თბილისში, მტკვარში გადავარდნილ ახალგაზრდა ქალს ამ დრომდე ეძებენ
1743623687
ახალი კვლევის თანახმად, იოგურტის ჭამა შეიძლება გარკვეული ტიპის კიბოების რისკს ამცირებდეს, განსაკუთრებით კი მსხვილი ნაწლავის (კოლორექტალური) კიბოს. - ამის შესახებ 1 არხი წერს:
55 წელს ქვემოთ ადამიანებში ნაწლავის კიბოს ახალ შემთხვევათა რაოდენობა ბოლო წლებში გლობალურად გაორმაგდა, დიაგნოზი თითქმის 20 პროცენტით გაიზარდა. შესაბამისად, მრავალ ადამიანს აინტერესებს, როგორ შეიძლება ამ კიბოს რისკის შემცირება.
ახალი მტკიცებულება მიუთითებს, რომ იოგურტის რეგულარული მოხმარებას შეიძლება დამცავი ეფექტი ჰქონდეს მსხვილი ნაწლავის კიბოს გარკვეული აგრესიული ფორმების წინააღმდეგ; ამას იოგურტი ახერხებს ნაწლავის მიკრობიომის, ანუ იქ ბინადარი ბუნებრივი ბაქტერიების მოდიფიცირების გზით.
ნაწლავის მიკრობიომი სასიცოცხლო როლს ასრულებს ზოგად ჯანმრთელობაში, გავლენას ახდენს მონელებაზე, იმუნურ ფუნქციაზე და კიბოს რისკზეც კი. ნაწლავის ბაქტერიები შეიძლება თავად კიბოშიც ბინადრობდნენ. ზოგადად მიჩნეულია, რომ ამ ბაქტერიების ჯანსაღი ბალანსი გადამწყვეტია ძლიერი იმუნური სისტემის შესანარჩუნებლად და ანთების პრევენციისათვის, რასაც შეიძლება წვლილი შეჰქონდეს კიბოს განვითარებაში.
იოგურტი სასარგებლო ბაქტერიების ცოცხალ კულტურებს შეიცავს, მაგალითად, lactobacillus bulgaricus-ი და streptococcus thermophilus-ი, რომლებსაც ამ ბალანსის შენარჩუნება შეუძლიათ.
კვლევამ დაადგინა, რომ კვირაში ორი ან მეტი პორცია იოგურტის მოხმარება დაკავშირებულია მსხვილი ნაწლავის აგრესიული კიბოს კონკრეტული ტიპის რისკის შემცირებასთან. ეს კიბო ჩნდება კოლინჯის (მსხვილი ნაწლავის ძირითადი განყოფილება) მარჯვენა მხარეს და დაკავშირებულია გადარჩენის უფრო დაბალ შანსთან, ვიდრე მარცხენა მხარეს წარმოქმნილი კიბოების შემთხვევაში.
ჯგუფმა შეისწავლა 150 000-ზე მეტი მონაწილის რამდენიმე ათწლეულიანი მონაცემები, რომლებიც მიუთითებს, რომ იოგურტის გრძელვადიანი მოხმარება შეიძლება ნაწლავის მიკრობიომს ისე ცვლიდეს, რომ გარკვეული ტიპის კიბოებისგან გვიცავდეს.
მკვლევრები მონაწილეებს ყოველ ორ წელიწადში ერთხელ კითხავდნენ იოგურტის მოხმარების შესახებ და ზომავდნენ ბიფიდობაქტერიის რაოდენობას (იოგურტში არსებული ბაქტერიის ტიპი) სიმსივნურ ქსოვილში იმ 3079 ადამიანის ნიმუშში, რომლებსაც მსხვილი ნაწლავის კიბოს დიაგნოზი ჰქონდათ.
მიუხედავად იმისა, რომ იოგურტი პირდაპირ არ ამცირებს მსხვილი ნაწლავის კიბოს ყველა ტიპის რისკს, მათ, ვინც კვირაში ორ ან მეტ პორცია იოგურტს ჭამდა, ნაკლები ჰქონდა „ბიფიდობაქტერია-დადებითი პროქსიმალური მსხვილი ნაწლავის კიბოს“ განვითარების რისკი — კიბოს ტიპი, რომელიც კოლინჯის მარჯვენა მხარეს ჩნდება და ერთ-ერთი ყველაზე დაბალი გადარჩენის მაჩვენებელი აქვს. ახალი კვლევა ეფუძნება და ადასტურებს წინა კვლევებს, რომლებმაც ასეთივე შედეგები აჩვენა.
მკვლევრები მოიაზრებენ რამდენიმე მექანიზმს, რითაც შეიძლება აიხსნას, როგორ შეიძლება ამცირებდეს იოგურტი კიბოს რისკს. ერთი საკვანძო მექანიზმია ნაწლავის მიკრობიომის მოდულაცია.
იოგურტის პრობიოტიკებს შეუძლიათ გაზარდონ ნაწლავის ბაქტერიების მრავალფეროვნება და ბალანსი, რაც პოტენციურად ამცირებს ანთებას და კიბოს გამომწვევ ქიმიურ ნივთიერებათა (კანცეროგენები) დონეს.
ამას გარდა, იოგურტს შეიძლება ანთების საწინააღმდეგო ეფექტები ჰქონდეს მსხვილი ნაწლავის შიდა საფარის უჯრედებზე, იგივე მუკოზაზე (ლორწოვანი გარსი), რაც შეიძლება ხელს უწყობდეს კიბოს განვითარების პრევენციას. კიდევ ერთი პოტენციური მექანიზმია ნაწლავის ბარიერის ფუნქციის გაუმჯობესება, რადგან იოგურტი შეიძლება ამცირებდეს ნაწლავის გამტარობას, რაც დაკავშირებულია კიბოს რისკის ზრდასთან.
პოტენციური კიბოს საწინააღმდეგო ეფექტების გარდა, იოგურტი ჯანმრთელობისთვის სხვა მხრივაც სასარგებლოა. რძის მსგავსად, ის მდიდარია კალციუმით, რაც ხელს უწყობს ძვლების სიმკვრივეს და ამცირებს ძვლების სიმყიფის, იგივე ოსტეოპოროზის რისკს.
იოგურტის რეგულარული მოხმარება ასევე დაკავშირებული აღმოჩნდა სისხლის დაბალ წნევასთან და გულ-სისხლძარღვთა დაავადების რისკის შემცირებასთან. ზოგიერთი კვლევის თანახმად, იოგურტი შეიძლება ხელს უწყობდეს მეორე ტიპის დიაბეტის და სხვა დაავადებების პრევენციასაც.
თუმცა, კვების რაციონში იოგურტის ჩასმისას, მნიშვნელოვანია კეთილგონიერება. აირჩიეთ უბრალო, გემომიუცემელი, უშაქრო იოგურტი, რადგან შაქარმა შეიძლება გააქარწყლოს მისი სარგებელი — მაგალითად, გამოიწვიოს წონის მატება, რაც სიმსუქნისა და კიბოს რისკფაქტორია.
ფერმენტაციის სხვადასხვაგვარმა პროცესმა შეიძლება განაპირობოს სასარგებლო ბაქტერიების სხვადასხვა დონე; ამიტომ, აირჩიეთ ცოცხალი კულტურების შემცველი იოგურტი. ზოგადად, უბრალო, უშაქრო იოგურტი მდიდარია ცილებით და შეიცავს ცოტა შაქარს, ცხიმიან იოგურტს კი ხშირად უფრო ნაკლებად აქვს დამუშავებული ინგრედიენტები, ვიდრე ნაკლებად ცხიმიან ან უცხიმო ვარიანტებს.
იოგურტი შეიცავს ცხრავე აუცილებელ ამინომჟავას და გარდა იმისა, რომ აუმჯობესებს ნაწლავის ჯანმრთელობას, ერთი პორცია უბრალო ბერძნული იოგურტი შეიცავს 15-20 გრამ ცილას.
გაერთიანებულ სამეფოში წელიწადში ნაწლავის კიბოს 45 000 შემთხვევა ფიქსირდება და ის ამ ქვეყანაში კიბოს მეოთხე ყველაზე გავრცელებული სახეობაა, მსოფლიოში კი მესამე; თუმცა, შემთხვევათა დიდი ნაწილის პრევენცია შესაძლებელია.
იოგურტის რეგულარული მოხმარება ასევე დაკავშირებული აღმოჩნდა სისხლის დაბალ წნევასთან და გულ-სისხლძარღვთა დაავადების რისკის შემცირებასთან. ზოგიერთი კვლევის თანახმად, იოგურტი შეიძლება ხელს უწყობდეს მეორე ტიპის დიაბეტის და სხვა დაავადებების პრევენციასაც.
თუმცა, კვების რაციონში იოგურტის ჩასმისას, მნიშვნელოვანია კეთილგონიერება. აირჩიეთ უბრალო, გემომიუცემელი, უშაქრო იოგურტი, რადგან შაქარმა შეიძლება გააქარწყლოს მისი სარგებელი — მაგალითად, გამოიწვიოს წონის მატება, რაც სიმსუქნისა და კიბოს რისკფაქტორია.
ფერმენტაციის სხვადასხვაგვარმა პროცესმა შეიძლება განაპირობოს სასარგებლო ბაქტერიების სხვადასხვა დონე; ამიტომ, აირჩიეთ ცოცხალი კულტურების შემცველი იოგურტი. ზოგადად, უბრალო, უშაქრო იოგურტი მდიდარია ცილებით და შეიცავს ცოტა შაქარს, ცხიმიან იოგურტს კი ხშირად უფრო ნაკლებად აქვს დამუშავებული ინგრედიენტები, ვიდრე ნაკლებად ცხიმიან ან უცხიმო ვარიანტებს.
იოგურტი შეიცავს ცხრავე აუცილებელ ამინომჟავას და გარდა იმისა, რომ აუმჯობესებს ნაწლავის ჯანმრთელობას, ერთი პორცია უბრალო ბერძნული იოგურტი შეიცავს 15-20 გრამ ცილას.
გაერთიანებულ სამეფოში წელიწადში ნაწლავის კიბოს 45 000 შემთხვევა ფიქსირდება და ის ამ ქვეყანაში კიბოს მეოთხე ყველაზე გავრცელებული სახეობაა, მსოფლიოში კი მესამე; თუმცა, შემთხვევათა დიდი ნაწილის პრევენცია შესაძლებელია.
