სეზონური ვირუსების მაჩვენებელი იზრდება - სპეციალისტების რჩევა

გრიპი არის სეზონური გრიპის ვირუსით გამოწვეული დაავადება, რომელიც ადამიანს ადამიანისგან გადაეცემა. მას განსაკუთრებული სიმპტომები ახასიათებს:

უეცარი მაღალი ტემპერატურა, თავის ტკივილი, ყელის ტკივილი ან ხველა, კუნთების ტკივილი.

რა უნდა გააკეთოთ, როცა გრიპი გაქვთ:

ხველის და ცემინებისას აიფარეთ მკლავი ან ცხვირსახოცი;

ხშირად დაიბანეთ ხელები;

ხანგრძლივად იყავით მოსვენებულ მდგომარეობაში;

მიიღეთ დიდი რაოდენობით წყალი და ჯანსაღი საკვები;

თუ მდგომარეობა არ გაუმჯობესდება (პატარების შემთხვევაში ეს 1 დღეა, დიდების შემთხვევაში კი 3), მაშინ მიმართეთ სამედიცინო მომსახურების მიმწოდებელს.

როგორ შეიძლება თავი დავიცვათ გრიპისგან:

ვაქცინაციით. ეს განსაკუთრებით მნიშვნელოვანია რისკჯგუფებისთვის: ორსულები, ხანდაზმულები, ბავშვები, ქრონიკული დაავადებების მქონე ადამიანები. რისკჯგუფში ასევე არის მედპერსონალი, რომელსაც ინფეცირებულ პირებთან ყოფნა უწევს.