უახლოეს დღეებში ამინდი უმეტესად ცხელი და უნალექო იქნება - სინოპტიკოსები

გარემოს ეროვნული სააგენტოს ინფორმაციით, საქართველოში უახლოეს დღეებში ამინდი უმეტესად ცხელი და უნალექო იქნება.

სინოპტიკოსების პროგნოზით, ქვეყნის უმეტეს რეგიონში მოსალოდნელია ცვალებადი ღრუბლიანობა, თუმცა ნალექის ალბათობა დაბალია. მხოლოდ ცალკეულ მთიან და მაღალმთიან რაიონებში დღის მეორე ნახევარში შესაძლოა ხანმოკლე წვიმა და ელჭექი აღინიშნოს.

აღმოსავლეთ საქართველოში ჰაერის ტემპერატურა +34…+35 გრადუსამდე მოიმატებს, ხოლო დასავლეთ საქართველოში +30…+35 გრადუსის ფარგლებში შენარჩუნდება. დედაქალაქ თბილისში დღისით დაახლოებით +34 გრადუსია მოსალოდნელი.