წითელი თუ შავი - რომელი მოცხარია უფრო ჯანსაღი

ივლისში წითელი და შავი მოცხარი მწიფდება. ორივე მათგანს სასარგებლო თვისებები აქვს. 

რომელი მოცხარია უფრო ჯანსაღი - შავი თუ წითელი?

კენკრის ორ სახეობას ბევრი საერთო აქვს. შავი და წითელი მოცხარი C ვიტამინით მდიდარ საკვებ ხუთეულში შედის. ისინი მდიდარია მიკროელემენტებით და ანტიოქსიდანტებით, კარგია გულისა და იმუნური სისტემისთვის.

თუმცა, ამ სახეობების შემადგენლობა და სასარგებლო თვისებები მაინც განსხვავებულია.

როგორია შავი მოცხარის სარგებელი:

ამაღლებს იმუნიტეტს - ვიტამინი C და კენკროვანში შემავალი ანთოციანინები ებრძვიან ორგანიზმის ანთებას და აუმჯობესებენ დაავადების წინააღმდეგობას.

ამცირებს ანთებას - მოცხარის ცხიმოვანი მჟავები ხსნის ართრიტის სიმპტომებს.

აძლიერებს გულს - კვლევებმა აჩვენა შავი მოცხარის ეფექტურობა გულ-სისხლძარღვთა დაავადებების პროფილაქტიკაში, როცა მას თესლთან ერთად მიირთმევენ.

აჩქარებს საჭმლის მონელებას - ეს კენკრა შეიცავს ორი სახის ბოჭკოს, რომლებიც ნორმალიზებენ საჭმლის მომნელებელი სისტემის ფუნქციონირებას.

ამცირებს კიბოს რისკს - ეს ყველაფერი ანთოციანინების მაღალი შემცველობის დამსახურებაა - ნივთიერებები, რომლებიც ანელებენ ჯანსაღი უჯრედების დაზიანებას და კიბოს სიმსივნეების ზრდას.

მეცნიერებმა ასევე გააანალიზეს წითელი მოცხარის სარგებელი  შავთან შედარებით:

აუმჯობესებს მხედველობას - წითელი მოცხარი ორჯერ მეტ A ვიტამინს შეიცავს, ვიდრე შავი მოცხარი. ეს ნივთიერება აუცილებელია მკვეთრი მხედველობისთვის და თვალის დაავადებების პროფილაქტიკისთვის.

კარგია კანისა და თმისთვის - წითელ მოცხარს შეიძლება ეწოდოს "სილამაზის კენკრა".

შეიცავს ცოტა შაქარს - ამის წყალობით,მისი ჭამა არ დააზარალებს ფიგურას და ნებადართულია დიაბეტისთვის. მას აქვს ძალიან დაბალი გლიკემიური ინდექსი.

კარგია ქალებისთვის - წითელი კენკრა ახდენს მენსტრუალური ციკლის ნორმალიზებას, ამცირებს მენოპაუზის დროს უარყოფით სიმპტომებს და ებრძვის ორსულ ქალებში ტოქსიკოზს.

აუმჯობესებს სისხლის ხარისხს - ამ ჯიშის სპილენძი და რკინა აუცილებელია სისხლის წითელი უჯრედების ფორმირებისთვის. ამ ნივთიერებების ნაკლებობა იწვევს ანემიას და მუდმივ სისუსტეს.

მნიშვნელოვანია გვახსოვდეს, რომ ყველა ჯიშის მოცხარი ამცირებს არტერიულ წნევას.