ფიზიკური თერაპევტი, ალექსი ბიძიშვილი გარდაიცვალა

ფიზიკური თერაპევტი ალექსი ბიძიშვილი, რომელიც 1 წლის განმავლობაში მკურნალობდა და თავის ტვინზე ურთულესი ოპერაციები ჩაუტარდა, გარდაიცვალა.

ამის შესახებ ინფორმაციას სოციალურ ქსელში მისი ახლობლები ავრცელებენ:

„ჩვენ ბედნიერი მეგობრობა გვქონდა. დაგვტოვა ერთწლიანი ურთულესი ბრძოლის მიუხედავად აღარ გვყავს სიკეთით სავსე მეგობარი. ღმერთს მადლობა შენი მეგობრობა რომ გვარგუნა. სიტყვები ზედმეტია, შენ ისეთი საუკეთესო იყავი და იქნები ჩვენს გულებში მუდამ...“ - წერს გარდაცვლილის მეგობარი.

ცნობისთვის, ალექსი ბიძიშვილი „ავერსის კლინიკიდან“, კომატოზურ მდგომარეობაში, უამრავი გართულებით თურქეთის ერთ-ერთ კლინიკაში გადაიყვანეს, მან 11 თვე იბრძოლა, თუმცა, ექიმებმა მისი გადარჩენა ვერ შეძლეს.