აჭარა

„მადლობა ნდობისთვის, მადლობა შესაძლებლობისთვის, რომ ჩემი მრავალწლიანი გამოცდილება საჯარო სამსახურში, ჩემს ხალხს მოვახმარო“ - სულხან თამაზაშვილი

"მადლობა ნდობისთვის, მადლობა შესაძლებლობისთვის, რომ ჩემი მრავალწლიანი გამოცდილება საჯარო სამსახურში მოვახმარო ჩემს ხალხს," - ეს განცხადება აჭარის მთავრობის თავმჯდომარეობის კანდიდატმა, სულხან თამაზაშვილმა გააკეთა."ეს არის პასუხისმგებლობა, რომელსაც ამძაფრებს ის გარემოება, რომ მე ამ კუთხის შვილი ვარ - დავიბადე და გავიზარდე აჭარაში, ჩემს მეხსიერებაში ყველაზე კარგი თუ რამე მახსენდება, სწორედ ამ წლებს უკავშირდება. მადლობა შესაძლებლობისთვის, რომ ჩემი მრავალწლიანი გამოცდილება საჯარო სამსახურში მოვახმარო ჩემს ხალხს და რესპუბლიკას", - აღნიშნა სულხან თამაზაშვილმა.შეგახსენებთ, რომ საქართველოს პრეზიდენტმა მიხეილ ყაველაშვილმა აჭარის უმაღლესი საბჭოს თავმჯდომარის პოსტზე, საბჭოს წევრებს სულხან თამაზაშვილის კანდიდატურა წარუდგინა.თორნიკე რიჟვაძემ, რომელიც ამ პოსტს 7 წლის განმავლობაში იკავებდა, თანამდებობა დღეს დატოვა.

პოლიტიკა • 1743784920

ირაკლი კობახიძე: ძალიან მნიშვნელოვანი იქნება სულხან თამაზაშვილის საქმიანობა აჭარის ავტონომიური რესპუბლიკის მთავრობის თავმჯდომარის თანამდებობაზე, ბევრი რამ გაკეთდა აჭარისთვის და ამ საქმეს სჭირდება ღირსეული გაგრძელება

მთავრობის მეთაურმა გაწეული საქმიანობისთვის მადლობა გადაუხადა თორნიკე რიჟვაძეს და აღნიშნა, რომ გასული წლების განმავლობაში აჭარაში განხორციელდა უმნიშვნელოვანესი პროექტები და ამ საქმეს ღირსეული გაგრძელება სჭირდება.„თორნიკე რიჟვაძე 7 წლის განმავლობაში ემსახურებოდა აჭარის ავტონომიურ რესპუბლიკას, ჩვენი ქვეყნის ამ უმნიშვნელოვანეს მხარეს. ძალიან ბევრი რამ გაკეთდა აჭარისთვის გასული წლების განმავლობაში, განხორციელდა უმნიშვნელოვანესი პროექტები, პროგრამები იმისათვის, რომ განვითარდეს ჩვენი ქვეყნის ეს უმნიშვნელოვანესი, ულამაზესი მხარე.რა თქმა უნდა, ამ საქმეს სჭირდება ღირსეული გაგრძელება. ვფიქრობთ, წარმოგიდგენთ ძალიან ღირსეულ კანდიდატს, სულხან თამაზაშვილს, რომელიც ძალიან მნიშვნელოვან სტრუქტურაში, შინაგან საქმეთა სამინისტროში, წლების მანძილზე ღირსეულად ემსახურებოდა ჩვენს სახელმწიფოს, ჩვენს ქვეყანას. ის არის აჭარელი, აჭარაში დაბადებული, გაზრდილი და რა თქმა უნდა, ძალიან მნიშვნელოვანი იქნება მისი საქმიანობა აჭარის ავტონომიური რესპუბლიკის მთავრობის თავმჯდომარის თანამდებობაზე. მას აქვს გამოცდილება, სათანადო უნარ-ჩვევები იმისთვის, რომ სათანადოდ წარმართოს მისი საქმიანობა, რომელიც დაკავშირებულია აჭარის ავტონომიური რესპუბლიკის განვითარებასთან. ბევრი გამოწვევაა ჩვენს წინაშე და დარწმუნებული ვარ, რომ ამ გამოწვევებს სულხან თამაზაშვილი თავს საუკეთესოდ გაართმევს“, - განაცხადა პრემიერმა.საქართველოს პრეზიდენტმა მიხეილ ყაველაშვილმა აჭარის უმაღლესი საბჭოს თავმჯდომარის პოსტზე საბჭოს წევრებს სულხან თამაზაშვილის კანდიდატურა წარუდგინა.აჭარის მთავრობის თავმჯდომარის თანამდებობა თორნიკე რიჟვაძემ დღეს დატოვა.

პოლიტიკა • 1743784200

ძალიან მნიშვნელოვანი იქნება სულხან თამაზაშვილის საქმიანობა აჭარის ავტონომიური რესპუბლიკის მთავრობის თავმჯდომარის თანამდებობაზე, ბევრი რამ გაკეთდა აჭარისთვის და ამ საქმეს სჭირდება ღირსეული გაგრძელება - ირაკლი კობახიძე

ძალიან მნიშვნელოვანი იქნება სულხან თამაზაშვილის საქმიანობა აჭარის ავტონომიური რესპუბლიკის მთავრობის თავმჯდომარის თანამდებობაზე, - ამის შესახებ საქართველოს პრემიერ-მინისტრმა ირაკლი კობახიძემ აჭარის ავტონომიური რესპუბლიკის მთავრობის თავმჯდომარეობის კანდიდატის წარდგენისას განაცხადა.მთავრობის მეთაურმა გაწეული საქმიანობისთვის მადლობა გადაუხადა თორნიკე რიჟვაძეს და აღნიშნა, რომ გასული წლების განმავლობაში აჭარაში განხორციელდა უმნიშვნელოვანესი პროექტები და ამ საქმეს ღირსეული გაგრძელება სჭირდება."თორნიკე რიჟვაძე 7 წლის განმავლობაში ემსახურებოდა აჭარის ავტონომიურ რესპუბლიკას, ჩვენი ქვეყნის ამ უმნიშვნელოვანეს მხარეს. ძალიან ბევრი რამ გაკეთდა აჭარისთვის გასული წლების განმავლობაში, განხორციელდა უმნიშვნელოვანესი პროექტები, პროგრამები იმისათვის, რომ განვითარდეს ჩვენი ქვეყნის ეს უმნიშვნელოვანესი, ულამაზესი მხარე. რა თქმა უნდა, ამ საქმეს სჭირდება ღირსეული გაგრძელება. ვფიქრობთ, წარმოგიდგენთ ძალიან ღირსეულ კანდიდატს, სულხან თამაზაშვილს, რომელიც ძალიან მნიშვნელოვან სტრუქტურაში, შინაგან საქმეთა სამინისტროში, წლების მანძილზე ღირსეულად ემსახურებოდა ჩვენს სახელმწიფოს, ჩვენს ქვეყანას. ის არის აჭარელი, აჭარაში დაბადებული, გაზრდილი და რა თქმა უნდა, ძალიან მნიშვნელოვანი იქნება მისი საქმიანობა აჭარის ავტონომიური რესპუბლიკის მთავრობის თავმჯდომარის თანამდებობაზე. მას აქვს გამოცდილება, სათანადო უნარ-ჩვევები იმისთვის, რომ სათანადოდ წარმართოს მისი საქმიანობა, რომელიც დაკავშირებულია აჭარის ავტონომიური რესპუბლიკის განვითარებასთან. ბევრი გამოწვევაა ჩვენს წინაშე და დარწმუნებული ვარ, რომ ამ გამოწვევებს სულხან თამაზაშვილი თავს საუკეთესოდ გაართმევს“, - განაცხადა პრემიერმა.

პოლიტიკა • 1743774900

არჩილ გორდულაძე ლილუაშვილზე: როდესაც არის გარკვეული განსხვავებული აზრები კონკრეტულ საკადრო პოლიტიკასთან დაკავშირებით, ამა თუ იმ საკითხთან დაკავშირებით, შემდეგ უკვე პრემიერი იღებს გადაწყვეტილებას, რომელიც იქნა მიღებული

როდესაც არის გარკვეული განსხვავებული აზრები კონკრეტულ საკადრო პოლიტიკასთან დაკავშირებით, ამა თუ იმ საკითხთან დაკავშირებით, შემდეგ უკვე პრემიერი იღებს გადაწყვეტილებას, რომელიც იქნა მიღებული, - განაცხადა „დღის ქრონიკასთან“ საუბრისას იურიდიული კომიტეტის თავმჯდომარემ არჩილ გორდულაძემ საკადრო გადაადგილებებთან დაკავშირებით.არჩილ გორდულაძე გამოეხმაურა გრიგოლ ლილუაშვილთან დაკავშირებულ გადაწყვეტილებას, რომლის მიხედვითაც ის რეგიონული განვითარების მინისტრის პოსტს აღარ ჩაიბარებს.მისი თქმით, ლოგიკურია ის გადაწყვეტილება, რომელიც იქნა მიღებული.არჩილ გორდულაძემ საკადრო გადაადგილებებზე ისაუბრა.„თორნიკე რიჟვაძემ გააკეთა განცხადება და ახსნა კიდეც რატომ მიიღოს გადაწყვეტილება. სავსებით ლოგიკურია, რომ ადამიანი, რომელიც 7 წლის განმავლობაში ხელმძღვანელობდა უმნიშვნელოვანეს რეგიონს, რომელსაც აჭარა ჰქვია, მისივე გადაწყვეტილებით მნიშვნელოვანია, რომ შესაბამისი ცვლილებები განხორციელდეს მართვასთან დაკავშირებით და სხვადასხვა გადაწყვეტილებების მიღებასთან და პრაქტიკაში აღსრულებასთან დაკავშირებით. ეს სავსებით ლოგიკას დაქვემდებარებული საკითხია.რაც შეეხება ბატონ გრიგოლთან დაკავშირებით ბატონი პრემიერის, ირაკლი კობახიძის გადაწყვეტილებას, ეს არის მთავრობის გადაწყვეტილება. მოგეხსენებათ, რომ მთავრობას ხელმძღვანელობს პრემიერ-მინისტრი, რომელიც იღებს გადაწყვეტილებას საკადრო საკითხებთან დაკავშირებით და როდესაც არის გარკვეული განსხვავებული აზრები კონკრეტულ საკადრო პოლიტიკასთან დაკავშირებით, ამა თუ იმ საკითხთან დაკავშირებით, შემდეგ უკვე პრემიერი იღებს გადაწყვეტილებას, რომელიც იქნა მიღებული.ჩვენ წარმატებები უნდა ვუსურვოთ ბატონ თორნიკეს შემდგომ საქმიანობაში, ბატონ გრიგოლსაც. და ამავდროულად, ახალ მინისტრს, კახა გულედანსაც, რომელიც არის ქვეყანაზე შეყვარებული ადამიანი, პატრიოტი კაცი, თავისი საქმის პროფესიონალი, რომელსაც აქვს თვითმმართველობაში, მუნიციპალიტეტში საქმიანობის არაერთწლიანი გამოცდილება. და შეგვიძლია, რომ ჩვენს მეგობარ ადამიანს ვუსურვოთ ძალიან ბევრი წარმატება იმ მნიშვნელოვან საქმეში, რომელსაც ჰქვია რეგიონული მინისტრის პოზიცია. სამთავრობო გუნდის გაცხადებული პოზიციაა, რომ მნიშვნელოვანია მუნიციპალიტეტების უფლებამოსილებები იყოს გაზრდილი, გაძლიერება მოხდეს მუნიციპალიტეტებისა, რაც კიდევ უფრო ხელს შეუწყობს სოფლად თუ ქალაქად დასახლებულ ადამიანებს, რომ მათი ყოველდღიური საჭიროებები უკეთ იყოს მოგვარებული“, - განაცხადა არჩილ გორდულაძემ.ცნობისთვის, აჭარის მთავრობის თავმჯდომარის თანამდებობიდან გადადგომის შესახებ განცხადება თორნიკე რიჟვაძემ დღეს გაავრცელა. დღესვე ცნობილი გახდა, რომ სუს-ის ყოფილი უფროსი გრიგოლ ლილუაშვილი რეგიონული განვითარების სამინისტროს აღარ უხელმძღვანელებს. ამ პოსტზე პრემიერ-მინისტრმა კახაბერ გულედანი წარადგინა.

პოლიტიკა • 1743763314

აჭარის მთავრობის თავმჯდომარის ახალ კანდიდატურას, დიდი ალბათობით, დღესვე წარვადგენთ პრეზიდენტთან ერთად - ირაკლი კობახიძე

აჭარის მთავრობის თავმჯდომარის ახალ კანდიდატურას, დიდი ალბათობით, დღესვე წარვადგენთ პრეზიდენტთან ერთად, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.პრემიერმა თორნიკე რიჟვაძეს გაწეული საქმიანობისთვის მადლობა გადაუხადა.„გვექნება კონსულტაციები. მე გუშინაც მქონდა საუბარი თორნიკე რიჟვაძესთან. მან მიიღო ეს გადაწყვეტილება. მე მას მინდა, მადლობა გადავუხადო. ბევრი რამ გაკეთდა აჭარაში გასული წლების განმავლობაში და მას ამისთვის მადლობა მინდა გადავუხადო. რაც შეეხება მომავალში აჭარის მთავრობის თავმჯდომარის კანდიდატურას, დიდი ალბათობით, დღესვე წარვადგენთ პრეზიდენტთან ერთად ახალ კანდიდატურას. გვაქვს ამასთან დაკავშირებით პრეზიდენტთან და ასევე შესაძლო კანდიდატთან კონსულტაციები. დიდი ალბათობით, დღეს უკვე წარვადგენთ კანდიდატს. წინ არ გავუსწრებ მოვლენებს, დღეისათვის უკვე შეიძლება შედგეს ოფიციალური წარდგენა“, - განაცხადა პრემიერმა.

პოლიტიკა • 1743754676

ყოველთვის თვალში საცემი იყო ის განსაკუთრებული პატრიოტიზმი, რომელიც მას აჭარის მიმართ აქვს და თვალში საცემი იყო ის სიყვარული, რომელიც აჭარის მოსახლეობას მის მიმართ აქვს - შალვა პაპუაშვილი

აჭარამ, როგორც რეგიონმა, ბათუმმა, როგორც ქალაქმა, თითოეულმა რაიონმა, დასახლებამ აჭარაში წინ მნიშვნელოვნად წაიწია და ამაში თორნიკე რიჟვაძის განსაკუთრებული დამსახურება არის, - განაცხადა საქართველოს პარლამენტის თავმჯდომარემ შალვა პაპუაშვილმა.„სხვათა შორის, ბრიფინგამდე ვესაუბრე მას და მადლობა გადავუხადე იმ საქმიანობისთვის, რომელიც მან თითქმის შვიდი წლის განმავლობაში აჭარისთვის გაწია. ფაქტი ხომ მართლაც ჯიუტია და შეფასებაც აღარ სჭირდება დავინახოთ თუ რამდენად წაიწია წინ აჭარამ, როგორც რეგიონმა, რამდენად წაიწია წინ ბათუმმა, როგორც ქალაქმა, თითოეულმა რეგიონმა, რაიონმა, დასახლებამ აჭარაში და ამაში თორნიკეს განსაკუთრებული დამსახურება არის. რა თქმა უნდა, ყოველთვის თვალში საცემი იყო ხოლმე ის განსაკუთრებული პატრიოტიზმი, რომელიც მას აჭარის მიმართ აქვს და განსაკუთრებულად თვალში საცემი იყო ხოლმე ის სიყვარული, რომელიც აჭარის მოსახლეობას თორნიკე რიჟვაძის მიმართ აქვს. ეს არის სწორედ, როდესაც ადამიანი ზრუნავს საკუთარ რეგიონზე, რა თქმა უნდა, ამას შემდეგ შესაბამისი გამოხმაურებაც აქვს, ამიტომ მე მას მადლობა გადავუხადე გაწეული საქმიანობისთვის, რაც შეეხება მის გეგმებს ეს მას უნდა ჰკითხოთ“, - განაცხადა პაპუაშვილმა.აჭარის ავტონომიური რესპუბლიკის თავმჯდომარემ თორნიკე რიჟვაძემ თანამდებობა დატოვა.

პოლიტიკა • 1743671395

გურამ მაჭარაშვილი რამაზ ახვლედიანს: თქვენი მაგალითი არის კლასიკური სახე სისტემური დანაშაულის, როდესაც სქემაში ჩართულია დაწყებული ნოტარიუსიდან, გაგრძელებული კერძო ბიზნესით - ხაზარაძის სახით

„ხალხის ძალის“ აღმასრულებელმა მდივანმა, პარლამენტის დროებითი საგამოძიებო კომისიის წევრმა, გურამ მაჭარაშვილმა, „ნაციონალური მოძრაობის“ რეჟიმის მიერ დაზარალებული ბიზნესმენის, რამაზ ახვლედიანის მონათხრობი შეაჯამა და მას სისტემური დანაშაულის მაგალითი უწოდა. მაჭარაშვილის განცხადებით, რამაზ ახვლედიანის საქმე არის, სისტემური დანაშაულის სახე, რომელშიც ჩართული იყო თავისუფალი პროფესიის ადამიანი - ნოტარიუსი, კერძო ბიზნესის - ხაზარაძის სახით, ფინანსური პოლიცია, პროკურატურა, მერია და თავში პრეზიდენტი.„მოგეხსენებათ ჩვენი კომისიის მიზანი გახლავთ, რომ შევაფასოთ „ნაციონალური მოძრაობის“ რეჟიმის პერიოდი, ახლა უკვე იმის შემდგომიც, მაგრამ ამ შემთხვევაში თქვენი მაგალითი წარმოადგენს მაშინდელ დროს და როდესაც საუბარია იმასთან დაკავშირებით, რომ სისტემური დანაშაული სად არის „ნაციონალური მოძრაობის“ დროს, გარდა იმისა, რომ სტრასბურგის საერთაშორისო სასამართლოს არაერთ გადაწყვეტილებაში ეს პირდაპირ აქვს ჩაწერილი, რომ „ნაციონალური მოძრაობის“ დროს იყო სისტემური დანაშაული. თქვენი მაგალითი ამ შემთხვევაში, არის ერთ-ერთი კლასიკური სახე სისტემური დანაშაულის, როდესაც ჩართულია დაწყებული თავისუფალი პროფესიის ადამიანისგან - ნოტარიუსისგან, გაგრძელებული კერძო ბიზნესის - ხაზარაძის სახით, სადაც ჩართულია ფინანსური პოლიცია, პროკურატურა, მერია და თავში პრეზიდენტი. აი ეს არის კლასიკური მაგალითი, რაც ახლა საზოგადოებამ მოისმინა თქვენგან, მტკიცებულებებით გამყარებული საქმე შესაბამისად, სწორედ ამიტომ, მსგავსი საქმე იქნებოდა, დარწმუნებული ვარ, სტრასბურგში როდესაც მან დაწერა ასევე, რომ სისტემური დანაშაული იყო. ეს არის ერთ-ერთი კლასიკური სახე. ასევე, ბატონი ლეონიძის საქმე, რომელიც ქალბატონმა თეამ ახსენა იქაც, სამწუხაროდ, მონაწილეობს ხაზარაძე და ჯაფარიძე, ასევე იქაც იმ შემთხვევაში ფერები მოეწონათ, როგორც ბატონმა ლეონიძემ ბრძანა და იქაც ჩართულია ნოტარიუსი, კერძო ბიზნესი, ფინანსური, პროკურატურა და თავში პრეზიდენტი. ბატონი ლეონიძის შემთხვევაში მან აღნიშნა, რომ პატიმარი რომ იყო საერთოდ არ მოუკითხავს ხაზარაძეს მიუხედავად იმისა, რომ თავის დროზე პარტნიორები იყვნენ,“- განაცხადა გურამ მაჭარაშვილმა.

პოლიტიკა • 1743654474

ვიბარებთ იმ ადამიანებს, რომლებიც პირდაპირ ეთერში საჯაროდ, ფაქტობრივად, მტკიცებულებებს აწვდიან კომისიას იმასთან დაკავშირებით, თუ რა შედეგები ჰქონდა „ნაცმოძრაობის“ რეჟიმს - გურამ მაჭარაშვილი საგამოძიებო კომისიაზე

„ხალხის ძალის“ აღმასრულებელმა მდივანმა, პარლამენტის დროებითი საგამოძიებო კომისიის წევრმა გურამ მაჭარაშვილმა კომისიის მუშაობის მნიშვნელობაზე ისაუბრა.„ვიბარებთ იმ ადამიანებს, რომლებიც პირდაპირ ეთერში საჯაროდ, ფაქტობრივად, მტკიცებულებებს აწვდიან კომისიას იმასთან დაკავშირებით, თუ რა შედეგები ჰქონდა „ნაცმოძრაობის“ რეჟიმს ადამიანების წამებასთან, ქონების წართმევასთან დაკავშირებით. ჩვენი ვალდებულებაა, რომ ეს მტკიცებულებები შევაგროვოთ და შესაბამისად, დაიდება დასკვნა, სადაც დარწმუნებული ვარ, იქნება საკმარისზე მეტი მასალა და დოკუმენტაცია იმისთვის, რომ შესაბამის უწყებას ჰქონდეს საფუძველი ამ კოლექტიური „ნაცმოძრაობის“ გაუქმების”, - განაცხადა გურამ მაჭარაშვილმა.პარლამენტის საგამოძიებო კომისიის სხდომაზე დღეს რამაზ ახვლედიანს, გივი თარგამაძესა და კახა დაბრუნდაშვილს მოუსმენენ, სხდომას პენიტენციური დაწესებულებიდან მსჯავრდებულიც ჩაერთვება.

პოლიტიკა • 1743612970

ვინც ჩამოდის საქართველოში არეულობის მოსაწყობად, მათ მივმართავთ: გაშიფრულები ხართ უკვე მეგობრებო, შესაბამისად, ნუ შეიწუხებთ თავს. არავინ მოგცემთ საშუალებას, რომ სიტუაცია აურიოთ - გურამ მაჭარაშვილი

„ხალხის ძალის“ აღმასრულებელი მდივანი, გურამ მაჭარაშვილი მიმართავს იმ უცხოელ აქტორებს, რომელთაც, მისი თქმით, საქართველოში არეულობის მოწყობა სურთ. დეპუტატის განცხადებით, ნებისმიერი ასეთი მცდელობა, უშედეგოდ დასრულდება.„იმ უცხოელებს მივმართავთ, ყველას ვინც ჩამოდის საქართველოში არეულობის მოსაწყობად: გაშიფრული ხართ უკვე მეგობრებო და შესაბამისად ნუ შეიწუხებთ თავს და თუ მაინც შეიწუხებთ, აქ არავინ მოგცემთ საშუალებას, რომ სიტუაცია აურიოთ“, - აცხადებს მაჭარაშვილი.

პოლიტიკა • 1743586013

ხაბეიშვილს თუ მივუმატებთ ჩერგოლეიშვილს, გამოვაკლებთ გახარიას და გავამრავლებთ ხაზარაძეზე, მაინც მივიღებთ ზურაბიშვილს - გურამ მაჭარაშვილი

„ნაცმოძრაობაში“ რაც ხდება, მათემატიკური ფორმულაც ვერ ამოხსნის, მათი გამოსვლებიდან ერთადერთი ფორმულა შეიძლება იყოს, თუ ხაბეიშვილს მივუმატებთ ჩერგოლეიშვილს, გამოვაკლებთ გახარიას და გავამრავლებთ ხაზარაძეზე, მაინც მივიღებთ ზურაბიშვილს, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მისი თქმით, მათი გამოსვლა ერთმანეთის გამოსვლას არც შინაარსში და არც ფორმაში არ ემთხვევა.„ნაცმოძრაობაში“ რაც ხდება, ამას ალბათ მათემატიკური ფორმულაც ვერ ამოხსნის. მათი გამოსვლებიდან ერთადერთი ფორმულა შეიძლება იყოს, რომ თუ ხაბეიშვილს მივუმატებთ ჩერგოლეიშვილს, მერე გამოვაკლებთ გახარიას და გავამრავლებთ ხაზარაძეზე, მაინც მივიღებთ ზურაბიშვილს. ეს არის ფორმულა რითაც შეიძლება ახსნა მათი ნებისმიერი გამოსვლა. არცერთი მათგანის გამოსვლა მეორესას არ ემთხვევა, არც შინაარსში და არც ფორმაში. აბსოლუტურად უნდობლობა აქვთ მათივე ამომრჩევლებში. ბუნებრივია, რომ ერთადერთი კომენტარი რაც შეიძლება გააკეთო, კომიკურია“, – განაცხადა გურამ მაჭარაშვილმა.

პოლიტიკა • 1743584661

სუს-ის ხელმძღვანელს უფლებამოსილების ვადა წელს ეწურებოდა, კანონის თანახმად, პრემიერს აღარ შეეძლო, მისი კანდიდატურა ამ თანამდებობაზე ხელახლა წარმოედგინა - მაჭარაშვილი

სახელმწიფო უსაფრთხოების სამსახურის ხელმძღვანელს უფლებამოსილების ვადა წელს ეწურებოდა. კანონის თანახმად, პრემიერს აღარ შეეძლო, ამ თანამდებობაზე მისი კანდიდატურა ხელახლა წარმოედგინა, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა საკადრო ცვლილებებთან დაკავშირებით განაცხადა.მაჭარაშვილის განმარტებით, ვინაიდან რეგიონული განვითარებისა და ინფრასტრუქტურის სამინისტრო გაიყო და იმის გათვალისწინებით, რომ რამდენიმე თვეში გრიგოლ ლილუაშვილს ისედაც ეწურებოდა უფლებამოსილების ვადა, ბუნებრივია, რომ ამ პოსტზე წარადგინა ლილუაშვილი, რომელსაც რეგიონთან ურთიერთობის დიდი გამოცდილება აქვს.გურამ მაჭარაშვილის თქმით, არანაირი მნიშვნელობა არ აქვს, რას იტყვის ამ საკითხზე „კოლექტიური ნაცმოძრაობა“.„გადაწყდა, რომ რეგიონული განვითარების სამინისტრო შეიქმნება. ეს კარგი გადაწყვეტილება იმითაც არის, რომ ინფრასტრუქტურა მაინც სხვა სფეროა. კარგია, თუ რეგიონული განვითარების სამინისტრო ცალკე იქნება და ისეთი გამოცდილების მქონე ადამიანი, როგორიც გახლავთ ბატონი გრიგოლ ლილუაშვილი, ამ სამინისტროს სათავეში ჩაუდგება. ეს საქმეს ორმაგად წაადგება, რეგიონულ განვითარებასაც და ზოგადად იმ სფეროს, რომელიც რეგიონული განვითარებისთვის არსებობს. ასევე, მნიშვნელოვანია ის ფაქტი, რომ ანრი ოხანაშვილი, რომელიც გამორჩეული ქართველი პატრიოტი და გამორჩეული პროფესიონალია, რომელმაც როგორც სამეცნიერო, ასევე საპარლამენტო და აღმასრულებელი ხელისუფლების სკოლა გაიარა იუსტიციის მინისტრის პოსტზე, დარწმუნებული ვარ, ძალიან მნიშვნელოვანი და წარმატებული იქნება სახელმწიფო უსაფრთხოების სამსახურის ხელმძღვანელის თანამდებობაზე. წარმატებები მას. ასევე მნიშვნელოვანია, რომ საპარლამენტო სფეროდან იუსტიციის სამინისტროში ხელმძღვანელად გადავა პაატა სალია, რომელსაც ასევე აქვს დიდი გამოცდილება როგორ სამეცნიერო, აგრეთვე პრაქტიკული თვალსაზრისით. დარწმუნებული ვარ, ასეთი მაღალი დონის იურისტის იუსტიციის მინისტრად მუშაობაც წარმატებული იქნება.”ჩვენ და ქართული საზოგადოებაც დიდი ხანია, არანაირ მნიშვნელობას აღარ ვანიჭებთ „კოლექტიური ნაცმოძრაობა“ რას იტყვის. ერთი მხრივ, შეიძლება იუმორით შეხედო ამ აურზაურს. ერთმანეთში თვითონ ვერ გაურკვევიათ, ერთი მიტინგი ვერ ჩაუტარებიათ, რომ ყველას ერთიანი პოზიცია ჰქონდეს. არა თუ მიტინგი, ერთი შეხვედრა ვერ ჩაუტარებიათ და ასეთი ადამიანებისგან მხოლოდ კომიკურად თუ შეხედავ ამ პროცესს. დანარჩენი „ნაცმოძრაობაზე“ საგამოძიებო კომისიაზე ითქმება.სახელმწიფო უსაფრთხოების სამსახურის ხელმძღვანელს უფლებამოსილების ვადა წელს ეწურებოდა. კანონის თანახმად, პრემიერს აღარ შეეძლო, მისი კანდიდატურა ხელახლა წარმოედგინა. რადგან პრემიერმა გადაწყვიტა, რომ რეგიონული განვითარებისა და ინფრასტრუქტურის სამინისტრო გაიყოს და რეგიონული განვითარების სამინისტროში საჭიროა ადამიანი, რომელსაც რეგიონთან ურთიერთობის დიდი გამოცდილება აქვს და იმის გათვალისწინებით, რომ რამდენიმე თვეში ისედაც ეწურებოდა ბატონ გრიგოლს უფლებამოსილების ვადა, როგორც პრემიერმა ახსნა, ამაში გასაკვირი არაფერი არ არის და ბუნებრივია, რომ წარადგინა და გრიგოლ ლილუაშვილს რეგიონული განვითარების მინისტრად დანიშნავს“, – განაცხადა გურამ მაჭარაშვილმა.საკადრო ცვლილებების თანახმად, ცალკე სამინისტროდ ჩამოყალიბდება რეგიონული განვითარების სამინისტრო, რომელსაც გრიგოლ ლილუაშვილი უხელმძღვანელებს, სახელმწიფო უსაფრთხოების სამსახურის უფროსის თანამდებობაზე პარლამენტს ანრი ოხანაშვილის კანდიდატურა წარედგინება, იუსტიციის მინისტრის თანამდებობას კი პაატა სალია დაიკავებს.

პოლიტიკა • 1743572824

„კომისია აგრძელებს მუშაობას და ჩვენ, რა თქმა უნდა, მოვიწვევთ იმ პირებს, ვინც გახდა მსხვერპლი „ნაციონალური მოძრაობის“ დროს“ - გურამ მაჭარაშვილი

საკუთრების უფლების დარღვევისა და არაადამიანური მოპყრობის ფაქტები 2003-2012 წლებში - ამ საკითხებზე გაამახვილებს ყურადღებას დროებითი საგამოძიებო კომისია დღევანდელ სხდომაზე.თემის განსახილველად, საკანონმდებლო ორგანოში მიწვეული არიან გორის ბაზრის ყოფილი მფლობელი ჯემალ წიკლაური და გიორგი ზერეკიძე, რომლის ოჯახმაც ყოფილი ხელისუფლების მმართველობის დროს უმძიმესი დღეები გამოიარა.საქართველოს პარლამენტის დროებითი საგამოძიებო კომისიის წევრი, გურამ მაჭარაშვილი აცხადებს, რომ კომისიის ფორმატში მიიწვენენ იმ პირებს, რომლებიც "ნაციონალური მოძრაობის" მმართველობის დროს მსხვერპლი იყო."კომისია აგრძელებს მუშაობას. ჩვენ რა თქმა უნდა, მოვიწვევთ იმ პირებს, ვინც გახდა მსხვერპლი ნაციონალური მოძრაობის დროს. იგივე კერძო საკუთრების უკანონოდ მიტაცება სახელმწიფო ხელისუფლების წარმომადგენლების მხრიდან. ასევე, საპატიმროებში სასჯელაღსრულების დაწესებულებაში პატიმრების საშინელი მდგომარეობა და ამასთან დაკავშირებითაც იქნება პირი მოწვეული," - აცხადებს გურამ მაჭარაშვილი.