კონფერენციაზე აქცენტი კეთდება იმაზე, თუ როგორ უნდა დანერგოს საქართველოში პედიატრმა ის მიღწევები, რომელიც არსებობს გავრცელებული დაავადებების მართვის თვალსაზრისით - ივანე ჩხაიძე

საქართველო ევროპის პედიატრთა აკადემიის ფორუმს პირველად მასპინძლობს. საერთაშორისო კონფერენციაზე ბავშვთა ჯანმრთელობის მნიშვნელოვან გამოწვევებზე და მომავლის გეგმებზე ისაუბრეს.

შეხვედრა 30 აპრილს დაიწყო და 3 მაისის ჩათვლით გაგრძელდება.

"ეს არ არის მხოლოდ სამეცნიერო კონფერენცია. ძირითადი აქცენტი კეთდება პრაქტიკულ მედიცინაზე - როგორ უნდა დანერგოს საქართველოში პედიატრმა ის მიღწევები, რომელიც არსებობს ბავშვთა ასაკში - როგორც გავრცელებული, ისე იშვიათი დაავადებების მართვის თვალსაზრისით", - აცხადებს პროფესორი, იაშვილის სახელობის ბავშვთა ცენტრალური საავადმყოფოს სამედიცინო დირექტორი ივანე ჩხაიძე.