„მზია ამაღლობელს აუცილებელი ლაბორატორიული და ინსტრუმენტული კვლევები ჩაუტარდა, მკურნალობას სტაციონარის პირობებში აგრძელებს“ - „ვივამედის“ დირექტორი

„ვივამედის“ დირექტორის, ზურაბ ჩხაიძის განცხადებით, კლინიკაში გადაყვანილი მზია ამაღლობელის მდგომარეობა ამ ეტაპზე სტაბილურია.

„ჩვენთან შემოყვანილია პაციენტი ამაღლობელი და მკურნალობს სტაციონარის პირობებში. ის ჰოსპიტალიზებულია და მკურნალობს. მისი მდგომარეობა ამ ეტაპზე სტაბილურია“, – განუცხადა პირველ არხს ზურაბ ჩხაიძემ.

„ბათუმელებისა“ და „ნეტგაზეთის“ დამფუძნებელი მზია ამაღლობელი საჭირო კვლევებისთვის კლინიკაში დღეს გადაიყვანეს.