მსოფლიო • 1769630400

FBI-მ ფულტონის ოლქის საარჩევნო ოფისში 2020 წლის საპრეზიდენტო არჩევნებთან დაკავშირებით ჩხრეკა ჩაატარა

გამოძიების ფედერალური ბიუროს (FBI) აგენტებმა ჯორჯიის შტატის ფულტონის ოლქის საარჩევნო ოფისში ჩხრეკა ჩაატარეს. ინფორმაციას ამის შესახებ ამერიკული მედია ავრცელებს.აგენტებმა იუნიონ-სიტიში მდებარე მთავარ ოფისში „სასამართლოს მიერ ნებადართული სამართალდამცავი ღონისძიება“ განახორციელეს.ფულტონის ოლქი 2020 წლის არჩევნების შემდეგ ადგილობრივ პროკურორებსა და პრეზიდენტ ტრამპს შორის დაპირისპირების ეპიცენტრად იქცა.2023 წელს ოლქის პროკურორმა, ფანი უილისმა ტრამპს რეკეტის მუხლით წაუყენა ბრალი. ის ამტკიცებდა, რომ ტრამპი და კიდევ 18 პირი შეთქმულებას აწყობდნენ ჯორჯიაში ჯო ბაიდენის გამარჯვების გასაუქმებლად.თუმცა, საქმე მას შემდეგ ჩაიშალა, რაც უილისს პროცესიდან ჩამოცილება მოუწია - ცნობილი გახდა მისი პირადი ურთიერთობის შესახებ იმ მამაკაცთან, რომელიც მანვე დანიშნა საქმის მთავარ პროკურორად. საბოლოოდ, 2025 წელს საქმე დაიხურა.გასული წლის დეკემბერში აშშ-ის იუსტიციის დეპარტამენტმა ფულტონის ოლქის წინააღმდეგ საჩივარი შეიტანა 2020 წლის არჩევნებთან დაკავშირებული ინფორმაციის გამო. უწყებამ ფედერალურ კანონმდებლობასთან შესაბამისობის დადგენის მიზნით გამოითხოვა „ყველა გამოყენებული და გაუქმებული ბიულეტენი, ხელმოწერილი კონვერტები და ციფრული ფაილები“.

მსოფლიო • 1769584317

ჯო უილსონი: სომხეთსა და აზერბაიჯანს შორის მშვიდობის მიღწევა, „ტრამპის მარშრუტის“ წარმატებით განხორციელება, ჩინეთის, ირანისა და რუსეთის გამორიცხვა შუა დერეფნიდან შესაძლებელი იქნება, თუ „ქართული ოცნება“ ანტიამერიკულ პოლიტიკას შეცვლის

გამოცემა The Hill-ი სტატიას აქვეყნებს იმის თაობაზე, რომ ამერიკელი „რესპუბლიკელი“ დონორი და ნავთობკომპანიის ხელმძღვანელი, სტივ ნიკანდროსი აშშ-ის კონგრესში MEGOBARI აქტის წინააღმდეგ ლობირებს.ნიკანდროსი ამტკიცებს, რომ სანქციები და ზეწოლა დააზიანებს საქართველოში მოქმედ ამერიკულ ბიზნესს, რადგან მის კომპანიას დიდი ფინანსური ინტერესები აქვს. მას მჭიდრო კავშირები აქვს „რესპუბლიკელ“ სენატორებთან, მათ შორის, იმ სენატორთან, რომელმაც აშშ-ის სენატში MEGOBARI აქტის დაბლოკვა მოახერხა. მეორე მხრივ, ამერიკელი კანონმდებლები, განსაკუთრებით კონგრესმენი, ჯო უილსონი, აცხადებენ, რომ MEGOBARI აქტი აუცილებელია.ამასთან ჯო უილსონი ამბობს, რომ „ქართული ოცნების“ ამჟამინდელი კურსის პირობებში რეგიონული მშვიდობა და აშშ-თან სტრატეგიული პარტნიორობა შეუძლებელია, ხოლო მათი რეალიზაცია მხოლოდ იმ შემთხვევაში გახდება შესაძლებელი, თუ ხელისუფლება პოლიტიკურ კურსს შეცვლის.„სომხეთსა და აზერბაიჯანს შორის ისტორიული მშვიდობის მიღწევა, პროექტის „ტრამპის მარშრუტი საერთაშორისო მშვიდობისა და კეთილდღეობისთვის“ წარმატებით განხორციელება, ჩინეთის, ირანისა და რუსეთის გამორიცხვა შუა დერეფნიდან შესაძლებელი იქნება მხოლოდ იმ შემთხვევაში, თუ „ქართული ოცნების“ ხელისუფლება გადახედავს და შეცვლის თავის ანტიამერიკულ პოლიტიკას“ - აცხადებს უილსონი.ამასთან, ბიზნესმენი ნიკანდროსი ამბობს, რომ „ბაიდენის ადმინისტრაციის ბოლო წელს გადადგმულმა ნაბიჯებმა და საქართველოს სუვერენულ მთავრობასთან იდეოლოგიურმა უთანხმოებამ, მნიშვნელოვნად დააზიანა აშშ–საქართველოს მჭიდრო და ხანგრძლივი ურთიერთობები“.დოკუმენტში ნიკანდროსი ეწინააღმდეგება საერთაშორისო დამკვირვებლების დასკვნებს, რომ 2024 წლის საპარლამენტო არჩევნები თავისუფალი და სამართლიანი არ იყო. ის ამტკიცებს, რომ „ქართული ოცნების“ ხელისუფლება ტრამპის ადმინისტრაციის იდეოლოგიური მოკავშირეა და მხარდაჭერას იმსახურებს.

პოლიტიკა • 1769422378

კახა კალაძე აშშ-თან ურთიერთობების შესახებ: ძალიან ბევრჯერ გაგვიკეთებია განცხადება იმასთან დაკავშირებით, რომ მზად ვართ ურთიერთობები გადაიტვირთოს

საქართველო აშშ-თან ურთიერთობების გადატვირთვის მოლოდინის რეჟიმშია, - განაცხადა დედაქალაქის მერმა კახა კალაძემ აშშ-ის ვიცე-პრეზიდენტის, ჯეი დი ვენსის სამხრეთ კავკასიის ორ სახელმწიფოში დაგეგმილ ვიზიტთან დაკავშირებით და აშშ-თან ურთიერთობების გადატვირთვის შესახებ დასმული შეკითხვის საპასუხოდ.მისი თქმით, საქართველო დამოუკიდებელი, სუვერენული სახელმწიფოა და ყველამ პატივი უნდა სცეს ამას, მიუხედავად ქვეყნის მასშტაბებისა.„ჩვენ მოლოდინის რეჟიმში ვართ. ძალიან ბევრჯერ გაგვიკეთებია განცხადება იმასთან დაკავშირებით, რომ მზად ვართ ურთიერთობები გადაიტვირთოს. პრეზიდენტ ბაიდენის ადმინისტრაციის მხრიდან რა დამოკიდებულებაც იყო საქართველოსთან მიმართებით - არასამართლიანი, მხოლოდ და მხოლოდ ტყუილი, სიცრუე, მუქარები - ეს კატეგორიულად მიუღებელია.ჩვენ ვართ დამოუკიდებელი, სუვერენული სახელმწიფო, ყველამ პატივი უნდა სცეს ჩვენს სახელმწიფოებრიობას და სუვერენიტეტს. მერე რა, რომ პატარა ქვეყანა ვართ. ვართ დამოუკიდებელი სახელმწიფო, ამისთვის ჩვენმა წინაპრებმა, ჩვენმა წინა თაობებმა იბრძოლეს. ჩვენ დღესაც გვიწევს ბრძოლა და, რა თქმა უნდა, ყველაფერს გავაკეთებთ იმისთვის, რომ, პირველ რიგში, ჩვენი ქვეყნის და ხალხის ინტერესები იყოს გატარებული. სხვა ურთიერთობას რაც შეეხება, კიდევ ერთხელ ვიმეორებ, რომ ვართ მოლოდინის რეჟიმში.მთავარი დაპირებები იყო ომის დასრულება, ასევე მთავარი დაპირება და ერთ-ერთი პრიორიტეტული ხაზი იყო „დიფ სთეითის“ დამარცხება და ვართ მოლოდინის რეჟიმში, ვგულშემატკივრობთ მას, თუ ის ნამდვილად მოახერხებს და შეძლებს ამ ყველაფერს. დღეს ნამდვილად არ ჩანს, რომ ან ომი იყოს დასრულებული, ან მან „დიფ სთეითი“ დაამარცხა. არც ერთი არის, არც მეორე, ამიტომ ვართ მოლოდინის რეჟიმში“, - განაცხადა კახა კალაძემ.

მსოფლიო • 1768669705

კრის მასარო, რომელმაც „ფოქს ნიუსზე“ რადიკალური ოპოზიციის მხარდამჭერი სტატია გამოაქვეყნა, პრეზიდენტ ტრამპის სიძულვილით გამოირჩევა - „ტრამპს მოსწონს თაყვანისცემა და ავტორიტარული შიში, ეს უფრო მეტია, ვიდრე შოკი“

Fox News-ის ახალი ამბების მკვლევარმა, კრის მასარომ, რომელიც საერთაშორისო ურთიერთობების მიმართულებით მუშაობს, რადიკალური ოპოზიციის მხარდამჭერი სტატია გამოაქვეყნა.აღსანიშნავია, რომ მასარო აქტიურად ადევნებს თვალს და აზიარებს ქართველი ოპოზიციონერი აქტივისტების ტვიტებს საპროტესტო აქციებიდან.მაგალითად, მას გაზიარებული აქვს რუსუდან ჯაყელის, „დროას“ წარმომადგენლის, მარიკა მიქიაშვილის პოსტი, რომ „3 შვილის დედას შესაძლოა ერთ წლამდე პატიმრობა მიესაჯოს ტროტუარზე დგომის გამო“. ასევე, გაზიარებული აქვს ონლაინგამოცემის „პუბლიკა“ პოსტი და სხვა.ამასთან, მასარო აშშ-ის პრეზიდენტის, დონალდ ტრამპის მიმართ სიძულვილით გამოირჩევა. მას წარსულში არაერთი პოსტი აქვს დაწერილი, რომ დონალდ ტრამპი ავტორიტარული შიშისა და თაყვანისცემის მიმართ აღფრთოვანებას გამოხატავს, რაც შოკისმომგვრელიც კი აღარ არის, გაცილებით მეტია და პირიქით, შევხვდებით ტრამპის წინამორბედის, ჯო ბაიდენის მხარდამჭერ პოსტებს.

მსოფლიო • 1768307851

ადრაშ ლასლო: ურსულა ფონ დერ ლაიენმა ცენზურისა და მანიპულაციის ახალი ინსტრუმენტები მიიღო, ევროკომისია პოლიტიკური არასამთავრობო ორგანიზაციების ფართო ქსელს აშენებს

ევროპარლამენტარმა ადრიაშ ლასლომ ევროკავშირის ახალი ინიციატია – „დემოკრატიის ფარი“ გააკრიტიკა და მას მანიპულაციის ახალი ინსტრუმენტი უწოდა.„ურსულა ფონ დერ ლაიენმა მიიღო ცენზურისა და მანიპულაციის ახალი ინსტრუმენტები. ტერი ბერტონე, კომისარი, რომელმაც ილონ მასკის ცენზურა სცადა, თანამდებობიდან წავიდა, მაგრამ ახლა გვყავს ორი ახალი ცენზურის კომისარი – მაიკლ მაკგრატი და ჰენა ვირკუნენი, რომლებიც საგარეო ჩარევის საფრთხეს საბაბად იყენებენ“, – აღნიშნა ადრაშ ლასლომ.ევროპარლამენტარის თქმით, ახალი ინიციატივა, სახელად „დემოკრატიის ფარი“, სინამდვილეში ევროკავშირს დემოკრატიისა და ევროპელი მოქალაქეებისგან იცავს.ლასლოს განცხადებით, ევროკომისია პოლიტიკური არასამთავრობო ორგანიზაციების ფართო ქსელს აშენებს.„ეს არის მიზეზი, რის გამოც ევროკომისია უარს ამბობს, გამოაქვეყნოს ბოლო წლების არასამთავრობო ორგანიზაციების გრანტები, რომელიც 17 მილიარდ ევროს შეადგენს“, – განაცხადა ევროპარლამენტარმა.ადრიაშ ლასლომ აშშ-ის მაგალითიც მოიყვანა და თქვა, რომ ბარაკ ობამასა და ჯო ბაიდენის ადმინისტრაციებმა, ჯორჯ სოროსის და სხვა ფონდებთან თანამშრომლობით, დაფინანსების ისეთი ქსელი შექმნეს, რომ შეუძლებელი გახდა მისი კონტროლი.ლასლოს თქმით, სისტემა იმდენად კორუმპირებული აღმოჩნდა, რომ USAID-ის დახურვა გადაწყდა.ადრიაშ ლასლომ კოლეგებს მოუწოდა, დემოკრატიის დაცვა თუ სურთ, შეაჩერონ არასამთავრობო ორგანიზაციების საგარეო დაფინანსება.

მსოფლიო • 1768239300

აშშ-ის სახელმწიფო დეპარტამენტმა 2025 წელს 100 000-ზე მეტი უცხოური ვიზა გააუქმა

აშშ-ის სახელმწიფო დეპარტამენტმა 2025 წელს 100 000-ზე მეტი უცხოური ვიზა გააუქმა, რაც 2024 წლის მაჩვენებელთან შედარებით ორჯერ მეტია.ამის შესახებ ინფორმაციას „ფოქს ნიუსი“ ავრცელებს.გავრცელებული ცნობით, ეს მაჩვენებელი ყველა დროის რეკორდს ხსნის.2024 წელს, ჯო ბაიდენის ადმინისტრაციის პირობებში, დეპარტამენტმა 40 000 ვიზა გააუქმა, მათი უმეტესობა ბიზნეს და ტურისტულ მოგზაურებს ეხებოდათ, რომლებიც ვიზების ვადის გასვლის შემდეგ ქვეყანაში დარჩნენ. თუმცა დაახლოებით 8 000 სტუდენტმა და 2 500 სპეციალიზებულმა მუშაკმა იურიდიული სტატუსი დაკარგა.სპეციალიზებულ მუშაკების ნახევრის შემთხვევაში ვიზების გაუქმების მიზეზი ნასვამ მდგომარეობაში მანქანის მართვის გამო დაპატიმრებებს, 30% – ძალადობას, ფიზიკურ შეურაცხყოფას ან უკანონო პატიმრობის ბრალდებებს, ხოლო დარჩენილი 20% კი ქურდობას, ბავშვებზე ძალადობას, ნარკოტიკების მოხმარებასა და გავრცელებას, ასევე თაღლითობასა და მითვისებას უკავშირდებოდა.სახელმწიფო დეპარტამენტის წარმომადგენლის თქმით, თითქმის 500 სტუდენტმა ვიზა – ნარკოტიკების შენახვისა და გავრცელების გამო, ხოლო ასობით უცხოელმა მუშაკმა, სავარაუდოდ, ბავშვებზე ძალადობის გამო დაკარგა.2025 წლის აგვისტოში აშშ-ის პრეზიდენტის, დონალდ ტრამპის ადმინისტრაციამ გამოაცხადა, რომ 55 მილიონ უცხოელს გადახედავდა, რომლებსაც აშშ-ის მოქმედი ვიზა აქვთ.მაშინ აშშ-ის სახელმწიფო დეპარტამენტში განაცხადეს, რომ ტრამპის ადმინისტრაცია გააგრძელებდა ამერიკელების პირველ ადგილზე დაყენებას და საკუთარი ერის დაცვას იმ უცხოელი მოქალაქეებისგან, რომლებიც საზოგადოებრივ ან ეროვნულ უსაფრთხოებას უქმნიდნენ საფრთხეს.დეპარტმანეტმა ასევე დააწესა უფრო მკაცრი სტანდარტები აშშ-ის ვიზების მისაღებად.2025 წლის ნოემბერში კი „ფოქს ნიუს დიჯიტალმა“ პირველად გაავრცელა ინფორმაცია, რომ დეპარტამენტი აღასრულებდა „საზოგადოებრივი ვალდებულების“ წესს, რომელიც უარს ეტყოდა ვიზებზე იმ განმცხადებლებისთვის, რომლებიც, სავარაუდოდ, სახელმწიფო შეღავათებზე იქნებოდნენ დამოკიდებული. ეს მოიცავდა ჯანმრთელობის მიზეზებს, მაგალითად, ხანდაზმული და ჭარბწონიანი ადამიანების უფრო მკაცრი კონტროლის ქვეშ დაყენებას; ინგლისური ენის ცოდნას; ფინანსებს ან გრძელვადიანი მოვლის სხვა პოტენციურ საჭიროებებს.

საზოგადოება • 1767906691

ცნობილი ხდება, „სიმფსონების“ წინასწარმეტყველება 2026 წლისთვის

„სიმფსონები“ ცნობილია უცნაური წინასწარმეტყველებებით - მაგრამ რამდენი მათგანი გამართლდება 2026 წელს?ლეგენდარული ანიმაციური სერიალი, რომელიც პირველად 1989 წელს გამოვიდა ეთერში, წლების განმავლობაში არაერთი მნიშვნელოვანი მსოფლიო მოვლენა „იწინასწარმეტყველა“. მათ შორისაა ჯო ბაიდენისა და დონალდ ტრამპის პრეზიდენტობა, Twitter-ის X-ად გადარქმევა, ლედი გაგას გამოსვლა Super Bowl-ზე და კოვიდის პანდემიაც კი.არანაკლებ უცნაურია 2026 წლისთვის გაკეთებული პროგნოზები:ხელოვნური ინტელექტი ადამიანების სამუშაოებს ანაცვლებს2012 წელს „სიმფსონების“ ერთ-ერთ ეპიზოდში, რობოტები, იმ ქალაქში, სადაც სერიალის მოქმედება ვითარდება ადამიანებს ანაცვლებს. კოსმოსური ტურიზმი1994 წელს „სიმპსონებმა“ მიანიშნეს, რომ კოსმოსში მოგზაურობა ფართო საზოგადოებისთვისაც იქნებოდა შესაძლებელი. გასულ წელს კი, ქალებისგან დაკომპლექტებულმა ეკიპაჟმა მათ შორის მომღერალმა ქეთი პერიმ, ჟურნალისტმა გეილ კინგმა და აქტივისტმა ამანდა ნგუენმა — კოსმოსში მოკლე სუბორბიტალური ფრენა განახორციელა.ახალი გრიპის შტამის გავრცელება„სიმპსონების“1993 წლის ერთ ეპიზოდში, სახელწოდებით Marge In Chains, გამოგონილი ვირუსი იაპონიიდან სპრინგფილდში გადადის სატვირთო ყუთების საშუალებით.  ეპიზოდი ასევე ასახავს, როგორ იშლება საზოგადოებრივი წესრიგი დაავადებით გამოწვეული მასობრივი პანიკის ფონზე, ქალაქში არეულობა იწყება „წამლის“ მოთხოვნით, რომელიც საბოლოოდ მარჯის გამომცხვარი ტკბილეული აღმოჩნდება.უცხოპლანეტელები დედამიწაზე ჩამოდიან1997 წლის ეპიზოდში, სახელწოდებით The Springfield Files, ორი FBI-ის აგენტი იძიებს ერთ-ერთი პერსონაჟის განცხადებას, რომ მან უცხოპლანეტელი დაინახა.და უცხოპლანეტური სიცოცხლის აღმოჩენა დედამიწაზე შესაძლოა სულაც არ იყოს შორეული მომავალი.2025 წელს, ბრიტანეთის ერთ-ერთი წამყვანი კოსმოსური მეცნიერი აცხადებს, რომ „სრულიად დარწმუნებულია“, რომ უცხოპლანეტელები არსებობენ და ისინი მომდევნო 50 წლის განმავლობაში იპოვიან. 

მსოფლიო • 1767864120

The Financial Times: ჩინეთმა აშშ-ის კონგრესის თანამშრომლების ფოსტები გატეხა

ჩინეთმა აშშ-ის კონგრესის თანამშრომლების საფოსტო სისტემები გატეხა. ინფორმაციას The Financial Times-ი ავრცელებს.როგორც გამოცემა წერს, ჩინეთის დაზვერვამ საფოსტო სისტემების გასატეხად კიბერჯგუფი Salt Typhoon-ი გამოიყენა.The Financiel Times-ს საქმეში ჩახედულმა ადამიანებმა განუცხადებს, რომ ჩინეთმა მოიპოვა წვდომა იმ ფოსტებზე, რომლებსაც აშშ-ის წარმომადგენელთა პალატის ჩინეთზე მომუშავე კომიტეტის, აგრეთვე საგარეო საქმეთა, დაზვერვისა და შეიარაღებული ძალების საკითხთა კომიტეტების თანამშრომლები იყენებენ.სისტემებში უკანონო შეღწევა დეკემბერში განხორციელდა. თავდასხმა არის ჩინეთის სახელმწიფო უსაფრთხოების სამინისტროს სადაზვერვო სამსახურის მიერ აშშ-ის საკომუნიკაციო ქსელების წინააღმდეგ წარმოებული კამპანიის ნაწილი.როგორც გამოცემას ერთ-ერთი წყარო უყვება, ჯერჯერობით უცნობია, შეძლო თუ არა ჩინეთის სახელმწიფო უსაფრთხოების სამინისტრომ ამერიკელი კანონმდებლების ფოსტებში შეღწევა. აღსანიშნავია, რომ ჩინეთის სახელმწიფო უსაფრთხოების სამინისტრო ჯგუფ Salt Typhoon-ს წლების განმავლობაში იყენებს. ის ჩინეთს შესაძლებლობას აძლევს მოუსმინოს ნებისმიერი ამერიკელის ღია სატელეფონო საუბარს ან ხმოვან შეტყობინებას.The Financial Times-ის ცნობით, Salt Typhoon-ი რამდენიმე წლის წინ აშშ-ის მაღალჩინოსნების სატელეფონო საუბრებსაც უსმენდა. აშშ-ის სენატის დაზვერვის კომიტეტის „დემოკრატმა“ წევრმა მარკ უორნერმა დეკემბერში განაცხადა, რომ მისთვის გაუგებარია, რატომ არ აქცევდნენ ყურადღებას Salt Typhoon-ს.„თუ თქვენ არ იყენებთ დაშიფრულ მოწყობილობას, ნებისმიერს თქვენგანს მოუსმენენ“, - განუცხადა უორნერმა სამხედრო ჟურნალისტების ჯგუფს.აშშ-ის ყოფილი პრეზიდენტის ჯო ბაიდენის მრჩეველმა უსაფრთხოების საკითხებში ჯეიკ სალივანმა გასულ წელს თანამდებობის დატოვების შემდეგ The Financial Times-ს განუცხადა, რომ ამერიკის სატელეკომუნიკაციო კომპანიები „ძალიან მოწყვლადები არიან“ Salt Typhoon-ის პირისპირ.

პოლიტიკა • 1767863445

დავით ქართველიშვილი: აშშ-ის გასვლა ვენეციის კომისიიდან ნიშნავს, რომ ვაშინგტონი აღარ აღიარებს ევროპულ იურიდიულ არბიტრაჟს სავალდებულო ინსტრუმენტად, რაც ვენეციის კომისიის პოლიტიკური წონის შემცირებას და გავლენის შესუსტებას გამოიწვევს

"აშშ-ის გადაწყვეტილება ვენეციის კომისიიდან გასვლის შესახებ ტრამპის ყველაზე გულწრფელი ნაბიჯია. ვენეციის კომისია არ ეხება ამერიკის უსაფრთხოებას ან ეკონომიკას. ეს არის დემონსტრაციული უარი იმ იდეაზე, რომ დემოკრატია უნდა დამტკიცდეს გარე "კომპეტენტური მოსაზრებით" და არა შიდა სუვერენული გადაწყვეტილებით", - წერს ანალიტიკოსი დავით ქართველიშვილი სოციალურ ქსელში.ქართველიშვილის შეფასებით, აშშ-ის გასვლა ვენეციის კომისიიდან ნიშნავს, რომ ვაშინგტონი აღარ აღიარებს ევროპულ იურიდიულ არბიტრაჟს სავალდებულო ინსტრუმენტად, რაც ვენეციის კომისიის პოლიტიკური წონის შემცირებას და მისი გავლენის შესუსტებას გამოიწვევს."რატომ არის აშშ-ს ადმინისტრაციის გადაწყვეტილება ვენეციის კომისიაში მონაწილეობის შეწყვეტის შესახებ - ტრამპის ყველაზე პირდაპირი და გულწრფელი ნაბიჯი. ის არ ეხება ამერიკის პრეზიდენტის ბიზნეს-პრაგმატიზმს, ხოლო ვენეციის კომისია არ ეხება ამერიკის უსაფრთხოებას ან ეკონომიკას. დეკლარირებულად ეს არის საერთაშორისო სამართლის მსაჯული, რომელიც წყვეტს - ვისი არჩევნები ჩატარდა "საკმარისად დემოკრატიულად", ვისი კონსტიტუცია "შეესაბამება სტანდარტებს", ვისი რეფორმებია "ლეგიტიმური" და ა.შ. აშშ-ს გასვლა ამ სტრუქტურიდან ცალსახად ნიშნავს, რომ ვაშინგტონი აღარ აღიარებს ევროპულ ნორმატიულ იურიდიულ არბიტრაჟს სავალდებულო ან თუნდაც სასარგებლო ინსტრუმენტად. ეს არის დემონსტრაციული უარი იმ იდეაზე, რომ დემოკრატია უნდა დამტკიცდეს გარე "კომპეტენტური მოსაზრებით", და არა შიდა სუვერენული გადაწყვეტილებით.ასე რომ ტრამპის სიგნალი ცხადია: უკიდურესი სუბიექტურობისა და იდეოლოგიური უსამართლობის ტყვეობაში მყოფი იურიდიულ-მორალური მფარველობის ეპოქა დასრულდა.ვენეციის კომისია საქართველოსთვის ფორმალური სტრუქტურა არასდროს ყოფილა - ის იყო დაცვის ინსტრუმენტი: "არადემოკრატიულობის" ბრალდებებისგან, შიდა რადიკალური სცენარებისგან, სახელმწიფო ინსტიტუტების დელეგიტიმაციის მცდელობებისგან. უფრო სწორად, ის უნდა ყოფილიყო ასეთად და ბოლო წლები, ის ასეთად არასდროს იყო. აშშ-ს ფაქტობრივი გასვლა ამ სტრუქტურიდან ნიშნავს კომისიის პოლიტიკური წონის მკვეთრ შემცირებას, მისი - როგორც "უკანასკნელი ინსტანციის ჭეშმარიტების" სტატუსის დაკარგვას. ეს ნიშნავს ბაიდენის ეპოქის დროინდელი ამერიკული პოლიტიკური ზურგის გაქრობას და ვენეციის სპეციფიურ წლებში მის ვირტუალურ ჩაძირვას თავისივე ანგაჟირებული რეკომენდაციებით. ქართული "ოპოზიცია" ამ გადაწყვეტილებით კარგავს უნივერსალურ ბერკეტს, რომლითაც ადრე შესაძლებელი იყო ხელისუფლებაზე ზეწოლა „სავალდებულო საერთაშორისო ექსპერტიზის“ სახით. ამჟამად, ზე-მნიშვნელოვანი ამერიკული ზურგის გარეშე, მთელი პასუხისმგებლობა გადაწყვეტილებებზე ქვეყნის შიგნით - კონცენტრირდება მის სუვერენულ ინსტიტუციებზე, გარე მსაჯულის გარეშე", - წერს ქართველიშვილი.

მსოფლიო • 1767856800

დონალდ ტრამპი სამხედრო ბიუჯეტის 1,5 ტრილიონ დოლარამდე გაზრდას ითხოვს

აშშ-ის პრეზიდენტი სამხედრო ბიუჯეტის 1,5 ტრილიონ დოლარამდე გაზრდას ითხოვს. ამის შესახებ დონალდ ტრამპი truth social-ზე წერს.„სენატორებთან, კონგრესმენებთან, მდივნებთან და სხვა პოლიტიკურ წარმომადგენლებთან ხანგრძლივი და რთული მოლაპარაკებების შემდეგ, გადავწყვიტე, ჩვენი ქვეყნის საკეთილდღეოდ, განსაკუთრებით ამ ძალიან პრობლემურ და საშიშ დროს, ჩვენი 2027 წლის სამხედრო ბიუჯეტი არ უნდა იყოს ერთი ტრილიონი დოლარი, არამედ უნდა იყოს 1.5 ტრილიონი დოლარი. ეს საშუალებას მოგვცემს, შევქმნათ „ოცნების ჯარი“, რისი უფლებაც დიდი ხანია, გვაქვს და, რაც მთავარია, რომელიც უზრუნველყოფს ჩვენს უსაფრთხოებას, მტრის მიუხედავად“, – წერს ტრამპი.შეერთებული შტატების პრეზიდენტი ასევე აღნიშნავს, რომ იმ უზარმაზარი შემოსავლის გამო, რომელიც ტარიფებით შედის ქვეყანაში, მას საშუალება ეძლევა, სამხედრო ბიუჯეტი გაზარდოს.„ერთ ტრილიონ დოლარს დავტოვებდი, მაგრამ ტარიფებისა და მათ მიერ მოტანილი უზარმაზარი შემოსავლის, გენერირებული თანხების გამო, რაც წარსულში წარმოუდგენელი იქნებოდა (განსაკუთრებით ერთი წლის წინ, ჯო ბაიდენის მძინარე ადმინისტრაციის, ჩვენი ქვეყნის ისტორიაში ყველაზე ცუდი პრეზიდენტის დროს), ჩვენ შეგვიძლია, მარტივად მივაღწიოთ 1.5 ტრილიონ დოლარს. ამავდროულად, შევქმნათ შეუდარებელი სამხედრო ძალა და შევძლოთ ვალის დაფარვა, ასევე, მნიშვნელოვანი დივიდენდების გადახდა ჩვენი ქვეყნის საშუალო შემოსავლის მქონე პატრიოტებისთვის“, – აღნიშნავს დონალდ ტრამპი.

მსოფლიო • 1767629040

რობერტ ფიცო: ერთი რამისთვის უნდა დავაფასო ტრამპი, მან საკუთარი გადაწყვეტილება არ გაამართლა დემოკრატიის გავრცელების ან ადამიანის უფლებების დაცვის ყალბი მიზეზებით - მან ღიად ისაუბრა ვენესუელის ნავთობზე კონტროლის მოპოვებაზე

სლოვაკეთის პრემიერ-მინისტრმა, რობერტ ფიცომ განაცხადა, რომ მიუხედავად იმისა, რომ იგი მკაცრად გმობს და უარყოფს ვენესუელის წინააღმდეგ აშშ-ის სამხედრო მოქმედებას, იგი დონალდ ტრამპს აფასებს ვაშინგტონის რეალური მოტივების ღიად გამოხატვისთვის.„ერთი რამისთვის უნდა დავაფასო ტრამპი: მან საკუთარი გადაწყვეტილება არ გაამართლა დემოკრატიის გავრცელების ან ადამიანის უფლებების დაცვის ყალბი მიზეზებით, როგორც ამას ბაიდენის ადმინისტრაცია ან ნებისმიერი წინა პრეზიდენტი გააკეთებდა. მან ღიად ისაუბრა ვენესუელის ნავთობზე კონტროლის მოპოვებასა და ვენესუელის ნავთობინდუსტრიაში ამერიკული კომპანიების შესვლაზე“, - აღნიშნა სლოვაკეთის მთავრობის მეთაურმა.ფიცომ განაცხადა, რომ მშვიდობა მისი მთავრობის სახელმძღვანელო პრინციპად უნდა დარჩეს და ხაზგასმით აღნიშნა, რომ სლოვაკეთი არავითარ „სამხედრო ავანტიურაში“ არ ჩაებმება.მან აღნიშნა, რომ დიდი სახელმწიფოები სულ უფრო ხშირად მოქმედებენ საერთაშორისო სამართლის გათვალისწინების გარეშე და გააფრთხილა [საზოგადოება], რომ გლობალური ინსტიტუტები დასუსტებულია.

მსოფლიო • 1767607740

ტრამპმა განაცხადა, რომ აშშ უკრაინაზე დახარჯულ სახსრებს დაიბრუნებს

აშშ-ის პრეზიდენტი დონალდ ტრამპი მიიჩნევს, რომ აშშ არა მხოლოდ უკრაინაზე დახარჯული ყველა სახსრის დაბრუნებას, არამედ იმაზე მეტის მიღებასაც შეძლებს და ამაში ვაშინგტონს კიევთან სასარგებლო წიაღისეულის შესახებ დადებული შეთანხმება დაეხმარება.პრესასთან საუბრისას ამერიკელმა ლიდერმა ხაზგასმით აღნიშნა, რომ უკრაინის ომი ახლა აშშ-ს „არაფერი უჯდება“, ბაიდენის ადმინისტრაციამ კი კიევს 350 მილიარდი უბრალოდ მისცა.„მე დავაბრუნე ამ თანხის მნიშვნელოვანი ნაწილი, რადგან ჩვენ დავდეთ შეთანხმება იშვიათი ლითონების შესახებ, შევედით ამ სფეროში და ჩვენ ამ ფულის დიდ ნაწილს დავიბრუნებთ. შესაძლოა, მთელ ფულს, შესაძლოა იმაზე მეტსაც კი, ვიდრე დავხარჯეთ“, - განაცხადა ტრამპმა.მან ასევე გამოთქვა იმედი, რომ უკრაინასა და რუსეთის ფედერაციას შორის სამშვიდობო შეთანხმების ხელმოწერა „უახლოეს მომავალში“ მოხდება.