„უკრაინას მხარს ვუჭერ, მაგრამ სადაც ნაციონალები დგანან, იქ ჩემი ადგილი არაა“ - თაკო ჩხეიძე 

მოდელი თაკო ჩხეიძე, სოციალურ ქსელში, უკრაინის მხარდამჭერ პოსტს აქვეყნებს:

„ჩემო საყვარელო ხალხო, ნაცნობებო, მეგობრებო თუ უცნობებო, დამეთანხმებით, რომ საოცრად ემოციური ფონია და დაძაბულობა პიკს აღწევს...

დარწმუნებული ვარ, ყველა ერთნაირად განვიცდით რაც ხდება ჩვენს მეზობელ, მეგობარ ქვეყანაში... მე პირადად 6 ღამეა არ მძინებია, შეგრძნება მაქვს რომ ჩვენ ყველას ერთად გვბომბავენ...

აქ ისეთებს ვკითხულობ, რომ მართლა გული მტკივა, უკვე მერამდენედ უნდა ვჯიჯგნოთ ერთმანეთი… სანამ ჩვენ ერთმანეთს ვებრძვით და ვლანძღავთ, იქ, იმ მიწაზე უდანაშაულო ხალხს ხოცავენ, მტერი არ ჩერდება და პირიქით უფრო მძვინვარებს…

ტაშის დაკვრა კარგია, მაგრამ დროულად თუ არ იმოქმედა ევროპამ, ამერიკამ, სრულიად განადგურდება მეგობარი ქვეყანა და იქ მცხოვრები უდანაშაულო ხალხი…

აქვე მინდა აღვნიშნო ერთი რამე, ვიტყვი და მეტს აღარ გავიმეორებ, ვიზიარებ და რა თქმა უნდა ვუერთდები ყველანაირ პროტესტს, მაგრამ სადაც ნაციონალური მოძრაობა დგას, იქ ჩემს ადგილს ვერ ვხედავ!

მშვიდობა უკრაინას, მშვიდობა ჩვენს ქვეყანას, Slava Ukraini!“,- წერს თაკო ჩხეიძე.