დამწვარია 300 კვადრატული მეტრი ფართი - რა ხდება ამ წუთებში „კიდობანში“

საგანგებო სიტუაციების მართვის სამსახურის უფროსის თეიმურაზ მღებრიშვილის განცხადებით, სავაჭრო ცენტრ „კიდობანში“ ხანძარი სრულად ლიკვიდირებულია.

„ამ დროისთვის ხანძარი სრულად ლიკვიდირებულია. ხანძრის შეტყობინების შემდეგ, დაახლოებით, 5 წუთში გამოცხადდნენ სახანძრო- სამაშველო ეკიპაჟები. მობილიზებული იყო 17-ი სახანძრო სპეცტექნიკა. შენობიდან მოხდა დაახლოებით 20 მოქალაქის უსაფრთხოდ ევაკუაცია. დაშავებული არავინ არ არის, დამწვარია სარესტორნო ფართის დაახლოებით 300 კვადრატული მეეტრი“, - განაცხადა საგანგებო სიტუაციების მართვის სამსახურის უფროსმა თემურ მღებრიშვილმა.