„წარმოთქვამს მარცვლებს და გამოხატავს ემოციებს...“ - როგორია ცოტნე გამსახურდიას ჯანმრთელობის მდგომარეობა

საქართველოს პირველი პრეზიდენტის შვილი, კონსტანტინე გამსახურდია, სოციალურ ქსელში ძმასთან დაკავშირებით პოსტს აქვეყნებს.

„ცოტნესთან ერთად, რამდენიმე წლის წინ. ამ დღეს განვიხილეთ კონსტანტინე გამსახურდიას აბაშის სახლ-მუზეუმის განახლების საკითხი,“ – წერს კონსტანტინე და რამდენიმე წლის წინ გადაღებულ ფოტოს გვიზიარებს.

ამასთან, ამავე პოსტში კონსტანტინე გამსახურდია აღნიშნავს, რომ ამჯერად ცოტნე ასრულებს ოთხივე კიდურის მცირე მოძრაობებს, მარტივ დავალებებს, წარმოთქვამს მარცვლებს და გამოხატავს ემოციებს.

„რეაბილიტაციის პროცესში ჩართულნი არიან: ფიზიოთერაპევტები, ოკუპაციური თერაპევტი, ლოგოპედი, მასაჟისტი, კინეზოთერაპევტი.

იტარებს ანტიეპილეფსიურ მკურნალობას, რომლის დოზირება თანდათან მცირდება. აგრეთვე, გარკვეული პერიოდულობით იტარებს ბოტოქსოთერაპიას. იმყოფება ეპილეპტოლოგის, ნევროლოგის, რეაბილიტოლოგის, კარდიოლოგის მუდმივი მეთვალყურეობის ქვეშ. პერიოდულად, პროცესში ერთვება ინფექციონისტი პრევენციულ მონიტორინგის მიზნით.

ამ ეტაპზე ცოტნე ასრულებს ოთხივე კიდურის მცირე მოძრაობებს, მარტივ დავალებებს, წარმოთქვამს მარცვლებს და გამოხატავს ემოციებს. თვალებით და ხელისმოჭერით ცდილობს გამოხატოს საკუთარი ნება,“ – წერს კონსტანტინე გამსახურდია.