ექიმები მშობლებს მოუწოდებენ, სიმპტომების არსებობის შემთხვევაში, შვილები სკოლაში არ წაიყვანონ

სასწავლო პროცესის დაწყებას არსებულ ეპიდვითარებაში დამატებით გამოწვევად მიიჩნევენ ეპიდემიოლოგები. ექიმები მოუწოდებენ მშობლებს, სიმპტომების არსებობის შემთხვევაში, შვილები სკოლაში არ წაიყვანონ და სწრაფ ტესტთან ერთად, ვირუსის გამოსავლენად PCR ტესტი გამოიყენონ.

შეგახსენებთ, რომ სწორედ დღეიდან შედის ძალაში შედის კორონავირუსის გამო თვითიზოლაციისა და კარანტინის ახალი ვადები. სიახლე უსიმპტომო და მსუბუქი შემთხვევებისთვის იზოლაციას მხოლოდ 8 დღეს ითვალისწინებს. ვადები იცვლება კოვიდინფიცირებულებთან კონტაქტში მყოფთათვისაც.