VIDEO: „მამაჩემმა მოითხოვა ბოთლი, ქაღალდი და კალამი, დაწერა, ბოთლში ჩადო და კედელში ჩააშენეს...“ - რას ჰყვებოდა ილია მეორე მამის წინასწარმეტყველებაზე

საზოგადოებას კიდევ ერთხელ გაახსენდა პატრიარქის მიერ წლების წინ მოყოლილი საინტერესო ისტორია, რომელიც მან ეკა ხოფერია-ს გადაცემაში გაიხსენა. ილია II ამბობდა, რომ პატრიარქობა მას ბავშვობაში მამამ უწინასწარმეტყველა.

მისი თქმით, მაშინ დაახლოებით 12 წლის იყო, ხოლო მისი ბიძაშვილი 10-11 წლის. ოჯახის წევრები ბიძის ეზოში იმყოფებოდნენ, სადაც მშენებლობა მიმდინარეობდა. სწორედ იქ, მოულოდნელად, მამამ ქაღალდი, კალამი და ბოთლი მოითხოვა და დაწერა, რომ ერთ-ერთი ბავშვი - ის ან მისი ბიძაშვილი - მომავალში საქართველოს პატრიარქი გახდებოდა.

როგორც ილია II იხსენებდა, ჩანაწერი ბოთლში მოათავსეს და კედელში ჩააშენეს. პატრიარქის თქმით, მამას მსგავსი „გამოცხადებები“ ხშირად ჰქონდა.

ეს ისტორია დღეს კიდევ უფრო სიმბოლურად აღიქმება — როგორც წინასწარ თქმული ამბავი, რომელიც წლების შემდეგ რეალობად იქცა.