VIDEO: „სკოლაში ვერ გაარჩევდი, მასწავლებელი იყო თუ მოსწავლე, მასწავლებელს ჰგავდა“ - ზაზა ფაჩულიას დედა

კალათბურთელ ზაზა ფაჩულიას შესახებ დედამისი, მარინა კოდუა საუბრობს. იხსენებს შვილის ბავშვობას და მას ახასიათებს.

„თავიდანვე ეტყობოდა, რომ ძალიან დინჯი იქნებოდა... 10 თვის დაიბადა. ძალიან კარგი გასაზრდელი ბავშვი იყო: დინჯი, წყნარი, ძალიან ჯიუტი. სკოლაში ვერ გაარჩევდი, მასწავლებელი იყო თუ მოსწავლე, მასწავლებელს ჰგავდა. სწავლობდა ძალიან კარგად - სანამ ყველა საგანს არ ისწავლიდა და ჩანთაში არ ჩაალაგებდა... არ მახსოვს, რომ რამე სახლში დარჩენოდა. 

დათოს უნდოდა მოჭიდავე ყოფილიყო, ჩემპიონი იყო ჩემი მეუღლე. არც მე მინდოდა კალათბურთი, ძალიან კარგად რომ სწავლობდა... მაგრამ გუმანით ვხვდებოდი, რომ კარგი კალათბურთელი იქნებოდა. სიმბოლურია, იმ დარბაზში სადაც ზაზამ ფეხი აიდგა, სკოლა აქვს.“ - ამბობს მარინა კოდუა.

ნახეთ ვრცლად ↓