რა ოდენობის ჯარიმა დაგეკისრებათ თუკი ქონების გადასახადს არ შეავსებთ - დეტალები

რა სანქცია გავრცელდა იმ ფიზიკურ პირზე, რომელსაც აქვს ქონების გადასახადით დაბეგვრის ობიექტი და რომლის შემოსავალმაც გადააჭარბა 40 000 ლარს, თან მან არ წარუდგინა დადგენილ ვადაში საგადასახადო ორგანოს ქონების გადასახადის დეკლარაცია? - ამის შესახებ ინფორმაცია განმარტებულია შემოსავლების სამსახურის ვებ გვერდზე.

- ფიზიკური პირის მიერ საგადასახადო ორგანოში საგადასახადო დეკლარაციის/გაანგარიშების წარდგენის (საქართველოს საგადასახადო კანონმდებლობით დადგენილი) ვადის დარღვევის გამო პირი ჯარიმდება ამ დეკლარაციის/გაანგარიშების საფუძველზე გადასახდელად დასარიცხი გადასახადის თანხის 5 პროცენტის ოდენობით, თუ ვადის გადაცილების პერიოდი 2 თვეს არ აღემატება.

იმ შემთხვევაში, თუ ვადის გადაცილების პერიოდი 2 თვეს აღემატება, პირი ჯარიმდება ამ დეკლარაციის/გაანგარიშების საფუძველზე გადასახდელად დასარიცხი გადასახადის თანხის 10 პროცენტის ოდენობით.