„დავით ჯელაძე როგორც ესაუბრებოდა ურთულეს წუთებში 6 წლის მაშოს... მისი ბავშვთან ურთიერთობა მინდა მახსოვდეს მთელი ამ ჯოჯოხეთის სინათლედ“ - ანა არგანაშვილი

„პარტნიორობა ადამიანის უფლებებისთვის“ ხელმძღვანელი, ანა არგანაშვილი შოვის ტრაგედიის დროს, დავით ჯელაძისა და მისი დისშვილის ბრძოლის ისტორიას სოციალურ ქსელში ეხმიანება:

„ძალიან შეეშინდა.. იმ ხემდე უნდა მივიდეთ, რომ გადავრჩეთ-მეთქი, მეწყერი დაგვეჯახა და მაშო მხრებთან აღარ მყავდა, დავინახე, ნახევრად მიწაში იყო ჩაფლული“ – როგორ გადაურჩა დავით ჯელაძე დისშვილთან ერთად შოვის სტიქიას

„დავით ჯელაძე როგორც ესაუბრებოდა ურთულეს წუთებში 6 წლის მაშოს, უთანხმებდა ყველაფერს, უხსნიდა (ასაკის შესაბამისად), ამხნევებდა, თან მისი გადარჩენისთვის იბრძოდა, მის უსაფრთხოებას პირველ რიგში აყენებდა – ეგ არის მთელი ბავშვის უფლებათა კონვენცია და კოდექსი ერთად.

მისი ბავშვთან ურთიერთობა, მინდა მახსოვდეს, მთელი ამ ჯოჯოხეთის სინათლედ“, – წერს ანა არგანაშვილი სოციალურ ქსელში.