პორტუგალიაში ბანანებში დამალული 3,5 ტონა კოკაინი ამოიღეს

 პორტუგალიელმა სამართალდამცველებმა ბანანების სხვადასხვა პარტიებში დამალული საერთო ჯამში 3,5 ტონა ნარკოტიკული საშუალება კოკაინი ამოიღეს. ინფორმაციას პორტუგალიური მედია ავრცელებს.

როგორც ადგილობრივი ხელისუფლება ვარაუდობს, კოკაინი ევროპის სხვადასხვა ქვეყნებისთვის იყო განკუთვნილი. ბანანების პარტია, რომელშიც კოკაინი იყო დამალული, გემზე აღმოაჩინეს.

გემი, თავის მხრივ, ლათინურ ამერიკასა და ევროპის კონტინენტს შორის მოგზაურობდა და ხილი გადაჰქონდა.