„ფილტვებში წყალი ჩაუდგა, ჟანგბადის აპარატზეც იყო“ - რამ გამოიწვია ლელა კაკულიას ჯანმრთელობის მდგომარეობის დამძიმება

ლელა კაკულია

ლელა კაკულიამ კორონავირუსი გადაიტანა. მისმა შვილმა, თამარ პატარაიამ დედის ჯანმრთელობის შესახებ, ჟურნალ „სარკესთან“ ისაუბრა.

„დედას ფილტვებში წყალი ჩაუდგა და პნევმონია განვითარდა. მედიკამენტების საშუალებით გამოჯანმრთელდა. ჟანგბადის აპარატზეც იყო, რომ ამომშრალიყო ის სითხე, რაც ფილტვებში დაგროვდა. მერე ნევროლოგი მოვიყვანეთ და მისმა დანიშნულმა მედიკამენტებმა დიდი შედეგი გამოიღო. სამწუხაროდ, სისუსტე მაინც დარჩა და იმედია, დროთა განმავლობაში ამ მდგომარეობიდანაც გამოვა... დედას ნაწინასწარმეტყველები აქვს, რომ ეს იქნება ყველას მოსახდელი ვირუსი. რომც აიცრამ, მაინც შეხვდებათ,“- ამბობს თამარ პატარაია.