ნახეთ ქვეყნები, საიდანაც საქართველოში 2022 წელს $26 მილიონის სათამაშო შემოვიდა

საქართველოდან წელს სათამაშოების შესაძენად 26.2 მლნ დოლარი გავიდა და ქვეყანაში 3 678 ტონა პროდუქტის იმპორტი განხორციელდა.

ოფიციალური სტატისტიკის მიხედვით, მიმდინარე წლის იანვარ-ნოემბერში სათამაშოების იმპორტი ღირებულებით 46.5%-ით, ხოლო მოცულობით 24.8%-ით გაიზარდა. ამასთან, აღსანიშნავია, რომ მიმდინარე წლის იმპორტი გასული 10 წლის განმავლობაში ყველაზე მაღალი მაჩვენებელია.

სტატისტიკიდან ჩანს, რომ საქართველოში სათამაშოები ძირითადად ჩინეთიდან შემოდის. ამ ბაზარს მთლიან იმპორტში 60% უკავია.

TOP-3 საიმპორტო ბაზარი:

1. ჩინეთი - 15.8 მლნ დოლარი, 2 396 ტონა;
2. ჰონ-კონგი - 2.1 მლნ დოლარი, 265 ტონა;
3. თურქეთი - 1.7 მლნ დოლარი, 319 ტონა;

გარდა ამ ბაზრებისა სათამაშოებს ნიდერლანდებში, ესტონეთში, ჩეხეთში, ირანში, ბულგარეთში, უკრაინაში, გერმანიაში, იტალიაში, დანიაში, ბელარუსში, გაერთიანებულ სამეფოში, საფრანგეთში, პოლონეთში, არაბთა გაერთიანებულ საამიროებში და მცირე მოცულობებით სხვა ქვეყნებშიც ვყიდულობთ.

წყარო: bm.ge