„მამა დაღლილი მოვიდა სახლში და ჩაეძინა, მე წავედი და მის მაგივრად მოვწველე ექვსი ძროხა“ - გაიცანით 11 წლის ბიჭი, რომელიც ფერმერობაზე ოცნებობს

11 წლის საბა აფციაური თეთრი წყაროს მუნიციპალიტეტიდანაა. საბას ოცნება ფერმერობაა, ახლა კი ძროხებს, ცხვრებს ქათმებს და ინდაურებს დიდი ენთუზიაზმით უვლის.

თავდაპირველად პატარა ფერმერმა, დამოუკიდებლად ძროხების მოწველა გადაწყვიტა.

„როცა მამაჩემი მოვიდა დაღლილი სახლში და ჩაეძინა, ძროხები დარჩა მოსაწველი, მე წავედი და მის მაგივრად მოვწველე ექვსი ძროხა. მინდა რომ ჩემი ოჯახის წევრებს საქმე შევუმსუბუქო“,- ამბობს 11 წლის საბა აფციაური.