„ერთი ტყვიით დაიღუპა ორივე...“ - ქუთაისი ორ მოკლულ მეგობარს გლოვობს

ქუთაისი ორ მოკლულ მეგობარს გლოვობს. 

სოციალურ ქსელში ახლობლები წერენ, რომ ორი ახალგაზრდა ერთმა ტყვიამ იმსხვერპლა. 

„ბრმა ტყვიას ემსხვერპლა, ერთი ტყვიით დაიღუპა ორივე...“

დაღუპულს შორის ერთ-ერთი მოკ­ლუ­ლი ქუ­თა­ი­სის მე­რი­ის ყო­ფი­ლი თა­ნამ­შრო­მე­ლი ვა­სილ მე­ბუ­რიშ­ვი­ლია. ის წლე­ბის წინ მე­რი­ის არ­ქი­ტექ­ტუ­რი­სა და ზე­დამ­ხედ­ვე­ლო­ბის სამ­სა­ხურს ხელ­მძღვა­ნე­ლობ­და. მას მე­უღ­ლე და მცი­რე­წლო­ვა­ნი შვი­ლი დარ­ჩა.

წყალტუბო-ქუთაისის გზაზე მომხდარ მკვლელობასთან დაკავშირებით ცნობილი ხდება, რომ ინციდენტი სამ მეგობარს შორის ურთიერთშელაპარაკებით დაიწყო.

არსებული ინფორმაციით, მეგობრები რესტორანში ქეიფობდნენ, იქიდან გამოსვლის შემდეგ კი ნასვამ მდგომარეობაში მყოფები რესტორნის მიმდებარე ტერიტორიაზე ერთმანეთს სიტყვიერად დაუპირისპირდნენ. ერთ-ერთმა სიტუაციის განმუხტვის მიზნით, რეგისტრირებული ცეცხლსასროლი იარაღი ამოიღო და სავარაუდოდ, შემთხვევით, ერთი გასროლით ორი მეგობრის სიცოცხლე შეიწირა.

პოლიციამ დამნაშავე ცხელ კვალზე დააკავა.