ზოდიაქოს სამი ნიშანი, რომლისთვისაც 15 ივნისიდან ცხოვრებაში ახალი, უბედნიერესი ეტაპი დაიწყო
1750269214
კონკურსი „პროფესიული განათლების ეროვნული ჯილდო“, რომელიც მერვედ გამოცხადდა, წარმოადგენს უნიკალურ პლატფორმას პროფესიული განათლების განვითარებასა და ბიზნესთან თანამშრომლობის გაძლიერებისთვის.
პროფესიული უნარების სააგენტო, საქართველოს განათლების, მეცნიერებისა და ახალგაზრდობის სამინისტროს მხარდაჭერით, ხსენებულ კონკურსში დაარსებიდან აწესებს სპეციალურ ჯილდოს. წელს, სააგენტოს სპეციალური ნომინაცია გახლავთ, პროფესიული მომზადების/პროფესიული გადამზადების პროგრამა, რომელიც გამოირჩევა განხორციელების თავისებურებებითა და ბიზნესთან თუ დამსაქმებლებთან თანამშრომლობის საუკეთესო პრაქტიკითა და შედეგებით.
აღნიშნული ნომინაცია ემსახურება ქვეყანაში, ზრდასრულთა განათლების ხელშეწყობასა და პოპულარიზაციას, ასევე კერზო სექტორის აქტიურ ჩართულობას პროფესიულ განათლებაში.
კონკურსის შესახებ ძირითადი ნომინაციები, დეტალური ინფორმაცია და სააპლიკაციო ფორმები იხილეთ: https://millennium.org.ge/geo/projects/detailed/6
„პროფესიული განათლების ეროვნული ჯილდო“ 2017 წლიდან იმართება, კონკურსის მხარდამჭერია საქართველოს განათლების, მეცნიერების და ახალგაზრდობის სამინისტრო, საქართველოს პარლამენტი, პროფესიული უნარების სააგენტო, ისრაელის საელჩო საქართველოში და საქართველოს ბიზნეს ასოციაცია.
ინფორმაციას პროფესიული უნარების სააგენტო ავრცელებს.
