შოთა ბერეკაშვილი: დღეს შეხვედრა გვექნება საშუალო და მცირე ქსელების წარმომადგენლებთან - გვინდა გავიაროთ ის პრობლემები, რომელთა იდენტიფიცირება მოხდა ფასებთან წარმოქმნის ჯაჭვში პირველ და მეორე რგოლში

შოთა ბერეკაშვილის განცხადებით, დღეს, სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის სხდომაზე, კომისიის წევრები საცალო ქსელების ოპერატორებს მოუსმენენ.

„დღეს შეხვედრა გვექნება საშუალო და მცირე ქსელების წარმომადგენლებთან. გვინდა გავიაროთ ის პრობლემები, რომელთა იდენტიფიცირება მოხდა ფასებთან წარმოქმნის ჯაჭვში პირველ და მეორე რგოლში. მხედველობაში მაქვს მწარმოებლები და დისტრიბუტორები.

ასევე გვინდა გავეცნოთ კომერციულ ურთიერთობებს ფასწარმოქმნის ჯაჭვში,. გვინდა სწორად გვესმოდეს რამდენად დიდია ძალაუფლება ქსელური მაღაზიების მხრიდან ფასწარმოქმნის ჯაჭვში დისტრიბუტორებთან და მწარმოებლებთან. გვინდა რომ საუბარი იყოს ძალიან ღია“, - აღნიშნა სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის თავმჯდომარემ, შოთა ვბერეკაშვილმა.