მსოფლიო • 1774959845

ირანის ელჩი: ზოგიერთი ქვეყანა უნებლიეთ ან ნაჩქარევად, საკუთარ სივრცესა და ტერიტორიას როდესაც გარე ავანტიურისტებს უთმობს, ამის ფასს, ადრე თუ გვიან, ქვეყნის შიგნითვე იწვნევს

არცერთი ქვეყანა არ არის დაცული რეგიონული კრიზისის შედეგებისგან, კრიზისი ბევრად უფრო ახლოსაა, ვიდრე ერთი შეხედვით ჩანს, – ამის შესახებ საქართველოში ირანის ელჩი სეიედ ალი მოჯანი სოციალურ ქსელში წერს.მისივე თქმით,  ვინც გუშინ დონალდ ტრამპს მხარი აუბა, დღეს იძულებულია ამ ნაბიჯის ფასი გადაიხადონ.„დონალდ ტრამპისა და ამერიკის პოლიტიკის შესახებ ერთ ფაქტს ვერავინ უგულებელყოფს, როდესაც ზოგიერთი ქვეყანა, უნებლიეთ ან ნაჩქარევად, საკუთარ სივრცესა და ტერიტორიას გარე ავანტიურისტებს უთმობს, ამის ფასს, ადრე თუ გვიან, ქვეყნის შიგნითვე იწვნევს. დღეს ნიშნები აშკარაა, საექსპორტო გზების შეფერხება, კაპიტალის გადინება და საზოგადოების მზარდი შფოთვა გამომფიტავი ომის შედეგების გამო, აგრეთვე ესკალაციის რისკები, მათ შორის ამერიკის მიერ ბირთვული იარაღის გამოყენების საფრთხე. ეს ყველაფერი პატარა ქვეყნების გადაწყვეტილების მიმღებთა წინაშე დგას.ახლა, ომის ოცდამეთორმეტე დღეს, თეთრი სახლი იმასაც კი განიხილავს, რომ ამ კონფლიქტის ხარჯების ირანის სამხრეთით მდებარე ქვეყნებს დაეკისროთ. სწორედ ეს არის ის წერტილი, სადაც მოკლევადიანი გადაწყვეტილებები და მცდარი გათვლები გრძელვადიან გამოწვევებად იქცევა. ისინი, ვინც გუშინ დონალდ ტრამპს მხარი აუბეს, დღეს იძულებულნი არიან ამ ნაბიჯის ფასი გადაიხადონ. ეს მიდგომა იმავე პოლიტიკის გაგრძელებაა, რომელსაც ჯო ბაიდენიც პერიოდულად მისდევდა, როცა ხსნიდა ახალ ფრონტებს. დღეს კი თვით ნატო-ს ზოგიერთი მოკავშირე „ვაშინგტონთან დისტანციის შენარჩუნების პოლიტიკას“ ირჩევს. ყურადღება მივაქციოთ ამ ფრაზას, არცერთი ქვეყანა არ არის დაცული რეგიონული კრიზისის შედეგებისგან. კრიზისი ბევრად უფრო ახლოსაა, ვიდრე ერთი შეხედვით ჩანს“, – წერს ალი მოჯანი.

პოლიტიკა • 1774534740

ბიძინა გიორგობიანი: სუფთა ფურცლიდან რანაირად დავიწყებთ ურთიერთობას ან ევროკავშირთან, ან აშშ-სთან?! ერთმა კანდიდატის სტატუსი პოლიტიკური ტერორისთვის გამოიყენა და მეორემ ცალმხრივად გააუქმა სტრატეგიული პარტნიორობის ხელშეკრულება

სუფთა ფურცლიდან რანაირად დავიწყებთ ურთიერთობას ან ევროკავშირთან, ან აშშ-სთან?! - განაცხადა „ერთიანი ნეიტრალური საქართველოს“ პოლიტიკურმა მდივანმა ბიძინა გიორგობიანმა „დღის ქრონიკაში“.მან საქართველოსა და საერთაშორისო პარტნიორების მომავალ ურთიერთობებთან დაკავშირებით ისაუბრა.„ხელისუფლება მაინც ინარჩუნებს იმ ხაზს, რასაც ჩვენ ძალიან სკეპტიკურად ვუყურებთ. სუფთა ფურცლიდან რანაირად დავიწყებთ ურთიერთობას ან ევროკავშირთან, ან აშშ-სთან?! ერთმა საქართველოს კანდიდატის სტატუსი მისცა და მერე ეს საქართველოს წინააღმდეგ გამოიყენა შანტაჟის, ზეწოლის და პოლიტიკური ტერორისთვის და მეორემ ცალმხრივად გააუქმა საქართველოსთან სტრატეგიული პარტნიორობის ხელშეკრულება. საქართველოს წინააღმდეგ რამდენიმე წელია პოლიტიკური ბრძოლა მიმდინარეობს როგორც ბრიუსელიდან, ისე აშშ-დან. საბედნიეროდ, ტრამპის ადმინისტრაციისგან არ გვახსოვს ისეთი ისტორიები, რასაც კადრულობდნენ ბაიდენის ადმინისტრაციიდან, როდესაც ყოველკვირეულ ბრიფინგებს უძღვნიდნენ საქართველოს. პირველ რიგში ორიენტაცია გვჭირდება საკუთარ თავსა და უახლოეს მეზობლებზე. მხოლოდ ამის შემდეგ განისაზღვრება ის პრიორიტეტები, რომელიც შეიძლება ჰქონდეს ან ბრიუსელს, ან ვაშინგტონს, ან სხვა რომელიმე დედამიწის ზურგზე მყოფ სახელმწიფოს“, - აღნიშნა გიორგობიანმა.

მსოფლიო • 1774528583

აშშ-მა მოიპოვა უკრაინის მთავრობის შეტყობინებები, სადაც განიხილებოდა გეგმა ბაიდენის ხელახალი არჩევისთვის თანხების გადარიცხვის შესახებ - სტატიას ამ თემაზე დონალდ ტრამპიც აზიარებს

 აშშ-მა ხელში ჩაიგდო უკრაინის მთავრობის შეტყობინებები, სადაც განიხილებოდა გეგმა ბაიდენის ხელახალი არჩევისთვის თანხების გადარიცხვის შესახებ", - ონლაინ საინფორმაციო პორტალი "Just The News" ამ სათაურით სტატიას აქვეყნებს, რომელსაც აშშ-ის პრეზიდენტი, დონალდ ტრამპი, სოციალურ ქსელ "Truth Social"-ზე აზიარებს.გამოცემა წერს, რომ მოიპოვა დეკლასიფიცირებული სადაზვერვა ონგარიში, რომლის თანახმად, აშშ-ის სადაზვერვო სამსახურმა მოიპოვა უკრაინის მთავრობის კომუნიკაციები, რომლებშიც განიხილებოდა გეგმა, როგორ გადაენაწილებინათ ომისგან განადგურებულ ქვეყანაში სუფთა ენერგიისთვის განკუთვნილი ასობით მილიონი ამერიკელი გადასახადის გადამხდელთა ფული და გადაეტანათ აშშ-ში იმისთვის, რომ გაემდიდრებინათ მაშინდელი პრეზიდენტის, ჯო ბაიდენის 2024 წლის საარჩევნო კამპანია და დემოკრატიული ეროვნული კომიტეტი.ეროვნული დაზვერვის დირექტორმა ტულსი გაბარდმა ცოტა ხნის წინ შეიტყო ჩანაწერების შესახებ და სთხოვა აშშ-ის საერთაშორისო განვითარების სააგენტოს წარმომადგენლებს, გაეცნონ ჩანაწერებს, რათა დაადგინონ, რეალურად განხორციელდა თუ არა შეთქმულება და უნდა მოხდეს თუ არა სისხლის სამართლის საქმის FBI-ში გადაგზავნა.როგორც Just The News წერს, გაბარდის გუნდმა ვერ იპოვა არსებითი მტკიცებულებები, რომ გადაცემული საჩივრები საფუძვლიანად გამოიძიეს ბაიდენის ადმინისტრაციის პერიოდში, ხოლო ოფიციალური პირები ამბობენ, რომ კომუნიკაციები არ არის დაკავშირებული რუსეთის დეზინფორმაციის მცდელობებთან. გამოცემის ცნობითვე, გასაიდუმლოებული ანგარიში წარმოადგენს აშშ-ის სადაზვერვო სააგენტოების მიერ 2022 წლის ბოლოს სავარაუდო შეთქმულების შესახებ მოპოვებული დაუმუშავებელი ჩანაწერების შეჯამებას; ამასთან, იმ ოფიციალურმა პირებმა, რომლებიც ფაილებს გაეცნენ, განაცხადეს, რომ, როგორც ჩანს, არ არსებობდა საკმარისი ინტერესი, გამოეძიებინათ ასეთი ასენსაციური ბრალდება აშშ-ის არჩევნებში უცხოური ჩარევის შესახებ.

პოლიტიკა • 1772783275

გურამ მაჭარაშვილი: აშშ-ში საპარლამენტო დელეგაციის ვიზიტი წარმატებულია, საქართველოსთვის ასეთი ნაბიჯები უკეთესია და უარესია „ნაცმოძრაობისთვის“, რაზეც გოდებენ და ტირიან

ამერიკის შეერთებულ შტატებში საქართველოს საპარლამენტო დელეგაციის ვიზიტი საკმაოდ წარმატებულია, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მისი თქმით, აშშ-ში უკვე იყო იმის განცდა, რომ საქართველოსთან დაკავშირებით ჯო ბაიდენის ადმინისტრაციამ ძალიან მძიმე მემკვიდრეობა დატოვა.„სახელმწიდო მდივნის რუბიოს განცხადება იყო. გასაგებიცაა, ამ შემთხვევაში, ტრამპის ადმინისტრაცია ერთი წელი მოუნდა იმის გარკვევას, რატომ იყო ასეთი დამოკიდებულება საქართველოსთან მიმართებაში. ახლა გადატვირთის მცდელობას და კარგ შეხვედრებს ვხედავთ. რა თქმა უნდა, მზაობა არსებობს, ორმხრივი, მეგობრული და პარტნიორული ურთიერთობა იყოს. ვხედავთ, რომ ახლა პროცესის დასაწყისია. გასაგებია, რომ „ნაცმოძრაობასა“ და მის ფილიალებში უკვე წუხილები და პანაშვიდებია, რადგან „ნაცმოძრაობისთვის“ ჯერ კიდევ ფორმულა მოქმედებს, რომ რაც უარესი საქართველოსთვის, მით უკეთესი მათთვის. საქართველოსთვის ამერიკასთან ასეთი გადადგმული ნაბიჯები უკეთესია და უარესია „ნაცმოძრაობისთვის“, რაზეც გოდებენ და ტირიან. ეს ის პარტიაა, რომელიც ჯართში ჩასაბარებლად ემზადება საკონსტიტუციო სასამართლოს გადაწყვეტილების შემდეგ“, – განაცხადა გურამ მაჭარაშვილმა.

მსოფლიო • 1772652795

თეთრი სახლის სპიკერი: თეთრ სახლში გვყავდა ძალიან სულელი და არაკომპეტენტური ლიდერი, რომელმაც ჩვენი საუკეთესო იარაღის დიდი ნაწილი უფასოდ გადასცა შორს მდებარე სხვა ქვეყანას, სახელად უკრაინა

თეთრი სახლის პრესმდივანმა, კეროლაინ ლევიტმა ჯო ბაიდენის ადმინისტრაციის საგარეო პოლიტიკა და სამხედრო გადაწყვეტილებები მკაცრად გააკრიტიკა.ლევიტის თქმით, ოთხი წლის განმავლობაში აშშ-ს სათავეში „სულელი და არაკომპეტენტური“ ლიდერი ედგა.„სამწუხაროდ, ოთხი წლის განმავლობაში თეთრ სახლში გვყავდა ძალიან სულელი და არაკომპეტენტური ლიდერი, რომელმაც ჩვენი საუკეთესო იარაღის დიდი ნაწილი უფასოდ გადასცა შორს მდებარე სხვა ქვეყანას, სახელად უკრაინა. ტრამპი მიუთითებდა, რომ ეს იყო არაგონივრული გადაწყვეტილება“, - აღნიშნა ლევიტმა.

პოლიტიკა • 1772651710

„რასაც ჩვენ ვთავაზობთ ამერიკის შეერთებული შტატების ახალ ადმინისტრაციას, ეს არის რეალური სტრატეგიული პარტნიორობა“ - შალვა პაპუაშვილი

საქართველოს პარლამენტის თავმჯდომარე, შალვა პაპუაშვილი გადაცემა "ღამის კურიერის" ეთერში ვაშინგტონში საქართველოს საპარლამენტო დელეგაციის ვიზიტზე საუბრობს. შალვა პაპუაშვილის თქმით, რასაც საქართველო ამერიკის შეერთებული შტატების ახალ ადმინისტრაციას სთავაზობს, ეს არის რეალური სტრატეგიული პარტნიორობა.პარლამენტის თავმჯდომარის განცხადებით, ქართული მხარე ამერიკულ მხარეს პარტნიორობას სთავაზობს იმ მხრივ, რომ პარტნიორობა ცხადად ორიენტირებული უნდა იყოს ორივე ერის ინტერესებზე."ჩვენ ვსაუბრობთ ახალ სტრატეგიულ პარტნიორობაზე, რომელიც განსხვავებით წინა შემთხვევისგან, რომელიც ერთის მხრივ, ყველამ უნდა ვაღიაროთ, რომ ის სტრატეგიული პარტნიორობა, თუ გავიხსენებთ კონტექსტს როგორც ეს ჩამოყალიბდა, იყო 2008 წლის ომის შემდეგ, 2009 წელს, გარკვეული კომპენსაცია ომით დაზარალებული ქვეყნისთვის, რომ სტრატეგიული პარტნიორობის შეთანხმებას მოეწერა ხელი, რომელიც სინამდვილეში პრაქტიკაში არ რეალიზდა არანაირად და ეს იყო ფურცელზე ჩაწერილი სტრატეგიული პარტნიორობის დეკლარაცია, რომელიც ვნახეთ, რომ ბაიდენის ადმინისტრაციამ შეეცადა კიდეც, რომ ქართველი ხალხის წინააღმდეგაც გამოეყენებინა იმ მხრივ, რომ ამის გაუქმება გარკვეულწილად, საქართველოში დესტაბილიზაციის წამქეზებელი ყოფილიყო.რასაც ჩვენ ვთავაზობთ ამერიკის შეერთებული შტატების ახალ ადმინისტრაციას, ეს არის რეალური სტრატეგიული პარტნიორობა, ისეთი, როგორიც ქართველებმა ვიცით და ეს არაერთხელ ვაჩვენებთ ამერიკელებს, რომ ჩვენთვის მნიშვნელოვანი ის კი არ არის, ფურცელზე რა იყო, ჩვენ საქმით ვაჩვენეთ ეს. ეს შეგვიძლია ჩვენ, როგორც მცირე ქვეყანას ზომით თუ ეკონომიკით, ჩვენი საქმით ვაჩვენოთ. ეს ვაჩვენეთ ყველგან, სადაც კი შეგვეძლო. ჩვენ ამერიკელების გვერდში ვიდექით იქ, სადაც მათი ერთგული პარტნიორები- მაგალითად ნატოდან, გაეცალნენ. ვგულისხმობ როგორც სამშვიდობო მისიებს, ისე ვგულისხმობ მაგალითად, ავღანეთიდან როდესაც ჯარების გამოყვანა იყო, საქართველომ შესთავაზა ყველაზე მოკლე და უსაფრთხო მარშრუტი იმისთვის, რომ ჯარები გამოეყვანათ საქართველოს ტერიტორიის გავლით.ჩვენ ყველანაირად გვერდში ვუდგავართ, ვაჩვენებდით ყოველთვის, თუ რას ნიშნავს სტრატეგიული პარტნიორობა ქართულად. ასე, რომ ჩვენ ამ ქართულ პარტნიორობას კიდევ ერთხელ ვთავაზობთ იმ მხრივ, რომ იყოს პარტნიორობა, რომელიც არის ცხადად ორიენტირებული ორივე ერის ინტერესებზე, და ეს არის რაც ჩვენ გვაძლევს იმედს იმ პოლიტიკაში, რაც აქვს ტრამპის ადმინისტრაციას, მათ შორის, მარკო რუბიოს განცხადება, რომ ისინი აღიარებენ სხვა ერების ინტერესებს და ისინი სხვა ერების ინტერესების აღიარებით ამყარებენ მათთან კავშირს, იმისთვის, რომ ნახონ იქ სადაც არის საერთო წერტილები, იქ ჰქონდეთ პარტნიორობა, იქ სადაც არის შეუთანხმებლობა, დიპლომატიური გზით მოხდეს გადაწყვეტა ამ საკითხების", - აცხადებს შალვა პაპუაშვილი.   

პოლიტიკა • 1772651572

თეთრ სახლში არის ახალი ადმინისტრაცია, თუმცა ის ძალები, რომელიც სინამდვილეში იდგნენ ბაიდენის ავტოკალმის უკან, არსად წასულან - შალვა პაპუაშვილი

"თეთრ სახლში არის ახალი ადმინისტრაცია, თუმცა ის ძალები, რომელიც სინამდვილეში იდგნენ ბაიდენის ავტოკალმის უკან, არსად წასულან. ამიტომ, მნიშვნელოვანი არის, რომ სწორედ ამ ინტერესების საწინააღმდეგოდ მოხდეს, ამერიკელი და ქართველი ხალხის ურთიერთობის აღდგენა", - ამის შესახებ პარლამენტის თავმჯდომარემ, შალვა პაპუაშვილმა "ღამის კურიერის" ეთერში სტუმრობისას განაცხადა.მისი თქმით, არსებობს ოპტიმისტური მოლოდინები, რომ აშშ-სა და საქართველოს შორის ურთიერთობები ურთიერთპატივისცემაზე დაყრდნობით აღდგება."ყველასთვის დიდი წუხილია, მათ შორის, ამერიკული ადმინისტრაციისთვის, რომ არის მძიმე მემკვიდრეობა, რომელიც დატოვა ბაიდენის ადმინისტრაციამ ბევრ სფეროში, მათ შორის, საქართველოც მძიმე მემკვიდრეობად დატოვა. ყველაფერი გააკეთა წინა ადმინისტრაციამ, რომ ეს ურთიერთობა ჩამოეშალა. ჩვენ ჩვენი ზომით, ეკონომიკური პოტენციალით წყალს იქით ვერ ავამღვრევდით, მაგრამ პირიქით, წინა ადმინისტრაცია სერიოზულად ამღვრევდა საქართველოში წყალს. საბოლოო ჯამში, მიიღო ის, რომ დააზიანა ეს ურთიერთობები. იმის გათვალისწინებით, რომ როგორც ამერიკის შეერთებული შტატების ადმინისტრაცია ჩვენთან ერთად აცნობიერებს, რომ დაზიანებულია ეს ურთიერთობები და ამას სჭირდება გამოსწორება, ასევე, ჩვენ გვაქვს სრული თანხვედრა იდეოლოგიური მიმართულებებით. ის, რაზეც დღეს საუბრობს შტატების ადმინისტრაცია და რაშიც აკრიტიკებს მაგალითად ევროკავშირს, ზუსტად იგივე კრიტიკა არის ჩვენი მხრიდან ევროკავშირის მიმართ.ოპტიმიზმის საშუალებას იძლევა, რომ ურთიერთობები სწორედ ურთიერთპატივისცემაზე დაყრდნობით აღდგება. როდესაც პრეზიდენტი ტრამპი საუბრობს არაფორმალურ გავლენებზე, რომელიც ჰქონდათ წინა ადმინისტრაციაზე, არამხოლოდ ამერიკის შეერთებულ შტატებში, არამედ ევროპაშიც, საუბრობენ უკვე ყოფილი პრემიერ-მინისტრები, მაგალითად ბრიტანეთის, იმ არაფორმალურ მმართველობაზე, რომელიც არის. ეს არაფორმალური მმართველები არსად არ წასულან. თეთრ სახლში არის ახალი ადმინისტრაცია, თუმცა ის ძალები, რომელიც სინამდვილეში იდგნენ ბაიდენის ავტოკალმის უკან, არსად არ წასულან. ამიტომ მნიშვნელოვანი არის, რომ სწორედ ამ ინტერესების საწინააღმდეგოდ მოხდეს, ამერიკელი და ქართველი ხალხის ურთიერთობის აღდგენა," - განაცხადა შალვა პაპუაშვილმა.

პოლიტიკა • 1772518412

დავით ქართველიშვილი: ტრამპისთვის იქნება სუიციდი თუ ირანში გაგრძელდა ის, რაც იქ ახლა მიმდინარეობს

ირანში მიმდინარე პროცესებსა და აშშ-ის შესაძლო ჩართულობაზე ისაუბრა პარტია „ხალხის ძალის“ წევრმა დავით ქართველიშვილმა და განაცხადა, რომ კონფლიქტის ესკალაცია აშშ-ის პრეზიდენტისთვის პოლიტიკურად დამაზიანებელი იქნება.„მე ამას ომს ვერ ვუწოდებ - ეს არის სპეციალური სამხედრო ოპერაცია, რომლის ყველა მონაწილესაც თავისი მიზნები მკაფიოდ აქვს ჩამოყალიბებული და ეს პროცესი უნდა დამთავრდეს ძალიან მალე“, - აღნიშნა ექსპერტმა და განმარტა, რომ გრძელვადიანი სამხედრო ჩართულობა აშშ-ისთვის მძიმე ტვირთი იქნება.„ტრამპისთვის იქნება სუიციდი თუ ირანში გაგრძელდა ის, რაც იქ ახლა მიმდინარეობს. მე ამას ომს ვერ ვუწოდებ - ეს არის სპეციალურო სამხედრო ოპერაცია, რომლის ყველა მონაწილესაც თავისი მიზნები მკაფიოდ აქვს ჩამოყალიბებული და ეს პროცესი უნდა დამთავრდეს ძალიან მალე.ტრამპმა გააჟღერა კიდეც, რომ 4 კვირაზე მეტი არ უნდა გაგრძელდეს, რადგან ამერიკამ ძლივს გადახარშა და გადაღეჭა ის ავღანური კამპანია, რომელიც ძალიან ძვირი დაუჯდა ბაიდენის ადმინისტრაციას. ამ სუიციდს ტრამპი ერაყის, ლიბიისა და ავღანეთის შემდეგ ირანში უბრალოდ ვერ გაიმეორებს - ეს იქნება მისთვის დამღუპველი. მით უმეტეს იმ წელს, როდესაც მნიშვნელოვანი მოვლენებია ამერიკისთვის - აშშ-ის, როგორც სახელმწიფოს, 250 წლისთავი.ამისთვის ტრამპი ემზადება იმავე ლოზუნგით, რითაც დაიწყო თავისი წინასაარჩევნო კამპანია - „ვაქციოთ ამერიკა კვლავ დიადად“. უნდა აქციოს დიადად და არა ჭაობში შეიყვანოს, ამჯერად უკვე ირანის მიმართულებით.ამერიკა ელის ფეხბურთის მსოფლიო ჩემპიონატის ჩატარებას და შემოდგომაზე კონგრესში უმძიმესი შუალედური არჩევნები ელით რესპუბლიკელებს, ამიტომ სუიციდზე ტრამპი არ წავა არავითარ შემთხვევაში. მას უკვე შეუძლია უპატაკოს თავის ამომრჩეველს, რომ ყველაზე გავლენიანი პირი - ირანის ლიდერი აიათოლა ხამენეი - განეიტრალებულია, რომელიც იყო იმ თეოკრატიული მმართველობის სიმბოლო, რომელთანაც ამერიკა ვერ მონახავდა საკომუნიკაციო ენას.ახლა შესაძლოა აიათოლების ხელისუფლება ჩაანაცვლოს ირანული ხელისუფლების სხვა განშტოებამ - ირანის რევოლუციის გუშაგთა კორპუსმა, რომლის გარშემოც არიან გაერთიანებული სამართალდამცველები და სამხედროები. ეს ხელისუფლება შესაძლოა უფრო მისაღები იყოს ისრაელისთვისაც, აშშ-სთვისაც და ტრამპისთვისაც, რომელთანაც უფრო იპოვიან საერთო ენას და ერთ მაგიდასთან იმსჯელებენ საკითხებზე.თეოკრატიული მმართველობა, რომელიც ჩამოაყალიბა ერთმა აიათოლამ და შემდეგ გადასცა თავის მოწაფეს, ამერიკისთვის მიუღებელი იყო. თუ ეს სპეცოპერაცია ირანში დასრულდება, ეს ტრამპს პლიუსად ჩაეთვლება და ამომრჩეველიც გაუგებს.ირანში მოხდა უმძიმესი რამ. კონკურენცია ხელისუფლების ორ შტოს — ძალოვანებსა და თეოკრატებს შორის - ყოველთვის არსებობდა. იყო სიგნალები, რომ ირანში ტრანსფორმაცია მოხდებოდა. ძლიერი პრეზიდენტი ვერტმფრენში აფეთქებით დაიღუპა და იგი ჩაანაცვლა უფრო ლიბერალურმა პრეზიდენტმა, რომელსაც შესაძლოა დისკომფორტიც კი ჰქონდა აიათოლა ჰამენეისთან. ახლა სამხედროებისა და სამართალდამცველების კლასტერი შესაძლოა ქმნიდეს ახალ სახელისუფლებო შტოს, რომელიც აღშფოთებული იქნება მომხდარით, თუმცა მძიმე ესკალაციას თავს აარიდებენ, რადგან ეს მათ ინტერესებში არ შედის“, - განაცხადა დავით ქართველიშვილმა.

პოლიტიკა • 1772453093

თამარ ჩიბურდანიძე: მსოფლიოს ახალი წესრიგი დღესაც სისხლით იწერება და თუნდაც 21-ე საუკუნეში, პოლიტიკურმა ლიდერებმა ვერ შეძლეს ომი დიალოგით და მოლაპარაკებებით ჩაენაცვლებინათ

პარტია „ხალხის ძალის“ წევრი თამარ ჩიბურდანიძე ახლო აღმოსავლეთში შექმნილ ვითარებასთან დაკავშირებით სოციალურ ქსელში ვრცელ პოსტს აქვეყნებს და წერს, რომ ომი, რომელიც რამდენიმე ქვეყანას მოიცავს, მალე არ დასრულდება.მისი თქმით, ახლო აღმოსავლეთში შექმნილი ვითარების ფონზე კიდევ უფრო დიდი ინტრიგად რჩება ჩინეთის სიჩუმე.ჩიბურდანიძე მიიჩნევს, რომ მას შემდეგ, რაც ჩინეთი დუმილს დაარღვევს გამოჩნდება თუ როგორი იქნება მსოფლიოს ახალი პოლიტიკური არქიტექტურა.„ომი, რომელიც რამდენიმე ქვეყანას მოიცავს, მალე ვერ დასრულდება. ეს ომი იქცევა ბოლო ათწლეულების ყველაზე საშინელ ომად მსოფლიოში. მართებული იყო თუ არა ამ ომის დაწყება, ამას სულ მალე იტყვის ისტორია, მაგრამ დღეს გვაქვს ის მოცემულობა, რითაც შეგვიძლია უახლოესი პერიოდის უსაფრთხოება შევაფასოთ ჩვენს რეგიონთან მიმართებით.საბრძოლო ქმედებებზე პროფესიულ ანალიზს სამხედრო ექსპერტები აკეთებენ და ამას არ გავყვები, თუმცა, აშკარად ხილულია ამერიკა-ისრაელის სამხედრო სიძლიერე და ასევე, ირანის სულიერი სიმტკიცე. მე მხოლოდ პოლიტიკურ ასპექტში განვიხილავ მოვლენებს. ფაქტია, ირანის ხელისუფლებამ ჯიჰადის გამოცხადებით სრულიად გააერთიანა მთელი შიიტური სამყარო. არა აქვს მნიშვნელობა, სად ცხოვრობს პირი, მათ მიერ გაცხადებულ „რელიგიურ შურისძიებას“ საზღვრები არ ექნება.ამერიკა-ისრაელისა და ირანის ომი სულ ორი დღის დაწყებულია და ჯერ მოსალოდნელ კონკრეტულ შედეგებზე საუბარი ნაადრევია, თუმცა, ბრიტანეთის პრემიერის განცხადება ამერიკისთვის ბაზების დათმობაზე, რომელსაც ალბათ სხვა ქვეყნებიც მიჰყვებიან, ომის არეალს ზრდის და მისი დასრულების ვადებს ახანგრძლივებს. აქ საყურადღებოა ამ ომისგან მიღებული სარგებელი იმ ქვეყნებისთვის, რომლებიც ამ ეტაპზე არ ერთვებიან და ალბათ უკიდურეს წერტილამდე მხოლოდ განცხადებებით შემოიფარგლებიან. მაგალითად, რუსეთი, რომლის ნავთობის ფასი ყოველდღიურად იზრდება ევროპისთვის. თუ მისთვის მისაღებ სარგებელს გავითვალისწინებთ, მას ამ ომის დამთავრება მალე არ უნდა აწყობდეს.უნდა ველოდოთ თუ არა უკრაინა-რუსეთის ბრძოლის ველზე კონფლიქტის ესკალაციას? რა თქმა უნდა, ეს გარდაუვალი იქნება, რადგან რუსეთს საუკეთესო შანსი აქვს მთელი ძალით შეუტიოს „მეგობრებისგან“ ისედაც მიტოვებულ უკრაინას. დღეს ეს კონფლიქტი ახალმა და კიდევ უფრო დიდმა კონფლიქტმა ჩაანაცვლა გლობალურ არენაზე და ყურადღების ეპიცენტრი ახლო და შუა აღმოსავლეთის მოვლენებისკენაა. უკრაინას ჰქონდა შანსი, ბევრად უფრო მეტი დივიდენდები მიეღო მანამდე, ვიდრე ახლა ან მომავალში ექნება.ისევ ამერიკა-ისრაელისა და ირანის ომს რომ დავუბრუნდეთ, ბევრი სვამს კითხვას, შეიძლებოდა თუ არა ამ ომის თავიდან აცილება და მოლაპარაკების გზით პრობლემური საკითხების გარკვევა? რუსეთ-უკრაინის ომის დაწყება ბაიდენის ადმინისტრაციის მხრიდან იყო უდიდესი შეცდომა. ამ ომმა გლობალურ პოლიტიკაში გასაქანი მისცა ანტიდასავლური ახალი ლიდერი სახელმწიფოების და ალიანსების გაძლიერებას. ამერიკა კარგავდა ლიდერი სახელმწიფოს როლს, ხოლო ისლამურ სახელმწიფოებში უკვე რამდენიმე ლიდერი სახელმწიფო შეიქმნა, რაც აშშ-ს მართვის სადავეებს მათზე, ასუსტებდა.ლათინურ ამერიკაში განვითარებულ მოვლენებს ალბათ უფრო ამერიკა-რუსეთის პოლიტიკური გარიგებების ხელწერა მიჰყვება, ვიდრე დაპირისპირების. უკრაინის თემაც უკვე მათი შეთანხმების ნაწილია და რომ არა ევროპის სიჯიუტე, უკვე დასრულებული იქნებოდა. რაც შეეხება ირანს, რომელიც სერიოზული პოლიტიკური სუბიექტია, აქ გაცილებით რთულად არის საქმე.უკვე რამდენიმე ათეული წელია ირანის მმართველობა სრულად გადატანილია რელიგიურ ასპექტში იმ გათვლებით, რომ საჭირო დროს მტერთან საბრძოლველად, „რელიგიური შურისძიება“ იქნებოდა მათი ყველაზე ძლიერი იარაღი. აიათოლა ხამენეიმ შეძლო ირანელი ხალხის რელიგიურ მებრძოლებად ჩამოყალიბება, რაც დღეს უკვე სერიოზული პრობლემაა მსოფლიოს უსაფრთხოებისთვის, მათ შორის ევროპისთვის და კავკასიისთვის, სადაც მუსლიმი მოსახლეობის რაოდენობა დიდია. ბუნებრივია, მუსლიმი მოსახლეობა დიდია ამერიკასა და ბრიტანეთში. ამ გათვლებით, უნდა ველოდოთ მრავალათასიან საპროტესტო აქციებს ამ ქვეყნებში და არა მარტო აქციებს…როგორც ყოველთვის, მსოფლიოს ახალი წესრიგი დღესაც სისხლით იწერება და თუნდაც 21-ე საუკუნეში პოლიტიკურმა ლიდერებმა ვერ შეძლეს ომი დიალოგით და მოლაპარაკებებით ჩაენაცვლებინათ. ამ ომის ფონზე კიდევ უფრო დიდი ინტრიგა დევს ჩინეთის სიჩუმეში. როგორი იქნება მსოფლიოს ახალი პოლიტიკური არქიტექტურა, ამას გავიგებთ მაშინ, როდესაც ჩინეთი დუმილს დაარღვევს.ამ მოვლენების ფონზე, კიდევ უფრო იკვეთება სამხრეთ კავკასიის როლი მსოფლიო პოლიტიკაში. რეგიონში საქართველოს ნეიტრალური პოლიტიკა და გაწონასწორებული განცხადებები უმნიშვნელოვანესია არა მხოლოდ ჩვენთვის, არამედ, ჩვენი სამეზობლოსთვისაც,“ - წერს თამარ ჩიბურდანიძე.

პოლიტიკა • 1772108180

ქართველ ხალხს ერთ რამეს გეტყვით - გსურთ ევროკავშირში შესვლა? თქვენ იქ მოხვდებით ცუდ დროს. მოხვდებით იმ დროს, როდესაც იქნება მხოლოდ ვალი. გსურთ ჩვენთან ერთად ვალი გადაიხადოთ? კეთილი იყოს თქვენი მობრძანება - ტიერი მარიანი

ქართველ ხალხს ერთ რამეს გეტყვით - გსურთ ევროკავშირში შესვლა? თქვენ იქ მოხვდებით ცუდ დროს. მოხვდებით იმ დროს, როდესაც იქნება მხოლოდ ვალი. გსურთ ჩვენთან ერთად ვალი გადაიხადოთ? კეთილი იყოს თქვენი მობრძანება, - განუცხადა ევროპარლამენტარმა, ტიერი მარიანმა „ქრონიკას“.მისივე თქმით, ევროკავშირი ახლა ყველაფერს აკეთებს, რათა „ენჯეოების“ დაფინანსების ქსელი შეინარჩუნოს. მარიანი კი მიიჩნევს, რომ საჭიროა, შეაჩერონ USAID-ის ფულის ევროპული ფულით ჩანაცვლება.„აბსოლუტურად ვეთანხმები მისტერ ლასლოს ეს იყო ბაიდენის პერიოდში. ახლა, საბედნიეროდ, ტრამპმა ეს შეაჩერა და ახლა ცდილობენ აქ ფულის მოძებნას. ევროკავშირი ახლა ყველაფერს აკეთებს, რომ ეს ქსელი შეინარჩუნოს.პირველ რიგში, არის კერძო დახმარება. ბოდიში, მაგალითად, ბატონი სოროსი ან სხვა პიროვნება სახელმწიფოს ფულს არ საჭიროებს. მათ აქვთ საკუთარი ფული და აგრძელებენ მუშაობას, რათა ზოგიერთ ქვეყანაში დესტაბილიზაცია დაიწყოს.ხდება მთავრობების პოლიტიკაში ჩარევა.ამიტომ, უნდა შევაჩეროთ USAID-ის ფულის ჩანაცვლება ევროპული ფულით. ქართველ ხალხს ერთ რამეს გეტყვით. გსურთ ევროკავშირში შესვლა? თქვენ იქ მოხვდებით ცუდ დროს. მოხვდებით იმ დროს, როდესაც იქნება მხოლოდ ვალი. გსურთ ჩვენთან ერთად ვალი გადაიხადოთ? კეთილი იყოს თქვენი მობრძანება“, - აცხადებს

პოლიტიკა • 1772086894

მაკა ბოჭორიშვილი: საქართველო აშშ-თან ურთიერთობების გადახედვას ელოდება

საქართველოს საგარეო საქმეთა მინისტრმა, მაკა ბოჭორიშვილმა „რუსთავი 2“-ის ეთერში ისაუბრა ამერიკის შეერთებულ შტატებთან საქართველოს ურთიერთობებზე. მინისტრის განცხადებით, თბილისსა და ვაშინგტონს შორის კომუნიკაცია არსებობს, თუმცა გადამეტებული მოლოდინების შექმნა მიზანშეწონილი არ არის.„ნამდვილად იყო გარკვეული კომუნიკაციები აშშ-ის მხარესთან. ფაქტობრივად, ერთი წლის განმავლობაში ველოდებით აშშ-ის მხრიდან, რომ იქნებოდა გარკვეული ნაბიჯები გადმოდგმული საქართველოსთან ურთიერთობებში. იყო კომუნიკაცია, თუმცა გადამეტებული მოლოდინების შექმნა არ მინდა არც ამ კომუნიკაციების საფუძველზე“, – განაცხადა მაკა ბოჭორიშვილმა.მისივე თქმით, საქართველო ღიაა კონსულტაციებისთვის და ელოდება ურთიერთობების გადახედვას, რომელიც ორ ქვეყანას ორმხრივ პატივისცემასა და თანასწორობაზე დაფუძნებული სტრატეგიული პარტნიორობის რეჟიმში დააბრუნებს.„რა თქმა უნდა, მნიშვნელოვანია, რომ კონკრეტულ საკითხებზე დაიწყოს საუბარი. ჩვენ მოველით, რომ იქნება კონსულტაციები საქართველოსა და აშშ-ს შორის და ჩვენ მოვახერხებთ, გადავლახოთ ის მართლაც რთული მემკვიდრეობა, რომელიც დატოვა ბაიდენის ადმინისტრაციამ ჩვენს ურთიერთობებში“, – აღნიშნა მინისტრმა.როგორც მინისტრმა განაცხადა, წინა წლებში საქართველო იყო ყოველდღიური პოლიტიკური დისკუსიის საგანი ამერიკის შეერთებულ შტატებში, მათ შორის თეთრ სახლშიც, რაც ხშირად აისახებოდა ქვეყნის შიდა პოლიტიკურ პროცესებზე. ამასთან, საქართველო მუდმივად აფიქსირებდა თავის მტკიცე პოზიციას ურთიერთობების გადახედვასთან დაკავშირებით.„ჩვენი მხრიდან არაერთხელ გაჟღერდა საჯაროდ, თუ რას მივიჩნევთ აშშ-სთან ურთიერთობის გადახედვად. ის მდგომარეობა, რა მდგომარეობაშიც დატოვა ბაიდენის ადმინისტრაციამ საქართველო-ამერიკის შეერთებული შტატების ურთიერთობები, ჩვენთვის მისაღები არ არის და ესეც გვითქვამს. ისიც არაერთხელ აღგვინიშნავს, რომ მეგობარი აქტი, რომელიც განიხილებოდა ამერიკის კონგრესში და რომელსაც ჩვენ არ მივიჩნევდით არანაირად მეგობარ აქტად, არ გვსურდა, ყოფილიყო საქართველო-აშშ-ს შორის ურთიერთობების გარკვეულწილად განმსაზღვრელი და საფუძველი. ეს ყველაფერი ჩვენ გვაქვს ნათქვამი, ჩვენი პოზიციები არის დაფიქსირებული და რა თქმა უნდა მოველით, რომ აშშ-ს მხრიდან გარკვეული სიცხადე იქნება საქართველოსთან ურთიერთობებში“, – განაცხადა მაკა ბოჭორიშვილმა.მინისტრმა განსაკუთრებულ ყურადღება რეგიონთან ამერიკის შეერთებული შტატების ურთიერთობებზეც გაამახვილა. მისი თქმით, სომხეთსა და აზერბაიჯანში ამერიკის ვიცე-პრეზიდენტის ვიზიტი უკავშირდებოდა პრეზიდენტ ტრამპის მიერ სომხეთ-აზერბაიჯანის კონფლიქტის დასრულებისა და მშვიდობის მნიშვნელობის ხაზგასმას. როგორც მინისტრმა აღნიშნა, აღნიშნულ პროცესს საქართველო პოზიტიურად აფასებს და საკუთარი წვლილიც შეაქვს რეგიონში მშვიდობის ხელშეწყობის მიმართულებით. მინისტრმა ასევე ისაუბრა გავრცელებულ მოსაზრებებზე, რომ საქართველო შესაძლოა, რეგიონული პროცესების მიღმა აღმოჩნდეს.„როდესაც ჩვენი რეგიონის როლზე ვსაუბრობთ და უფრო მეტად არის საუბარი შუა დერეფანზე და ამ კონტექსტში საქართველოს მნიშვნელობაზე – წარმოუდგენელია, როგორ შეიძლება, საქართველოს როლი დააკნინო. შეუძლებელია ამის გაკეთება, რაც არ უნდა ეცადონ. არავინ გამორიცხავს ალტერნატიული გზების არსებობას და ამაში ცუდი არაფერია, მაგრამ საქართველოს გამოტოვება წარმოუდგენელია. საქართველო არის ერთადერთი ქვეყანა, რომელსაც აქვს გასასვლელი ზღვაზე და მარტო ეს კმარა იმისთვის, რომ მშვიდად იყო, რომ საქართველოს როლს ვერავინ დააკნინებს“, – ხაზგასმით განაცხადა მაკა ბოჭორიშვილმა.

მსოფლიო • 1771993617

„მოვითხოვ, დაამტკიცოთ „ამერიკის გადარჩენის აქტი“, შეჩერდეს არალეგალი უცხოელების მიერ არჩევნებში ხმის მიცემა, ხმის მიცემისთვის ამომრჩეველმა უნდა წარადგინოს მოქალაქეობის საბუთი - დონალდ ტრამპი

 აშშ-ის პრეზიდენტმა, დონალდ ტრამპმა კონგრესში სიტყვით გამოსვლისას დემოკრატებს მოუწოდა, მხარი დაუჭირონ „ამერიკის გადარჩენის აქტს“.როგორც ტრამპმა აღნიშნა, ამ აქტის ფარგლებში თითოეული ამერიკელი ვალდებული იქნება, რომ არჩევნებზე ხმის მიცემისთვის რეგისტრაციისას აშშ-ის მოქალაქეობის დამადასტურებელი საბუთი წარადგინოს.„მოვითხოვ თქვენგან, დასრულდეს სასიკვდილო ქალაქები, რომლებიც იცავენ დამნაშავეებს და დააწესეთ სერიოზული სასჯელები იმ თანამდებობის პირებისთვის, რომლებიც ბლოკავენ კრიმინალი უცხოელების გაძევებას. უმეტეს შემთხვევაში ნარკობარონების, მკვლელების მთელი ჩვენი ქვეყნის გარშემო. ისინი (დემოკრატები) ბლოკავენ ამ ადამიანების გაძევებას ჩვენი ქვეყნიდან და თქვენ უნდა გრცხვენოდეთ. მოვითხოვ, დაამტკიცოთ „ამერიკის გადარჩენის აქტი“, რათა შეჩერდეს არალეგალი უცხოელების მიერ ხმის მიცემა ჩვენს წმინდა ამერიკულ არჩევნებში. ეს თაღლითობა ყოველმხრივ არის გავრცელებული. ყოველმხრივ. ეს ძალიან მარტივია: ყველა ამომრჩეველმა უნდა წარადგინოს პირადობის დამადასტურებელი საბუთი. ყველა ამომრჩეველმა უნდა წარადგინოს მოქალაქეობის საბუთი ხმის მიცემისთვის. აღარ იქნება გაყალბებული ბიულეტენები. რატომ არ მოუნდება ვინმეს ამომრჩევლის პირადობის დამადასტურებელ საბუთი? ამას ერთი მიზეზი აქვს, რადგან სურთ, ითაღლითონ. ისინი მოიგონებენ ყველა საბაბს, იტყვიან, რომ ეს რასიზმია. მოიფიქრებენ სხვადასხვა რამეს. თქვენც კი გაგიკვირდებათ, რა ფანტაზია აქვთ. მათ სურთ თაღლითობა. მათ მოიტყუეს და მათი პოლიტიკა იმდენად ცუდია, რომ არჩევნებში გამარჯვება მხოლოდ მოტყუებით შეუძლიათ. ჩვენ ამას შევაჩერებთ“, – განაცხადა ტრამპმა.მიგრანტებზე საუბრისას აშშ-ის პრეზიდენტმა ასევე აღნიშნა, რომ მისი ადმინისტრაციაში დაბრუნების შემდეგ საზღვრის უკანონოდ გადაკვეთის ნული შემთხვევაა, ხოლო წინამორბედის ბაიდენის დროს მილიონობით არალეგალი შევიდა ქვეყანაში.„მილიონობით შემოდიოდნენ ციხეებიდან, ფსიქიატრიული დაწესებულებებიდან. მოხდა 11 888 მკვლელობა. ისინი შემოვიდნენ ჩვენს ქვეყანაში. თქვენ ამის უფლება მიეცით“, – განაცხადა ტრამპმა.