რა ეტაპზეა გაზმომარაგების აღდგენის პროცესი - „თბილისი ენერჯი“ განახლებულ ინფორმაციას ავრცელებს

„თბილისი ენერჯი“ მორიგ განცხადებას ავრცელებს. როგორც კომპანიაში აცხადებენ, გაზმომარაგების აღდგენის პროცესს მოსახლეობის მიერ ღიად დატოვებული გაზის ონკანები აფერხებს. მათივე თქმით, მუშაობენ, რომ ყველა აბონენტს გაზის მიწოდება 23:00 საათამდე აღუდგეს.

„საბურთალო-ნუცუბიძის ტერიტორიაზე 20:30 საათის მონაცემებით გაზი უკვე მიეწოდება 105 955 აბონენტს.

ნუცუბიძეზე მიმდინარეობს დარჩენილი 380 , საბურთალოზე კი 2 616 აბონენტის ჩართვა.

სულ, ავარიის შედეგად გათიშული 150 000 აბონენტიდან ამ დროისთვის ჩასართავი დარჩა 2 996 აბონენტი.
სამუშაოები გრძელდება.

რამდენიმე კორპუსი უსაფრთხოების გამო ვერ ჩაირთო, რადგან გაზის ონკანები ღია მდგომარეობაში დატოვეს ბინის მეპატრონეებმა, პარალელურად ვმუშაობთ მათი ჩართვის პროცესზეც. ვმუშაობთ, რომ ყველა აბონენტს გაზი 23:00 საათამდე მივაწოდოთ“, - ნათქვამია განცხადებაში.