„მე გავბედე ოცნება... ხშირად მესიზმრებოდა ის, რა რეალობაც დღეს შევქმენი...“ - იუბილარი ბარბარა სამხარაძე ემოციურ პოსტს აქვეყნებს

მომღერალი ბარბარა სამხარაძე, რომელიც დღეს იუბილარია, სოციალურ ქსელში ემოციურ პოსტს აქვეყნებს, რომელსაც უცვლელად გთავაზობთ.

„დაბადების დღეს გილოცავ, ჩემო თავო. დღეს კიდევ ერთი წლის მატებას აღვნიშნავ, ეს კი განვლილ წლებზე მაფიქრებს, საიდან სად მოვედი. მე პატარა სოფელში გავიზარდე, სადაც ხშირად მესიზმრებოდა ის, რა რეალობაც დღეს შევქმენი.

მაშინ შესაძლოა სასაცილოდ ეჩვენებოდათ ეს ყველაფერი, მაგრამ მე გავბედე ოცნება. იმდენად მჯეროდა და მწამდა, ყველა სირთულეს გაკვეთილად აღვიქვამდი (დღესაც ასეა) მივიწევდი წინ, გაურკვეველი, მაგრამ უკეთესი მომავლისკენ.

უკან ვიხედები და ვხედავ, ყველაფერი პირნათლად შევასრულე რაზეც კი მიოცნებია. 23 წლის დაბადების დღის სურვილს მარტო ჩემთვის არა, ყველასთვის ვიფიქრებ: „მინდა, ყველას შეეძლოს ოცნება და იმ შესაძლებლობების გამოყენება, რასაც ცხოვრება გვთავაზობს“.  მადლობა, რომ ჩემი მრავალწლიანი მოგზაურობის ნაწილი ხართ, 
წინ კიდევ ბევრი თავგადასავალი გველოდება,“ - წერს იუბილარი.

ასევე ნახეთ:

ეკა კახიანი კომოს ტბაზე ისვენებს - ნახეთ, ფოტოები

"დღესაც ერევა სოფელი და ხალხი სხვის პირად ამბებში. არაფერი იცვლება..." - ლეგანდარული "მარიტას" გარდაცვალებიდან ექვსი წელი გავიდა

,,გუშინწინ, ტაილანდში ისვენებდნენ, დღეს, ფრონტის წინა ხაზზე იბრძვიან..." - წყვილი ისრაელიდან