1725743393
გერმანული გამოცემა Die Welt-ი მკითხველს „კავკასიის გვირგვინის“ შესახებ მოუთხრობს და სვანეთში ეპატიჟება
![სვანეთი სვანეთი](https://primetime.ge/uploads/files/2024/01/10/76592/svaneti_w_h.jpeg)
საქართველოს შესახებ გერმანული ავტორიტეტული გამოცემა წერს. ზამთრის სპორტის მოყვარულებს მოგზაურობას სვანეთში ურჩევენ.
„ის საქართველოს ჩრდილო-დასავლეთით მდებარეობს, იქ, სადაც მთები ცას სწვდებიან. მას „კავკასიის გვირგვინსაც“ კი უწოდებენ“, - ასე იწყება სტატია სვანეთზე, სადაც აღნიშნულია, რომ სვანეთი, გარდა თვალწარმტაცი ბუნებისა, თავს იწონებს კოშკებით, რომლებიც იუნესკოს მსოფლიო მემკვიდრეობის ძეგლებს წარმოადგენენ და რომ საქართველოს ეს კუთხე ზამთრის სპორტის მოყვარულებისთვის თავშეყრის ერთ-ერთი საუკეთესო ადგილია.
სტატიის მეშვეობით გერმანელი მკითხველი სვანურ სამზარეულოსაც ეცნობა. კუბდარი აღნიშნულია, როგორც ამ მხარის ტრადიციული კერძი, რომელიც ხორცითა და სანელებლებით მზადდება.