ისინი პოკერის საერთაშორისო ტურნირზე იმყოფებოდნენ - ვინ არის კაცი, რომლის მკვლელობის გამო, ნიდერლანდებში, გოჩა მანველიძის შვილს ეძებენ

ნიდერლანდების პოლიცია 28 წლის თორნიკე მანველიძეს ეძებს, რომელმაც 19 სექტემბერს, საქართველოს მოქალაქე, მარტვილში მცხოვრები შოთა საკანდელია მოკლა.

შემთხვევა ერთ-ერთი სასტუმროს ფოიეში მოხდა, როდესაც დანით სასიკვდილო ჭრილობები მიაყენა თორნიკე მანველიძემ შოთა საკანდელიას.

"კურიერის" ინფორმაციით, ორივე მათგანი ნიდერლანდებში პოკერის საერთაშორისო ტურნირზე იყო ჩასული. თავად შოთა საკანდელია კი, სავარაუდოდ, ერთი დღის ჩასული იყო ნიდერლანდებში.

"პოლიცია ეძებს საქართველოს 28 წლის მოქალაქეს, რომელიც ღამით სასტუმროში გამართულ ღონისძიებაზე იმყოფებოდა და მსხვერპლს დანა რამდენჯერმე დაარტყა", - აცხადებს ნიდერლანდების პოლიცია.

ოჯახის წევრებსა და ახლობლებს, ჯერჯერობით, ზუსტი ინფორმაცია არ აქვთ, ისინი, ამ ეტაპზე, ცხედრის ჩამოსვენებას ელოდებიან.

ასევე დაგაინტერესებთ:

„როგორი კარგი შვილი მოუკლეს დედას... მომავლის ბიჭი“ - ნიდერლანდებში მოკლული ქართველის ვინაობა ცნობილია

„სასტუმროში დაჭრა 32 წლის კაცი და მიიმალა“ - მკვლელობაში ბრალდებულის ფოტოს ნიდერლანდების პოლიცია აქვეყნებს

„სროლა და მკვლელობა სტამბოლის ცენტრში“ - დაჭრილებს შორისაა საქართველოს მოქალაქეც