ეს რა გადავიტანეთ. ალბათ ყველაზე მტკივნეული ეგ იყო, ერთბაშად მოხუცდა და მოწყდა – ზალიკო ბერგერის ემოციები მამაზე

დიზაინერმა ზალიკო ბერგერმა ერთ-ერთ გადაცემაში ბავშვობის წლები გაიხსენა და მამაზე ისაუბრა.

ბერგერი მძიმე წლებს იხსენებს და იმ გასაჭირზე ჰყვება, რომელიც მისმა ოჯახმა გადაიტანა.

„მამა მე-9 კლასამდე ცოცხალი იყო, მახსოვს. ძალიან კარგი იყო, არასდროს მომთხოვნი არ იყო, სულ თავის საქმეში იყო. მეცნიერ-მუშაკი იყო, მუდამ შრომობდა. 

ბავშვი, ვიყავი სამ მანეთიანები იყო მაშინ საბჭოთა კავშირის დროს, საბნის ქვეშ ფულს, მე ცალკე ვპარავდი დღეში 30 მანეთს, ისე, რომ ვერ იგებდა და ბელა ცალკე ჰპარავდა.

შემდეგ დარჩა უმუშევარი, რასაც ინახავდა გაუკუპონდა, პურის რიგში, რომ იდგა და ღმერთო, ეს რა გადავიტანეთ მართლა?. ალბათ ყველაზე მტკივნეული ეგ იყო, ის პერიოდი იმდენად სიკვდილი არა რამდენადაც თვითონ როგორ განიცდიდა იმას, რომ პურის რიგში უნდა მდგარიყო. ერთბაშად მოხუცდა და მოწყდა, მარილიან წყალში რომ ვაცხელებდით პურს ტაფაზე და ეგ იყო მთელი საჭმელი. დაემართა პარკინსონი“, – ამბობს ზალიკო ბერგერი.