დემნა: როდესაც „ბალენსიაგა“ გაცვია, ამით ამბობ, რომ იცი, დღეს მსოფლიოში რა ხდება

მოდის ერთ-ერთი ყველაზე გამორჩეული სახე,  მეამბოხე დიზაინერი დემნა გვასალია მსოფლიოში განვითარებულ მოვლენებს ფეხდაფეხ მიჰყვება. ის ყოველთვის ცდილობს, საკუთარ შემოქმედება ისტორიული სიმბოლოებით დატვირთოს. 

აღსანიშნავია, რომ დემნა უკრაინაში განვითარებულ მოვლენებს ჩვეული ორიგინალურობით გამოეხმაურა. Balenciaga-ს 2022 წლის შემოდგომა/ზამთრის კოლექციის ჩვენება რუსეთ-უკრაინის ომს მიეძღვნა. მისი თქმით, როდესაც „ბალენსიაგა“ გაცვია, ეს ნიშნავს, რომ იცი დღეს მსოფლიოში რა ხდება.

„მოდაში ყოველთვის არსებობდა რამდენიმე ბრენდი, რომლის ტარება კულტურული და სოციალური სიგნალი იყო. დღეს ბალენსიაგა არის ეს ბრენდი. როდესაც ბალენსიაგა გაცვია, ამით ამბობ, რომ იცი დღეს მსოფლიოში რა ხდება. ხალხი ამაში იხდის ფულს“, - ამბობს დიზაინერი.