ნიკა გვარამია სააკაშვილის უცხოეთის კლინიკაში გადაყვანას მოითხოვს

„სააკაშვილის აქ ყოფნა აღარ შეიძლება. იგი უნდა იქნეს გადაყვანილი რეფერალურ საავადმყოფოში, კეთილი ინებონ და იპოვონ  ისეთი კლინიკა, რომელიც სრულად უზრუნველყოფს რეაბილიტაციას და უსაფრთხოებას. თუ არა და სხვა ქვეყანაში ყველა შემთხვევაში. იმიტომ, რომ ის აქ არც უსაფრთხოდ არის და არც რეაბილიტაცია უტარდება,”- ამის შესახებ ნიკა გვარამიამ განაცხადა.

უფლება დამცველებთან ერთად გორში იმყოფებოდა სააკაშვილის პირადი ექიმი ნიკოლოზ ყიფშიძეც, რომელიც სრულად იზიარებს მოსაზრებას სააკაშვილის სხვა კლინიკაში გადაყვანის თაობაზე.

„არ მომწონს მისი მდგომარეობა და საჭიროა რეაბილიტაციის გაგრძელება. ან აქ ან კიდევ უფრო სპეციალიზირებულ საავადმყოფოში,”აცხადებს ყიფშიძე.