სვანეთში, ლახამულას ხეობაში, წიწვოვანი ტყის გადასარჩენად, სპეციალისტები შესაბამის ღონისძიებებს ატარებენ

 წიწვოვანი ტყე ხმება მესტიაში, ლახამულას ხეობაში. სატყეო სააგენტოს სპეციალისტებმა ადგილზე კვლევა უკვე ჩაატარეს და დაადგინეს, რომ ხეებს გავრცელებული მავნებელი - ქერქიჭამია აზიანებს.

პრობლემის მოსაგვარებლად, ტყეში სპეციალური მწერ-მჭერები განათავსეს. ხეობის რთული რელიეფის გამო, გაწმენდითი სამუშაოები სიფრთხილით იგეგმება, რათა არ მოხდეს ეროზია და გარემოს დაზიანება.