„გეოლოგების ჯგუფებმა შეაფასეს 541 ოჯახი და მდგრად ადგილზე გადაყვანას დაექვემდებარა 300-მდე ოჯახი“ - გარემოს ეროვნული სააგენტოს განცხადება

მაშველები

გარემოს ეროვნული სააგენტოს ინფორმაციით, გეოლოგების 3 ჯგუფი, საქართველოს ტერიტორიაზე განვითარებული სტიქიის ზონებში რჩება და მოვლენების შესწავლას ადგილზე აგრძელებს, მათ შორის 2 ჯგუფი იმერეთში და 1 ჯგუფი რაჭის ტერიტორიაზე იმყოფება.

მათივე ცნობით, იმერეთში დაფიქსირებულია მეწყრები, ხოლო რაჭაში მეწყრული და ღვარცოფული პროცესები.

"6-დან 12 თებერვლამდე გეოლოგების ჯგუფებმა შეაფასეს 541 ოჯახი (მათ შორის აჭარის რეგიონში), გატარდა საპრევენციო ზომები და მდგრად ადგილზე გადაყვანას დაექვემდებარა 300-მდე ოჯახი. სააგენტოს სპეციალისტების მიერ, შემდგომი დამცავი და სტიქიის საპრევენციო ღონისძიებების გასატარებლად გაიცა შესაბამისი რეკომენდაციები.
აღსანიშნავია, ბოლო დღეებში ქვეყნის მასშტაბით ინტენსიურად მიმდინარე თოვლის დნობის პროცესს თან დაერთო უხვი ატმოსფერული ნალექების მოსვლა წვიმის სახით, რომელმაც, თავის მხრივ, გამოიწვია ბუნებრივად ისედაც დაძაბულ ტერიტორიებზე სხვადასხვა სტიქიური პროცესების (მეწყერი, ღვარცოფი, წყალდიდობა, წყალმოვარდნა, თოვლის ზვავი) ჩასახვა-გააქტიურება," - ნათქვამია გავრცელებულ განცხადებაში.

ასევე დაგაინტერესებთ:

VIDEO: დედა დაგიბერდება, წავა... მერე გაგახსენდება, რომ შენი მოფერება უნდოდა, მაგრამ არ მოეფერე... დედის გული ძალიან ჩვილია - შალვა ამონაშვილი

ამინდი მკვეთრად შეიცვლება - ნახეთ, განახლებული პროგნოზი

VIDEO: ზვიად დოლიძის აღიარება მეუღლის წინაშე და ეთერში მიძღვნილი ლექსი, რომელმაც მაყურებელი აღაფრთოვანა