საქართველოს ოკუპირებულ ტერიტორიებთან გამყოფი ხაზის მიმდებარე სოფლებში მცხოვრებ ფერმერებს სარწყავი წყლით მომსახურების დავალიანება ჩამოეწერებათ

საქართველოს მთავრობის მიერ მიღებული განკარგულების მიხედვით, პირველი აპრილიდან საირიგაციო წყლის მიწოდების მომსახურების საფასურის სუბსიდირების წესი ამოქმედდება, – ამის შესახებ ინფორმაციას საქართველოს მელიორაცია ავრცელებს.

მათივე ცნობით, განსაკუთრებული პირობებია გათვალისწინებული საქართველოს ოკუპირებულ ტერიტორიებთან გამყოფი ხაზის მიმდებარე სოფლებში. 2026 წელს სახელმწიფო სრულად დაუსუბსიდირებს მორწყვის ყველა ოპერაციას ფერმერებს, რომლებიც რეგისტრირებულნი არიან და საირიგაციო მომსახურებას იღებენ ოკუპირებულ ტერიტორიებთან გამყოფი ხაზის მიმდებარე სოფლებში.

ამასთან, აღნიშნულ ტერიტორიებზე გაწეული მორწყვის მომსახურების 2025 წლის 31 დეკემბრის მდგომარეობით არსებული დავალიანება სრულად ჩამოიწერება.