როდის აღდგება ტრანსპორტის მოძრაობა გაგარინის მოედანზე

25 მარტს გაგარინის ქუჩა N1-თან ჯორჯიან უოთერ ენდ ფაუერის წყალსადენის მაგისტრალური მილის დაზიანებულ მონაკვეთზე აღდგენითი სამუშაოები ინტენსიურ რეჟიმში გრძელდება.

სამუშაოების მიმდინარეობისას, უსაფრთხოების მიზნით სამანქანო  მოძრაობა ნაწილობრივ შეზღუდულია გაგარინის ქუჩა N1-იდან N9-მდე.

კომპანიის ტექნიკური ჯგუფების მიერ წყალმომარაგების მილზე აღდგენითი სამუშაოების დასრულებისთანავე მოწესრიგდება გზის საფარი და სამანქანო მოძრაობა 26 მარტს, 02:00 საათზე სრულად აღდგება.

კომპანია ჯორჯიან უოთერ ენდ ფაუერი ბოდიშს უხდის მოსახლეობას შექმნილი დისკომფორტისთვის.