„ჰქონდა თანდაყოლილი კომბინირებული მანკი და გულის ოპერაცია ჩატარებული“ - რას ამბობენ ციციშვილის კლინიკაში, სადაც 4 თვის ჩვილი გარდაიცვალა

ციციშვილის ბავშვთა ახალი კლინიკის სამედიცინო დირექტორის, მაია ჩხაიძის განცხადებით, კორონავირუსით გარდაცვლილი 4 თვის ჩვილი რეანიმაციაში შეყვანის დროს უმძიმეს მდგომარეობაში იყო და ის ჰოსპიტალში მოთავსების დღიდან მართვით სუნთქვაზე ჰყავდათ.

„ბავშვი ჩვენთან 31 დეკემბერს შემოვიდა, იყო მართვით სუნთქვაზე, უმძიმესი პაციენტი, რომელიც დღენაკლული დაიბადა. ჰქონდა თანდაყოლილი კომბინირებული მანკი. გულის 1 ოპერაცია უკვე ჩატარებული ჰქონდა, თუმცა კიდევ ესაჭიროებოდა ოპერაცია. მისი ზოგადი მდგომარეობა იმდენად მძიმე იყო, რომ გუშინ ღამე გარდაიცვალა," - აღნიშნა მაია ჩხაიძემ.