„ყველაფერი არ უნდა გამოაჭენოთ ასე საჯაროდ...“ - რა იყო სინამდვილეში და რას ჰყვება დედა, რომლის შვილის ვიდეოც სოცქსელში ვირუსულად გავრცელდა

სოციალურ ქსელში გავრცელდა ვიდეო, სადაც ჩანს, რომ პატარა ბიჭს, რომელიც ყვავილებს ყიდის, გამვლელი ქალბატონი ეხმარება.

ვიდეოში ქალი პატარას რამდენიმე ლარის კუპიურას აძლევს და ბოლოს - დოლარს. ბავშვი ტირილს იწყებს, ამბობს, რომ გრიპი აქვს და წამლისთვის თანხა სჭირდება. ვიდეო დღის განმავლობაში უამრავმა ადამიანმა გააზიარა.

საზოგადოების ნაწილი უცნობ ქალს აქებდა, თუმცა უფლებადამცველები წერენ, რომ არასრულწლოვანის ვიდეოს ამ სახით გამოქვეყნება დაუშვებელია.

„პრაიმტაიმთან“ ბავშვის დედა ამბობს, რომ ეს ვიდეო შარშანდელია. 

„არ მესიამოვნა ამ ვიდეოს გამოქვეყნება. შარშანდელია, მაშინ არანაირი გამოხმაურება არ მოჰყოლია. კი ძალიან მადლობელი ვარ რომ დაეხმარა, მაგრამ ყველაფერი არ უნდა გამოვაჭენოთ ასე საჯაროდ. ძალიან ვნერვიულობ, მირეკავენ, მეუბნებიან რა გაგიჭირდაო... “- ამბობს ბავშვის დედა. 

ასევე ნახეთ:

"მას შემდეგ, რაც ქალმა ახალი ოჯახი შექმნა, ყოფილი ქმარი მუდმივად ემუქრებოდა... " - ვინ არის საგარეჯოს რაიონში მოკლული 36 წლის კაცი

ძლიერი შტორმის შემოტევის შემდეგ მეტეოროლოგები დამაიმედებელ პროგნოზს აკეთებენ

ნიცა თავაძე მადრიდიდან გადაღებულ მხიარულ კადრებს აქვეყნებს