ჩაქვში, ქარისგან დანგრეული სახლის ნანგრევებში ქალი მოყვა - როგორია მისი მდგომარეობა

სტიქია

ძლიერმა ქარმა ქობულეთში ხე მოგლიჯა, რომელიც მოძრავ მანქანას დაეცა. 40 წლამდე მამაკაცი ადგილზე დაიღუპა; ჩაქვში კი მაშველებმა ძლიერი ქარის შედეგად დანგრეული სახლიდან ასაკოვანი ქალი გამოიყვანეს - ის საავადმყოფოშია.

ჩაქვში ძლიერმა ქარმა სახლი დაანგრია, ნანგრევებში მოყოლილი 80 წლამდე ქალი სხეულის დაჟეჟილობებით კლინიკაში გადაიყვანეს. მისი ჯანმრთელობის მდგომარეობა, ამ მომენტისთვის, დამაკმაყოფილებელია, მის სიცოცხლეს საფრთხე არ ემუქრება.

თუ რა ზარალი მიადგა მოსახლეობას გასულ ღამეს, დღის ბოლოსთვის გახდება ცნობილი.