თუ ყოველ ღამე ერთსა და იმავე დროს გეღვიძებათ, ეს აუცილებლად უნდა იცოდეთ

თუ ყოველ ღამე თითქმის ერთსა და იმავე დროს – დაახლოებით 3-4 საათზე – გეღვიძებათ, ეს ყოველთვის შემთხვევითი არ არის.

სპეციალისტების განმარტებით, ასეთი გაღვიძება შეიძლება სხვადასხვა ფაქტორმა გამოიწვიოს – დაწყებული სტრესით, დასრულებული ჯანმრთელობის გარკვეული პრობლემებით.

ექიმების თქმით, ყველაზე ხშირი მიზეზი სტრესი და შფოთვაა. როდესაც ორგანიზმი მუდმივი დაძაბულობის ქვეშ იმყოფება, ღრმა ძილის ფაზა ირღვევა, რის გამოც ადამიანს ღამის მეორე ნახევარში ხშირად ეღვიძება. 

კიდევ ერთი გავრცელებული მიზეზია ჰორმონალური ცვლილებები. განსაკუთრებით ქალებში, მენოპაუზის პერიოდში ან ორსულობის დროს, ჰორმონების მერყეობამ შესაძლოა ძილის ხარისხზე გავლენა მოახდინოს.

სპეციალისტები ყურადღებას ამახვილებენ კოფეინისა და ალკოჰოლის მოხმარებაზეც. საღამოს საათებში მიღებულმა ყავამ, ენერგეტიკულმა სასმელებმა ან ალკოჰოლმა შესაძლოა ღამის განმავლობაში რამდენჯერმე გაგაღვიძოთ, მიუხედავად იმისა, რომ თავიდან ჩაძინება მარტივი იყო.

ღამის გაღვიძების მიზეზი შეიძლება იყოს:

ძილის აპნოე;
გასტროეზოფაგური რეფლუქსი;
სისხლში შაქრის დონის ცვლილება;
ხშირი შარდვა;
ხმაური, სინათლე ან ოთახის მაღალი ტემპერატურა.

ექიმები გვირჩევენ, რომ კარგი ძილისთვის:

დაიძინოთ ყოველდღე ერთსა და იმავე დროს;

საღამოს მოერიდოთ კოფეინს და მძიმე საკვებს;

ძილის წინ შეამციროთ ტელეფონისა და სხვა ეკრანების გამოყენება;