად არის განწყობილი იმ პროგრესის მიმართ, რომელსაც ვხედავთ, მაგრამ ის ასევე რეალისტია და ესმის, რომ ეს ორი ქვეყანა ომშია და დიდი ხანია, ომშია ჯო ბაიდენის სისუსტისა და არაკომპეტენტურობის გამო. ტრამპს სურს, რომ ბრძოლა შეწყდეს, რომ ადამიანების სიკვდილი შეწყდეს და ეს საკითხი მოლაპარაკებების მაგიდასთან გადაწყდეს“, – განაცხადა ლევიტმა.ბრიფინგზე ლევიტმა კითხვის საპასუხოდ, ასევე, განაცხადა, რომ დონალდ ტრამპი წინასწარ არ იყო ინფორმირებული უკრაინის მიერ რუსეთზე თავდასხმის შესახებ.

მსოფლიო • 1748859578

ტრამპმა გააზიარა პოსტი, რომელშიც ნათქვამია, რომ ჯო ბაიდენი 2020 წელს მოკლეს და კლონით ჩაანაცვლეს

აშშ-ის პრეზიდენტმა, დონალდ ტრამპმა სოციალურ ქსელში გააზიარა პოსტი, სადაც აღნიშნულია, რომ აშშ-ის ყოფილი პრეზიდენტი, ჯო ბაიდენი „2020 წელს სიკვდილით დასაჯეს“.სოციალური ქსელის, „თრუს სოშიალის“ ერთ-ერთი მომხმარებელი წერს, რომ ჯო ბაიდენი არ არსებობს და 2020 წლის შემდეგ რასაც საზოგადოება ხედავს, არის ბაიდენის კლონები, ორეულები და რობოტულად შექმნილი უსულო, უგონო არსებები.„დემოკრატებმა განსხვავება არ იციან“, – აღნიშნულია პოსტში.აშშ-ის პრეზიდენტი ამ განცხადებას რაიმე სახის კომენტარის გარეშე აზიარებს.

მსოფლიო • 1748675211

ყველაფერი ერთი აბის მიღებამდე დადის... - ჯო ბაიდენმა კიბოს მკურნალობა დაიწყო

აშშ-ის ყოფილმა პრეზიდენტმა, ჯო ბაიდენმა პირველად საჯაროდ განაცხადა, რომ მან კიბოს მკურნალობა დაიწყო.როგორც ბადენმა აღნიშნა, მკურნალობა გულისხმობს ერთი აბის მიღებას. მისი თქმით, დაავადება სხვა ორგანოებს არ შეეხო.„ყველაფერი ერთი აბის მიღებამდე დადის. ერთი კონკრეტული აბის ექვსი კვირის განმავლობაში, ხოლო შემდეგ - მეორე... სხვა ორგანოები ჩათრეული არ არის. ჩემი ძვლები ძლიერია“, - თქვა ბაიდენმა დელავერში გარდაცვლილი სამხედროების ხსოვნისადმი მიძღვნილ ღონისძიებაზე გამოსვლისას.თეთრი სახლის ყოფილმა ლიდერმა აგრეთვე დასძინა, რომ მას ცნობილი ქირურგი მკურნალობს, რომელმაც თავად დაამარცხა კიბო. ბაიდენის განცხადებით, პროგნოზი დადებითია.ცნობისთვის, ბაიდენის ოფისმა 18 მაისს განაცხადა, რომ 82 წლის პოლიტიკოსს პროსტატის ჯირკვლის კიბოს აგრესიული ფორმა აქვს, რომელიც ძვლებსაც შეეხო.

მსოფლიო • 1748622960

აშშ-ის უზენაესმა სასამართლომ ტრამპის ადმინისტრაციას ნება დართო, გააძევოს ქვეყნიდან 530 ათასზე მეტი მიგრანტი კუბიდან, ჰაიტიდან, ნიკარაგუიდან და ვენესუელიდან

აშშ-ის უზენაესმა სასამართლომ დონალდ ტრამპის ადმინისტრაციას ნება დართო, გააძევოს ქვეყნიდან 530 ათასზე მეტი მიგრანტი კუბიდან, ჰაიტიდან, ნიკარაგუიდან და ვენესუელიდან. ინფორმაციას ამის შესახებ ამერიკული მედია ავრცელებს.სასამართლომ ასევე ნება დართო ადმინისტრაციას, გააუქმოს აღნიშნული პირების ჰუმანიტარული სტატუსი.მარტში, აშშ-ის შიდა უსაფრთხოების დეპარტამენტმა გააუქმა ხუთი ქვეყნიდან მიგრანტებისთვის ბაიდენის ადმინისტრაციის მიერ გაცემული დაცვის სტატუსი.უწყებამ მათ 30 დღის ვადა მისცა ქვეყნის დასატოვებლად, თუ სხვა პროგრამით ლეგალური დაცვა არ ჰქონდათ.

მსოფლიო • 1748620531

პიტერ სიიარტო: უნგრეთზე ზეწოლას ახდენდნენ, რომ უკრაინაში ომში ჩართულიყო, არალეგალი მიგრანტებისთვის საზღვრები გაეხსნა და გენდერული აქტივისტები სკოლებში შეეშვა

უნგრეთზე ზეწოლას ახდენდნენ, რომ უკრაინაში ომში ჩართულიყო, არალეგალი მიგრანტებისთვის საზღვრები გაეხსნა და გენდერული აქტივისტები სკოლებში შეეშვა, - განაცხადა უნგრეთის საგარეო საქმეთა მინისტრმა, პიტერ სიიარტომ.„ჩვენ უარი ვთქვით. ბაიდენის ადმინისტრაციამ სცადა და არ გამოუვიდა. ბრიუსელი ცდილობს და არ გამოსდის. ჩვენი სუვერენიტეტი მოლაპარაკების საგანი არ არის“, - აღნიშნა უნგრეთის საგარეო უწყების ხელმძღვანელმა.

მსოფლიო • 1748620418

აშშ-ის უზენაესმა სასამართლომ ტრამპის ადმინისტრაციას ნება დართო, გააუქმოს ჰუმანიტარული სტატუსი 530 ათასზე მეტი იმიგრანტისთვის

აშშ-ის უზენაესმა სასამართლომ დონალდ ტრამპის ადმინისტრაციას ნება დართო, გააუქმოს ჰუმანიტარული სტატუსი 530 ათასზე მეტი იმიგრანტისთვის კუბიდან, ჰაიტიდან, ნიკარაგუიდან და ვენესუელიდან და გააძევოს ისინი ქვეყნიდან.ამგვარად, უზენაესმა სასამართლომ შეაჩერა ბოსტონის საოლქო სასამართლოს მოსამართლის განაკრგულება იმიგრანტებისთვის სამართლებივი დაცვის სტატუსის ჩამორთმევის გაუქმების შესახებ.აღნიშნული გადაწყვეტილების წინააღმდეგ უზენაესი სასამართლოს ორი მოსამართლე გამოვიდა.ჰუმანიტარული სტატუსი იმიგრანტებს შეერთებულ შტატებში ცხოვრებისა და მუშაობის უფლებას ანიჭებს. აღნიშნული პროგრამა ბაიდენის ადმინისტრაციის დროს იყო გამოყენებული მექსიკის საზღვარზე უკანონო იმიგრაციის შეკავების მიზნით.დონალდ ტრამპმა აღნიშნული ჰუმანიტარული პროგრამების შეწყვეტის განკარგულება ინაუგურაციის დღეს გასცა. ტრამპის ადმინისტრაცია აცხადებს, რომ სტატუსის ჩამორთმევა დააჩქარებს დეპორტაციის პროცესს.

მსოფლიო • 1748518140

ევროპარლამენტარი ანდრაშ ლასლო ევროკავშირს გამჭვირვალობის დაბლოკვასა და კონსერვატორული ძალების წინააღმდეგ არჩევნებში ჩარევაში ადანაშაულებს

ევროპარლამენტარი ანდრაშ ლასლო ევროკავშირს გამჭვირვალობის დაბლოკვასა და კონსერვატორული ძალების წინააღმდეგ არჩევნებში ჩარევაში ადანაშაულებს.ევროპელმა კანონმდებელმა მკაცრად გააკრიტიკა ევროკომისარი მაიკლ მაკგრეთი, რომელიც უნგრეთის მიერ გამჭვირვალობის შესახებ კანონის ინიციირების გამო ბუდაპეშტისთვის სადამსჯელო მექანიზმების ამოქმედებას ემხრობა.ევროპარლამენტარი ლასლო განმარტავს, რომ არასამთავრობო ორგანიზაციების დაფინანსების გამჭვირვალობა უცხო ძალების შიდა პოლიტიკასა და არჩევნებში ჩარევის თავიდან არიდებისთვის აუცილებელია, თუმცა ბრიუსელი ამ ინიციატივას კვლავ ეწინააღმდეგება.მან სოციალურ ქსელ X-ში უცხოური ჩარევის კონკრეტული მაგალითები ჩამოთვალა. კერძოდ, როგორც ლასლო წერს, 2022 წელს უნგრეთში საპარლამენტო არჩევნები ჩატარდა. ევროპარლამენტარის მტკიცებით, ამ არჩევნებში „მემარცხენე“ პარტიებმა 8 მილიონი დოლარი სოროსის ქსელისგან მიიღეს, 2 მილიონი დოლარი ერთ-ერთი შვეიცარიული ანგარიშიდან ჩაერიცხათ, ხოლო 35 მილიონი დოლარი ბაიდენის ადმინისტრაციის მიერ ინიციირებული ცენტრალურ ევროპაში პოლიტიკური აქტივიზმის პროგრამის ფარგლებში მიიღეს.

პოლიტიკა • 1748511348

ჩვენ ვართ აბსოლუტურად ღია და გულახდილი ჩვენს ურთიერთობებში ამერიკელ ხალხთან და ამერიკის შეერთებულ შტატებთან, ყველაფერი დევს მაგიდაზე - შალვა პაპუაშვილი

ჩვენ ვართ აბსოლუტურად ღია და გულახდილი ჩვენს ურთიერთობებში ამერიკელ ხალხთან და ამერიკის შეერთებულ შტატებთან, ყველაფერი დევს მაგიდაზე, - განაცხადა საქართველოს პარლამენტის თავმჯდომარე შალვა პაპუაშვილმა ჟურნალისტებთან საუბრისას ამერიკასთან ურთიერთობების გადატვირთვის შესახებ დასმული კითხვის პასუხად.შალვა პაპუაშვილის თქმით, ბაიდენის ადმინისტრაციამ სტრატეგიული პარტნიორობა ცალმხრივად შეაჩერა.„ის, რომ ბაიდენის ადმინისტრაციამ შეაჩერა სტრატეგიული პარტნიორობა, ამან შეიძლება ის სარგებელიც მოიტანოს, რომ ის არაქმედითი სტრატეგიული პარტნიორობა, რომელიც გარკვეულწილად ფურცელზე არსებობდა, ახლა იძლევა შესაძლებლობას ხელახლა დავსხდეთ და შევთანხმდეთ იმ ურთიერთობაზე, რომელიც სასარგებლო იქნება როგორც ამერიკელი, ისე ქართველი ხალხისთვის. ჩვენ ვთქვით თუ როგორ ვხედავთ ამ პროცესს. ჩვენ ვფიქრობთ, რომ ეს უნდა იყოს სტრატეგიული პარტნიორობა, რომელიც იქნება არა ზოგადი ფრაზების, არამედ კონკრეტულად გაწერილი პასუხისმგებლობები ორივე მხარის, სადაც კონკრეტულად იქნება გათვალისწინებული ამერიკელი ხალხის საუკეთესო ინტერესები, ქართველი ხალხის საუკეთესო ინტერესები, გარკვეული სამოქმედო გეგმა, რომელსაც შემდეგ ორივე მხარე კეთილსინდისიერად მიჰყვება“, - აღნიშნა შალვა პაპუაშვილმა.

მსოფლიო • 1748456772

არ ვიცი, სურს თუ არა პუტინს ომის დასრულება, თუ გვატყუებს, აშშ ამას განსხვავებულად უპასუხებს – ტრამპი

არ ვიცი, სურს თუ არა პუტინს ომის დასრულება, თუ გვატყუებს, აშშ ამას განსხვავებულად უპასუხებს, – ამის შესახებ აშშ-ის პრეზიდენტმა, დონალდ ტრამპმა პრესკონფერენციაზე განაცხადა.აშშ-ის პრეზიდენტი იმედგაცრუებულია, რომ მოლაპარაკების მიმდინარეობისას ქალაქები იბომბება და ხალხი იღუპება.„არ ვიცი, მაგრამ გეტყვით ორ კვირაში. ჩვენ მალე გავარკვევთ, გვატყუებს თუ არა ის. თუ კი, ჩვენ განსხვავებულად ვუპასუხებთ. ბატონი უიტკოფი ფანტასტიურ საქმეს ასრულებს, ძალიან ძლიერად მუშაობს მათთან. ჩანს, რომ რაღაცის გაკეთება სურთ, მაგრამ ვიდრე დოკუმენტი არ გაფორმდება, ვერ გეტყვით. არავის შეუძლია ამის თქმა. ძალიან იმედგაცრუებული ვარ იმით, რაც მოხდა ბოლო რამდენიმე ღამეში, ხალხი დაიღუპა, როდესაც ჩვენ მოლაპარაკების მოწოდებით გამოვედით. ამით ძალიან იმედგაცრუებული ვარ“, – აღნიშნა დონალდ ტრამპმა. ჟურნალისტის შეკითხვაზე, მზად არის თუ არა რუსეთს და უკრაინის პრეზიდენტებთან ერთად დაჯდეს მოლაპარაკებებზე, აშშ-ის პრეზიდენტმა უპასუხა – „დავჯდები მათთან ერთად მოლაპარაკებებზე, თუ ეს საჭიროა. ჩვენ ვმუშაობთ პრეზიდენტ პუტინზე და ვნახოთ, რა იქნება. მე არ მომწონს, რაც ხდება, როდესაც რაკეტებს ესვრიან ქალაქებს, კარგი არ არის. ამას ვერ დავუშვებ“.დონალდ ტრამპს შეკითხვა დაუსვეს რუსეთის წინაააღმდეგ სანქცების შესაძლო დაწესებაზეც, რაზეც აშშ-ის პრეზიდენტმა აღნიშნა, რომ ეს სამშვიდობო პროცესზე უარყოფითად იმოქმედებს.„ვფიქრობ, რუსეთის წინააღმდეგ სანქციების დაწესება სამშვიდობო შეთანხმებას დააზარალებს. ეს ჩემი ომი არ არის, ეს ბაიდენის ომია, ეს ზელენსკის ომია და პუტინის ომია. ეს ტრამპის ომი არ არის. მე აქ ვარ, ერთი რამისთვის, რომ ვცადო ამის დასრულება, რომ გადავარჩინო ხუთი ათასი სიცოცხლე კვირაში და ბევრი ფული“, – აღნიშნა დონალდ ტრამპმა.

პოლიტიკა • 1748440938

თამთა მეგრელიშვილი: ამერიკულ მხარესთან შეხვედრებზე ივანიშვილმა უარი თქვა, რადგან ვერ ხედავს შეხვედრის მიზანს იმ პირობებში, როცა მის მიმართ ხორციელდება შანტაჟი - შესაბამისად, შეხვედრა, სახელმწიფო საქმეებზე საუბარი აზრს მოკლებულია

მავანნი იტყვიან, რომ ბიძინა ივანიშვილი საკუთარ ინტერესებს სახელმწიფოს ინტერესებზე მაღლა აყენებს, მაგრამ ეს არასწორია და ამის დადასტურებაა მისი ბრძოლა 2012 წლიდან დღემდე, - წერს „ხალხის ძალის“ წევრი, თამთა მეგრელიშვილი, „ქართული ოცნების“ საპატიო თავმჯდომარის, ბიძინა ივანიშვილის, მიერ გავრცელებულ განცხადებაზე, რომელშიც საუბარია იმ საფუძვლებზე, რომელთა გამოც აშშ-ს ელჩთან შეხვედრაზე მან უარი თქვა.მეგრელიშვილის განცხადებით, ამერიკულ მხარესთან შეხვედრებზე ბიძინა ივანიშვილმა უარი თქვა იმიტომ, რომ ის ვერ ხედავს მათი შეხვედრის მიზანს იმ პირობებში, როცა მის მიმართ ამერიკული მხარისგან ხორციელდება შანტაჟი, შესაბამისად ამ შანტაჟის პირობებში მისი და ელჩის შეხვედრა და სახელმწიფო საქმეებზე საუბარი აზრს მოკლებულია.„საქართველოს პრემიერ-მინისტრთან და ხელისუფლების სხვა თანამდებობის პირებთან შედგა საელჩოს კომუნიკაცია რათა ამერიკის ელჩი “ქართული ოცნების“ საპატიო თავმჯდომარეს ბიძინა ივანიშვილს შეხვედროდა.ამერიკულ მხარესთან შეხვედრებზე ბიძინა ივანიშვილმა უარი თქვა რადგან ის ვერ ხედავს მათი შეხვედრის მიზანს იმ პირობებში როცა მის მიმართ ხორციელდება შანტაჟი (ამერიკულმა მხარემ დაუწესა სანქციები) მაგალითად, შვეიცარიული ბანკი „იულიუს ბერი“ მის მიერ სასამართლოს გზით მოგებულ თანხას, რომელიც არავითარ ფორმალურ სანქციას არ ექვემდებარება, სრულიად თავხედურად არ უბრუნებს, რაშიც ამერიკელი ადვოკატებიც არიან ჩართული.)შესაბამისად ამ შანტაჟის პირობებში მისი და ელჩის შეხვედრა და სახელმწიფო საქმეებზე საუბარი აზრს მოკლებულია.მავანნი იტყვიან, რომ ბიძინა ივანიშვილი საკუთარ ინტერესებს სახელმწიფოს ინტერესებზე მაღლა აყენებს, მაგრამ ეს არასწორია და ამის დადასტურებაა მისი ბრძოლა 2012 წლიდან დღემდე.უფრო მეტიც ბიძინა ივანიშვილი იმდენად არის დაინტერესებული ქართულ-ამერიკული ურთიერთობების გადატვირთვით, რომ ამერიკულ მხარეს ბაიდენის ადმინისტრაციის პირობებში განუცხადა რომ ის მზად იყო დაბლოკილი თანხა არა პირადი მიზნებით, არამედ მათ მიერ ნაკარნახევი ნებისმიერი დანიშნულებით დაეხარჯა.მას ამაზე ბაიდენის ადმინისტრაციისაგან პასუხი არ მიუღია, შესაბამისად ცხადი გახდა, რომ ბაიდენის ადმინისტრაციას არა მისი თანხა, არამედ მხოლოდ ამ თანხით ბიძინა ივანიშვილის შანტაჟი აინტერესებდა.საყურადღებოა რომ ბიძინა ივანიშვილმა ელჩთან შეხვედრაზე უართან ერთად, ელჩს საქართველოს პრემიერ-მინისტრთან შეხვედრა შესთავაზა.ელჩმა ამაზე უარი განაცხადა, რაც ამყარებს ეჭვს რომ ელჩი პერსონალურ შანტაჟს განიხილავს წამყვან ფაქტორად ქართული მხარის მიერ სახელმწიფო ინტერესებთან დაკავშირებული პოტენციური გადაწყვეტილების მიღებისას.იმედია ამერიკის საელჩო დადებითად უპასუხებს საქართველოს მთავრობის შეთავაზებას ქართულ-ამერიკული სტრატეგიული პარტნიორობა დაიწყოს სუფთა ფურცლიდან და ამ მიმართულებით ხელშესახები შედეგები დაიდოს.უნდა დასრულდეს ბიძინა ივანიშვილის შანტაჟი.ქართულ - ამერიკული ურთიერთობა საერთო ინტერესებზე უნდა აიგოს და მეგობრობა პოლიტიკურ ქმედებებში უნდა გამოიხატოს“, - წერს თამთა მეგრელიშვილი.