რა დაწერა ტრაგედიამდე 2 დღით ადრე ქუთაისში, ტრაგიკულად დაღუპული ერთ-ერთი ახალგაზრდის დედამ

ქუთაისის აეროპორტთან დაღუპული ერთ-ერთი ახალგაზრდა ლაშა წიქორაძეა. მისმა ემიგრანტმა დედამ ტრაგედიამდე 2 დღით ადრე სოციალურ ქსელში დედაშვილობის შესახებ ემოციური პოსტი გამოაქვეყნა.

„აი, ასე უნდა ედგე მშობელი შვილს ყოველთვის და მისი თვალებით უყურო სამყაროს! როცა ეშლებათ არც მაშინ მიატოვო და დიდი სიხარულის დატევაც შეაძლებინო, ღირსეულად! არ დატოვო მარტო, არც ერთ სიტუაციაში და აგრძნობინო, რომ შენ სულ ზურგს უკან ხარ, უსმენ, ეფერები, ეკამათები, საყვედურობ თუ ეალერსები - უნდა იცოდეს, რომ შენ მასთან ხარ ყოველთვის, მხოლოდ მასთან!“ - დაწერა თეა გუბელაძემ.

მოგვიანებით, გარდაცვლილის დედამ მორიგი პოსტი დაწერა...

„დე, ხომ გედექი ზუსტად ასე ყოველთვის... შენი თვალებით ვუყურებდი სამყაროს. ხომ მეუბნებოდი, ვაჟკაცური დედა მყავსო, ჩემი ყველაფერ ხარო... რატომ გამიკეთე დე ეს... ორ დღეში შენთან ვიქნები, ჩემო ტკბილო,“ - დაწერა თეა გუბელაძემ.

,,ისევ ატირდა ჩემი გეგუთი... საამაყო შვილები დაიღუპნენ..." - რას წერენ ქუთაისში მომხდარ უმძიმეს ავარიაზე სოციალურ ქსელში