VIDEO: „ფრთამოტეხილი ვარ... მიჭირს იმის წარმოდგენა, რომ ტრისტანი აღარ არის“ – ბესო ბარათაშვილი ტრისტან სარალიძეს ემშვიდობება

27 მაისს, 69 წლის ასაკში ქართული თეატრისა და კინოს მსახიობი, ტრისტან სარალიძე გარდაიცვალა. მას მეგობრები, კოლეგები და რიგითი მაყურებლები დიდი სიყვარულით იხსენებენ და ემოციურად ემშვიდობებიან.

„რუსთავი 2“-ის გადაცემის „დილა მშვიდობისა საქართველო“ რუბრიკაში ტრისტან სარალიძის შესახებ ისაუბრა მისმა კოლეგამ და მეგობარმა – ბესო ბარათაშვილმაც. მათ იუმორისტულ დუეტს კარგად იცნობს მაყურებელი სატელევიზიო პროექტიდან „სიცილის ზონა“.

„არიან ადამიანები, რომლებსაც არ ივიწყებს არც ქვეყანა და არ ივიწყებენ არც ახლობლები, სწორედ ასეთი ადამიანია ტრისტანი – მას ყოველთვის გაიხსენებენ. ძალიან მიჭირს ამაზე ლაპარაკი... მიჭირს იმის წარმოდგენაც, რომ ტრისტანი აღარ არის. ფრთამოტეხილი ვარ, სხვა რა გითხრათ?!“ – ამობს ბესო ბარათაშვილი.